Financial Times-ის ცნობით, Tesla-ს საბაზრო კაპიტალიზაცია გასული კვირის განმავლობაში $85 მილიარდით შემცირდა და $400 მილიარდზე ქვემოთ დაეცა.
ილონ მასკის მიერ დაფუძნებული ელექტრომანქანების მწარმოებელი, ახლა უფრო ნაკლები ღირს ვიდრე ExxonMobil-ი, ნავთობკომპანია, რომელიც აწარმოებს საწვავს შიდა წვის ძრავების მანქანებისთვის.
ვაჭრობის დახურვისას, პარასკევს, 23 დეკემბერს, Tesla-ს აქციები $123,15 ღირდა, რაც ორ წელზე მეტი ხნის განმავლობაში ყველაზე დაბალი ფასია.
ამავდროულად, Tesla-ს აქციები მხოლოდ ამ კვირაში 18%-ით დაეცა - ეს არის ყველაზე ცუდი ყოველკვირეული შედეგი 2020 წლის მარტის შემდეგ, როდესაც პანდემია გამოცხადდა, - აღნიშნავს გაზეთი.
წლის დასაწყისში Tesla-ს კაპიტალიზაცია $1.2 ტრილიონი იყო. მას შემდეგ მისი კაპიტალიზაცია $800 მილიარდზე მეტით შემცირდა, - ეს შედარებულია S&P 500 ინდექსის 80-ზე მეტი ყველაზე პატარა კომპანიის მთლიან საბაზრო ღირებულებასთან, წერს FT, S&P Global Market-ის მონაცემებზე დაყრდნობით.
FT-ის ცნობით, Tesla-ს აქციების ფასზე ზეწოლა განხორციელდა ილონ მასკის გადაწყვეტილებით, გაეყიდა კომპანიის აქციები Twitter-ის შესყიდვის დასაფინანსებლად, ასევე გავლენა მოახდინა ინვესტორების მზარდმა შეშფოთებამ ელექტრომობილების გაყიდვის პერსპექტივის შესახებ.
