შეერთებული შტატები ახლა ევროკავშირისთვის ნედლი ნავთობის უდიდესი მიმწოდებელია. დეკემბერში ბლოკის ნედლი ნავთობის იმპორტის 18% ამერიკიდან მოდიოდა, განაცხადა ევროსტატის მონაცემთა ოფისმა.
ევროსტატის მიხედვით, რუსეთი ბოლო დრომდე იყო ნედლი ნავთობის მთავარი მიმწოდებელი, რომელიც 2022 წლის იანვრის ბოლომდე მთლიანი იმპორტის 31%-ს შეადგენდა.
ეს მონაცემი ოთხ პროცენტამდე შემცირდა.
2022 წლის ბოლოსთვის ევროკავშირის ქვეყნებში ნავთობის უმსხვილესი მიმწოდებლები აშშ, ნორვეგია და ყაზახეთი არიან.
„2021 წლის ბოლო კვარტალიდან 2022 წლის იანვრამდე, რუსეთიდან იმპორტი მერყეობდა 39,657 ათასი ბარელიდან 49,698 ათას ბარელამდე, რაც წარმოადგენს მთლიანი იმპორტის 24%- 31%-ს შორის. შეერთებული შტატები იყო ნედლი ნავთობის სიდიდით მეორე მიმწოდებელი ევროკავშირში. 19,115 ათასი ბარელი და 20,751 ათასი ბარელი, რაც წარმოადგენს ნედლი ნავთობის მთლიანი იმპორტის 10%-13%-ს. ნორვეგიამ და ყაზახეთმა ასევე მიაწოდეს ნედლი ნავთობის მსგავსი მოცულობები, რაც შეადგენს იმპორტის მთლიანი მოცულობის 8%- 14%-ს, ხოლო იმპორტი ერაყიდან იყო ოდნავ დაბალი, 7%-დან 12%-მდე. იმპორტი ლიბიიდან და გაერთიანებული სამეფოდან მთლიანი იმპორტის დაახლოებით 5%-ს შეადგენდა“, - ნათქვამია ანგარიშში.
2022 წლის თებერვალში რუსეთის შეჭრამ უკრაინაში მნიშვნელოვანი გავლენა მოახდინა ევროკავშირის ნედლი ნავთობის იმპორტზე.
ევროკავშირისთვის ნედლი ნავთობის უმსხვილესი მიმწოდებლები გახდნენ შეერთებული შტატები, ნორვეგია და ყაზახეთი, რაც მიუთითებს იმაზე, რომ ევროკავშირმა მოახერხა ნავთობის ბაზრის ცვალებად პირობებთან ადაპტირება და პრაქტიკულად გააუქმა დამოკიდებულება რუსულ ნავთობზე.
