რუსეთში, ბოლო დღე-ღამის განმავლობაში, კორონავირუსის 11 115 ახალი შემთხვევა გამოვლინდა და დაინფიცირებულთა საერთო რაოდენობამ 1 248 619-ს მიაღწია, - ამის შესახებ ინფორმაციას კორონავირუსთან ბრძოლის მიზნით შექმნილი ოპერატიული შტაბი ავრცელებს.
მათივე ინფორმაციით, კორონავირუსით რუსეთში კიდევ 202 ადამიანი გარდაიცვალა და ლეტალური შემთხვევების რიცხვმა, საერთო ჯამში, 21 900-ს გადააჭარბა.
ოფიციალური სტატისტიკით, რუსეთში კოვიდ 19-სგან 995 000-მდე პაციენტი გამოჯანმრთელდა, აქედან 6 699 - ბოლო 24 საათში.
ცნობისთვის, მსოფლიოში ინფიცირებულების რაოდენობით, აშშ-ს, ინდოეთისა და ბრაზილიის შემდეგ რუსეთი მეოთხე ადგილზეა.
