გერმანიამ უკრაინისთვის უფრო კრიტიკულად საჭირო საჰაერო თავდაცვის უზრუნველსაყოფად, ახალი ინიციატივა წამოიწყო. იტყობინება Tagesschau 17 აპრილს, გერმანიის თავდაცვისა და საგარეო საქმეთა სამინისტროების სპიკერებზე დაყრდნობით.
ბერლინმა ევროკავშირისა და NATO-ს პარტნიორებს უკვე მიმართა, რადგან რუსეთის გაძლიერებული საჰაერო თავდასხმები უკრაინის ქალაქებზე კვლავ ხაზს უსვამს საკმარისი საჰაერო თავდაცვის სისტემების მზარდ დეფიციტს. 17 აპრილის დილით, ქალაქ ჩერნიგოვზე რუსული სარაკეტო თავდასხმის შედეგად სულ მცირე 17 ადამიანი დაიღუპა.
გერმანიის თავდაცვის მინისტრი ბორის პისტორიუსი და საგარეო საქმეთა მინისტრი ანალენა ბაერბოკი მიმართავენ ევროკავშირს, NATO-ს და მესამე მხარის ქვეყნებს ახალი ინიციატივით, რომელიც ასევე განიხილება დიდი შვიდეულის (G7) საგარეო საქმეთა მინისტრების შეხვედრაზე ამ კვირაში. უკრაინას საბრძოლო მასალის დეფიციტს ემუქრება, რადგან აშშ-ის მნიშვნელოვანი დაფინანსება რესპუბლიკელებმა კონგრესში თვეების განმავლობაში დაბლოკეს და ევროკავშირი ვერ ახერხებს საბრძოლო მასალის დროულად მიწოდებას.
„გერმანიის ინიციატივა პასუხობს უკრაინაში არსებული ვითარების ცვალებად ბუნებას,“ განაცხადა გერმანიის თავდაცვის სამინისტროს წარმომადგენელმა ბრიფინგზე და დასძინა, რომ არაერთმა ქვეყანამ გამოხატა თავისი ინტერესი.
„ეს არ მოხდებოდა, თუ უკრაინა მიიღებდა საკმარის საჰაერო თავდაცვის აღჭურვილობას,“ - განაცხადა პრეზიდენტმა ვოლოდიმირ ზელენსკიმ.
ზელენსკის თქმით, უკრაინას სჭირდება Patrio-ის 25 სისტემა რათა დაიცვას მთელი ქვეყანა რუსეთის თავდასხმებისგან.
გერმანია შეერთებული შტატების შემდეგ, უკრაინის მეორე უმსხვილესი სამხედრო დონორია.
