აშშ-ში, ბოლო 24 საათში, კორონავირუსის 71 671 ახალი შემთხვევა დადასტურდა და ინფიცირებულთა საერთო რაოდენობა 8 407 702-მდე გაიზარდა, - შესაბამის მონაცემებს ჯონს ჰოპკინსის უნივერსიტეტი ავრცელებს.
ამავე მონაცემების თანახმად, ქვეყანაში ვირუსს კიდევ 856 ადამიანის სიცოცხლე ემსხვერპლა და დაღუპულთა რიცხვმა 223 032-ს მიაღწია.
ცნობისათვის, როგორც კოვიდინფიცირებულების, ასევე ვირუსით დაღუპულთა რაოდენობით აშშ მსოფლიოში პირველ ადგილზეა.
