15 წლის მარიამ მურღვლიანი ძალოსნობაში ევროპის ჩემპიონი გახდა.
მარიამი 81 კგ. წონით კატეგორიაში ასპარეზობდა. მან სამივე დისციპლინაში საუკეთესო შედეგი აჩვენა და სამი ოქროს მედალი მოიპოვა.
ამის გარდა, მარიამმა ევროპის ჩემპიონატზე მიყოლებით 3 რეკორდიც დაამყარა.
აღნიშნულ წონით კატეგორიაში ვერცხლის მედალი თურქეთის წარმომადგენელმა მოიპოვა, ბრინჯაო კი - პოლონეთის წარმომადგენელს შეხვდა.
ჭაბუკ ძალოსანთა (15 და 17-წლამდელები) ევროპის ჩემპიონატი პოლონეთში იმართება.
