იანვარში კორონავირუსით რეინფიცირების რაოდენობამ 50 ათას შემთხვევას გადააჭარბა, - ამის შესახებ "კურიერთან" დაავადებათა კონტროლის ეროვნული ცენტრის ხელმძღვანელმა განაცხადა. ამირან გამყრელიძის თქმით, ომიკრონის დამახასიათებელი ნიშნებიდან ერთ-ერთი ყველაზე მნიშვნელოვანი არის ის, რომ გვერდს უვლის სხვა შტამებს და რეინფიცირების შანსი ბევრად დიდია, ვიდრე სხვა ვარიანტების დროს.
"ომიკრონის ცირკულაცია გაიზარდა, ის 14 პროცენტი იყო რეინფიცირებისა იმ 1800 ლაბორატორიულად დადასტურებულ შემთხვევებში, სადაც სეკვენირება ჩატარდა და ომიკრონ-სპეციფიკური ტესტები იქნა გამოყენებული. აბსოლუტურ რიცხვში დაითვალეს ჩვენებმა და 50 000-ზე მეტი, დაახლოებით 57 ათასამდე რეინფიცირების შემთხვევა იყო იანვარში," - აღნიშნავს ამირან გამყრელიძე.
ამასთან, გამყრელიძის თქმით, ქვეყანა ახლა კოვიდის გავრცელების პიკში იმყოფება, რომელიც ხანგრძლივად გრძელდება.
