გორის სამხედრო ჰოსპიტლის გარე პერიმეტრსა და ეზოში მთელი ღამის განმავლობაში დამატებით კამერების მონტაჟი მიმდინარეობდა.
თავდაცვის სამინისტროს გორის სამხედრო ჰოსპიტლის ტერიტორიაზე, სადაც წუხელ გვიან ღამით გლდანის მე-18 სამკურნალო დაწესებულებიდან მიხეილ სააკაშვილი გადაიყვანეს, დილიდან გამკაცრებულია კონტროლი.
სამედიცინო დაწესებულების შიდა პერიმეტრს თავდაცვის სამინისტროს სამხედრო პოლიციის დანაყოფები აკონტროლებენ. ჰოსპიტლის გარე პერიმეტრზე კი შინაგან საქმეთა სამინისტროს საპოლიციო ჯგუფებია განლაგებული.
