შინაგან საქმეთა სამინისტროს ოფიციალური სტატისტიკის მიხედვით, მიმდინარე წლის სექტემბერში რუსეთის ფედერაციიდან საქართველოში წინა პერიოდებთან შედარებით ყველაზე მეტი ადამიანი შემოვიდა. გასულ წელთან შედარებით (როცა კორონავირუსის პანდემიის გამო შეზღუდვები მოქმედებდა), მონაცემები 511 პროცენტით არის გაზრდილი.
სტატისტიკას რადიო თავისუფლება ავრცელებს.
2022 წლის სექტემბერში საქართველოში რუსეთიდან 222 274 ადამიანი შემოვიდა, გასულ წელს კი - 36 407. მონაცემები გაზრდილია პანდემიამდე პერიოდთან შედარებითაც. 2019 წელს ყველაზე მეტი ვიზიტორი საქართველოს აზერბაიჯანიდან ჰყავდა, მეორე ადგილზე იყო რუსეთი, 163 316 ადამიანით.
შეგახსენებთ, რუსეთში ნაწილობრივი სამხედრო მობილიზაციის გამოცხადების შემდეგ, საქართველოში გამშვებ პუნქტ „ყაზბეგის“ გავლით რუსეთიდან შემომსვლელთა რაოდენობა გაიზარდა.
