გორის მუნიციპალიტეტის სოფელ ქვახვრელთან, მდინარე მტკვარზე, უხვი ნალექის გამო, ხელოვნური კუნძული შეიქმნა.
კუნძულზე დარჩენილია 6 მწყემსი, თხები და საქონელი.
ადგილზე სახანძრო-სამაშველო ბრიგადები იმყოფებიან. შესაბამისი მცურავი საშუალებებით უსაფრთხო ადგილას დარჩენილთა გამოყვანა მიმდინარეობს. არსებული ინფორმაციით, კუნძულზე დარჩენილებს საფრთხე არ ემუქრებათ.
