კორონავირუსმა რევოლუცია მოახდინა საოფისე ცხოვრებაში. მილიონობით ადამიანი სახლიდან, ელექტრონულად მუშაობს. ისინი არ დადიან მეტროთი და არ სადილობენ კვების ობიექტებში. ყოველ დღე მიდის კამათი ეს ყველაფერი კარგია თუ ცუდი.
ბიბისიმ შეაჯამა დიდ ქალაქებში კორონავირუსით შეცვლილი ცხოვრების წესი და მისი გავლენა ყოველდღიურ ყოფაზე.
ზოგიერთ ადამიანს ენატრება ხმაურიანი ბიზნესცენტრები, პირადი კონტაქტები, საქმიანი სადილი და მოგზაურობა. ზოგიერთი კი წინააღმდეგი არ არის რეალური კომუნიკაციები დისტანციურით ჩაანაცვლოს.
ახალი ტალღის მიუხედავად, კორონავირუსით სიკვდილიანობის მაჩვენებელი გაცილებით დაბალია, ვიდრე გაზაფხულზე იყო. შესაბამისად საზოგადოება თანდათან კარგავს შიშს და ვირუსთან ერთად ცხოვრებას ეგუება.
როგორც ამერიკის შეერთებული შტატების ყველაზე ცნობილმა ბანკირმა აღნიშნა, ეკონომიკა ვირუსზე უარესია "ზიანს აყენებს ის, რომ ხალხი სახლში რჩება".
ზაფხულის შუა რიცხვებში ლონდონში, ოფისებში დასაქმებულთა 50% სახლიდან მუშაობდა. პარიზში, მილანში, ბერლინში, ფრანკფურტში და მადრიდში დაახლოებით 25%.
ნიუ-იორკისა და ლონდონის ბიზნეს რაიონებში უკვე არ არის ხალხმრავლობა, არც გზებზეა საცობები. ამ ფონზე ხელისუფლებამ შეშფოთება დაიწყო, რადგან ტურისტებისა და ოფისის თანამშრომლებიც გარეშე დიდ ცენტრებს განადგურება ემუქრებათ.
პანდემიის კიდევ ერთი მსხვერპლი გახდა საზოგადოებრივი ტრანსპორტი, ამიტომ ხელისუფლებას სურს, სწრაფად განაახლონ ოფისებმა მუშაობა, განსაკუთრებით გიგანტურ ქალაქებში.
გამოკითხვამ აჩვენა, რომ დასაქმებულთა უმრავლესობა სიამოვნებით გააგრძელებდა სამუშაოს სახლიდან, რათა შეინარჩუნონ ოჯახთან ურთიერთობის შესაძლებლობა.
ნაწილი კი ცდილობს დაუბრუნდეს აქტიურ სოციალურ ცხოვრებას. ბევრისთვის ოფისი ერთადერთი ფანჯარაა მსოფლიოში, კოლეგები კი ერთადერთი სოციალური წრე.
ჯერ კიდევ მაისში, გუგლმა და ფეისბუკმა მიიღეს გადაწყვეტილება , თანამშრომლებმა წლის ბოლომდე იმუშაონ სახლებიდან. ტვიტერი კი არჩევანს სთავაზობს - მათ შეუძლიათ დროებით ან სამუდამოდ იმუშაონ ონლაინ.
ამერიკის მცირე ბიზნესის და ეკონომისტთა ეროვნული ასოციაციის კვლევის თანახმად, გამოკითხულთა მესამედი დარწმუნებულია, რომ დისტანციურად დასაქმებულთა 40% ოფისში აღარ დაბრუნდება.
ამერიკელი ბანკირის, მორგან სტენლის აზრით, შეერთებულ შტატებში დისტანციურად მომუშავეების რიცხვი 30% - ით კიდევ გაიზრდება და ამას „ახალ რეალობას“ უწოდებს.
ნეტფლიქსის დამფუძნებლის რიდ ჰასტინგსის თქმით, „სახლიდან მუშაობას არ გააჩნია არანაირი დადებითი მხარე“. ამასთან იმასაც ამბობს, რომ ვინც სახლიდან მუშაობდა, კვირაში ერთხელ მაინც ექნება ამის შესაძლებლობა.
