„ჩვენ მივცემთ უკრაინას იმას, რაც სჭირდება ბრძოლის ველზე თავდაცვისთვის და წარმატების მისაღწევად", - განაცხადა აშშ-ის პრეზიდენტმა ვოლოდიმირ ზელენსკისთან ერთობლივ პრესკონფერენციაზე.
ბაიდენის თქმით, მან მრავალი საათი დაუთმო ევროპელ პარტნიორებს უკრაინის მხარდაჭერის აუცილებლობის დასამტკიცებლად.
და ამავე დროს, აღნიშნა რომ არ სურდა NATO-რუსეთის პირდაპირი დაპირისპირების დაწყება და მესამე მსოფლიო ომი.
„ბატონო პრეზიდენტო, არ ინერვიულოთ, ჩვენ ვიდგებით უკრაინის გვერდით, ვიდრე უკრაინა იარსებებს“, - განაცხადა ბაიდენმა და დაასრულა პრესკონფერენცია.
თეთრ სახლში ორსაათიანი შეხვედრის შემდეგ, ჯო ბაიდენისა და ვოლოდიმირ ზელენსკის ერთობლივი პრესკონფერენცია გაიმართა.
უკრაინის პრეზიდენტი ოფიციალური ვიზიტით აშშ-ში 21 ნოემბერს ჩავიდა. 24 თებერვლის შემდეგ, ეს პირველი შემთხვევა, როცა ზელენსკიმ უკრაინა დატოვა და უცხო ქვეყანაში გაემგზავრა.
