უკრაინის პრეზიდენტმა ვოლადიმირ ზელენსკიმ შავი ზღვის მარცვლეულის ინიციატივის გაგრძელების უზრუნველსაყოფად ბრძანება გასცა. ამის შესახებ მან Telegram-ზე გამოქვეყნებულ პოსტში, უმაღლესი მთავარსარდლის შტაბის შეხვედრის შემდეგ განაცხადა.
„მთავარ მეთაურს ზალუჟნის, სარდალ ნეიჟპაპას და მინისტრ კუბრაკოვს [მიიღეს ბრძანება] მოამზადონ ზომების ნაკრები „მარცვლეულის დერეფნის“ ფუნქციონირების გასაგრძელებლად. საგარეო საქმეთა სამინისტროს დაევალა, შეიმუშაოს მსგავსი დიპლომატიური ნაბიჯები“, - განაცხადა ვოლოდიმირ ზელენსკიმ.
ზელენსკიმ განაცხადა, რომ მიმდინარეობს სისტემატური მუშაობა უკრაინის პორტებისა და ინფრასტრუქტურის დასაცავად.
მან ხაზი გაუსვა, რომ უკრაინის შეთანხმება სოფლის მეურნეობის პროდუქციის ექსპორტზე, თურქეთთან და გაეროსთან ძალაში რჩება.
შავი ზღვის გავლით მარცვლეულის ექსპორტი, უკრაინაში რუსეთის შეჭრის შემდეგ შეჩერდა. უკრაინის პორტებიდან მარცვლეულის უსაფრთხო მიწოდების შესახებ ხელშეკრულება სტამბოლში, გასული წლის 22 ივლისს გააფორმა.
ასევე წაიკითხეთ:
შეგახსენებთ, რუსეთის ძალები უკრაინის საპორტო ქალაქ ოდესას ზედიზედ რამდენიმე დღეა, ბომბავენ და ტონობით მარცვლეულს ანადგურებენ. მანამდე, რუსეთი „მარცვლეულის შეთანხმებიდან“ გავიდა.
