თურქეთის ენერგეტიკის მინისტრმა ფატიჰ დონმეზმა დღეს დაადასტურა, რომ სტამბულში თებერვალში, ევროპის მომხმარებლებისა და გაზის მიმწოდებლების მონაწილეობით საერთაშორისო კონფერენცია გაიმართება.
დონმეზის თქმით, მომავალ შეხვედრაზე იგეგმება თურქეთის ტერიტორიაზე ევროპისთვის ბუნებრივი აირის მიწოდებისთვის ენერგეტიკული ცენტრის (ჰაბის) შექმნის საკითხის განხილვა.
მისივე თქმით, მისი მეშვეობით იგეგმება არა მხოლოდ რუსული ბუნებრივი აირის, არამედ თურქეთიდან სხვა ქვეყნების ენერგომატარებლების მიწოდება.
ამჟამად თურქეთი „ლურჯ საწვავს“ 12 ქვეყნიდან იღებს.
მინისტრმა ასევე განაცხადა, რომ თურქეთი არ აპირებს რაიმე შეზღუდვას ან კონტროლს დაწესებას ტრანზაქციებზე, რომლებიც ჰაბის ფარგლებში დაიდება.
