საგარეჯოს მუნიციპალიტეტის სოფელ ჩაილურში, ნიახურის ციხის დაზიანების ფაქტზე, შინაგან საქმეთა სამინისტრომ გამოძიება დაიწყო.
გამოძიება სისხლის სამართლის კოდექსის 259-ე 2 პრიმა მუხლით მიმდინარეობს, რაც კულტურის ძეგლის დაზიანებას გულისხმობს.
ვიდეო, რომლის გამოქვეყნების შემდეგაც შსს-მ გამოძიება დაიწყო, სოციალურ ქსელში 15 დეკემბერს გავრცელდა. ვიდეოკადრში, ორი ადამიანი ჩანს, ერთ-ერთი მათგანი ციხის შესასვლელ კარს ფეხს ურტყამს და ორივე მათგანი რუსულ ენაზე ლაპარაკობს.
