„ჯანმრთელობის მსოფლიო ორგანიზაციის რეკომენდაციაა, რომ 12-დან 16 წლამდე ასაკის მხოლოდ შესაბამისი ჩვენებების მქონე მოზარდები აიცრან“, - განაცხადა დაავადებათა კონტროლის ეროვნული ცენტრის დირექტორმა, ამირან გამყრელიძემ შესაბამისი შეკითხვის საპასუხოდ.
12-15 წლის ბავშვების აცრა მშობლებს სურვილის მიხედვით დღესაც შეეძლებათ
უწყებათაშორისი საკოორდინაციო საბჭოს სხდომის შემდეგ ბრიფინგზე ამირან გამყრელიძემ განაცხადა, რომ იმუნიზაციის საბჭო აწონ-დაწონის როგორც ჯანმრთელობის მსოფლიო ორგანიზაციის, ისე ევროპის მედიკამენტების სააგენტოს რეკომენდაციებს და გადაწყვეტილებას ამის მიხედვით მიიღებს.
„ჯანმრთელობის მსოფლიო ორგანიზაციას აქვს უკვე თავისი რეკომენდაცია, რომ აცრას არა ყველა ბავშვი, 12-დან 16 წლამდე, არამედ შერჩევითად, შესაბამისი ჩვენებებით. ავწონ-დავწონით, როგორ აკეთებენ სხვადასხვა ქვეყანაში. ამაზე მიმოხილვებია გაკეთებული ჩვენთან, რა რეკომენდაცია აქვს ჯანმრთელობის მსოფლიო ორგანიზაციას, რა რეკომენდაცია აქვს ევროპის მედიკამენტების სააგენტოს და იმუნიზაციის საბჭო გადაწყვეტილება ამის შესაბამისად მიიღებს“, - განაცხადა გამყრელიძემ.
ამავე თემაზე:
საქართველო 12 წელს გადაცილებული ბავშვების აცრაზე ჯანმოს რეკომენდაციას ელოდება
12 წელს გადაცილებული ბავშვების აცრაზე საქართველო სხვა ქვეყნის მაგალითებსაც განიხილავს
დაავადების მქონე მოზარდების აცრა საქართველოში შესაძლოა, ჯანმოს რეკომენდაციამდე დაიწყოს
