Forbes-ის თანახმად, წმინდა მოგების მიხედვით, უმსხვილესი რუსული კომპანიების ყოველწლიურ რეიტინგში, 2023 წლის ლიდერმა - „გაზპრომმა“ არამხოლოდ დაკარგა პოზიცია 2024 წელს, არამედ, ტოპ ასეულშიც ვერ მოხვდა.
პირველად 25 წლის განმავლობაში, „გაზპრომმა“ 2023 წელი 629 მილიარდი რუბლის ზარალით დახურა, ხოლო ერთი წლით ადრე მისმა მოგებამ 1,23 ტრილიონი რუბლი შეადგინა.
კომპანიის მენეჯმენტისთვის მომზადებული შიდა ანგარიშის მიხედვით, მომდევნო ათი წლის განმავლობაში გაზის ექსპორტის წინა დონემდე აღდგენა შეუძლებელი იქნება.
„გაზპრომის“ ზარალის მთავარი მიზეზი გაზის მოპოვებისა და ევროპისთვის მიწოდების მკვეთრი ვარდნა იყო, რაც უკრაინაზე თავდასხმის გამო რუსეთის მიმართ დაწესებული სანქციებით იყო გამოწვეული.
