ახალი ამბები
პუტინი საბჭოთა კავშირის ნაცისტურ გერმანიასთან შედარების აკრძალვის იდეას ემხრობა
რუსეთის ფედერაციის პრეზიდენტმა, ვლადიმერ პუტინმა მოიწონა იდეა ნაცისტურ გერმანიასთან საბჭოთა კავშირის შედარება საკანონმდებლო დონეზე აიკრძალოს. რია ნოვოსტის ცნობით, კანონის გამკაცრების ინიციატივით დუმის სათათბირო კომიტეტის ხელძღვანელი კულტურის დარგში, ელენა იამპოლსკაია გამოვიდა. მისი აზრით, როცა ისტორიული მეხსიერების შეურაცხყოფაზეა საუბარი, რუსეთს კანონის გამკაცრების მორალური უფლება აქვს. "ფრთხილად, მაგრამ უნდა გავაკეთოთ. თუ ზოგიერთ ქვეყანაში სომხების გენოციდისთვის სისხლის სამართლებრივი სასჯელია გათვალისწინებული, ღმერთი თავადაც ისურვებდა, ჩვენი უახლესი წარსული შესაბამისი მექანიზმებით დაგვეცვა", - განაცხადა პუტინმა. ინიციატივის ავტორის, ელენა იამპოლსკაიას თქმით, რუსეთში იბეჭდება და ახალგაზრდებს შორის პოპულარულია წიგნები, სადაც წითელი არმიისა და ნაცისტური გერმანიის ჯარისკაცების ქმედებების შედარება ხდება. მისივე თქმით, ის შესაბამის კანონპროექტს უკვე ამზადებს, რასაც პუტინმა მხარი დაუჭირა.
პომპეომ მალდივის კუნძულებზე აშშ-ს საელჩოს გახსნა დააანონსა
28 ოქტომბერს აშშ-ს საგარეო მდივანმა, მაიკ პომპეომ, განაცხადა, რომ ვაშინგტონი პირველად მალდივის კუნძულებზე საელჩოს გახსნის. პომპეოს ამჟამად ხუთ-დღიანი ტურნეთი იმყოფება ინდო-წყნარი ოკეანეთის ქვეყნებში რეგიონში ჩინეთის ბალანსის მიზნით. "ამ შენობის გახსნა ერთ ღამეში ვერ მოხერხდება, თუმცა ეს ამად ღირს". - განაცხადა პომპეომ მალდივის კუნძულებზე პრესკონფერენციაზე. "ეს სწორია. თქვენი როლი ინდო-წყნარი ოკეანეთის და საერთაშორისო საზოგადოებაში ძალიან მნიშვნელოვანია". - აღნიშნა აშშ-ს სახელმწიფო მდივანმა. პომპეომ ინდოეთში, შრი-ლანკაში, მალდივის კუნძულებებზე და ინდონეზიაში ტურნე 25 ოქტომბერ დაიწყო. ტურნეს დაწყებამდე მან მოლოდინი გამოთქვა, რომ შეხვედრები მოიცავს დისკუსიებს თუ "როგორ უნდა იმუშაონ თავისუფალმა ქვეყნებმა ერთად, რათა ჩინეთის კომუნისტური პარტიის საფრთხე თავიდან აირიდონ". ინდოეთში ვიზიტისას მან თქვა, რომ აშშ-მ და ინდოეთმა ერთად უნდა იმუშაონ უსაფრთხოებასა და თავისუფლებაზე, რათა შეეწინააღმდეგონ ჩინეთისგან მომდინარე საფრთხეს. მხარეებმა ასევე ხელი მოაწერეს სამხედრო შეთანხმებას, რაც ინდოეთს მისცემს წვდომას აშშ-ს მოწინავე სატელიტსა და რუკის მონაცემებზე. შეგახსებენთ, რომ ინდოეთი Quad-ის წევრია. ჩინეთისგან მომავალი მზარდ საფრთხესთან ერთად ბოლო დროს სულ უფრო მეტს ლაპარაკობენ შორეულ აღმსავლეთში აშშ-ს ლიდერობით სამომავლოდ NATO-ს მსგავსი ალიანსის შექმნაზე. ვაშინგტონი აღმოსავლეთის რეგიონში ჩინეთის წინააღმდეგ მოკავშირეების მხარდაჭერას ელის, თუმცა, მეორე მხრივ, მათ პეკინთან ურთიერთობის გაუარესებას თავს არიდებენ ეკონომიკური კავშირების გამო. 2019 წელს ავსტრალიის საექსპორტო მთავარი მიმართულება ჩინეთი იყო, ჩინეთი იაპონიისთვის მეორე მთავარი მიმართულება იყო, ხოლო ინდოეთისთვის - მესამე. თუმცა, შესაძლოა, ეს დამოკიდებულება ბოლო პერიოდში შეიცვალა, მაგალითად, ჩინეთსა და ინდოეთს შორის ურთიერთობები მას შემდეგ გაუარესდა, რაც 15 ივნისს, გალვანის ხეობაში, ინდოეთისა და ჩინეთის სადავო საზღვარზე დაპირისპირება მოხდა, რასაც 20 ინდოელი სამხედრო ემსხვერპლა და 76 დაშავდა.
კელი დეგნანი: ვისურვებდი, რომ ინდივიდების პოლიტიკა დასრულდეს
ამერიკის ელჩი კელი დეგნანი საარჩევნო გარემოზე საზოგადოებრივ საქმეთა ოფიცრის მოვალეობის შემსრულებელ კრისტოფენ ანდერსონს ესაუბრა. „ვისურვებდი, რომ დასრულდეს ინდივიდების პოლიტიკა, რომელიც ქართული საზოგადოების პოლარიზაციას იწვევს და ქვეყანაში რუსეთის მიერ დაპირისპირებისა და დაბნეულობის დათესვას უხსნის გზას. მსურს, ვნახო მშვიდი და წყნარი გარემო არჩევნებისა და მის მომდევნო დღეს, რათა ხალხმა უსაფრთხოდ მისცეს ხმა. მე მსურს, ამ შაბათს ვიხილო ამომრჩეველთა ძალიან მაღალი აქტივობა“, - აცხადებს კელი დეგნანი. „თავისუფალი და სამართლიანი არჩევნები სცილდება მხოლოდ არჩევნების დღეს, თუმცა რა თქმა უნდა, ის ძალიან მნიშვნელოვანია. ეს პროცესი უნდა იყოს უსაფრთხო, ინკლუზიური და სანდო, და ის ხალხმა ლეგიტიმურად უნდა მიიჩნიოს. სამართლიან არჩევნებში, თავისუფალ არჩევნებში არ არის ადგილი ისეთი ფაქტებისთვის, როგორებიცაა ამომრჩევლის დაშინების, ხმების ყიდვის, ამომრჩევლის იძულება ფოტო გადაუღონ ბიულეტენს, ან სამსახურიდან გათავისუფლების მუქარა, თუ ხმას არ მისცემენ ერთ პარტიას, ან დაწინაურების პირობა, თუ ხმას მისცენ სხვა პარტიას. თავისუფალი არჩევნები იმას ნიშნავს, რომ ერთი ადამიანი უდრის ერთ ხმას. ეს არ ნიშნავს, ბიულეტენების ჩაყრას, არც მრავალჯერადი ხმის მიცემას არც გაყალბებას გამარჯვებისთვის. ვფიქრობ, ქართველი ხალხი შემოგვიერთდება, რომ ყურადღების დავაკვირდეთ მათ არჩევნებს, რათა ვნახოთ, რამდენად დაიცავს საქართველო მაღალ სტანდარტებს, რომელიც დაიკისრა. იმიტომ რომ ქართველები იმსახურებენ, რომ წელს ხმა მისცენ თავისუფალ და სამართლიან არჩევნებში“, - განაცხადა ელჩმა. საპარლამენტო არჩევნები საქართველოში 31 ოქტომბერს ჩატარდება.
კელი დეგნანი: უცხოური ჩარევებისგან დასაცავად ცესკოს ვეხმარებით
საქართველოში ამერიკის ელჩი კელი დეგნანი არჩევნებისთვის მზადების პროცესზე საზოგადოებრივ საქმეთა ოფიცრის მოვალეობის შემსრულებელ კრისტოფენ ანდერსონს ესაუბრა. მან ცესკოსთან თანამშრომლობის შედეგებზე გაამახვილა ყურადღება. „განსაკუთრებით ვიმუშავეთ ცენტრალურ საარჩევნო კომისიასთან, რათა კოვიდპანდემიის მიუხედავად, უზრუნველყოფილი იყოს ამომრჩევლის ხმის მიცემა უსაფრთხო გარემოში, დაცული იყოს ამომრჩეველი და მისი პირადი ინფორმაცია პოტენციური კიბერშეტევებისგან, ასევე ვეხმარებით ცესკოს თავიანთი სისტემების გაძლიერებაში, დეზინფორმაციის კამპანიის სახით არსებული უცხოური ჩარევებისგან დასაცავად“, - განაცხადა კელი დეგნანმა. ელჩმა ასევე აღნიშნა, რომ აშშ აქტიურად თანამშრომლობს როგორც ადგილობრივ, ასევე საერთაშორისო სადამკვირვებლო ორგანიზაციებთან. საქართველო რომ რუსეთისგან არჩევნებში ჩარევას უნდა ელოდოს, ამის შესახება ელჩმა ჯერ კიდევ აგვისტოში განაცხადა. საპარლამენტო არჩევნები საქართველოში 31 ოქტომბერს იმართება.
კელი დეგნანი: ქართველები იმსახურებენ თავისუფალ და სამართლიან არჩევნებში მისცენ ხმა
"ჩვენ გვსურს დავეხმაროთ საქართველოს ძლიერი, ერთიანი, სუვერენული, დამოუკიდებელი და უფრო დემოკრატიული ქვეყნის მშენებლობაში", - ამის შესახებ საქართველოში აშშ-ის ელჩმა, კელი დეგნანმა აშშ-ის საელჩოს საზოგადოებრივ საქმეთა ოფიცრის მოვალეობის შემსრულებელ კრისტოფენ ანდერსონთან საუბრისას განაცხადა. როგორც დიპლომატმა აღნიშნა, ქართველებმა აირჩიეს გზა უფრო დემოკრატიული და პლურალისტული საზოგადოებისკენ და აშშ გააგრძელებს ამ არჩევანის მხარდაჭერას. „საქართველომ, ისევე როგორც ამერიკამ იბრძოლა თავისუფლებისთვის და ეს თავისუფლების საერთო სიყვარული არის ის, რაც აშშ-საქართველოს სტრატეგიული პარტნიორობის გულშია. თავისუფლება, რომელიც ლიდერების დამოუკიდებელ და სამართლიან არჩევნებში არჩევას გულისხმობს, ჭეშმარიტი დემოკრატიის საფუძველია. დემოკრატია გულისხმობს არჩეული თანამდებობის პირების პასუხისმგებლობას ხალხის წინაშე და არჩევნები სწორედ ამას ემსახურება. ამ ქვეყანაში მოგზაურობისას ბევრი ქართველი გავიცანი, რომლებიც ისევე სცემს პატივს ხმის უფლებას, როგორც ამერიკელები. როდესაც საქართველო შეუერთდა ისეთ ორგანიზაციებს, როგორიცაა ეუთო, ან ხელი მოაწერა ევროკავშირთან ასოცირების ხელშეკრულებას, მან ვალდებულება აიღო, დაეცვა ეს ღირებულებები და საერთაშორისო სტანდარტები, მათ შორის სამართლიანი და თავისუფალი არჩევნები. ეს ღირებულებები და სტანდარტები ასევე მნიშვნელოვანია საქართველოს ნატო-ში გაწვიანებისთვის, რაც ნატო-სა და საქართველო-ნატოს კომისიათან ჩვენი პარტნიორობის ქვაკუთხედია. ქართველებმა აირჩიეს გზა უფრო დემოკრატიული და პლურალისტული საზოგადოებისკენ და აშშ გააგრძელებს ამ არჩევანის მხარდაჭერას. ჩვენ გვსურს დავეხმაროთ საქართველოს ძლიერი, ერთიანი, სუვერენული, დამოუკიდებელი და უფრი დემოკრატიული ქვეყნის მშენებლობაში. ეს პირობა საქართველოსთან ჩვენი სტრატეგიული პარტნიორობის ამომავალი წერტილია“,-განაცხადა დეკნანმა. ელჩის განმარტებით, სამართლიან და თავისუფალ არჩევნებში არ არსებობს ამომრჩევლის მოსყიდვა და დაშინება. „თავისუფალი და სამართლიანი არჩევნები სცილდება მხოლოდ არჩევნების დღეს, თუმცა, რა თქმა უნდა, ის ძალიან მნიშვნელოვანია. ეს გულისხმობს პროცესებს, რომელიც უნდა იყოს უსაფრთხო, ინკლუზიური და სანდო. ხალხმა ის ლეგიტიმურად უნდა მიიჩნიოს. სამართლიან და თავისუფალ არჩევნებში არ არსებობს ამომრჩევლის მოსყიდვა, დაშინება, ხალხის იძულება, რომ ფოტო გადაუღონ საარჩევნო ბიულეტენს, ან სამსახურიდან გათავისუფლების მუქარა, რომ ხმა მისცენ ერთ პარტიას ან დაწინაურების პირობა, რომ ხმა მისცენ სხვა პარტიას. თავისუფალი არჩევნები ნიშნავს, რომ ერთი ადამიანი უდრის ერთ ხმას“,-განაცხადა დეგნანმა. ელჩის თქმით, ქართველები იმსახურებენ, რომ წელს ხმა მისცენ თავისუფალ და სამართლიან არჩევნებში. „ვფიქრობ, ქართველი ხალხი შემოგვიერთდება, რომ ყურადღებით დავაკვირდეთ მათ არჩევნებს, რათა დავინახოთ, რამდენად დაიცავს საქართველო მაღალ სტანდარტებს, რომელიც დაიკისრა. ქართველები იმსახურებენ, რომ წელს ხმა მისცენ თავისუფალ და სამართლიან არჩევნებში“,-განაცხადა დეგნანმა.
კოვიდინფიცირებულთა რაოდენობამ გუშინდელთან შედარებით იკლო, გამოჯანმრთელებულთა რიცხვი კი ყველაზე მაღალია
საქართველოში კოვიდინფიცირებულთა რაოდენობამ გუშინდელთან შედარებით იკლო, გამოჯანმრთელებულთა რიცხვი კი ყველაზე მაღალია. საქართველოში დღეს კორონავირუსისგან 2197 ადამიანი გამოჯანმრთელდა, რაც პანდემიის დაწყებიდან დღემდე, ყველაზე მაღალი მაჩვენებელია. დადასტურდა სულ 1731 ახალი შემთვევა. გუშინდელთან შედარებით ეს რიცხვი 93-ით ნაკლებია. ვირუსით ინფიცირების პირველი ფაქტი საქართველოში 2020 წლის, 26 თებერვალს გამოვლინდა. პანდემიის შესახებ ჯანდაცვის მსოფლიო ორგანიზაციამ 2020 წლის 11 მარტს გამოცხადდა. მანამდე, ჩინეთმა, 21 იანვარს დაადასტურა, რომ კორონავირუსი გადამდებია. ჩინეთში ეპიდემია 2019 წლის დეკემბერში დაიწყო.
ქუთაისში კორონავირუსისგან ერთი თვის პაციენტი განიკურნა
ერთი თვის ჩვილი, რომელიც კლინიკაში ორი კვირის წინ მიიღეს, კორონავირუსისგან განიკურნა. მისი ინფიცირების წყარო ოჯახის წევრი იყო. პაციენტს კორონავირუსისთვის დამახასიათებელი სიმპტომები ჰქონდა, თუმცა მდგომარეობა საშუალო სიმძიმის იყო. საქართველოში დღეს კორონავირუსისგან 2197 ადამიანი გამოჯანმრთელდა, დადასტურდა 1731 ახალი შემთხვევა.ვირუსით ინფიცირების პირველი ფაქტი საქართველოში 2020 წლის, 26 თებერვალს გამოვლინდა. პანდემიის შესახებ ჯანდაცვის მსოფლიო ორგანიზაციამ 2020 წლის 11 მარტს გამოცხადდა. მანამდე, ჩინეთმა, 21 იანვარს დაადასტურა, რომ კორონავირუსი გადამდებია. ჩინეთში ეპიდემია 2019 წლის დეკემბერში დაიწყო.
ლავროვი COVID ინფიცირებულთან კონტაქტის შემდეგ თვითიზოლაციაშია
რუსეთის საგარეო საქმეთა მინისტრი, სერგეი ლავროვი Covid ინფიცირებულთან კონტაქტის შემდეგ თვითიზოლაციაში იმყოფება. ამის შესახებ ინფორმაცია 27 ოქტომბერს რუსეთის სამთავრობო მედიამ გაავრცელა. ლავროვმა დაგეგმილი შეხვედრები გადადო. 27 ოქტომბრიდან რუსეთში როსპოტრებნადზორმა თითქმის ყველა საჯარო ადგილას პირბადის ტარება სავალდებულო გახადა. რუსეთში, ასევე, რესტორნები და ბარები 23:00 საათიდან 06:00 საათამდე დაიკეტება. 27 ოქტომბერს რუსეთში 16 550 ახალი შემთხვევა დადასტურდა და გარდაიცვალა 320 პაციენტი. ჯამში დადასტურდა 1 547 774 შემთხვევა და გარდაიცვალა 26 589 ადამიანი.
ამირან გამყრელიძე: როცა ვაქცინა დამტკიცდება, საქართველო მოსახლეობის დაახლოებით 20 პროცენტისთვის მიიღებს ორჯერად დოზას
როცა ვაქცინა დამტკიცდება, საქართველოს მოსახლეობის დაახლოებით 20% ორჯერად დოზას მიიღებს, რისი მთლიანი ღირებულებაც 16-დან 17 მილიონამდეა. პირველი ტრანში სადღაც 3-4 მილიონამდე კი საქართველომ უკვე გადარიცხა, - ამის შესახებ საკოორდინაციო საბჭოს სხდომის შემდეგ გამართულ ბრიფინგზე დაავადებათა კონტროლის ცენტრის დირექტორმა, ამირან გამყრელიძემ განაცხადა. ამირან გამყრელიძის თქმით, საქართველო ამ პროცესში აქტიურად არის ჩართული. „საქართველო ჩართულია Covax პლატფორმაში, რაც ვაქცინების გლობალური ალიანსის მიერაა შექმნილი. საქართველომ დაახლოებით 700,000 ადამიანის პირველი ტრანში უკვე გადარიცხა. როცა ვაქცინა დამტკიცდება მარეგულირებლების მიერ, საქართველო მოსახლეობის დაახლოებით 20 პროცენტისთვის მიიღებს ორჯერად დოზას, რისი მთელი ღირებულებაც 16-დან 17 მილიონამდეა. პირველი ტრანში სადღაც 3-4 მილიონამდე კი საქართველომ უკვე გადარიცხა“, - აღნიშნა ამირან გამყრელიძემ. საქართველოში დღეს კორონავირუსისგან 2197 ადამიანი გამოჯანმრთელდა, დადასტურდა 1731 ახალი შემთხვევა.ვირუსით ინფიცირების პირველი ფაქტი საქართველოში 2020 წლის, 26 თებერვალს გამოვლინდა. პანდემიის შესახებ ჯანდაცვის მსოფლიო ორგანიზაციამ 2020 წლის 11 მარტს გამოცხადდა. მანამდე, ჩინეთმა, 21 იანვარს დაადასტურა, რომ კორონავირუსი გადამდებია. ჩინეთში ეპიდემია 2019 წლის დეკემბერში დაიწყო.
"დატკბით ცხოვრებით და დაოჯახდით" - ანტვერპენის ეკლესიაში 1941 წელს დამალული წერილი იპოვეს
ბელგიის ქალაქ ანტვერპენში, წმინდა ჯეიმსის ეკლესიაში, სარემონტო სამუშაოებისას მუშებმა 1941 წელს დამალული წერილი იპოვეს. წერილს ოთხი მშენებელი, ჯონ იანსენი, იულ გისელინგი, ლუი შანტრეინი და იულ ვან ჰემელდონკი აწერენ ხელს, რომლებიც 80 წლის წინ ეკლესიის რესტავრაციაზე მუშაობდნენ. მეგობრებმა მომავალ თაობას რჩევა დაუტოვეს. დაკეცილი ქაღალდები ასანთის კოლოფში იდო. "26 მეტრის სიმაღლეზე ეკლესიის ჭერი შევაკეთეთ, მომდევნო ასეთი რესტავრაცია რომ დასჭირდებათ, ჩვენ დიდი ხნის გარდაცვლილები ვიქნებით. მომდევნო თაობებს გვინდა, ვუთხრათ, რომ ბედნიერები არ ვყოფილვართ. ორი ომი გამოვიარეთ, ერთი 1914 წელს, მეორე 1940 წელს. მშივრები ვმუშაობთ, თითქმის არაფერს გვიხდიან. მინდა, რჩევა მივცეთ მომდევნო თაობებს - თუ გადარჩენა გსურთ, ომის დაწყების წინ მოიმარაგეთ ბრინჯი, ყავა, ფქვილი, თამბაქო, მარცვლეული, ხორბალი. დატკბით ცხოვრებით და დაოჯახდით, ვისაც ცოლი გყავთ, გაუფრთხილდით. გემშვიდობებით"! – წერია 1941 წლის წერილში.
სან-ფრანცისკოში საქართველოს მემკვიდრეობის სკოლა გაიხსნა
საქართველოს საგარეო საქმეთა სამინისტროსა და ქალაქ სან ფრანცისკოში გენერალური საკონსულოს მხარდაჭერით, 2020 წლის 26 ოქტომბერს შედგა საქართველოს მემკვიდრეობის სკოლის გახსნის საინაუგურაციო ცერემონია. ღონისძიებაზე სიტყვით გამოსვლისას, საქართველოს გენერალურმა კონსულმა ლევან ბერიძემ ყურადღება გაამახვილა ქართული დიასპორის მნიშვნელოვან როლზე საქართველოს განვითარების და ქვეყნის პოზიტიური იმიჯის წარმოჩენის საქმეში და აღნიშნა, რომ დიასპორასთან ურთიერთობა საქართველოს მთავრობის და საგარეო საქმეთა სამინისტროს, ისევე როგორც საზღვარგარეთ საქართველოს დიპლომატიური მისიების საქმიანობის ერთ-ერთი მთავარი მიმართულებაა. ლევან ბერიძემ დამსწრე საზოგადოებას გააცნო ის პროექტები და ინიციატივები, რაც მთავრობას გააჩნია საზღვარგარეთ მცხოვრები თანამემამულეების ინტერესების დასაცავად და მათი საჭიროებების უზრუნველსაყოფად ღონისძიებას ესწრებოდნენ ქართული სათვისტომოს წარმომადგენლები და საკვირაო სკოლის მოსწავლეები, რომლებსაც გენერალური საკონსულოს მიერ გადაეცათ საგარეო საქმეთა სამინისტროს მიერ შემუშავებული ქართული ენის შემსწავლელი კურსის სახელმძღვანელოები და რვეულები. სკოლას, რომელშიც ამჟამად ორმოცამდე მოსწავლეა დარეგისტრირებული, ქართული მემკვიდრეობის ფონდის დამფუძნებელი, ლიანა ნიცეცკაი უხელმძღვანელებს.
უფროსკურსელთა გადამზადებული სამედიცინო რეზერვი, 2 ნოემბრისთვის მზად იქნება
განათლების და მეცნიერების მინისტრის მიხეილ ჩხენკელის განცხადებით, სამედიცინო უნივერსიტეტების და სამედიცინო ფაკულტეტების უფროსკურსელთა გადამზადება დაწყებულია. მინისტრის თქმით, სტუდენტები გადიან სპეციალურ სწრაფ კურსს, რომ საჭიროების შემთხვევაში ექიმებს დაეხმარონ კოვიდ-19-თან ბრძოლაში. როგორც ჩხენკელი ამბობს, 2 ნოემბრისთვის უფროსკურსელთა სარეზერვო სამედიცინო ბაზა უკვე მზად იქნება. „კურსი არის სწრაფი. მიმართულებების იდენტიფიკაცია მოხდება იმის მიხედვით, თუ როგორი იქნება საჭიროება. აქ საუბარია, რომ მათ ექიმებს გაუწიონ ასისტენტობა, კოვიდ სასტუმროში, ან საკარანტინე სივრცეებში განთავსდნენ, ან ქოლ-ცენტრებში იმუშაონ და ა.შ.“, - განაცხადა ჩხენკელმა. მინისტრის თქმით, გავლილი კურსი და მიღებული გამოცდილება მათივე ცოდნისთვისაც ძალიან მნიშვნელოვანია.
კელი დეგნანი: გვსურს, დაგეხმაროთ უფრო დემოკრატიული ქვეყნის მშენებლობაში. ეს პირობა საქართველოსთან სტრატეგიული პარტნიორობის ამომავალი წერტილია
ელჩი კელი დეგნანი ინტერვიუში აცხადებს, რომ ქართველებმა აირჩიეს გზა უფრო დემოკრატიული და პლურალისტური საზოგადოებისკენ და შეერთებული შტატები გააგრძელებს ამ არჩევანის მხარდაჭერას. საქართველოში საპარლამენტო არჩევნებამდე რამდენიმე დღით ადრე, საქართველოში აშშ-ის ელჩი კელი დეგნანი საზოგადოებრივ საქმეთა ოფიცრის მოვალეობის შემსრულებელ კრისტოფენ ანდერსონს ესაუბრა. <blockquote class="twitter-tweet"><p lang="en" dir="ltr">“Georgians deserve to be able to cast their votes in free and fair elections this year.” - Amb Degnan <a href="https://t.co/7tu8ITzQH6">pic.twitter.com/7tu8ITzQH6</a></p>— U.S. Embassy Tbilisi (@usingeo) <a href="https://twitter.com/usingeo/status/1321398805833699328?ref_src=twsrc%5Etfw">October 28, 2020</a></blockquote> <script async src="https://platform.twitter.com/widgets.js" charset="utf-8"></script> აშშ-ის საელჩოს ინფორმაციით, საუბარი ხშირად დასმულ შეკითხვებს საქართველოს საპარლამენტო არჩევნების, ამერიკის პოზიციისა და ორი ქვეყნის სტრატეგიულ პარტნიორობაზე ამერიკის საპრეზიდენტო არჩევნების გავლენას შეეხებოდა. „საქართველომ, ისევე, როგორ ამერიკამ, იბრძოლა თავისი თავისუფლებისთვის და ეს თავისუფლების საერთო სიყვარული არის ის, რაც აშშ-საქართველოს სტრატეგიული პარტნიორის გულშია. თავისუფლება, რომელიც ლიდერების დამოუკიდებელ და სამართლიან არჩევნებში არჩევას გულისხმობს, ჭეშმარიტი დემოკრატიის საფუძველია. დემოკრატია გულისხმობს არჩეული თანამდებობის პირების პასუხისმგებლობას ხალხის წინაშე და არჩევნები სწორედ ამას ემსახურება. ამ ქვეყანაში მოგზაურობისას, ბევრი ქართველი გავიცანი, რომელიც ისევე სცემს პატივს ხმის უფლებას, როგორც – ამერიკელები. როდესაც საქართველო შეუერთდა ისეთ ორგანიზაციებს, როგორიცაა ეუთო ან ხელი მოაწერა ასოცირების ხელშეკრულებას ევროკავშირთან, მან ვალდებულება აიღო, დაიცვას ეს ღირებულებები და საერთაშორისო სტანდარტები, მათ შორის თავისუფალი და სამართლიანი არჩევნები. ეს ღირებულებები და სტანდარტები ასევე მნიშვნელოვანია საქართველოს ნატო-ში გაწევრიანებისთვის, რაც ნატო-სა და ნატო-საქართველოს კომისიასთან ჩვენი პარტნიორობის ქვაკუთხედია. ქართველებმა აირჩიეს გზა უფრო დემოკრატიული და პლურალისტური საზოგადოებისკენ და შეერთებული შტატები გააგრძელებს ამ არჩევანის მხარდაჭერას. ჩვენ გვსურს, დავეხმაროთ საქართველოს ძლიერი, ერთიანი, სუვერენული, დამოუკიდებელი და უფრო დემოკრატიული ქვეყნის მშენებლობაში. ეს პირობა საქართველოსთან ჩვენი სტრატეგიული პარტნიორობის ამომავალი წერტილია“, - აცხადებს კელი დეგნანი.
ინფიცირების 1 731 ახალი შემთხვევიდან თბილისში 636, აჭარაში - 333, იმერეთში კი 320 გამოვლინდა
დღეს გამოვლენილი ინფიცირების 1 731 შემთხვევიდან, თბილისში გამოვლენილია 636 ახალი შემთხვევა, აჭარაში - 333, იმერეთში - 320, ქვემო ქართლში - 121, შიდა ქართლში - 76, გურიაში - 18, სამეგრელოსა და ზემო სვანეთში - 119, კახეთში - 45, მცხეთა-მთიანეთში - 9, სამცხე-ჯავახეთში - 39, რაჭა-ლეჩხუმსა და ქვემო სვანეთში - 15, ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით უახლეს სტატისტიკურ მონაცემებზე ისაუბრა. „დღეის მდგომარეობით, ბოლო 24 საათის განმავლობაში გამოვლენილია ინფექციის 1 731 ახალი დადასტურებული შემთხვევა. პირველი ინფიცირების შემთხვევიდან დღემდე ქვეყანაში გამოვლენილი კოვიდ 19-ის დადასტურებული შემთხვევების საერთო რაოდენობა 33 858-ს შეადგენს. როგორც აღვნიშნეთ, გრძელდება პოზიტიური დინამიკა გამოჯანმრთელებული ადამიანების ზრდის კუთხით. დღეის მდგომარეობით, ბოლო 24 საათში გვყავს 2 197 გამოჯანმრთელებული პირი, ხოლო ჯამში გამოჯანმრთელებულთა რაოდენობა გაიზარდა 14 829-მდე. სამწუხაროდ, ბოლო 24 საათში გარდაცვლილია 15 ადამიანი, მათ შორის თბილისში - 4 ადამიანი, აჭარაში - 7, ხოლო იმერეთში - 4 ადამიანი. გარდაცვლილების ჯამური მაჩვენებელი შეადგენს 253 ადამიანს. ამ ეტაპზე, მიმდინარე აქტიური ინფიცირებული შემთხვევა არის 18 750. 4 022 მკურნალობს საავადმყოფოში, მათ შორის, თბილისის საავადმყოფოებში - 2 012, აჭარაში - 673. მძიმე პაციენტი არის 521, მათ შორის, თბილისში - 267, აჭარაში - 73. აქედან, ხელოვნური სუნთქვის აპარატზე არის 120 პირი - მათ შორის, თბილისში - 67, აჭარაში - 23. 2 344 პირი არის კოვიდ-სასტუმროში, სადაც გადის მკურნალობის კურსს, მათ შორის, 824 - აჭარაში, ხოლო 1 250 - თბილისში; 12 384 მკურნალობს ბინაზე. საკარანტინე სივრცეში გვყავს 3 507 ადამიანი, მათ შორის, თბილისში - 726, აჭარაში-1 788. სულ 6-27 ოქტომბრის პერიოდში, საზღვრიდან გადაყვანილია - 9 390 პირი. დღეის მდგომარეობით, თვითიზოლაციაში იმყოფება 29 001 პირი, საიდანაც თბილისში - 3 283 პირი, აჭარაში - 11 793, იმერეთში - 4 072. ეს გახლავთ სტატისტიკური მონაცემები ამ ეტაპისთვის, რომელიც ასახავს ეპიდემიოლოგიურ ვითარებას ქვეყანაში“, - განაცხადა ბერდია სიჭინავამ.
Covid 19-ის გადატანის შემდეგ ანტისხეულების დონე სწრაფად ქვეითდება
ახალი კვლევის თანახმად, კორონავირუსის გადატანის შემდეგ,ორგანიზმში დამცავი ანტისხეულების დონე სწრაფად იკლებს. ლონდონის იმპერიული კოლეჯის გუნდმა აღმოაჩინა, რომ ადამიანების რაოდენობა, რომლებსაც ანტისხეულებზე დადებითი ტესტი აღმოაჩნდა, ივნისიდან სექტემბრამდე 26%-ით შემცირდა. კვლევის ავტორები ვარაუდობენ, რომ იმუნურობა თანდათანობით ქრება და არსებობს ვირუსით რამდენიმეჯერ ინფიცირების რისკი. "სეზონურ კორონავირუსებს, რომლებიც ყოველ ზამთარს ცირკულირებენ და გაციებას იწვევენ, ადამიანის რე-ინფიცირება 6-12 თვეში შეუძლიათ.ჩვენ ვეჭვობთ, რომ ორგანიზმი მსგავსად რეაგირებს ახალ კორონავირუსზეც." - ამბობს კვლევის ერთ-ერთი ავტორი. ანტისხეულების ტესტი კვლევა REACT-2-ს ფარგლებში ინგლისში 350 000 ზე მეტ ადამიანს ჩაუტარდა. ტესტირების პირველ ეტაპზე, ივნისის მიწურულს და ივლისის დასაწყისში ანტისხეულები 1000 ადამიანიდან 60-ს აღმოაჩნდა, ხოლო უფრო ახალ ტესტებშ, სექტემბერში, მხოლოდ 44 ადამიანს 1000-დან. "ეს გვაფიქრებინებს, რომ ანტისხეულების მქონე ადამიანების რაოდენობა შემცირდა მეოთხედზე მეტით ზაფხულსა და შემდგომას შორის. პირველი ეტაპიდან მხოლოდ სამი თვე გავიდა და ანტისხეულებმა 26%-ით იკლო"- ამბობს კვლევის თანაავტორი ჰელენ ვარდი. კლება უფრო თვალსაჩინო იყო 65 წელს გადაცილებულებში, ახალგაზრდა ჯგუფებთან შედარებით და უსიმპტომო პაციენტებში, სრულად გამოვლენილ COVID-19 თან შედარებით. ჯანდაცვის სფეროში დასაქმებულებში ანტისხეულების რაოდენობა შედარებით მაღალი აღმოჩნდა, რაც ვირუსთან რეგულარული ექსპოზიციის შედეგი უნდა იყოს. ზუსტად რას ნიშნავს ანტისხეულების დაქვეითება ჯერჯერობით დაუზუსტებელია. არსებობს იმუნური სისტემის სხვა ნაწილები, მაგალითად T უჯრედები, რომლებიც თამაშობენ როლს ორგანიზმის ვირუსთან ბრძოლაში, ინფიცირებული მასპინძლის უჯრედების პირდაპირი მოკვლის და სხვადასხვა იმუნური უჯრედების მოზიდვის მეშვეობით. ამასთანავე, არ არის ცნობილი, თუ რა სიჩქარით გაიზრდება ანტისხეულების რაოდენობა თუ ადამიანი ვირუსით მეორედ ინფიცირდება. შესაძლებელია, რომ უფრო მსუბუქად დაავადდეს, ან დაცული დარჩეს იმუნური მეხსიერების მეშვეობით. ამრიგად, მიუხედავად იმისა, რომ ანისხეულების ტესტი დადებითი აღარაა, პიროვნება მაინც შეიძლება დაცული იყოს რეინფიცირებუსგან. აღნიშულმა კვლევამ მხოლოდ ანტისხეულების დონე გაზომა. ამ დრომდე ახალი კორონავირუსის რე-ინფექციის შემთხვევების მცირე რაოდენობაა დოკუმენტირებული. აღსანიშნავია რომ კვლევას ჯერ არ გაუვლია რეცენზირება(peer-review).
"თვალს მივადევნებ არჩევნების მიმდინარეობას და გავაგრძელებ აქტიური როლის თამაშს"
"თვალს მივადევნებ არჩევნების მიმდინარეობას და გავაგრძელებ აქტიური როლის თამაშს, რათა საქართველო აშშ–ის მნიშვნელოვან პარტნიორად დარჩეს", - ამის შესახებ აშშ-ის კონგრესში საქართველოს მეგობართა ჯგუფის თანათავმჯდომარემ ადამ კინზინგერმა განაცხადა. მისივე თქმით, "31 ოქტომბრისთვის დაგეგმილმა საპარლამეტო არჩევნებმა ჩარევისა და ინციდენტების გარეშე უნდა ჩაიაროს". "გულწრფელად ვიმედოვნებ, რომ ქართველ ხალხს შეეძლება სამართლიან და გამჭვირვალე საარჩევნო პროცესში მიიღოს მონაწილეობა ამ უქმეებზე, შედეგით, რომელიც მხოლოდ ქართველი ხალხის მიერ იქნება გადაწყვეტილი. ეს მათი დემოკრატიისთვის მნიშვნელოვანი ნაბიჯია და უნდა ჩატარდეს ჩარევისა და ინციდენტების გარეშე. როგორც წარმომადგენელთა პალატის საქართველოს მეგობართა ჯგუფის თანათავმჯდომარე, ამ უქმეებზე თვალს მივადევნებ არჩევნების მიმდინარეობას და გავაგრძელებ აქტიური როლის თამაშს, რათა საქართველო დარჩეს შეერთებული შტატების მნიშვნელოვან პარტნიორად", - აცხადებს კინზინგერი.
ევროპაში კორონავირუსით დაღუპულთა ყოველდღიური რაოდენობა თითქმის 40%-ით გაიზარდა
ევროპაში კორონავირუსით დაღუპულთა ყოველდღიური რაოდენობა წინა კვირასთან შედარებით თითქმის 40%-ით გაიზარდა, - ამის შესახებ ჯანდაცვის მსოფლიო ორგანიზაციის პრესსპიკერმა მარგარეტ ჰარისმა BBC-ს განუცხადა. რაც შეეხება ინფიცირების შემთხვევებს, ჰარისმა აღნიშნა, რომ ევროპაში ინფიცირებულთა ყოველდღიური რაოდენობა წინა კვირასთან შედარებით მესამედით გაიზარდა. „სამწუხარო ის არის, რომ რეანიმაციულ განყოფილებებში ბევრი მძიმედ ავადმყოფი ადამიანი ხვდება და ბევრ ქვეყანაში საავადმყოფოები ძალიან მალე ივსება პაციენტებით,“- განაცხადა ჯანმო-ს წარმომადგენელმა. მისი განმარტებით, ორგანიზაცია მომავალში ფატალური შემთხვევების მკვეთრ ზრდას არ ელოდება და ამას ორი ფაქტორი განსაზღვრავს: პირველი ის, რომ საავადმყოფოებმა გარკვეული გამოცდილება მიიღეს და უკეთ ერკვევიან იმაში, თუ რა ხდება და მეორე, ბოლო დროს დაინფიცირებულების დიდი ნაწილი ახალგაზრდები არიან და მათში დაავადების გართულება ნაკლებად მოსალოდნელია. მარგარეტ ჰარისი აცხადებს, რომ ევროპაში კოვიდ 19-ით დაინფიცირების შემთხვევების უმრავლესობა საფრანგეთზე, ესპანეთზე, გაერთიანებულ სამეფოზე, ნიდელანდებსა და რუსეთზე მოდის.
საქართველოში კორონავირუსისგან 2197 ადამიანი გამოჯანმრთელდა, დადასტურდა 1731
საქართველოში, ბოლო 24 საათში, კორონავირუსის 1731 ახალი შემთხვევა გამოვლინდა და ინფიცირების შემთხვევათა რაოდენობა 33858-მდე გაიზარდა. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. გამოჯანმრთელდა კიდევ 2197 პაციენტი და საერთო რაოდენობა 14829-ს შეადგენს. კარანტინის რეჟიმში იმყოფება 3507 მოქალაქე, ხოლო სტაციონარში მეთვალყურეობას 4022 ადამიანი გადის. ამასთან, კოვიდსასტუმროში მყოფი პირების რაოდენობა 2344 -ს შეადგენს. ქვეყანაში კორონავირუსით კიდევ 15 პაციენტი გარდაიცვალა და გარდაცვლილთა საერთო რიცხვი 253-ს შეადგენს.
ტრამპი, ყარაბაღში, საბრძოლო მოქმედებების განახლებით, იმედგაცრუებულია
აშშ-ის პრეზიდენტი დონალდ ტრამპი აცხადებს, რომ მთიან ყარაბაღში საბრძოლო მოქმედებების განახლება, მას შემდეგ რაც, აშშ-ის შუამავლობით მიღწეული ცეცხლის შეწყვეტის რეჟიმი დაირღვა, იმედგაცრუებას იწვევს. ”დიახ, იმედგაცრუებას იწვევს, როდესაც ამას ვხედავთ,” - განუცხადა მან ჟურნალისტებს თეთრ სახლში. ტრამპი იმედოვნებს, რომ მხარეები ურთიერთობების ნორმალიზებას შეძლებენ. მას სხვა დეტალებზე არ უსაუბრია. შეგახსენებთ, აზერბაიჯანსა და სომხეთს შორის აშშ-ის შუამავლობით მიღწეული ცეცხლის შეწყვეტის კიდევ ერთი შეთანხმება ძალაში, 26 ოქტომბერს, 08:00 საათიდან შევიდა, თუმცა ცეცხლის შეწყვეტის რეჟიმის ამოქმედებიდან რამდენიმე წუთის შემდეგ მხარეებმა მის დარღვევაში ერთმანეთის დადანაშაულება დაიწყეს.
ტრამპის საარჩევნო შტაბის ვებგვერდზე ჰაკერული თავდასხმა განხორციელდა
აშშ-ის პრეზიდენტ დონალდ ტრამპის საარჩევნო შტაბის ვებგვერდზე ჰაკერული თავდასხმა განხორციელდა. ამის შესახებ ტრამპის საარჩევნო შტაბში განაცხადეს. აშშ-ის პრეზიდენტის გუნდში აცხადებენ, რომ სამართალდამცველებთან მუშაობენ კიბერთავდასხმის წყაროს დასადგენად. ამასთან, ტრამპის საარჩევნო შტაბის მიერ გავრცელებულ განცხადებაში ნათქვამია, რომ კიბერთავდასხმის შედეგად კონფიდენციალურ ინფორმაციას საფრთხე არ დამუქრებია, რადგან ასეთი მონაცემები არ ინახება ვებპორტალზე. ამჟამად ვებგვერდი ჩვეულ რეჟიმში მუშაობს.
