აშშ-ის პრეზიდენტმა NATO-ს წესდების მეხუთე მუხლისადმი ერთგულების მნიშვნელობას კიდევ ერთხელ გაუსვა ხაზი. ჯო ბაიდენის შეფასებით, NATO-ს წესდების მეხუთე მუხლი წმინდა ვალდებულებაა.
„ჩვენ ამას ვგულისხმობთ, როდესაც ვამბობთ „ერთის წინააღმდეგ თავდასხმა არის თავდასხმა ყველას წინააღმდეგ. ჩვენ ვაგზავნით უტყუარ მესიჯს, NATO არის ძლიერი, ერთიანი და ნაბიჯები, რომლებსაც ჩვენ ამ სამიტის დროს ვდგამთ, კიდევ უფრო გაზრდის ჩვენს კოლექტიური ძალას.
შეერთებული შტატები გააძლიერებს ჩვენს ძალებს ევროპაში და უპასუხებს შეცვლილ უსაფრთხოების გარემოს, ასევე გააძლიერებს ჩვენს კოლექტიურ უსაფრთხოებას. ამ წლის დასაწყისში ჩვენ გამოვიყვანეთ 20 000 აშშ-ის დამატებითი ძალები ევროპაში, რათა გაეძლიერებინა ჩვენი ალიანსი რუსეთის აგრესიული ნაბიჯის საპასუხოდ, რამაც ევროპაში ჩვენი ჯარის რაოდენობა 100 000-მდე გაზარდა.
ჩვენ ვაპირებთ, გავაგრძელოთ ჩვენი განლაგების კორექტირება საფრთხის საფუძველზე, ჩვენს მოკავშირეებთან მჭიდრო კონსულტაციით. აქ, ესპანეთში, ჩვენ ვაპირებთ, ვიმუშაოთ ჩვენს მოკავშირეებთან, რათა გავზარდოთ აშშ-ის საზღვაო ძალების გამანადგურებლების რაოდენობა, რომლებიც განლაგებულნი არიან ესპანეთის როტას საზღვაო ბაზაზე. კერძოდ - ოთხიდან ექვს გამანადგურებლამდე. პოლონეთში ჩვენ ვაპირებთ, შეიქმნას აშშ-ის მეხუთე არმიის კორპუსის მუდმივი შტაბი და გავაძლიეროთ აშშ-ნატო-ს თავსებადობა მთელ აღმოსავლეთ ფლანგზე.
ჩვენ ვაპირებთ, შევინარჩუნოთ დამატებითი როტაციული ბრიგადა, რომელიც შედგება 3000 მებრძოლისგან და კიდევ 2000 პერსონალისგან, საბრძოლო ჯგუფში აქ ევროპაში, რომლის შტაბ-ბინა რუმინეთშია.
და ჩვენ ვაპირებთ, გავაძლიეროთ ჩვენი როტაციული განლაგება ბალტიის ქვეყნებში. ჩვენ ვაპირებთ, გავაგზავნოთ ორი დამატებითი F-35 ესკადრონი დიდ ბრიტანეთში, და განვათავსოთ დამატებითი საჰაერო თავდაცვისა და სხვა შესაძლებლობები გერმანიასა და იტალიაში.
ჩვენ მოკავშირეებთან ერთად ვაპირებთ, დავრწმუნდეთ, რომ NATO მზად არის, შეხვდეს საფრთხეებს ყველა მიმართულებიდან: ხმელეთიდან, ჰაერიდან და ზღვიდან. იმ მომენტში, როდესაც პუტინმა დაარღვია მშვიდობა ევროპაში და თავს დაესხა წესებზე დაფუძნებულ წესრიგს, ჩვენ ვაპირებთ ნაბიჯის გადადგმას. ჩვენ ვამტკიცებთ, რომ NATO ახლა იმაზე მეტადაა საჭირო, ვიდრე ოდესმე ყოფილა. და ის ისე მნიშვნელოვანია, როგორც არასდროს“, - განაცხადა ჯო ბაიდენმა მადრიდში მიმდინარე სამიტის ფარგლებში, NATO-ს გენერალურ მდივან, იენს სტოლტენბერგთან გამართულ შეხვედრაზე.
