შეერთებულმა შტატებმა გამოაქვეყნა ჩინური სათვალთვალო ბუშტის სურათი, რომელიც გადაღებულია ამ თვის დასაწყისში, აშშ-ის სამხედროების მიერ მის ჩამოგდებამდე. შესაბამის ინფორმაციას Anadolu ავრცელებს.
ოთხშაბათს გვიან გამოქვეყნებულ ფოტოზე, რომელიც თავდაცვის დეპარტამენტმა გაავრცელა, ნათლად ჩანს მფრინავის ჩაფხუტი U-2 თვითმფრინავის კაბინაში. მფრინავი ობიექტი სამხრეთ კაროლინის შტატის სანაპიროსთან დაფრინავს.
აშშ-ის ჩრდილოეთ სარდლობის მოიერიშე თვითმფრინავმა მფრინავი ობიექტი 4 თებერვალს ჩამოაგდო.
პეკინმა აღიარა, რომ მას ეკუთვნოდა თვითმფრინავი, მაგრამ განაცხადა, რომ ის გამოიყენებოდა მეტეოროლოგიური კვლევისთვის. პეკინმა ვაშინგტონის გადაწყვეტილებას მიუღებელი და უპასუხისმგებლო უწოდა.
ბუშტის აღმოჩენამ აიძულა აშშ-ის სახელმწიფო მდივანი ენტონი ბლინკენი, გადაედო დაგეგმილი ვიზიტი ჩინეთში.
