სომხეთმა და აზერბაიჯანმა თხევადი გაზისა და ბიტუმის აზერბაიჯანის გავლით ტრანსპორტირების შესახებ შეთანხმებას მიაღწიეს. ამის შესახებ სომხეთის ეკონომიკის მინისტრმა გევორგ პაპოიანმა Facebook-ზე დაწერა.
„ჩვენს მეწარმეებს ახლა შეუძლიათ, ისარგებლონ ამ შესაძლებლობით,“ - დაწერა პაპოიანმა.
რადიო თავისუფლების კითხვაზე, მოსალოდნელია თუ არა ფასების ცვლილება საწვავის აზერბაიჯანის გავლით იმპორტის შემდეგ, მინისტრმა უპასუხა:
„მიზანი ყოველთვის არის საქონლის მაქსიმალური უწყვეტობის უზრუნველყოფა და, ბუნებრივია, ტრანსპორტირების ხარჯების შემცირება და, შესაბამისად, თვითღირებულების შემცირება.“
2025 წლის ოქტომბერში აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანმა გააუქმა სომხეთში ტვირთების ტრანზიტის აკრძალვა. სომხეთმა ტვირთების (მარცვლეულის, ბენზინისა და დიზელის საწვავი) მიღება აზერბაიჯანის გავლით გასული წლის ბოლოს დაიწყო.
2026 წლის 21 იანვარს დავოსის ეკონომიკური ფორუმის კულუარებში სომხეთისა და აზერბაიჯანის პრეზიდენტებმა ისაუბრეს სამხრეთ კავკასიის რეგიონში შევლილ გეოპოლიტიკურ ვითარებასა და ახალ სატრანზიტო დერეფნებზე.
