"აშშ-ის ხელისუფლება შეშფოთებულია უკრაინის საზღვრებთან რუსული ძალების გადაადგილებით, მაგრამ არ აქვს ინფორმაცია კრემლის შესაძლო განზრახვების თაობაზე", – აღნიშნულის შესახებ აშშ-ის სახელმწიფო მდივანმა ენტონი ბლინკენმა ყატარელ კოლეგასთან შეხვედრის შემდეგ განაცხადა.
„ჩვენ მნიშვნელოვნად შეშფოთებული ვართ იმ არარეგულარული გადაადგილებით, რომელსაც უკრაინის საზღვართან ვაკვირდებით. რუსეთის განზრახვაზე ვერ ვისაუბრებ – ეს ჩვენ არ ვიცით, თუმცა ვიცით, რომ წარსულში რუსული ჯარები პროვოკაციებს ახორციელებდნენ უკრაინის საზღვარზე და შემდეგ ისინი შეიჭრნენ ამ ქვეყნის ტერიტორიაზე“, – განაცხადა ბლინკენმა.
