გერმანია ვაქცინების გლობალური COVAX პლატფორმისთვის კიდევ 100 მილიონ ევროს, ხოლო ღარიბი ქვეყნებისთვის ვაქცინების 30 მილიონამდე დოზას გაიღებს. ამის შესახებ გერმანიის კანცლერმა, ანგელა მერკელმა COVAX-ის საკითხზე გამართული G20-ის სამიტის შემდეგ პრესკონფერენციაზე განაცხადა.
მერკელმა ევროკავშირის სხვა ქვეყნებს მოუწოდა, მიბაძონ გერმანიის მაგალითს დარჩენილი ვაქცინების გაცემაში იმ ქვეყნებისთვის, რომლებსაც არ აქვთ საკუთარი მარაგი.
”ჩვენ გვინდა გავაძლიეროთ ჯანდაცვის მსოფლიო ორგანიზაციის როლი”, - თქვა მან და დასძინა, რომ უახლოეს დღეებში ასევე გაიმართება ლიდერების შეხვედრა ამ საკითხთან დაკავშირებით.
