აშშ-ის ელჩმა, კელი დეგნანმა ლარსის საბაჟო-გამშვებ პუნქტთან არსებულ ვითარებაზე დასმული შეკითვის საპასუხოდ განაცხადა, რომ საქართველოს მთავრობის გადასაწყვეტია, თუ რა პოლიტიკას განსაზღვრავს.
„ეს საკმაოდ რთული საკითხია. მთავრობის გადასაწყვეტია, რა პოლიტიკას შეიმუშავებს ამასთან დაკავშირებით. ვხედავთ, რომ სხვადასხვა ქვეყანა იღებს სხვადასხვა ზომას მათი გარემოებებიდან გამომდინარე და საქართველოს მთავრობის გადასაწყვეტია, რა განსაზღვროს საუკეთესო გზა ამ საკითხზე რეაგირების მიზნით, რათა პირველ რიგში, დაბალანსდეს უსაფრთხოების საკითხები, და ასევე მოხდეს იმ პირების მხარდაჭერა, რომლებიც გაურბიან რეპრესიებსა და ომს რუსეთსა და უკრაინაში“, – განაცხადა კელი დეგნანმა ჟურნალისტებთან.
