პრეზიდენტმა ჯო ბაიდენმა აშშ-ის კონგრესს თეთრი სახლიდან მიმართა და მოუწოდა, რომ ქვეყანაში საბრძოლო ცეცხლსასროლი იარაღისა და მათთვის განკუთვნილი მჭიდების გაყიდვა აიკრძალოს და 18-დან 21-წლამდე გაიზარდოს იარაღის შეძენის ნებართვისათვის საჭირო მინიმალური ასაკი.
- პოლიციამ ტერორიზმის ბრალდებით დააკავა კაცი, რომელიც ნიუ-იორკის მეტროში მომხდარ სროლაშია ეჭვმიტანილი
- ტეხასის სკოლაში მომხდარი სროლის შედეგად დაღუპულთა რიცხვი 21-მდე გაიზარდა
ჯო ბაიდენმა მოუწოდა, რომ გამკაცრდეს იარაღის მყიდველთა შემოწმების პროცესი. მისივე თქმით, ასევე აუცილებლად უნდა დაბრუნდეს საბრძოლო ცეცხლსასროლი იარაღის გაყიდვაზე აკრძალვა, რომელიც შეერთებულ შტატებში 2004 წლამდე მოქმედებდა.
აშშ-ის პრეზიდენტის ამ მიმართვას წინ უძღოდა ოკლაჰომის შტატის ქალაქ თალსაში მომხდარი სროლა, რასაც სულ მცირე 4 ადამიანი დაიღუპა და რამდენიმე დაიჭრა.
