აშშ-ის თავდაცვის დეპარტამენტმა კიევისთვის იარაღის მიწოდების დაწყების შესახებ განაცხადა მას შემდეგ, რაც პრეზიდენტმა ჯო ბაიდენმა ხელი მოაწერა კანონპროექტს უკრაინის სამხედრო დახმარების შესახებ.
„ეს არის აღჭურვილობის 56-ე ტრანში, რომელსაც ბაიდენის ადმინისტრაცია უკრაინას თავდაცვის დეპარტამენტის მარაგებიდან 2021 წლის აგვისტოდან გადასცემს. პაკეტი […] შეფასებულია 1 მილიარდ დოლარად და მოიცავს სახსრებს უკრაინის ყველაზე მწვავე საჭიროებების დასაკმაყოფილებლად, მათ შორის, საჰაერო თავდაცვის სისტემებს, საარტილერიო ჭურვებს, ჯავშანტექნიკასა და ტანკსაწინააღმდეგო იარაღს,“ - ნათქვამია პენტაგონის განცხადებაში.
პირველ პაკეტში, კერძოდ, შედის RIM-7 და AIM-9M რაკეტები საჰაერო თავდაცვის სისტემებისთვის, რაკეტები Stinger MANPADS-ისთვის, მცირე იარაღი და საბრძოლო მასალა, მათ შორის, დრონებთან საბრძოლველად, საბრძოლო მასალა HIMARS MLRS-ისთვის, 155 მმ და 105 მმ საარტილერიო ჭურვები. ბრედლის ქვეითთა საბრძოლო მანქანები, Javelin-ის და AT-4-ის ტანკსაწინააღმდეგო სისტემები, ღამის ხედვის მოწყობილობები და სხვა აღჭურვილობა.
როგორც BBC წერს, პაკეტი ასევე შეიცავს აეროდრომის დამხმარე აღჭურვილობას, რომელიც შეიძლება, თვითმფრინავების კიევში გადაყვანაზე მიუთითებდეს.
