ოფიციალური პირები არ აკონკრეტებენ როდის და რა მიზნებისთვის გამოიყენეს უკრაინელმა სამხედროებმა რაკეტები. უკრაინის თავდაცვის სამინისტრომ ამ საკითხზე კომენტარის გაკეთებაზე უარი განაცხადა, წერს CNN.
დიდი ბრიტანეთი გახდა პირველი ქვეყანა, რომელმაც უკრაინას მიაწოდა იარაღი, რომელსაც შეუძლია, მიაღწიოს სამიზნეებს რუსეთის მიერ ოკუპირებულ ტერიტორიებზე.
Storm Shadow მხოლოდ მცირედით ჩამოუვარდება აშშ-ის მიერ წარმოებულ ATACMS-ის სისტემას, რომელსაც უკრაინა დიდი ხანია, ითხოვს.
ასეთ რაკეტებს შეუძლიათ, მიაღწიონ რუსეთის ტერიტორიაზე, მაგრამ კიევი გაერთიანებული სამეფოს მთავრობას დაჰპირდა, რომ არ გამოიყენებდა მათ რუსეთის შიგნით სამიზნეების დასარტყმელად. ამის ნაცვლად, უკრაინა აცხადებს, რომ ის გამოიყენებს შორ დისტანციურ იარაღს ყირიმში და უკრაინის აღმოსავლეთის ოკუპირებულ ტერიტორიებზე რუსეთის სამეთაურო ცენტრებზე, მიწოდების ხაზებზე, საბრძოლო მასალისა და საწვავის საცავებზე თავდასხმისთვის.
შეგახსენებთ, გაერთიანებულმა სამეფომ უკრაინას მიაწოდა ფრთოსანი რაკეტები Storm Shadow, რაც სამხედროებს აძლევს შორ მანძილზე დარტყმის შესაძლებლობას რუსული ძალების წინააღმდეგ მოსალოდნელი კონტრშეტევის წინ.
CNN-ს დასავლელ ოფიციალურ პირებზე დაყრდნობით წერდა, რომ Storm Shadow არის შორი დისტანციის ფრთოსანი რაკეტა სტელს კონსტრუქციით, ერთობლივად შემუშავებული დიდი ბრიტანეთისა და საფრანგეთის მიერ, რომელიც, როგორც წესი, გაშვებულია ჰაერიდან, მოქმედების რადიუსი - 250 კმ-ზე (155 მილზე) მეტი.
კრიტიკულად, Storm Shadow-ს აქვს დიაპაზონი, რომ დაარტყას ღრმად რუსეთის მიერ კონტროლირებად ტერიტორიებს აღმოსავლეთ უკრაინაში.
