საფრანგეთის პრეზიდენტმა ემანუელ მაკრონმა განაცხადა, რომ საფრანგეთის საზღვაო ძალებმა რუსეთიდან მომავალი ტანკერი დააკავა და უკან გააბრუნა.
„ჩვენ არ შევეგუებით არცერთ დარღვევას. დღეს დილით, საფრანგეთის საზღვაო ძალები რუსეთიდან მომავალ ტანკერზე იყო გადასხმული, რომელიც საერთაშორისო სანქციები ქვეშ არის და ცრუ დროშით მოქმედებაში იყო ეჭვმიტანილი.
ეს ოპერაცია ხმელთაშუა ზღვაში ჩატარდა, ჩვენი რამდენიმე მოკავშირის მხარდაჭერით. ის გაეროს საზღვაო სამართლის კონვენციის სრული დაცვით განხორციელდა.
სასამართლო გამოძიება დაიწყო. გემი გააბრუნეს.
გამიზნული გვაქვს საერთაშორისო სამართლის დაცვა და სანქციების ეფექტიანი აღსრულების უზრუნველყოფა.
“ჩრდილოვანი ფლოტის” საქმიანობას წვლილი შეაქვს უკრაინის წინააღმდეგ აგრესიული ომის დაფინანსებაში,” - წერს მაკრონი.
მას უკვე გამოეხმაურა უკრაინის პრეზიდენტი. ზელენსკის თქმით, სწორედ ასეთი მტკიცე გადაწყვეტილებაა საჭირო იმისათვის, რომ რუსული ნავთობით აღარ ფინანსებოდეს რუსეთის მიერ წარმოებულ ომი.
„ევროპის სანაპიროებთან ახლოს მოძრავი რუსული ტანკერები უნდა შეჩერდნენ. ჩრდილოვანი ფლოტის მთელი ინფრასტრუქტურის წინააღმდეგ სანქციები მკაცრი უნდა იყოს. გემები უნდა დააკავონ. და განა სამართლიანი არ იქნებოდა ამ ტანკერებით გადაზიდული ნავთობის კონფისკაცია და გაყიდვა?,“ წერს ზელენსკი X-ზე.
