გასაიდუმლოებული დოკუმენტების თუ მასალების უნებართვო შენახვასა და გადაცემაში ჯეკ ტეიშეირას ბრალი წაუყენეს. მოსამართლის თქმით, პირველი ბრალდებით მას 10 წლამდე თავისუფლების აღკვეთა ემუქრება, ხოლო საიდუმლო მასალების გადაცემის მეორე ბრალდებით მაქსიმუმ - ხუთი წელი.
ჯეკ ტეიშეირა ბოსტონის სასამართლოში გამოცხადდა.
მედიაში 13 აპრილს გავრცელდა ინფორმაცია, რომ FBI-მ საიდუმლო დოკუმენტების გაჟონვაში ბრალდებული დააკავა.
ტეიშეირა ეროვნული გვარდიის საჰაერო თავდაცვის ძალების დაზვერვის განყოფილების IT-სპეციალისტად მუშაობდა. პენტაგონის საიდუმლო მასალები უკრაინაში მიმდინარე ომს, აღჭურვილობას ეხება. საუბარია აშშ-ის მოკავშირეებზეც.
