ჯო ბაიდენის ტესტი COVID19-ზე უარყოფითია. ამის შესახებ, აშშ-ის პრეზიდენტის მკურნალი ექიმის კევინ ო'კონორის წერილშია ნათქვამი, რომელიც მან თეთრი სახლის პრესმდივან კარინ ჯან-პიერს გაუგზავნა.
„უსაფრთხოების მიზნით ჯო ბაიდენი იზოლაციის მკაცრ წესებს დაიცავს იქამდე, ვიდრე მისი მეორე ტესტიც უარყოფითი არ იქნება“, - ნათქვამია წერილში.
თეთრი სახლის ცნობით, 27 ივლისს აშშ-ის პრეზიდენტის ტესტი COVID19-ზე უარყოფითი იყო. 30 ივლისს ჯო ბაიდენს კორონავირუსი ხელმეორედ დაუდასტურდა.
თეთრმა სახლმა 21 ივლისს გაავრცელა ინფორმაცია, რომ აშშ-ის პრეზიდენტს ჯო ბადენს კორონავირუსი დაუდასტურდა.
