ევროკომისიამ 12-15 წლის ბაშვებში Pfizer-ის ვაქცინის გამოყენების გადაწყვეტილება დაამტკიცა. ამის შესახებ ჯანდაცვის საკითხებში ევროკომისარმა, სტელა კირიაკიდესმა Twitter-ზე განაცხადა.
"დღეს ევროკომისიამ 12-15 წლის პირებში BioNTech/Pfizer-ის ვაქცინის გამოყენების გადაწყვეტილება დაამტკიცა. ახლა წევრ სახელმწიფოებს შეუძლიათ ვაქცინაცია ახალგაზრდებს შორის დაიწყონ. კრიზისის დასასრულებლად თითოეული დოზა მნიშვნელოვანია", - წერს ევროკომისარი.
ცნობისთვის, 28 მაისს, ევროპის წამლის სააგენტომ 12-15 წლის ბაშვებში Pfizer-ის ვაქცინის გამოყენება დაამტკიცა.
ეს პირველი ვაქცინაა, რომელსაც ამ ასაკობრივი ჯგუფისთვის ევროპაში "მწვანე შუქი" აუნთეს.
