ჩინეთის საგარეო საქმეთა სამინისტრომ მოსკოვისთვის ლეტალური დახმარების გაწევის გეგმა უარყო და შეერთებული შტატები და NATO ცრუ ინფორმაციის გავრცელებაში დაადანაშაულა, იუწყება CNN.
საგარეო საქმეთა სამინისტროს სპიკერმა განაცხადა, რომ NATO-მ უნდა შეწყვიტოს უსაფუძვლო სპეკულაციები და შეწყვიტოს დაპირისპირების გაღვივება“.
ფონი: ჩინეთის უმაღლესი დიპლომატი ვან ი 22 თებერვალს მოსკოვში რუსეთის საგარეო საქმეთა მინისტრ სერგეი ლავროვს შეხვდა.
ჩინეთის უმაღლესმა დიპლომატმა რუსეთის საგარეო საქმეთა მინისტრს სერგეი ლავროვს განუცხადა, რომ პეკინი "მტკიცედ განაგრძობს დამოუკიდებელ და ავტონომიურ საგარეო პოლიტიკას".
მისივე თქმით, ჩინეთის პრეზიდენტის სი ძინპინისა და რუსეთის ვლადიმერ პუტინის „სტრატეგიული ხელმძღვანელობით“ ორ ქვეყანას შორის ურთიერთობა „აგრძელებს მაღალ დონეზე მუშაობას“. ვან ის თქმით, ჩინეთი „გახსნის ახალ პერსპექტივებს და ახალ კონოტაციებს შეიტანს ჩინეთის თანამშრომლობაში მსოფლიოს სხვა ქვეყნებთან, მათ შორის რუსეთთან, ჩინური სტილის მოდერნიზაციის პროცესით“.
Wall Street Journal-ის წყაროებმა განაცხადეს, რომ სი ძინპინის შეხვედრა პუტინთან, მრავალმხრივი სამშვიდობო მოლაპარაკებების ხელშეწყობის უფრო დიდი ძალისხმევის ნაწილია და რომ პეკინი მიზნად ისახავს, გაზარდოს თავისი ჩართულობა უკრაინის კონფლიქტის მოგვარებაში.
პრეზიდენტმა ვოლოდიმირ ზელენსკიმ 21 თებერვალს იტალიის პრემიერ-მინისტრ ჯორჯ მელონთან გამართულ პრესკონფერენციაზე ჩინეთის მიერ შემოთავაზებულ სამშვიდობო გეგმაზე გააკეთა კომენტარი.
„ჩვენ გვაქვს ჩვენი ფორმულა და დოკუმენტი, რომელსაც უკვე დაუჭირა მხარი უამრავმა სახელმწიფომ და ჩვენ ველით მის შემდგომ მხარდაჭერას... ვფიქრობ, მნიშვნელოვანია, ერთი პოზიცია გვქონდეს“, - განაცხადა ზელენსკიმ.
ჩინეთის მთავრობა თავს არიდებს რუსეთის მკაფიო კრიტიკას.
აშშ-ის ოფიციალური პირები კვლავ შეშფოთებულნი არიან იმის გამო, რომ ჩინეთმა შესაძლოა, რუსეთის ლეტალური დახმარებით უზრუნველყოფა გადაწყვიტოს. ამას 19 თებერვალს CNN-თან ინტერვიუში აშშ-ის ელჩმა გაეროში ლინდა თომას-გრინფილდმა „წითელი ხაზი" უწოდა.
