გასულ კვირას, როგორც საჯარო, ისე კერძო სკოლებში აცრის მაჩვენებლები შეისწავლეს. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. მისი თქმით, საჯარო სკოლების მთლიანი პერსონალის 55%, მინიმუმ, ერთი დოზითაა აცრილი. სრულად აცრილია 33%. პედაგოგების, მინიმუმ ერთი დოზით აცრის მაჩვენებელია 58%. საიდანაც სრულად აცრილია 36%.
"განსხვავებაა საჯარო და კერძო სკოლებს შორის. ორჯერადი აცრების თვალსაზრისით, ეს მაჩვენებელი ორივეგან 50%-ს დაბლაა. ოქტომბერში სწავლა აუცილებლად უნდა დაიწყოს. დაავადებათა კონტროლის ცენტრი ადასტურებს მზაობას, რომ ყველამ, თავისი კომპეტენციის ფარგლებში, ყველაფერი გააკეთოს, რომ სწავლა აღდგეს.სასურველია, რომ სკოლებში, მასწავლებლებისა და ადმინისტრაციული პერსონალის აცრის მაჩვენებელი 80% იყოს.
ჩვენ ასევე ვითვლით, თუ რამდენ მასწავლებელს აქვს ვირუსი გადატანილი. მარტო მასწავლებლები არ არიან მნიშვნელოვნები. როდესაც ჩვენ ვსაუბრობთ, რომ გვინდა, ჩვენმა ბავშვებმა სკოლებში იარონ, ბავშვის ოჯახის წევრებმა - მშობლებმა, ბებია-ბაბუებმა, თუ ერთად ცხოვრობენ, კეთილი უნდა ინებონ და იყვნენ აცრილები.
საჯარო სკოლების მთლიანი პერსონალის 55%, მინიმუმ, ერთი დოზითაა აცრილი. სრულად აცრილია 33%. პედაგოგების, მინიმუმ ერთი დოზით აცრის მაჩვენებელია 58%. საიდანაც სრულად აცრილია 36%.
კერძო სკოლების პედაგოგებიდან, მინიმუმ ერთი დოზით, აიცრა 64%, სრულად - 44%, საიდანაც ყველაზე მაღალი მაჩვენებლი გვაქვს თბილისში -70%.
ეს გვაქვს დათვლილი ამ ეტაპზე, მაღალმთიან სკოლებთან მიმართებით, სადაც დაანონსებულია, რომ სწავლა 4 ოქტომბერს უნდა აღდგეს, ჩვენ ცალკე შევისწავლეთ კიდევ 332 მაღალმთიანი სკოლა, დაახლოებით, 10 000 მოწაფით და 6 700-მდე პედაგოგ-მასწავლებლითა და ადმინისტრაციული პერსონალით, 1,08% გვქონდა დაინფიცირების მაჩვენებელი ბავშვებში, ანუ მოსწავლეებში, რაც დაბალია და კარგია. ასევე ბოლო 6 თვეში, 415 პედაგოგია, აქედან 6% იყო დაინფიცირებული და 25% ამ სკოლებში პედაგოგებისა, იყო აცრილი, ამას ვითვლით", - განაცხადა გამყრელიძემ.
დაავადებათა კონტროლის ცენტრის ხელმძღვანელი ამირან გამყრელიძე სტუდენტებს მოუწოდებს, გააქტიურდნენ და ვაქცინაციაში ჩაერთონ.
"სამწუხაროდ, ვაქცინაციის ყველაზე დაბალი მაჩვენებელი სტუდენტებში გვაქვს. 138 ათასამდე სტუდენტია საქართველოში - ბაკალავრები, მაგისტრები, დოქტორანტები. სრულად აცრის საშუალო მაჩვენებელი 17%-ია, რაც დაბალია. მოვუწოდებ სტუდენტებს, რომ, თუ გვინდა, რომ დასწრებით სწავლება იყოს, უფრო ვიაქტიუროთ და მივცეთ მაგალითი. ამასთანავე, სტუდენტებში ინფექცია, დაახლოებით, 9,5%-მა გადაიტანა", - აღნიშნა ამირან გამყრელიძემ.
