აშშ-ის პრეზიდენტი ბაიდენი შეიწყალებს ყველას, ვინც ფედერალური კანონით არის ნასამართლევი მარიხუანის უბრალო შენახვისთვის.
თეთრი სახლის მიერ გავრცელებულ განცხადებაშია ნათქვამი.
„ათასობით ადამიანს, რომლებსაც ნასამართლობა აქვთ მარიხუანის ფლობისთვის, შესაძლოა, უარი ეთქვას სამუშაოზე, საცხოვრებელზე ან განათლების შესაძლებლობებზე. ჩემი ქმედება ხელს შეუწყობს ამ ნასამართლობის შედეგად წარმოქმნილი შედეგების შემსუბუქებას“, - ნათქვამია ბაიდენის განცხადებაში.
მთავარი ნაბიჯი დეკრიმინალიზაციისკენ - მედია წერს, რომ ბაიდენის ადმინისტრაციას მსგავსი ნაბიჯი აქამდე არ გადაუდგამს.
როგორც კანდიდატმა, ბაიდენმა რეკრეაციული მარიხუანის ლეგალიზაციას მხარი არ დაუჭირა, მაგრამ მხარი დაუჭირა დეკრიმინალიზაციისკენ სვლას.
