თურქეთში, მუღლის პროვინციაში სკოლის მიკროავტობუსი და ტურისტების ავტობუსი ერთმანეთს შეეჯახნენ, რის შედეგადაც დაიღუპა 1 და დაშავდა 49 ადამიანი.
გავრცელებული ინფორმაციით, ავტობუსი დაეჯახა მიკროავტობუსს, რომელშიც სკოლის მოსწავლეები იმყოფებოდნენ. ტურისტული ავტობუსის მძღოლი ადგილზე გარდაიცვალა. წინასწარი მონაცემებით, მას გულის შეტევა ჰქონდა.
დაშავებულებს შორის 41 უკრაინელი ტურისტი, 7 მოსწავლე და სკოლის მიკროავტობუსის მძღოლია. ყველა მათგანი საავადმყოფოებში გადაიყვანეს.
