"ოფელ შახმარლოში მიწისძვრის შედეგად დაზიანებული სახლის მდგომარეობას კომისია შეისწავლის, რის შემდეგაც ოჯახს ზარალი აუნაზღაურდება", - ამის შესახებ დმანისის მუნიციპალიტეტის მერმა კობა მურადაშვილმა ჟურნალისტებთან განაცხადა.
"როგორც სეისმოლოგიის ცენტრმა გვაცნობა, დაახლოებით 6.2 მაგნიტუდის მიწისძვრა იყო. ამ ეტაპზე რაც დავაფიქსირეთ, ეს არის დმანისის მუნიციპალიტეტის სოფელ შახმარლოში, შაბან კოჯაევის ოჯახში, სადაც საცხოვრებელი სახლის კედლის ნგრევა მოხდა. შევისწავლეთ სახლის ამჟამინდელი მდგრადობა, შექმნილია შესაბამისი კომისია და ზარალს აუცილებლად ავუნაზღაურებთ“, – განაცხადა კობა მურადაშვილმა.
ცნობისთვის, გუშინ, საქართველოში 6.2 მაგნიტუდის სიძლიერის მიწისძვრა მოხდა. რამდენიმე სოფელს დროებით შეუწყდა ელექტრომომარაგება.
