ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი სოციალურ პლატფორმა X-ზე წერს, რომ ასადის დიქტატურის დასასრული პოზიტიური და დიდი ხნის ნანატრი მოვლენაა. ეს ასევე აჩვენებს ასადის მხარდამჭერების, რუსეთისა და ირანის სისუსტეს.
კალასის შეფასებით, სირიის აღდგენის პროცესი ხანგრძლივი და რთული იქნება და ყველა მხარე მზად უნდა იყოს კონსტრუქციული ჩართულობისთვის.
„ჩვენი პრიორიტეტი რეგიონში უსაფრთხოების უზრუნველყოფაა. ვიმუშავებ ყველა კონსტრუქციულ პარტნიორთან, სირიასა და რეგიონში. მჭიდრო კავშირში ვარ რეგიონის მინისტრებთან. სირიის აღდგენის პროცესი ხანგრძლივი და რთული იქნება და ყველა მხარე მზად უნდა იყოს კონსტრუქციული ჩართულობისთვის,” - წერს კაია კალასი.
