ზუგდიდი-ჯვარი-მესტიის საავტომობილო გზის 43-ე კილომეტრზე, მეწყერმა მთის კალთა ჩამოშალა, რამაც მესტია-ზუგდიდის ცენტრალური მაგისტრალის პარალიზება გამოიწვია. წალენჯიხის მუნიციპალიტეტის მერიის ინფორმაციით, სოფელ ბარჯასთან ყველა სახის ავტოსატრანსპორტო საშუალების გადაადგილება აკრძალულია.
უსაფრთხოებას საგანგებო სიტუაციების მართვის სამსახური იცავს, ხოლო აღდგენით სამუშაოებს გზების დეპარტამენტი ასრულებს. სტიქიის ზონაში იმყოფება წალენჯიხის მერი გიორგი ხარჩილავა.
სამეგრელო-ზემო სვანეთის რწმუნებულის ადმინისტრაციაში აცხადებენ, გზის ნაწილი სავარაუდოდ, გამთენიისას გაიხსნება.
