ირანში აქციის მონაწილეების მხარდაჭერისთვის, ცნობილი მსახიობი ტარანა ალიდუსტი დააკავეს.
ინფორმაციას სააგენტო Tasnim ავრცელებს.
მას ბრალად ედება ცრუ და დამახინჯებული ინფორმაციის გავრცელება, არეულობის გაღვივება და ანტიირანული ჯგუფების მხარდაჭერა.
აღსანიშნავია, რომ ტარანა ალიდუსტიმ მსოფლიო პოპულარობა მოიპოვა ფილმში „გამყიდველი“ შესრულებული როლის წყალობით, რომელმაც 2016 წელს საუკეთესო უცხოური ეკრანული ნამუშევრის ნომინაციაში ოსკარი მიიღო.
მაჰსა ამინი, რომელიც 13 სექტემბერს ირანის ვიცე-პოლიციამ „ჰიჯაბის არასწორი ტარების“ ბრალდებით დააკავა, 16 სექტემბერს გარდაიცვალა. ამ ფაქტის გასაპროტესტებლად, ირანის მოსახლეობა ქალაქების ქუჩებში გამოვიდა.
