აშშ-ის პრეზიდენტმა ჯო ბაიდენმა განაცხადა, რომ ვაშინგტონი არასდროს აღიარებს მოსკოვის მიერ უკრაინის ტერიტორიების ანექსიას.
„მინდა ძალიან მკაფიოდ განვაცხადო, შეერთებული შტატები არასოდეს, არასდროს, არასოდეს აღიარებს რუსეთის პრეტენზიებს უკრაინის სუვერენულ ტერიტორიაზე“.
„ე.წ. რეფერენდუმი იყო სიყალბე და აბსოლუტური სისულელე. შედეგები მომზადდა მოსკოვში.
უკრაინელი ხალხის ჭეშმარიტი ნება ყოველდღე ვლინდება, როდესაც ისინი სიცოცხლეს სწირავენ თავიანთი ხალხის გადასარჩენად, ქვეყნის დამოუკიდებლობის შესანარჩუნებლად, ასევე, თავისუფლების დაცვას“, - განაცხადა აშშ-ის პრეზიდენტმა.
მან ასევე აღნიშნა, რომ რუსეთის ომი უკრაინასთან, რომელიც, მისი თქმით, რუსეთის პრეზიდენტის ვლადიმერ პუტინის იმპერიული ამბიციების გამოვლინებაა, გაეროს წესდების აშკარა დარღვევაა.
უკრაინის სეპარატისტულმა რეგიონებმა დონეცკმა და ლუგანსკმა და რუსეთის მიერ კონტროლირებადმა ზაპოროჟიემ და ხერსონმა რუსეთთან შეერთების შესახებ „რეფერენდუმი“ ჩაატარეს. მის შედეგებს საერთაშორისო საზოგადოება არ ცნობს. უკრაინა და მისი პარტნიორები აცხადებენ, რომ ხმის მიცემა იარაღის მუქარის ფონზე მიმდინარეობდა.
