აზერბაიჯანმა კრემლის გავლენის ქვეშ მყოფი „რია ნოვოსტის“ ონლაინ საინფორმაციო რესურსზე წვდომა შეზღუდა, ამის შესახებ აზერბაიჯანული მედია ქვეყნის ციფრული განვითარებისა და ტრანსპორტის სამინისტროზე დაყრდნობით იუწყება.
მედიის ცნობით, მიღებული გადაწყვეტილება უკავშირდება „რია ნოვოსტის“ მიერ აზერბაიჯანის რესპუბლიკის კანონმდებლობის დარღვევას.
„რია ნოვოსტის მიერ აზერბაიჯანის ტერიტორიული მთლიანობის წინააღმდეგ მიმართული ინფორმაციის გავრცელება, რომელიც ცილისმწამებლური და სეპარატისტულ ტენდენციებს უწყობს ხელს, წარმოადგენს „ინფორმაციის, ინფორმატიზაციისა და ინფორმაციის დაცვის შესახებ“ კანონის მოთხოვნების დარღვევას და ამ კანონის საფუძველზე, აზერბაიჯანის ტერიტორიაზე ამ სააგენტოს საინფორმაციო ინტერნეტ რესურსზე წვდომა შეზღუდულია“, - აღნიშნავს სააგენტო.
