რუსი სამხედროების დროებითი კონტროლის ქვეშ მყოფი შუშა-ხანკენდის საავტომობილო გზის მონაკვეთზე, აზერბაიჯანელი გარემოსდაცვითი აქტივისტებისა და არასამთავრობო ორგანიზაციების წარმომადგენლების მიერ ინიცირებული საპროტესტო აქცია უკვე მერვე დღეა გრძელდება.
აქცია შუშის მახლობლად ხანკენდის სომხეთთან დამაკავშირებელ გზაზე 12 დეკემბერს დაიწყო.
აქციის მონაწილეები სიცივის მიუხედავად ტერიტორიას არ ტოვებენ. აქტივისტები სკანდირებენ ლოზუნგებს გარემოსდაცვითი ტერორის, საბადოების უკანონო ექსპლუატაციის წინააღმდეგ და ასევე ყარაბაღში რუსული სამხედრო კონტინგენტის მეთაურთან, ანდრეი ვოლკოვთან შეხვედრას მოითხოვენ.
11 დეკემბერს აზერბაიჯანის საგარეო საქმეთა სამინისტრომ რუსეთს საპროტესტო ნოტა გადასცა აზერბაიჯანის ტერიტორიაზე დროებით დისლოცირებული რუსული სამხედრო კონტინგენტის საქმიანობასთან დაკავშირებით.
ნოტა გადაეცა ინციდენტთან დაკავშირებით, რომლის დროსაც აზერბაიჯანელი ექსპერტების ჯგუფი ვერ აკონტროლებდა ეკოლოგიურ მდგომარეობას რუსი სამხედროების დროებითი განლაგების ტერიტორიებზე.
