ომები ბუნებით არაპროგნოზირებადია. დღეს ვერავინ იტყვის, როდის დასრულდება ეს ომი. ვიმედოვნებთ, რომ უკრაინელები შეძლებენ დიდი პროგრესის მიღწევას და თქვენ მალე გექნებათ სამართლიანი და გრძელვადიანი მშვიდობა. მაგრამ ამას დარწმუნებით ვერავინ იტყვის. ჩვენ უნდა მოვემზადოთ გრძელვადიან პერსპექტივაში. შესაბამისი განცხადება NATO-ს გენერალურმა მდივანმა, იენს სტოლტენბერგმა გერმანიაში, რამშტაინის ფორმატში მორიგი შეხვედრის დაწყების წინ განაცხადა.
„NATO-ს მოკავშირეები კვლავ და ისევ აცხადებენ, რომ ჩვენ უკრაინის გვერდით ვიქნებით იმდენ ხანს, რამდენიც მას დასჭირდება. მაგრამ მეორე მიზეზი, რის გამოც ჩვენ გვჭირდება ერთგვარი გრძელვადიანი პერსპექტივა, არის ის, რომ ასევე, ომის დასრულების შემდეგ, ჩვენ გვჭირდება უკრაინის მხარდაჭერა. იმიტომ, რომ ჩვენ უნდა უზრუნველვყოთ, რომ უკრაინას ჰქონდეს სამხედრო ძალა, შესაძლებლობები, შეკავების უნარი ახალი თავდასხმების თავიდან ასაცილებლად, რადგან უნდა გახსოვდეთ, რომ ომი არ დაწყებულა გასული წლის თებერვალში.
ომი დაიწყო 2014 წელს, როდესაც რუსეთმა უკანონოდ მოახდინა ყირიმის ანექსია და როდესაც რუსეთი პირველად გადავიდა აღმოსავლეთ დონბასში. შემდეგ კი ჩვენ გვქონდა სრულმასშტაბიანი შეჭრა თებერვალში. ასე რომ, როდესაც ომი დასრულდება, ჩვენ უნდა დავრწმუნდეთ, რომ ის ნამდვილად სრულდება და ეს არის გრძელვადიანი მშვიდობა“, - განაცხადა სტოლტენბერგმა.
მისივე თქმით, მოკავშირები ეხმარებიან უკრაინელებს უფრო მეტი მიწის გათავისუფლებაში, უფრო მოწინავე სისტემების მიწოდებით.
„ახლა მოკავშირეები კიევს აწვდიან NATO-ს თანამედროვე სტანდარტების მოწინავე საბრძოლო ტანკების მნიშვნელოვან რაოდენობას. მაგრამ მოწინავე თანამედროვე სტანდარტების საბრძოლო ტანკების გარდა, მოკავშირეები ასევე აწვდიან მათ ქვეითთა საბრძოლო მანქანებს, შეიარაღებულ პერსონალის მატარებლებს, უამრავ ჯავშანსა და საბრძოლო მასალას და აღჭურვილობას. ასე რომ, ეს ყველაფერი მართლაც მოწინავე მაღალი დონის შესაძლებლობებია“, - აღნიშნა სტოლტენბერგმა.
