ახალი ამბები
იეისკში, სუ-34-ის ჩამოვარდნის შედეგად სამი ადამიანი დაიღუპა. არიან დაშავებულები
იეისკის საცხოვრებელი კორპუსის ეზოში სუ-34 ბომბდამშენის ჩამოვარდნის შედეგად, 3 ადამიანი დაიღუპა და 19 დაშავდა. იტყობინება კრასნოდარის ტერიტორიის ადმინისტრაცია. რუსეთში, ქალაქ იეისკში, სამხედრო თვითმფრინავი საცხოვრებელ კორპუსს დაეცა რეგიონული ოპერატიული შტაბის ცნობით, დაშავებულია 19 ადამიანი, მათგან ოთხი მძიმე მდგომარეობაშია. დაშავებულებს შორის 8-10 წლის სამი ბავშვია. რუსეთის თავდაცვის სამინისტროს ინფორმაციით სუ-34 ბომბდამშენი 17 ოქტომბერს საღამოს იეისკში ცხრასართულიანი საცხოვრებელი კორპუსის ეზოში ჩამოვარდა. ავარიის დროს თვითმფრინავის საბრძოლო მასალა აფეთქდა. ხანძარი მაღალსართულიან კორპუსს მოედო. მანამდე გავრცელებული ინფორმაციით, სუ-34 საცხოვრებელ კორპუსს დაეცა.
მედია: ფინეთი, რუსეთთან აღმოსავლეთ საზღვრის მონაკვეთზე, სატესტო ღობის აშენებას გეგმავს
ფინეთი, რუსეთთან აღმოსავლეთ საზღვარზე, სატესტო ღობის აშენებას გეგმავს. ამის შესახებ, ტელე-რადიოკომპანია Yle იუწყება. ფინეთმა შესაძლოა, მიგრაციის შესაჩერებლად რუსეთის საზღვართან ღობე ააშენოს მთავრობაში უკვე არის კონსენსუსი ღობის საცდელი ნაწილის საჭიროებაზე, მაგრამ გადაწყვეტილება არ მიუღიათ. ფინური მედიის ცნობით, საპილოტე პროექტი სამი კილომეტრზე განხორციელდება. ბიუჯეტში პროექტისთვის დაახლოებით ექვსი მილიონი ევროა დარეზერვებული. თანხები ასევე მოხმარდება ტექნიკურ კონტროლსა და ინფრასტრუქტურას. შინაგან საქმეთა მინისტრის კრისტა მიკონენის თქმით, მნიშვნელოვანია საზღვრის ღობის აშენების განხილვა. სასაზღვრო სამსახურის უფროსს, გენერალ-ლეიტენანტ პასი კოსტამოვაარასაც მიაჩნია, რომ ღობე აუცილებელია. როგორც ცნობილია, ფინეთის შინაგან საქმეთა სამინისტრო მთავრობისგან, რუსეთთან საზღვრის ზოგიერთ მონაკვეთზე ღობის ასაშენებლად 139 მილიონი ევროს გამოყოფას ითხოვს.
ბათუმში ერთმანეთს მატარებელი და ავტობუსი შეეჯახა
ბათუმში მატარებელი და ავტობუსი ერთმანეთს შეეჯახა. ამის შესახებ Tv25.ge თვითმხილველებზე დაყრდნობით იუწყება. Europetime-ს შსს-ში ფაქტი დაუდასტურეს და განუცხადეს, რომ დამატებითი დეტალები ზუსტდება და შემთხვევის შედეგად, არავინ დაშავებულა. Europetime ინფორმაციისთვის „საქართველოს რკინიგზას“ დაუკავშირდა. მომხდარზე კომენტარს მიღებისთანავე შემოგთავაზებთ.
უკრაინამ რუსული ტყვეობიდან 108 ქალი გაათავისუფლა
უკრაინამ რუსული ტყვეობიდან 108 ქალი გაათავისუფლა. ამის შესახებ პრეზიდენტის ადმინისტრაციის ხელმძღვანელმა ანდრეი ერმაკმა განაცხადა. „დღეს მოვახერხეთ პატიმართა მორიგი მასშტაბური გაცვლა. ტყვეობიდან 108 ქალი გავათავისუფლეთ. ეს იყო ქალების პირველი გაცვლა. ტყვეობაში იყვნენ დედები და ქალები, რომლებსაც ახლობლები ელოდებოდნენ", - ნათქვამია შეტყობინებაში. ანდრეი ერმაკის თქმით, გათავისუფლებულ ტყვეებს შორისაა აზოვსტალიდან ევაკუირებული 37 ქალი, 11 ოფიცერი და 85 რიგითი და სერჟანტი, მათ შორის 35 უკრაინის შეიარაღებული ძალებიდან, 32 საზღვაო ძალებიდან, 12 თავდაცვის ძალებიდან, 8 ეროვნული გვარდიიდან, 2 "აზოვიდან", 5 - სახელმწიფო სპეციალური სატრანსპორტო სამსახურიდან, 4 სახელმწიფო სასაზღვრო სამსახურიდან, ხოლი 12 მშვიდობიანი მოქალაქეა.
რუსეთში, ქალაქ იეისკში, სამხედრო თვითმფრინავი საცხოვრებელ კორპუსს დაეცა
რუსეთის ფედერაციაში, კრასნოდარის მხაერეში, ქალაქ იეისკში სამხედრო თვითმფრინავი ერთ-ერთ უბანში, მრავალსართულიან კორპუსს დაეცა. ინტერფაქსის ცნობით, სუ-34 საბრძოლო გამანადგურებელი-ბომბდამშენია. შემთხვევის ადგილზე ხანძარია. დაღუპულებისა და დაშავებულების შესახებ ინფორმაცია ჯერ არ ვრცელდება. რუსეთის თავდაცვის სამინისტროს ცნობით, იეისკში თვითმფრინავის ჩამოვარდნის მიზეზი აფრენის დროს ერთ-ერთი ძრავის აალება გახდა. სამხედრო დეპარტამენტის ცნობით, თვითმფრინავი სამხრეთ სამხედრო ოლქის სამხედრო აეროდრომიდან სასწავლო ფრენას ასრულებდა და ჩამოვარდა. სამინისტროს ცნობითვე, ეკიპაჟმა კატაპულტირება მოახერხა.
სომხეთ-აზერბაიჯანის საზღვარზე დამკვირვებლებს, საქართველოში მომუშავე ევროკავშირის მისიიდან გაგზავნიან
ევროკავშირის 27 ქვეყნის საგარეო საქმეთა მინისტრები სომხეთ-აზერბაიჯანის საზღვარზე სამოქალაქო მისიის გაგზავნაზე შეთანხმდნენ. ევროკავშირის საბჭომ ადგილზე 40 სპეციალისტის გაგზავნა გადაწყვიტა. ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა ჯოზეფ ბორელმა აღნიშნა, რომ ევროკავშირის მონიტორინგის შესაძლებლობების სწრაფი განლაგების უზრუნველსაყოფად, გადაწყდა, რომ პროცესში, საქართველოში ევროკავშირის სადამკვირვებლო მისიის მონიტორინგის ექსპერტები დროებით ჩაერთვებიან. მონიტორინგის მისია იქნება დროებითი და ორი თვე გაგრძელდება. აღსანიშნავია, რომ ამ მისიის მასპინძლობის საკითხი 7 ოქტომბერს აზერბაიჯანის და სომხეთის რესპუბლიკის პრეზიდენტების, საფრანგეთის პრეზიდენტის ემანუელ მაკრონისა და ევროპული საბჭოს პრეზიდენტის ილჰამ ალიევის ოთხმხრივი შეხვედრის შემდეგ გაკეთებულ განცახდებაში აისახა.
ჯოზეფ ბორელი: ევროკავშირის სამოქალაქო მისია უკვე სომხეთშია
ევროკავშირის სამოქალაქო მისია უკვე სომხეთში იმყოფება. სომხეთ-აზერბაიჯანის საზღვარზე დამკვირვებლებს, საქართველოში მომუშავე ევროკავშირის მისიიდან გაგზავნიან ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ჯოზეფ ბორელმა, ლუქსემბურგში ევროკავშირის საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა. მისი თქმით, მისია საქმიანობას უახლოეს მომავალში დაიწყებს. მონიტორინგის მისია იქნება დროებითი და ორი თვე გაგრძელდება. მისია 40 სპეციალისტისგან შედგება. აღსანიშნავია, რომ ამ მისიის მასპინძლობის საკითხი 7 ოქტომბერს აზერბაიჯანის და სომხეთის რესპუბლიკის პრეზიდენტების, საფრანგეთის პრეზიდენტის ემანუელ მაკრონისა და ევროპული საბჭოს პრეზიდენტის ილჰამ ალიევის ოთხმხრივი შეხვედრის შემდეგ გაკეთებულ განცახდებაში აისახა.
სალომე ზურაბიშვილმა და მაია სანდუმ, ორი ქვეყნის მეგობრობის ნიშნად, ქართული, ენდემური სახეობის, კავკასიური სოჭი დარგეს
საქართველოს პრეზიდენტმა, მაია სანდუსთან ერთად, კიშინეუში, ორი ქვეყნის მეგობრობის ნიშნად, საქართველოდან ჩატანილი, ენდემური სახეობის, კავკასიური სოჭი დარგო. ინფორმაციას პრეზიდენტის ადმინისტრაცია ავრცელებს. ხის დარგვის ცერემონია მოლდოვური ტრადიციის მიხედვით, კიშინეუს ბოტანიკურ ბაღში გაიმართა. პრეზიდენტმა მოლდოველ კოლეგას კავკასიური სოჭის შესახებ მიაწოდა ინფორმაცია და აღნიშნა, რომ ზოგადად, სოჭის გვარში 40-მდე სხვადასხვა სახეობაა, აქედან, ერთადერთი ენდემური სახეობაა საქართველოში გავრცელებული კავკასიური სოჭი (Abies nordmanniana), ამ სახეობას სახელი ფინელი ზოოლოგისა და ბოტანიკოსის პროფესორ ალექსნდრა ფონ ნორდმანნას პატივსაცემად მიენიჭა. სწორედ მან აღმოაჩინა 1835 წელს ეს სახეობა ბორჯომის ჩრდილო აღმოსავლეთით. სალომე ზურაბიშვილი, მოლდოვაში საქმიანი ვიზიტით იმყოფება.
თენგიზ ფხალაძე: ევროკავშირმა, აზერბაიჯანიდან გაზის მიწოდების გაზრდაში, ფინანსური წვლილი უნდა შეიტანოს
ევროკავშირი, აზერბაიჯანთან ენერგეტიკულ პარტნიორობას მნიშვნელოვნად აფასებს. ამის შესახებ Trend-ს საერთაშორისო პოლიტიკური ეკონომიკის ევროპული ცენტრის (ECIPE) უფროსმა არარეზიდენტმა თენგიზ ფხალაძემ განუცხადა. აზერბაიჯანმა და ევროკავშირმა ენერგეტიკის სფეროში სტრატეგიული თანამშრომლობის შესახებ მემორანდუმი გააფორმეს „დაახლოებით 5 ან თუნდაც 10 წლის წინ გაკეთდა შეფასება, რომ აზერბაიჯანს აქვს ყველა შესაძლებლობა მეტი გაზის მიწოდებისთვის და რომ ევროპამ მეტი ყურადღება უნდა მიაქციოს ენერგეტიკულ პარტნიორობას ამ ქვეყანასთან. ასევე ყურადღება გამოიჩინოს კასპიის რეგიონთან მიმართებით, მის გაზის პოტენციალთან და ეს ყველაფერი ერთად განავითაროს. სამწუხაროდ, ევროპამ გარკვეულწილად უგულებელყო ეს შესაძლებლობები და სხვა პროექტებს მიენიჭა პრიორიტეტი. დღეს, ვფიქრობ, ევროპაში ყველა ნანობს ამას. მაგრამ სჯობს გვიან, ვიდრე არასდროს," - აცხადებს ფხალაძე. წლის ბოლომდე აზერბაიჯანული გაზის მიწოდებამ ევროპაში, შესაძლოა, 10 მილიარდ კუბურ მეტრს გადააჭარბოს მისივე თქმით, დღეს ევროკავშირსა და აზერბაიჯანს შორის ენერგეტიკის სფეროში თანამშრომლობა არა მხოლოდ პოლიტიკურ მხარდაჭერას იღებს, არამედ პრაქტიკულ ბიზნეს-ინიციატივებშიც აისახება. „მაგრამ არ მგონია, რომ მთელი პასუხისმგებლობა ერთ მხარეს დაეკისროს. დიახ, აზერბაიჯანს აქვს ყველა შესაძლებლობა, მაგრამ მას ასევე სჭირდება იგივე სანდო პარტნიორები ევროკავშირის ქვეყნებიდან. ამაში ყველაზე დიდი ფინანსური წვლილი ევროკავშირმა უნდა შეიტანოს“, - აღნიშნა ფხალაძემ. თუმცა, როგორც ექსპერტი აცხადებს, აზერბაიჯანული გაზის მიმართ ინტერესი ქვეყნების მიხედვით არ უნდა დაიყოს. რაც შეეხება საბერძნეთ-ბულგარეთის ინტერკონექტორის (IGB) გაშვებას, ფხალაძემ აღნიშნა, რომ დღეს ეს მნიშვნელოვანი პროექტია ევროპისთვის, რადგან რეგიონი რუსეთიდან გაზის მიწოდების შემცირების გამო სირთულეებს განიცდის. „ეს არის შესანიშნავი მაგალითი სხვა ქვეყნებისთვის და ინვესტორებისთვის, რომ მიჰყვნენ, გამოიყენონ და ასევე იფიქრონ, როგორ გააფართოონ ეს შესაძლებლობა. აზერბაიჯანს რა თქმა უნდა, აქვს შესაძლებლობები, მაგრამ როგორც ვთქვი, მთელი ფინანსური ტვირთი მხოლოდ ერთ ქვეყანას არ უნდა დააწვეს. უკვე არის ინტერესი და დროთა განმავლობაში აქტიურ ბიზნეს-ინიციატივებად გარდაიქმნება“, - განაცხადა ფხალაძემ. ECIPE-ის უფროსმა მკვლევარმა აღნიშნა, რომ აზერბაიჯანის პოტენციალი ელექტროენერგიის ექსპორტში, მათ შორის განახლებადი წყაროებიდან გამომუშავებული ენერგიის ექსპორტში, უზარმაზარია და რეალურად ეს პროექტი შესაძლოა, უახლოეს მომავალში დაიწყოს. „ყველაფერი შესაძლებელია, თუ ევროკავშირი გააფართოვებს კავშირების ქსელს. ეს ნიშნავს კრიტიკული ინფრასტრუქტურის გაფართოებას, აქ იგულისხმება ელექტროენერგიის მიწოდება. ევროკავშირმა უნდა წაახალისოს ახალი პროცესები და ინიციატივები კავშირისთვის. ეს უკვე განვითარებულია ევროკავშირიის მიერ საქართველოში და შემდეგ აზერბაიჯანში. დღეს ახალი ტიპის ინფრასტრუქტურის განვითარებაა საჭირო“, - განაცხადა ფხალაძემ. ილჰამ ალიევი: ევროპას აზერბაიჯანული გაზის იმედი აქვს 2022 წლის ბოლოსთვის აზერბაიჯანი გეგმავს გაზის მიწოდების გაზრდას ევროპაში 9,1 მილიარდ კუბურ მეტრამდე, ხოლო 2023 წელს გაზის მიწოდების მოცულობა 11 მილიარდ კუბურ მეტრს მიაღწევს.
გერმანიამ რუსეთის მოქალაქეებისთვის, შენგენის ვიზების გაცემა გაართულა
რუსეთის მოქალაქეებმა, რომლებიც გერმანიაში შენგენის ვიზას ითხოვენ, ფინანსური გარანტიისთვის ამონაწერი, ევროკავშირის ქვეყნებში მოქმედი ბანკიდან უნდა წარადგინონ. ამის შესახებ რუსეთში, გერმანიის წარმომადგენლობების მიერ აკრედიტებული ერთადერთი სავიზო ცენტრის VisaMetric-ის ვებგვერდზე გავრცელებულ ინფორმაციაშია ნათქვამი. „განსახილველად შეიძლება მივიღოთ მხოლოდ განმცხადებლის სახელზე გაცემული განახლებული დოკუმენტები, რომელსაც თან ახლავს საგარანტიო წერილი ევროკავშირის წევრ ქვეყნებში მოქმედი (დამოწმებადი) ბანკიდან“, - აღნიშნულია ტურისტული ვიზის მისაღებად საჭირო დოკუმენტების ჩამონათვალში. სექტემბერში ევროკავშირმა რუსეთთან გამარტივებული სავიზო რეჟიმი შეაჩერა. ამის შემდეგ, გერმანიის სავიზო ცენტრმა რუსეთში, სხვა დოკუმენტებთან ერთად, ფინსნაური გარანტიისა და დაზღვევისთვის, მხოლოდ ევროკავშირში გაცემული დოკუმენტაცია მოითხოვა. ცნობისთვის, ევროკავშირის საბჭომ ევროკავშირსა და რუსეთს შორის სავიზო რეჟიმის გამარტივების შეთანხმება შეაჩერა. შესაბამისი გადაწყვეტილება საბჭომ 9 სექტემბერს მიიღო. რას ნიშნავს ევროკავშირის გადაწყვეტილება სავიზო განაცხადის საფასურის გაზრდას 35 ევროდან 80 ევრომდე, დამატებითი დოკუმენტური მტკიცებულებების წარდგენის საჭიროება; ვიზის დამუშავების დროის გაზრდას და მრავალჯერადი ვიზების გაცემის უფრო შემზღუდველ წესებს; საკონსულოებისთვის სავიზო განაცხადების შესახებ გადაწყვეტილების მიღების სტანდარტული ვადა 10-დან 15 დღემდე გაიზრდება; ეს პერიოდი შეიძლება გაგრძელდეს მაქსიმუმ 45 დღემდე ცალკეულ შემთხვევებში, როდესაც საჭიროა განაცხადის შემდგომი შესწავლა. პოლიტიკურ შეთანხმებას რუსეთთან გამარტივებული სავიზო რეჟიმის სრულად შეჩერების შესახებ ევროკავშირმა 31 აგვისტოს მიაღწია.
ჩინეთმა ევროპასა და აზიაში თხევადი გაზის მიწოდება შეაჩერა
ჩინეთმა სახელმწიფო საკუთრებაში არსებულ გაზის იმპორტიორებს მოუწოდა, რომ ევროპასა და აზიაში თხევადი გაზის გაყიდვა შეწყვიტონ, რათა ზამთრის სეზონზე, გათბობის სეზონისთვის საკუთარი მოხმარება უზრუნველყონ. Bloomberg-ის ინფორმაციით, ბრძანება ჩინეთის განვითარებისა და რეფორმების ეროვნულმა კომისიამ გასცა. ამასთან გამოცემა წერს, რომ ჩინეთის მიერ თხევადი გაზის გაყიდვები ევროპულ ბაზარს მარაგების სწრაფად შევსების საშუალებას აძლევდა, თუმცა ტრანსპორტირების რეკორდულად მაღალმა ხარჯებმა, საწვავის გადაზიდვის მიმზიდველობა შეამცირა.
კიევზე რუსეთის ძალების თავდასხმის შედეგად დაღუპულთა რაოდენობა გაიზარდა
კიევზე რუსეთის ძალების თავდასხმის შედეგად დაღუპულთა რიცხვი ოთხამდე გაიზარდა. კერძოდ, ოთხი ადამიანი დაიღუპა და სამი ჰოსპიტალიზებულია. უკრაინის საგანგებო სიტუაციების სახელმწიფო სამსახურის ცნობით, კიევში გადაუდებელი სამაშველო ოპერაციების დროს, 15:00 საათის მდგომარეობით, სახელმწიფო საგანგებო სიტუაციების სამსახურის განყოფილებებმა 19 ადამიანი გადაარჩინეს. ოთხი ადამიანი გარდაიცვალა, სამი კი საავადმყოფოში გადაიყვანეს. კიევის მერი: ნანგრევებიდან ამოყვანილია ახალგაზრდა ცოლ-ქმრის ცხედრები, ქალი 6 თვის ორსული იყო 10 ოქტომბრის შემდეგ, რუსეთი უკრაინის დედაქალაქს მასიურად ბომბავს. კიევზე იერიშს მსხვერპლი მოჰყვა როგორც წინა კვირას, ისე დღეს, 17 ოქტომბერსაც. უკრაინული მედიის მიერ, 17 ოქტომბერს გავრცელებული ინფორმაციით, უკრაინის საჰაერო ძალებმა 43-დან 37 დრონი გაანადგურეს. ირანი უარყოფს, რომ მოსკოვს დრონები მიაწოდა. თავის მხრივ, კრემლსაც არ უღიარებია ეს ფაქტი. ინფორმაცია, რომ ირანი რუსეთისთვის დრონების მიწოდებას აპირებდა, თავდაპირველად, აშშ-მ გაავრცელა. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებს, რომ დეოკუპაციის მიზნით, კონტრშეტევებს განაგრძობს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.
საქართველოს ეროვნული ბანკი ინტერნეთაღლითობის შესახებ მოქალაქეებს აფრთხილებს
საქართველოს ეროვნული ბანკის სახელით გავრცელდა ინფორმაცია გათამაშების შესახებ, ბანკი კი არანაირი მსგავსი სახის ონლაინგათამაშების ორგანიზებას არ ახდენს, - საქართველოს ეროვნული ბანკი ინტერნეთაღლითობის შესახებ მოქალაქეებს აფრთხილებს. ეროვნული ბანკი მოუწოდებს მოქალაქეებს, განსაკუთრებული ყურადღება, სიფრთხილე გამოიჩინონ ინტერნეტსივრცეში ფინანსური თუ პირადი მონაცემების მითითებისას, გადაამოწმონ და კარგად დააკვირდნენ ვებგვერდის მისამართს. „ბოლო პერიოდში გახშირდა შემთხვევები, როდესაც მომხმარებლებს სხვადასხვა ვებგვერდზე მათი პირადი ინფორმაციის შევსების სანაცვლოდ, გარკვეული ფულადი თუ სხვა პრიზების მოგების დაპირებით, გათამაშებაში მონაწილეობის მიღებას სთავაზობენ. ამასთან, რამდენიმე შემთხვევაში, გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. მათ შორის, მომხმარებლებს ამ შეთავაზებების სხვა პირებთან გავრცელებისკენ უბიძგებდნენ. ხაზგასმით აღვნიშნავთ, რომ ეროვნული ბანკი არანაირი მსგავსი სახის ონლაინგათამაშების ორგანიზებას არ ახდენს. გასათვალისწინებელია, რომ პირადი ინფორმაციისა თუ მონაცემების გამჟღავნების შემთხვევაში, არსებობს ამ ინფორმაციის მოპოვებით დაინტერესებული პირების მიერ სხვადასხვა თაღლითური ოპერაციის განხორციელების რისკი. საქართველოს ეროვნული ბანკი კიდევ ერთხელ მოუწოდებს მოქალაქეებს, განსაკუთრებული ყურადღება და სიფრთხილე გამოიჩინონ ინტერნეტსივრცეში ფინანსური თუ პირადი მონაცემების მითითებისას. პირველ ყოვლისა, გადაამოწმონ და კარგად დააკვირდნენ ვებგვერდის მისამართს, სადაც შეჰყავთ ინფორმაცია, მოიძიონ აღნიშნული კომპანიის სანდოობისა და საქმიანობის შესახებ მონაცემები, ხოლო თუ კომპანია, ერთი შეხედვით, სანდო და ნაცნობია, გადაამოწმონ შეთავაზების ნამდვილობა. დამატებით მოგიწოდებთ, დაიცვათ შემდეგი წესები: შემოწმების გარეშე არ გადასცეთ სხვა პირებს პირადი მონაცემები, რომელთა მეშვეობითაც შესაძლებელია ფინანსური ოპერაციების უნებართვო განხორციელება; გადაამოწმეთ ვებგვერდის მისამართი – ფინანსური მომსახურების გამოყენებამდე შეამოწმეთ ის მისამართი, სადაც მონაცემების შეყვანას აპირებთ. შეაფასეთ ვებგვერდის შიგთავსი (კონტენტი); ყალბი ვებგვერდის შექმნისას დიდი ყურადღება და რესურსი ეთმობა იმას, რომ ის ნამდვილი, ოფიციალური ვებგვერდის მსგავსი იყოს. უკიდურესი სიფრთხილით მოეკიდეთ სოციალურ ქსელებში არსებულ ფინანსურ შეთავაზებებს; გადაამოწმეთ ვებგვერდის მფლობელი – www.WHO.is, მომხმარებელს კონკრეტული მისამართის ნამდვილობის გადამოწმება შეუძლია. გადახდის სანდო წყარო – ნამდვილი ან ოფიციალური ვებგვერდი მომხმარებელს ყოველთვის მოსთხოვს გადახდის განხორციელებას საგადახდო ბარათის ან ოფიციალური პორტალის (მაგ., PayPal) მეშვეობით. დამატებითი შეკითხვების შემთხვევაში, გთხოვთ, დაგვიკავშირდეთ საქართველოს ეროვნული ბანკის ცხელ ხაზზე – 032 2 406 406. საქართველოს ეროვნული ბანკის გაფრთხილებები კი შეგიძლიათ იხილოთ ბმულზე. ფინანსურ თაღლითობასთან დაკავშირებული დამატებითი ინფორმაციის მიღება შეგიძლიათ ფინანსური განათლების ვებგვერდზე“, – ნათქვამია განცხადებაში.
საქართველოს ტერიტორიული მთლიანობისთვის ბრძოლაში დაღუპული სამხედროების ოჯახის წევრებს, პრეზიდენტის სახელით ჯილდოები გადაეცათ
ვეტერანთა დღეს ვულოცავ ყველა თაობის ომისა და თავდაცვის ძალების ვეტერანებს, რომლებიც ჩვენი საზოგადოებისათვის მაგალითსა და საყრდენს წარმოადგენენ და გაიგივებული არიან არამხოლოდ ისტორიასთან და წარსულთან, არამედ მომავალთანაც, – ამის შესახებ აღნიშნულია საქართველოს პრეზიდენტის, სალომე ზურაბიშვილის მილოცვის წერილში. სალომე ზურაბიშვილი ვეტერანებს ვეტერანთა დღეს ულოცავს. 17 ოქტომბერი, ყველა თაობის ომისა და თავდაცვის ძალების ვეტერანთა დღეა „დღემდე სწორედ ვეტერანების ბრძოლამ და თავდადებამ შეუნარჩუნა ჩვენს ქვეყანას საბრძოლო სულისკვეთება, რისთვისაც მადლობას ვუხდით მათ!“,- აღნიშნულია სალომე ზურაბიშვილის მილოცვაში, რომელსაც პრეზიდენტის ადმინისტრაციის პრესსამსახური ავრცელებს. საქართველოს პრეზიდენტმა, ვეტერანთა დღესთან დაკავშირებით საქართველოს ტერიტორიული მთლიანობისათვის ბრძოლაში გამოჩენილი განსაკუთრებული მამაცობისა და თავდადებისათვის, სამხედრო მოსამსახურეები (სიკვდილის შემდეგ) ვახტანგ გორგასლის I, II და III ხარისხის ორდენებით და „მხედრული მამაცობისთვის“ მედლით დააჯილდოვა. დაჯილდოების ცერემონია ვეტერანთა დღესთან დაკავშირებით, ვეტერანების საქმეთა სახელმწიფო სამსახურში გაიმართა და პრეზიდენტის სახელით, სახელმწიფო ჯილდოები დაღუპული სამხედროების ოჯახის წევრებს საქართველოს პრეზიდენტის მთავარმა მრჩეველმა სტრატეგიული დაგეგმვის საკითხებში, დავით თევზაძემ და საქართველოს პრეზიდენტის მრჩეველმა შეწყალების, მოქალაქეობის, დაჯილდოებისა და სამართლებრივ საკითხებში ანგი ხუციშვილმა გადასცა. ვახტანგ გორგასლის I ხარისხის ორდენით დაჯილდოვდნენ: ბონდო ბენიძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის ათეულის მეთაური; თენგიზ გაბედავა – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მძღოლი-მექანიკოსი; ტრისტან დარახველიძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მეთაურის მოადგილე; ჟორა თუთისანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; გოჩა კუხალაშვილი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; რომეო სილაგაძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ვახტანგ ჩაკვეტაძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; გელა ჩხეტიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მე-2 ასეულის მეთაური; ველოდი ხეცურიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი. ვახტანგ გორგასლის II ხარისხის ორდენით: გივი აბაშიძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ალექსანდრე ბებია – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; რეზო ბებია – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ვალერი ბენდელიანი – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის ათეულის მეთაური; ხვიჩა ბენდელიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მძღოლი-მექანიკოსი; დემურ თუთისანი – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის მძღოლი-მექანიკოსი; ვარდენ ირემაძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ვასილ კილაძე – საქართველოს ეროვნული გვარდიის ბატალიონის „ორბის“ სანიტარიული ინსტრუქტორი; თენგიზ კოპალიანი – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის მებრძოლი; ცეზარ კოპალიანი – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის ასეულის მეთაური; როინ ლეჟავა – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის საინჟინრო სამსახურის უფროსი; ემზარ მეშველიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის ათეულის მეთაური; მურმან მეშველიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მეტყვი-ამფრქვევე; ბეჟან სვანიძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; რომან სილაგაძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ბიქტორ საღინაძე – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის ასეულის მეთაური; მედეა ურიდია – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მედდა; ემზარ ფუტკარაძე – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის მეთაურის მოადგილე; ჯანსუღ ყურაშვილი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ალეკო ჩაკვეტაძე – მე-2 საარმიო კორპუსის 23-ე ბრიგადის მე-3 მოტომსროლელი ბატალიონის მებრძოლი; არჩილ ცხვირავაშვილი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; გია ხეცურიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ველოდი ხეცურიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; რაჯი ხეცურიანი – მე-2 საარმიო კორპუსის 24-ე ბრიგადის 242-ე მოტომსროლელი ბატალიონის მებრძოლი; ზურაბ ჯიდოშვილი – მე-2 საარმიო კორპუსის 24-ე ბრიგადის 243-ე მოტომსროლელი ბატალიონის მებრძოლი. ვახტანგ გორგასლის III ხარისხის ორდენით კი: გრიგორ ბიჩინაშვილი – ქაქუცა ჩოლოყაშვილის სახელობის პოლკის მებრძოლი; გიორგი გვაზავა – მე-2 საარმიო კორპუსის ცალკეული სადაზვერვო ბატალიონის პირველი ასეულის მეთაურის თანაშემწე; ფრიდონ (სპირიდონ) თირქია – მე-2 საარმიო კორპუსის ცალკეული სარემონტო-აღდგენითი ბატალიონის მეთაუ-რის მოადგილე პირად შემადგენლობასთან მუშაობის დარგში; იოსებ შოშიტაიშვილი – საქართველოს თავდაცვის სამინისტროს უშიშროების სამმართველოს სწრაფი რეაგირების მოიერიშე 115-ე ბატალიონის კავშირგაბმულობის უფროსი; გია ჩლაჩიძე – საქართველოს შინაგან საქმეთა სამინისტროს შინაგანი ჯარების ოპერატიული პოლკის მებრძოლი; მალხაზ ხარაზიშვილი – საქართველოს შინაგან საქმეთა სამინისტროს შინაგანი ჯარების ოპერატიული პოლკის მებრძოლი. მედლით „მხედრული მამაცობისათვის“: სერგო სვეტკოვი – საქართველოს ეროვნული გვარდიის ცალკეული სადაზვერვო ბატალიონის „შავნაბადას“ მებრძოლი და კაკო წიფიანი – მე-2 საარმიო კორპუსის ცალკეული სარემონტო-აღდგენითი ბატალიონის სატრანსპორტო დანაყოფის ათეულის მეთაური.
ოლექსი რეზნიკოვი: რუსეთი და ირანი ტერორის გასავრცელებლად გაერთიანდნენ
კიევზე თავდასხმის შემდეგ, უკრაინის თავდაცვის მინისტრმა ოლექსი რეზნიკოვმა მოუწოდა ყველა დემოკრატიულ ქვეყანას, გაერთიანდნენ ტერორის წინააღმდეგ. ოლექსი რეზნიკოვის თქმით, (Shahed-136) ირანის მიერ წარმოებული ომი ერთ-ერთია იმ იარაღიდან, რომლითაც უკრაინას თავს ესხმის რუსეთი. ირანი პასუხისმგებელია უკრაინელების მკვლელობებზე - პოდოლიაკი „რუსეთი და ირანი ერთიანდებიან ტერორისა და სიკვდილის გასავრცელებლად. დემოკრატიები და მსოფლიოს ყველაზე საღი აზრის მქონენი უნდა გაერთიანდნენ ამ თავდასხმების მოსაგერიებლად და ბოროტების დასამარცხებლად“, - წერს რეზნიკოვი Twitter-ზე. Reuters: რუსეთისთვის დრონების მიწოდების გამო, ევროკავშირი ირანის წინააღმდეგ სანქციებს განიხილავს 10 ოქტომბრის შემდეგ, რუსეთი უკრაინის დედაქალაქს მასიურად ბომბავს. კიევზე იერიშს მსხვერპლი მოჰყვა როგორც წინა კვირას, ისე დღეს, 17 ოქტომბერსაც. უკრაინული მედიის მიერ, 17 ოქტომბერს გავრცელებული ინფორმაციით, უკრაინის საჰაერო ძალებმა 43-დან 37 დრონი გაანადგურეს. ირანი უარყოფს, რომ მოსკოვს დრონები მიაწოდა. თავის მხრივ, კრემლსაც არ უღიარებია ეს ფაქტი. ინფორმაცია, რომ ირანი რუსეთისთვის დრონების მიწოდებას აპირებდა, თავდაპირველად, აშშ-მ გაავრცელა. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებს, რომ დეოკუპაციის მიზნით, კონტრშეტევებს განაგრძობს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.
ლევან დავითაშვილი: დარწმუნებული ვარ, რომ მომავალ წელს საქართველოს ევროინტეგრაციის პროცესი პოზიტიურად შეფასდება
დარწმუნებული ვარ, რომ მომავალ წელს საქართველოს ევროინტეგრაციის პროცესი ძალიან პოზიტიურად შეფასდება და ჩვენი ქვეყანა კანდიდატის სტატუსს მიიღებს, - განაცხადა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ჩეხეთის ქალაქ პრაღაში მიმდინარე აღმოსავლეთ პარტნიორობის ბიზნეს ფორუმზე სიტყვით გამოსვლისას. ვიცე-პრემიერმა ბიზნეს ფორუმზე აღინიშნა, რომ საქართველომ უკვე შეასრულა ბევრი ვალდებულება ევროინტეგრაციის მხრივ ევროკავშირთან თავისუფალი სავაჭრო სივრცის შესახებ შეთანხმების (DCFTA) ფარგლებში. „მსგავსი ნაბიჯები ჩვენ გვაახლოებს ევროკავშირში გაწევრიანებასთან. დარწმუნებული ვარ, რომ მომავალ წელს საქართველოს ევროინტეგრაციის პროცესი ძალიან პოზიტიურად შეფასდება და ჩვენი ქვეყანა კანდიდატის სტატუსს მიიღებს. მიმდინარე წელს საქართველომ განაცხადი გააკეთა ევროკავშირის ერთიან როუმინგულ სივრცესთან მიერთებასა და ევრო გადახდების ერთიან სისტემაში ინტეგრაციაზე.,“ - განაცხადა ვიცე-პრემიერმა. ცნობისთვის, ევროპულმა საბჭომ საქართველოს, უკრაინისა და მოლდოვის ევროკავშირის წევრობის კანდიდატობის სტატუსთან დაკავშირებით გადაწყვეტილება, 23 ივნისს ბრიუსელში გამართულ ევროკავშირის წევრი სახელმწიფოების ლიდერთა სამიტზე მიიღო. ევროკავშირის წევრის სახელმწიფოების ლიდერთა გადაწყვეტილებით, უკრაინასა და მოლდოვას კანდიდატი ქვეყნის სტატუსი მიენიჭათ, ხოლო საქართველოს აქვს ევროპული პერსპექტივა და პირობები კანდიდატის სტატუსის მისაღებად.
ირანი პასუხისმგებელია უკრაინელების მკვლელობებზე - პოდოლიაკი
ირანი პასუხისმგებელია უკრაინელების მკვლელობებზე. ქვეყანა, რომელიც ჩაგრავს საკუთარ ხალხს, ახლა რუს ურჩხულებს აძლევს იარაღს მასობრივი მკვლელობებისთვის ევროპის გულში, – ამის შესახებ უკრაინის პრეზიდენტის ადმინისტრაციის მრჩეველი, მიხაილ პოდოლიაკი სოციალურ ქსელში წერს. Reuters: რუსეთისთვის დრონების მიწოდების გამო, ევროკავშირი ირანის წინააღმდეგ სანქციებს განიხილავს „ირანი პასუხისმგებელია უკრაინელების მკვლელობებზე. ქვეყანა, რომელიც ჩაგრავს საკუთარ ხალხს, ახლა რუს ურჩხულებს აძლევს იარაღს მასობრივი მკვლელობებისთვის ევროპის გულში. სწორედ ამას ნიშნავს დაუმთავრებელი საქმეები და დათმობა ტოტალიტარიზმთან. შემთხვევა, როდესაც სანქციები არ არის საკმარისი“, – წერს პოდოლიაკი. 10 ოქტომბერს, უკრაინის საჰაერო ძალებმა რუსეთის და ბელორუსის ტერიტორიებიდან გაშვებული ირანული წარმოების დრონი ჩამოაგდეს. 17 ოქტომბერს გავრცელებული ინფორმაციით, უკრაინის საჰაერო ძალებმა 43-დან 37 დრონი გაანადგურეს. ირანი უარყოფს, რომ მოსკოვს დრონები მიაწოდა. თავის მხრივ, კრემლსაც არ უღიარებია ეს ფაქტი. ინფორმაცია, რომ ირანი რუსეთისთვის დრონების მიწოდებას აპირებდა, თავდაპირველად, აშშ-მ გაავრცელა. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებს, რომ დეოკუპაციის მიზნით, კონტრშეტევებს განაგრძობს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.
ევროკავშირი უკრაინის შეიარაღებული ძალებისთვის საწვრთნელ მისიას ოფიციალურად იწყებს
ევროკავშირი უკრაინის შეიარაღებული ძალებისთვის საწვრთნელ მისიას ოფიციალურად იწყებს და ამის შესახებ საბოლოო გადაწყვეტილება მიღებულია. ევროკავშირი უკრაინის შეიარაღებული ძალებისთვის ინდივიდუალური, კოლექტიური და სპეციალიზებული სწავლების უზრუნველსაყოფად, საწვრთნელი მისიის დაწყებაზე შეთანხმდა. ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი აცხადებს. ევროკავშირის საგარეო საქმეთა მინისტრებმა ორშაბათს ხელი მოაწერეს სამხედრო დახმარების მისიის დაწყებას, რომელიც სხვადასხვა წევრ ქვეყანაში 15000 უკრაინელი პერსონალის მომზადებას ისახავს მიზნად. „დღეს ჩვენ ვაძლიერებთ უკრაინის მხარდაჭერას, რათა დავიცვათ თავი რუსეთის უკანონო აგრესიისგან. ევროკავშირის სამხედრო დახმარების მისია გაწვრთნის უკრაინის შეიარაღებულ ძალებს, რათა მათ გააგრძელონ თავიანთი მამაცი ბრძოლა“, - განაცხადა ჯოზეფ ბორელმა. წვრთნების დროს, როგორც უკრაინელი ახალწვეულები, ასევე სპეციალიზებული პერსონალი ევროკავშირის ტერიტორიაზე, მომდევნო ორი წლის განმავლობაში გაივლის სწავლებას. ევროკავშირის სამხედრო დახმარების მისიის იდეით პირველად, ბლოკის უმაღლესი წარმომადგენელი ჯოზეფ ბორელი გამოვიდა. მისიის ოპერატიული შტაბი ევროპის საგარეო სამოქმედო სამსახურის (EEAS) ფარგლებში, ბრიუსელში განთავსდება და მისია ღია იქნება მესამე სახელმწიფოების მონაწილეობისთვის,-ნათქვამია საბჭოს განცხადებაში. დღესვე ცნობილი გახდა, რომ ევროკავშირი უკრაინისთვის სამხედრო დახმარებას 3,1 მილიარდ ევრომდე გაზრდის. ევროკავშირი უკრაინას, სამხედრო დახმარებისთვის დამატებით €500 მილიონს გამოუყოფს „რუსეთის ბოლო, განურჩეველი თავდასხმები არ შეარყევს ჩვენს გადაწყვეტილებას, მხარი დავუჭიროთ უკრაინას, ეს მხოლოდ გააძლიერებს მას“, - განაცხადა ჯოზეფ ბორელმა. ჯოზეფ ბორელი: ევროკავშირის თავდაცვის მინისტრები მზად არიან, უკრაინული ძალებისთვის ევროკავშირის საწვრთნელი მისიის შექმნას გზა გაუხსნან სამხედრო დახმარების მისიის მიზანია, „წვლილი შევიტანოთ უკრაინის შეიარაღებული ძალების სამხედრო შესაძლებლობების გაძლიერებაში, რათა უკრაინას მიეცეს საშუალება, დაიცვას თავისი ტერიტორიული მთლიანობა საერთაშორისოდ აღიარებულ საზღვრებში“, - იტყობინება ევროკავშირის საბჭოს პრესსამსახური. ევროკავშირმა რუსეთის წინააღმდეგ სანქციების მერვე პაკეტი 6 ოქტომბერს დაამტკიცა.
სარფში ცეცხლსასროლი იარაღი და ვაზნები აღმოაჩინეს
"მებაჟე ოფიცრებმა, საქართველოს მოქალაქის ა.ბ.-ს მართვის ქვეშ არსებული ავტომობილის დეტალური დათვალიერების შედეგად, 2 ერთეული ცეცხლსასროლი იარაღი, ასევე იარაღის დეტალები, 18 ცალი ვაზნა და სხვადასხვა ზომის 5 დანა აღმოაჩინეს", - ამის შესახებ ინფორმაციას ფინანსთა სამინისტროს შემოსავლების სამსახური ავრცელებს. "ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტში ,,სარფი“, ეჭვის საფუძველზე, თურქეთის რესპუბლიკის მხრიდან შემოსული, საქართველოს მოქალაქის ა.ბ.-ს მართვის ქვეშ არსებული ავტომობილის დეტალური დათვალიერების შედეგად, 2 ერთეული ცეცხლსასროლი იარაღი, ასევე იარაღის დეტალები, 18 ცალი ვაზნა და სხვადასხვა ზომის 5 დანა აღმოაჩინეს. საქმე შემდგომი რეაგირების მიზნით, შინაგან საქმეთა სამინისტროს გადაეცა", - ნათქვამია ინფორმაციაში.
1 აშშ დოლარის ოფიციალური ღირებულება 2.7645 ლარი გახდა
1 აშშ დოლარის ოფიციალური ღირებულება 2.7645 ლარი გახდა. ამის შესახებ ინფორმაციას ეროვნული ბანკი ავრცელებს. "დღევანდელი ვაჭრობის შედეგად 1 აშშ დოლარის ღირებულება 2.7645 ლარი გახდა. კურსი, რომელიც დღეს მოქმედებდა, 2.7741 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0096 ლარი შეადგინა. რაც შეეხება ევროს, მისი კურსი 2.6946 ლარია. მაშინ, როცა დღეს მოქმედი კურსი 2.6970 ლარს შეადგენდა. შესაბამისად, ევროს ცვლილებამ 0.0024 ლარი შეადგინა. დღევანდელი ვაჭრობის შედეგად მიღებული კურსები ძალაში ხვალ შევა", - ვკითხულობთ ინფორმაციაში.
