თეგი: სარაკეტო დარტყმა
უკრაინა: რუსმა ოკუპანტებმა დონეცკში, ქალაქი ბახმუტი "ურაგანის" რაკეტებით დაბომბეს
რუსმა დამპყრობლებმა ბახმუტის ცენტრს სარაკეტო შეტევა განახორციელეს, არის მსხვერპლი. ინფორმაციას უკრაინის ეროვნული პოლიცია ავრცელებს. ბრიტანეთის დაზვერვა: რუსეთის ჯარების შემდეგი სამიზნეები სევერსკი და ბახმუტი იქნება როგორც უკრაონის გენერალურ პროკურატურაში განმარტეს, ქალაქ ბახმუტში ურაგანის MLRS-დან დამპყრობლების მიერ დაბომბვის შედეგად 6-მა მშვიდობიანმა მოქალაქემ ნაღმების აფეთქებით და ნამსხვრევებით ჭრილობები მიიღო. „დამპყრობელთა ჭურვები მოხვდა ადგილობრივი ბაზრის ადმინისტრაციასა და მაღაზიების შენობებს, რის შედეგადაც 6 მშვიდობიანი მოქალაქე დაიჭრა. გარდა ამისა, მთლიანად განადგურდა 10-მდე მრავალსართულიანი და კერძო სახლი. დაზიანდა, დაიწვა მანქანები“, - ნათქვამია ანგარიშში.
უკრაინული მედია: სამხრეთ უკრაინა მასიური სარაკეტო თავდასხმის ქვეშაა
რუსეთის ძალებმა სამხრეთ უკრაინაზე მასიური სარაკეტო იერიში შავი ზღვიდან დღეს დილით მიიტანეს. ამ ინფორმაციას უკრაინული მედია ავრცელებს. ოპერატიული სარდლობა სამხრეთის Facebook-ზე გავრცელებულ განცხადებაში ნათქვამია, რომ მასიური სარაკეტო შეტევა განხორციელდა სამხრეთ უკრაინაზე, მათ შორის შავი ზღვიდან. „გაისროლეს საჰაერო ბაზირებული რაკეტა“, - ნათქვამია ინფორმაციაში. ოდესის რეგიონში რუსული რაკეტები ზღვისპირა დასახლებებში ცალკეულ სახლებს მოხვდა, რამაც ხანძარი გამოიწვია. შემთხვევის ადგილზე მაშველები მუშაობენ. წინასწარი მონაცემებით, მშვიდობიან მოსახლეობაში მსხვერპლი არ არის. გარდა ამისა, რუსული ჯარები თავს დაესხნენ მიკოლაივის რეგიონის საპორტო ინფრასტრუქტურას. ხერსონის რეგიონის დროებით ოკუპირებული ტერიტორიიდან S-300 სარაკეტო სისტემით ასევე დაარტყეს მიკოლაევის რეგიონს. ოპერატიული სარდლობის ინფორმაციით, დაზიანებულია ადგილობრივი ავტობაზრობა და სხვა ღია ადგილები. ინფორმაცია ნგრევისა და მსხვერპლის მასშტაბის შესახებ ჯერ არ არის გადამოწმებული. რუსეთის ცენტრალური სამხედრო ოლქის მეთაურის მოადგილე რუსტამ მინეკაევმა აპრილში განაცხადა, რომ სამხრეთ უკრაინაზე სრული კონტროლი რუსეთს მიერ მოლდოვის ოკუპირებულ ნაწილზე წვდომის საშუალებას მისცემს.
ზაპოროჟიეზე რუსეთის ძალების სარაკეტო იერიშს 31 ადამიანის სიცოცხლე შეეწირა
ზაპოროჟიეს ოლქის გუბერნატორმა, ალექსანდრ სტარუხმა განაცხადა, რომ კიდევ ერთი ადამიანი დაიღუპა რუსეთის ძალების სარაკეტო იერიშის შემდეგ. შედეგად, დაღუპულთა რიცხვი 31-მდე გაიზარდა. ინფორმაციას უკრაინული მედია ავრცელებს. სტარუხის ინფორმაციით, 2 ოქტომბრის ღამით, რუსულმა ძალებმა ქალაქს და მის მიმდებარე ტერიტორიას დაარტყეს. ამასთან, პოლიციის უფროსმა იჰორ კლიმენკომ განაცხადა, რომ თავდასხმის შედეგად 92 ადამიანი დაშავდა.
