საზოგადოება
ილია მეორე: ჩვენ იმედით ვუყურებთ მომავალს. ღმერთს უყვარს ადამიანი
ეს ცხოვრება ცვალებადია. ჩვენ იმედით ვუყურებთ მომავალს. ღმერთს უყვარს ადამიანი, - განაცხადა სრულიად საქართველოს კათოლიკოს-პატრიარქმა, უწმინდესმა და უნეტარესმა, ილია მეორემ საახალწლო მილოცვაში. პატრიარქმა ახალი წელი სრულიად საქართველოს, უცხოეთში მცხოვრებ ქართველებსა და ყოველ ადამიანს მიულოცა. უწმინდესმა აღნიშნა, რომ ჩვენ მომავლის იმედი არ უნდა დავკარგოთ. „ახალი წლის წინაშე ვდგევართ. დღეს ჩვენ ვიხსენებთ დავით წინასწარმეტყველის სიტყვებს: „მაუწყე მე უფალო გზაი, რომელსაცა ვიდოდე“. „ითხოვდეთ და მოგეცეთ თქვენ! ეძიებდეთ და ჰპოვოთ. ირეკდეთ და განგეღოთ თქვენ“. ჩვენ ვთხოვთ უფალს მშვიდობას, სიხარულს. ეს ცხოვრება ცვალებადია. ჩვენ იმედით ვუყურებთ მომავალს. ღმერთს უყვარს ადამიანი. ადამიანის მოქმედება უნდა იყოს სათნო, კეთილი. „ჰე უფალო მომანიჭე მე განცდაი თვისთა ცოდვათა და არა განკითხვად ძმისა ჩემისა“. ჩვენ უნდა დავეხმაროთ ერთმანეთს, კი არ უნდა დავუმძიმოთ ჯვარი. გილოცავთ, ახალ წელს და ქრისტეშობის დღესასწაულს! იმედი არ უნდა დავკარგოთ, ჩვენთან არს ღმერთი! დალოცვილი და გახარებული გამყოფოთ მამაზეციერმა!“, - განაცხადა ილია მეორემ.
კახა კალაძე: ერთად ყველა სირთულეს დავძლევთ, საქართველოს ბევრი განსაცდელი გადაულახავს და არ დაცემულა
ერთად ყველა სირთულეს დავძლევთ. საქართველოს ბევრი განსაცდელი გადაულახავს და არ დაცემულა - ფერფლიდან აღმდგარა და ახალი სიცოცხლე დაუწყია, - ამის შესახებ თბილისის მერმა კახა კალაძემ საახალწლო მილოცვაში განაცხადა. დედაქალაქის მერმა თბილისელებს, მთელ საქართველოს ახალი წლის დადგომა მიულოცა და აღნიშნა, რომ „უკეთესი მომავლის რწმენამ მოგვცა ძალა, მძიმე პერიოდი გადაგვეტანა“. კალაძის თქმით, დღეს უკვე ყველა იმედით შევყურებთ ახალ, 2021 წელს. „მიილია 2020 წელი - წელი, რომელიც კაცობრიობის ისტორიაში დარჩება, როგორც ერთ-ერთი ყველაზე მძიმე და რთული წელი. ჩვენ, ყველას ერთად გლობალური პანდემიის წესებით მოგვიწია ცხოვრება. უკვე გავიარეთ ახალ რეალობასთან ადაპტაციის რთული ეტაპები. სოლიდარობამ, ექიმების თავდადებამ, საჯარო მოხელეთა ძალისხმევამ, საპატრულო პოლიციის 24-საათიანმა საქმიანობამ, თბილისის მერიის ყველა უწყების თავდაუზოგავმა შრომამ და თითოეული ჩვენგანის უკეთესი მომავლის რწმენამ მოგვცა ძალა, ეს მძიმე პერიოდი გადაგვეტანა, არ დავნებებულიყავით და დღეს უკვე ყველა იმედით შევყურებთ ახალ, 2021 წელს. ჩემო საყვარელო ხალხო, მინდა მთელი გულით მოგილოცოთ შობა-ახალი წელი, გისურვოთ პირველ რიგში, ჯანმრთელობა და ბედნიერება. ჩვენ ერთად ვართ, სოლიდარულები ვართ და ყველა ერთად, ყველა სირთულეს დავძლევთ. საქართველოს ბევრი განსაცდელი გადაულახავს და არ დაცემულა - ფერფლიდან აღმდგარა და ახალი სიცოცხლე დაუწყია. მომავალი წელი იქნება აღდგენის, განახლებისა და გაძლიერების წელი! მეგობრებო, ჩვენს ერთად ყოფნას, მომავლისკენ სვლას ვერაფერი შეაჩერებს. გილოცავთ დიდი სიყვარულით და ოპტიმიზმით სავსე გულით! ყველაფერი ცუდი წარსულში დავტოვოთ, ახალ წელს შევეგებოთ იმედით და რაც მთავარია, ერთმანეთის სიყვარულით. გილოცავ, საქართველოვ! გილოცავ, ჩემო თბილისო! გილოცავთ, ჩემო უსაყვარლესო ხალხო! მრავალჟამიერ!“, - განაცხადა კახა კალაძემ.
ემანუელ მაკრონი: 2021 წლის პირველი თვეები რთული იქნება
საფრანგეთის პრეზიდენტმა, ემანუელ მაკრონმა განაცხადა, რომ კორონავირუსის პანდემიასთან დაკავშირებული კრიზისის გამო, 2021 წლის პირველი თვეები რთული იქნება. ეს განაცხადება სატელევიზიო მიმართვისას გააკეთა. „2021 წლის პირველი თვეები რთული იქნება. 2021 წელს, რაც არ უნდა მოხდეს, ჩვენ შევძლებთ ჯანდაცვის, ეკონომიკურ და სოციალურ, ტერორისტულ და კლიმატურ კრიზისებთან გამკლავებას. წლის პირველი თვეები რთული იქნება და სულ მცირე, გაზაფხულამდე მაინც ეპიდემია ჩვენი ქვეყნის ცხოვრების მძიმე ტვირთი იქნება“, - აღნიშნა ემანუელ მაკრონმა.
ლინკოლნ მიტჩელი: ვიმედოვნებ, 2021 წელს საქართველო მშვიდობიანად წაიწევს წინ ტერიტორიული მთლიანობის აღდგენის მიმართულებით
„ვიმედოვნებ, რომ 2021 წელს საქართველო მშვიდობიანად წინ წავა ტერიტორიული მთლიანობის აღდგენისა და უფრო მეტი კეთილდღეობისკენ“, - ამის შესახებ ამერიკელი ანალიტიკოსი, ლინკოლნ მიტჩელი Europetime-თან საახალწლო მილოცვაში საუბრობს: „ძალიან მოხარული და ბედნიერი ვარ, რომ მომეცა საშუალება, ახალი წელი მივულოცო ჩემს ქართველ მეგობრებს და ბედნიერი, ჯანმრთელი 2021 ვუსურვო. 2020 წელი იყო საკმაოდ რთული ჩვენი ქვეყნებისთვის და იმედი მაქვს, მომავალი წელი უკეთესი იქნება. ასევე ვიმედოვნებ, რომ 2021 წელს საქართველო მშვიდობიანად წინ წავა ტერიტორიული მთლიანობის აღდგენისა და უფრო მეტი კეთილდღეობისკენ; ასევე - ორივე ქვეყანა შეძლებს, დაძლიოს შიდა კონფლიქტები და დავები, რომლებიც ბოლო რამდენიმე ათლწლეულს ახასიათებდა“.
როგორი იყო 2020 წელი სპორტისთვის. წლის მიმოხილვა
წელი დაიწყო კალათბურთის ლეგენდის, კობი ბრაიანტის გარდაცვალებით, მილიონობით მგლოვიარე გულშემატკივრის წუხილს, კიდევ ერთი ლეგენდის გარდაცვალება დაემატა წლის ბოლოს, როდესაც მსოფლიომ ფეხბურთის ყველასთვის საყვარელი ვარსკვლავი - დიეგო მარადონას გარდაცვალების შესახებ შეიტყო. 2020 წელი მსოფლიო სპორტისთვის მოყვარულთათვის გარდამტეხი უნდა ყოფილიყო, წელი დატვირთული უნდა ყოფილიყო ტოკიოს ოლიმპიადის და ევროპის საფეხბურთო ტურნირის შეჯიბრებით. რეალობა კი სულ სხვა აღმოჩნდა, ყველასთვის სასურველი სპორტული წელი კორონავირუსის პანდემიამ რადიკალურად შეცვალა, ახალგაზრდული ტურნირებთან დაწყებული, ოლიმპიადის შეჯიბრების ჩათვლით ფაქტობრივად ყველა სპორტული შეჯიბრი გადაიდო ან გაუქმდა. სპორტულ ღონისძიებებს მოწყურებული გულშემატკივრები, იძულებულნი გახდნენ, ან გამეორებით ეყურებინათ, ან ბელარუსული სპორტული ლიგა შეეყვარებინათ, რადგან ბელარუსი ერთადერთი ქვეყანა იყო, რომელმაც არ აკრძალა სპორტული ღონისძიებები, პანდემიის მიუხედავად. პირველად, მეორე მსოფლიო ომის შემდგომ, ოლიმპიური კომიტეტი იძულებული გახდა, იაპონიის ოლიმპიური შეჯიბრი მომავალი წლისთვის გადაედო. იაპონიის ყოფილი მინისტრის სინძო აბეს თქმით „ მომავალი წელი იქნება კაცობრიობის, ახალი ვირუსის დამარცხების დასტური“. ევროპული ფეხბურთის მმართველი ორგანო UEFA, ასევე იძულებული გახდა EURO 2020 12 თვით გადაედო. სხვა ღონისძიებები, მათ შორის უიმბლდონის ტურნირი განუსაზღვრელი ვადით გაუქმდა. როლან გაროსის შეჯიბრის სარისკო გადაწყვეტილება საბოლოოდ ჭკვიანური აღმოჩნდა, ტურნირი, ზაფხულის ნაცვლად შემოდგომაზე დაიწყო. უამინდომაბ ესპანელ ჩემპიონს ხელი ვერ შეუშალა და საფრანგათის ღია პირველობის მეცამეტე ტიტული დამაჯერებლად მოიგო. ქალთა ტურნირში უფრო მეტი დაძაბულობა იყო, როდესაც 19 წლის იგა სვიატეკი გახდა პირველი პოლონელი მოთამაშე, რომელმაც მოიგო დიდი სლემის სინგლის ტიტული. ფრანგული სპორტის არანაკლებ მნიშვნელოვანმა შეჯიბრმა, ტურ დე ფრანსმა ასევე გვიანი დაწყება არჩია. ადგილობრივი გულშემატკივრები იმედოვნებდნენ, რომ ჯულიან ალაფილიპსა და თიბოლტო პინოს შორის საშინაო დუელი გაიმართებოდა, მაგრამ სლოვენიელების ბრძოლას დასჯერდნენ, რომელშიც პრიმოზ როგლიჩი შეუდარებელი ტადეი პოგაქარის პირისპირ აღმოჩნდა. შეჯიბრი საკმაოდ სანახაობრივი აღმოჩნდა, გამარჯვებული კი 21 წლის პოგაქარი გახდა, რომელმაც თავისი ყვითელი მაისურით ფინიშის ხაზი გადაკვეთა. ფეხბურთის ვარსკლავებიც მალევე დაუბრუნდნენ მოედნებს, თუმცა დაფინანსებას მოკლებული გუნდები მოედნებზე მაყურებლების გარეშე თამაშობდნენ. გერმანიის ბუნდესლიგა იყო პირველი მნიშვნელოვანი საფეხბურთო ჩემპიონატი, რომელმაც მაისში მატჩები განაახლა, მათ მაგალითს მალევე სხვა ლიგებიც მიჰყვნენ. საფრანგეთის "ლიგა 1" მნიშვნელოვანი გამონაკლისი იყო მას შემდეგ, რაც ადგილობრივმა ხელისუფლებამ სეზონის ვადაზე ადრე დასრულება გადაწყვიტა, რითაც „ამიენსა“ და „ტულუზა“ საგონებელში ჩააგდეს, რადგან მათ ტურნირის დასრულებამდე 10 თამაში ჰქონდათ დარჩენილი. ძლიერმა გუნდებმა მოულოდნელობა შემოიტანეს ტურნირებში: პარი „სენ-ჟერმენმა“, „იუვენტუსმა“ და მიუნხენის „ბაიერნმა“ შეინარჩუნეს ტიტულები, ხოლო მადრიდის „რეალმა“ ესპანეთში დაამარცხა ბარსელონა. ინგლისში, „ლივერპულმა“ პრემიერ ლიგის ტიტული მოიპოვა, მათ 38 მატჩიდან, 32 მოიგეს. იმავდროულად, UEFA-მ გადაწყვიტა დაემთავრებინა თავისი ფლაგმანური კლუბური შეჯიბრი, (ჩემპიონთა ლიგა) აგვისტოში ლისაბონში ჩატარებული Final Eight მინი ტურნირით. ბოლო წლების განმავლობაში სირთულეების გადატანის შემდეგ, PSG- მ საბოლოოდ დაისაკუთრა ჩემპიონთა ლიგის ფინალში ადგილი, რითაც დაასრულა ატალანტას ზღაპრული ასპარეზობა. თუმცა პარიზელები ვერ გაუმკლავდნენ ბაიერნს, რომელმაც ლიონელ მესის ბარსელონა 8:2 დაამარცხა. საფრანგეთის ჩემპიონები კიდევ უფრო შორს წავიდნენ ქალთა შეჯიბრში: ლიონ ვენდი რენარმა ზედიზედ მეხუთე ჩემპიონთა ლიგის ტიტული მოიგო, რაც მხოლოდ მადრიდის რეალის ალფრედო დი სტეფანომ 1956–1960 წლებში მოახერხა. უეფას “Final Eight”-ის ახალი ფორმატი, მცირედით თუ განსხვავდებოდა NBA-ის მიერ შექმნილი იზოლაციისგან, რომელსაც საკალათბურთო ასოციაცი Bubble-ს უწოდებდა. NBA სრულიად ახალ ფორმატზე გადავიდა, მათ ფლეი ოფის შანსის მქონე გუნდები Walt Disney-ს ფლორიდის კურორტზე შეკრიბეს, რათა მსოფლიოს ტოპ კალათბურთელები კორონავირუსისგან დაეცვათ. 190 მილიონი დოლარის ინვესტიციით, ეროვნულმა საკალათბურთო ასოციაციამ, ფლორიდის შტატში იზოლირებული ზონა შექმნა დისნეის კურორტზე, ამ ნაბიჯით მათ შეზღუდეს მოთამაშეები გარე სამყაროსთან კონტაქტისგან და მოახერხეს, რომ ასოციაციის 22 გუნდიდან არც ერთში, კორონავირუსის ერთი შემთხვევაც კი არ დაფიქსირებულა. „ბაბლის“ შექმნიდან სამ თვეში, ლებრონ ჯეიმსის „Los Angeles Lakers”-მა, ეროვნული საკალათბურთო ასოციაციის ფინალები მოიგო და “Miami Heat”-ი ფინალში დაამარცხა. კლინვლენდელმა ჩემპიონმა, ლებრონ ჯეიმსმა თავის კარიერაში მეოთხე ჩემპიონის და “MVP”-ის ტიტული მოიგო. NBA Bubble-ის კალათბურთელების დადებითი ზეგავლენა არ შემოიფარგლა მხოლოდ სპორტით, ჯანდაცვითა და ფინანსებით, სპორტულმა ღონისძიებამ, უფრო დიდი გავლენა იქონია ქვეყანაში დამკვიდრებული რასობრივი უსამართლობის წინააღმდეგ. ბრიონა ტეილორისა და ჯორჯ ფლოიდის მხარდაჭერა, ისევე როგორც რასობრივ უსამართლობასთან დაპირისპირება, მოთამაშეების მხრიდან, სხვადასხვა გზით, აქტიურად გამოიხატა. მოთამაშეები მუხლს იდრეკდნენ ჰიმნის დროს და მაისურებზე ეწერათ წარწერა, "Black Lives Matter". NBA– ს ოფიციალურმა წარმომადგენლებმა კორტებზე დააწერეს "Black Lives Matter" და დაუშვეს არაერთი შეტყობინება გუნდის მაისურებზე, როგორიცაა "Vote" და "I can't breathe". WNBA- ს, ქალთა ლიგის ერთ მატჩზე, მოთამაშეებს ერთ მატჩზე ეცვათ თეთრი მაისურები, რომლებსაც უკანა მხარეს შვიდი ტყვია ჰქონდა გამოსახული, პოლიციის მიერ სხვა მკვლელობის გასაპროტესტებლად. წლის რასიზმის წინააღმდეგ გამოჩენილ საპროტესტო მხარდამჭერებს შორის იყო ფორმულა 1-ის ჩემპიონი ლუის ჰამილტონი, რომელიც პოლბორზე ზეიმობდა შავი ძალის სიმბოლიკით სილვერსტონში ბრიტანეთის გრან პრის გამარჯვების შემდეგ. ჰამილტონი, ფორმულა 1-ის ერთადერთი შავკანიანი მძღოლი, მუხლებზე დაჩოქილი იყო ყველა რბოლამდე და ატარებდა Black Lives Matter- ის რამდენიმე მაისურს. მან გააკრიტიკა ყოფილი ჩემპიონები, რომლებიც მას „პოლიტიკოსობაშ“ ადანაშაულებდნენ და თქვა, რომ ანტირასისტული პროტესტი არ ეხება პოლიტიკას, არამედ ადამიანთა უფლებებს. ნოემბერში ბრიტანეთის გამარჯვებამ თურქეთის გრან პრიზზე, ჰემილტონს მეშვიდე ტიტული მოუპოვა,რითაც მიხაელ შუმახერის რეკორდი გაიმეორა - ეს ოდესღაც შეუძლებლად ითვლებოდა. 26 იანვარს მსოფლიო შოკირებული იყო, როდესაც 41 წლის კალათბურთის ლეგენდა კობი ბრაიანტი ავიაკატასტროფის შედეგად გარდაიცვალა თავის თინეიჯერ ქალიშვილთან, ჯიანასთან და შვიდი სხვა მგზავრთან ერთად. ავარიიდან რამდენიმე დღის შემდეგ, ოცი ათასმა ადამიანმა შეავსო ლეიკერსის სახლის არენა- სტეიპლსის ცენტრი, ლოს-ანჯელესში, რათა ენახა ეროვნული ტელევიზიით ტრანსლირებული მემორიალი, რომელიც გაიხსნა ბიონსეს სიმღერით, რასაც მოჰყვა აცრემლებული მილოცვა მაიკლ ჯორდანისგან. ნოემბრის ბოლოს მწუხარებამ უფრო ფართო მასშტაბი მიიღო, როდესაც 60 წლის ასაკში გულის შეტევით გარდაიცვალა არგენტინელი ლეგენდარული ფეხბურთელი დიეგო მარადონა. მარადონა 1986 წელს მსოფლიო ჩემპიონატზე ოსტატურად გაიტანა გოლი, სახელწოდებით „ღმერთის ხელი“. არგენტინამ სამდღიანი ეროვნული გლოვა გამოაცხადა საყვარელი ფეხბურთელისთვის. მარადონას გარდაცვალების წინა დღეს გავრცელებულმა ცნობამ, რომ ყოფილი თავდამსხმელი კრისტოფ დომინიჩი გარდაიცვალა 48 წლის ასაკში, რაგბის სამყარო შოკში ჩააგდო. ელეგანტური მოთამაშე, დომინიჩი ხალხს ახსოვს თავისი შესანიშნავი თამაშით, საფრანგეთის ცნობილ გამარჯვებაში ახალი ზელანდიის „All Blacks“-თან 1999 წლის მსოფლიო თასზე. რამდენიმე კვირის შემდეგ საფრანგეთის სპორტი დაემშვიდობა სხვა საყვარელ მოღვაწეს - ვეტერანი ფეხბურთის მწვრთნელ ჟერარ ჰულიეს, რომელიც ასევე საფრანგეთის საერთაშორისო გუნდის მენეჯერი იყო.
ნორვეგიელი მაშველები მეწყერის შედეგად დაკარგულებს ეძებენ
ნორვეგიელი მაშველები მეწყერის შედეგად 10 დაკარგულს ეძებენ. ინფორმაციას Reuters-ი ავრცელებს. ნორვეგიელი მაშველები, დრონებისა და ძაღლების დახმარებით,ზვავში მოყოლილ ათ ადამიანს ეძებს. დედაქალაქის ჩრდილოეთით, ზვავის უკვე მეორე შემთხვევა დაფიქსირდა, გასულ ღამით ჩამოწოლილმა ზვავმა, ოსლოს ჩრდილოეთით რამდენიმე სახლი თოვლით დაფარა.
ბორის ჯონსონის მამა ევროკავშირთან კავშირების შენარჩუნების მიზნით, საფრანგეთის მოქალაქეობას ითხოვს
ბრიტანეთის პრემიერ-მინისტრის ბორის ჯონსონის მამა საფრანგეთის პასპორტს ითხოვს, Brexit– ის შემდეგ ევროკავშირთან ურთიერთობის შენარჩუნების მიზნით. სტენლი ჯონსონმა, ყოფილმა ევროპარლამენტარმა, რომელმაც ხმა მისცა ბრიტანეთის დარჩენას ევროკავშირში, RTL რადიოს განუცხადა, რომ სურს გახდეს საფრანგეთის მოქალაქე საფრანგეთთან ოჯახური კავშირის გამო. „მე ყოველთვის ევროპელი ვიქნები, ამაში ნამდვილად დარწმუნებული ვარ. ინგლისელებს ვერ გეტყვით: თქვენ არ ხართ ევროპელები. კავშირი ევროკავშირთან მნიშვნელოვანია ”, - აღნიშნა სტენლი ჯონსონმა. ბორის ჯონსონმა Brexit-ის შეთანხმებას ხელი მოაწერა.
ახალი წელი წყნარ ოკეანეში მდებარე სამოასა და კირიბატის კუნძულებზე უკვე დადგა
ახალი წელი წყნარ ოკეანეში მდებარე სამოასა და კირიბატის კუნძულებზე უკვე დადგა. სამოასა და კირიბატის შემდეგ, თბილისის დროით 14:15 საათზე ახალ წელს უკვე ახალ ზელანდიაში შემავალ კუნძულ ჩატემის მოსახლეობაც იზეიმებს. ყველაზე გვიან 2021 წელი ბეიკერისა და ჰოულენდის კუნძულებზე დადგება, რაც თბილისის დროით 1-ლი იანვრის 16:00 საათზე მოხდება.
Instagram -მა 2020 წლის ყველაზე მეტად მოწონებული პოსტები გამოაქვეყნა
სოციალურმა ქსელმა Instagram-მა წლის ყველაზე მეტად მოწონებული პოსტები გამოაქვეყნა. წლის ყველაზე პოპულარი პოსტი კრიშტიანუ რონალდოს ფოტოა. აღსანიშნავია,რომ კაილი ჯენერის პოსტები 10 ყველაზე მოწონებად ფოტოთა შორის რამდენჯერმე მოხვდა. 1. კრიშტიანუ რონალდო (19,7 მილიონი მოწონება)2. ჩედვიკ ბოუზმანი (19,1 მილიონი)3. ლიონელ მესი (16,4 მილიონი)4. კაილი ჯენერი (16 მილიონი)5. ლებრონ ჯეიმსი (15,5 მილიონი)6. არიანა გრანდე (15,4 მილიონი)7. კაილი ჯენერი (15,3 მილიონი)8. კაილი ჯენერი (14.5 მილიონი)9. კრიშტიანუ რონალდო (14,3 მილიონი)10. კაილი ჯენერი (14,2 მილიონი)
იაპონია: ტოკიოში ახალი წლის დღეს ვირუსის რეკორდული ზრდა დაფიქსირდა
ტოკიოში გასული დღე-ღამის განმავლობაში, „კოვიდ-19“-ის 1 300-ზე მეტი შემთხვევა გამოვლინდა. ქვეყანა პანდემიის მესამე ტალღას ებრძვის. იაპონიის პრემიერ-მინისტრი, იოშიჰიდე სუგა ქვეყნის მოსახლეობას ახალი წლის მშვიდად შეხვედრისკენ მოუწოდებს. ამასთან, იაპონიის ეკონომიკის მინისტრმა ქვეყნის მთავრობას საგანგებო მდგომარეობის დაწესების წინადადებით მიმართა. პანდემიის დაწყებიდან დღემდე, იაპონიაში ვირუსის 233 ათასზე მეტი შემთხევაა დადასტურებული, მათ შორის სამი ათასზე მეტი ადამიანი გარდაიცვალა. იაპონია კორონავირუსის ახალი შტამის გამო, საერთაშორისო ვიზიტორების მიღებას შეზღუდავს.
ბრიჯიტ ბრინკი: ჩვენს ყველა მეგობარს გისურვებთ საუკეთესოს 2021 წლისთვის და ვგულშემატკივრობთ თქვენს წარმატებას
ბრიჯიტ ბრინკი: ჩვენს ყველა მეგობარს გისურვებთ საუკეთესოს 2021 წლისთვის და ვგულშემატკივრობთ თქვენს წარმატებას. ბრინკი კელი დეგნანის მილოცვას უერთდება. "გამარჯობა საქართველო! რაც ყველაზე მეტად მენატრება საქართველოში არის ლამაზი ბუნება,გემრიელი საჭმელი და მშვენიერი ხალხი, ჩემი ოჯახი და მე გილოცავთ ახალ წელს! ჩვენს ყველა მეგობარს გისურვებთ საუკეთესოს 2021 წლისთვის და ვგულშემატკივრობთ თქვენს წარმატებას."- ამბობს ბრინკი, საკუთარ მილოცვაში.
კენეტ იალოვიცი: ვაქცინები გზაშია და ჩვენი დემოკრატიული ინსტიტუტები საშუალებას მოგვცემს გავუმკლავდეთ ქარიშხალს
ახალი წლის დადგომა მოულოცა ქართველ ხალხს კენეტ იალოვიტსმა, ბილ კლინტონის ადმინისტრაციის პერიოდში, საქართველოში აშშ-ის ყოფილმა ელჩმა. "ძვირფასო მეგობრებო და კოლეგებო აშშ-ის საელჩოში, გისურვებთ მხიარულ,უსაფრთხო და ჯანმრთელ სადღესასწაულო სეზონს. ჩვენ დიდი სიყვარულით ვიხსენებთ საქართველოში გატარებულ წლებს. ვისურვებდით, რომ საქართველოში მოგზაურობის შესაძლებლობა მოგვეცეს.კოვიდის პანდემიითა და სადავო არჩევნებით ეს ძალიან მძიმე წელი იყო ორივე ჩვენი ქვეყნისთვის. ვაქცინები გზაშია და ჩვენი დემოკრატიული ინსტიტუტები საშუალებას მოგვცემს გავუმკლავდეთ ქარიშხალს. მადლობას გიხდით ყველაფრისთვის და იმედი გვაქვს, რომ უკეთეს პერიოდში გნახავთ მომავალწელს."-ამბობს იალოვიტსი, საკუთარ მიმართვაში. ახალი წლის დადგომა მოულოცა ქართველ ხალხს ამერიკის მოქმედდმა ელჩმა.
ელიზაბეთ რუდი: ყველაზე მეტად მენატრება კავკასიის მთები, ჩემი საყვარელი ხარაგაული და ჩემი ქართველი მეგობრები
ახალი წელი მოულოცა მოსახლეობის ელიზაბეთ რუდმაც. "რა მენატრება საქართველოში? ყველაზე მეტად მენატრება კავკასიის მთები, ჩემი საყვარელი ხარაგაული და რა თქმა უნდა, ჩემი ქართველი მეგობრები და ყველა ის ქართველი, ვინც საქართველოს ასეთ შესანიშნავ ქვეყნად აქცევს. გილოცავთ შობა-ახალ წელს და გისურვებთ მშვიდობიან, ბედნიერ 2021 წელს!"- თქვა ამერიკის ყოფილმა ელჩმა მიმართვაში. კელი დეგნანი: ამერიკელებმა და ქართველებმა აჩვენეს, რომ შეგვიძლია ერთად დგომა
ჯონ ბასი: დღესასწაულებზე ძალიან გვენატრება საქართველო. ყველაზე მეტად კი ჩემი ჩიჩილაკი მენატრება
კელი დეგნანის დაწყებულ საახალწლო მილოცვას შეუერთდნენ აშშ-ის სხვა ელჩებიც, მათ შორის ჯონ ბასიც და მისი მეუღლე. "გამარჯობა! მიხარია ჩვენი მეგობრების ნახვა საქართველოში. დღესასწაულებზე ძალიან გვენატრება საქართველო. რაც ყველაზე მეტად მენატრება დღესასწაულზე საქართველოში არის ჩემი ჩიჩილაკი. მე მენატრება სადღესასწაულო სუფრა ჩვენს მეგობრებთან ერთად. მენატრება ჩემი ქართული ენის გაკვეთილები.უნდა ვთქვა, რომ ყოველდღე მენატრება ლობიო და პური“, - თქვა ჯონ ბასმა.
იან კელი: საქართველოში მენატრება თქვენი კულტურით სიამაყისა და მტკიცე დამოუკიდებლობის შესანიშნავი შეგრძნება
საქართველოს მოქმედ ელჩს საახალწლო მილოცვაში შეუერთდნენ აშშ-ის ყოფილი ეჩლებიც. იან კელიმ ჩიკაგოდან მიმართა ქართველ ხალხს, "სალამი ჩიკაგოდან! ყველაზე მეტად რაც საქართველოში მენატრება, არის ხალხი, თქვენი კულტურის სიამაყისა დამტკიცე დამოუკიდებლობის შესანიშნავი შეგრძნება.მეც ხალხი მენატრება, მენატრებიან ჩემი მეგობრები და მენატრება ხაჭაპური.გილოცავთ ახალ წელს! "- ამბობს აშშ-ის ყოფილი ელჩი მილოცვაში, რომელიც მან საკუთარ მეუღლესთან, ფრანჩესკა კელისთან ერთად ჩაწერა.
რიჩარდ ნორლანდი: ჩვენ გვენატრება საქართველოს სულიერება და ხშირად ვიხსენებთ მონასტრებსა და ეკლესიებში ვიზიტებს
საქართველოს მოქმედ ელჩს საახალწლო მილოცვაში შეუერთდა რიჩარდ ნორლანდი, რომელიც საქართველოში აშშ-ს 2012-დან 2015 წლამდე წარმოადგენდა. "გამარჯობა! მე და მერის ყველაზე მეტად გვენატრება ქართველი ხალხის სტუმართმოყვარეობა დამეგობრობა,ხშირად გიხსენებთ.ამ საშობაო ღამეს კიდევ ერთხელ მოვუსმენთ "ავე მარიას" ულამაზეს შესრულებას,რომელიც მისმა უწმინდესობამ, საქართველოს პატრიარქმა დაწერა. ჩვენ გვენატრება საქართველოს სულიერება და ხშირად ვიხსენებთ მონასტრებსა და ეკლესიებშივიზიტებს ქვეყნისგარშემო, განსაკუთრებით კაცხის სვეტისა და ხევსურეთის სოფელ შატილის მონახულებას.გილოცავთ ახალ წელს!"- თქვა თავის მიმართვაში აშშ-ის ყოფილმა ელჩმა.
გალაკონცერტი 23:00 საათზე სახელმწიფო ცერემონიების სასახლეში გაიმართება
სახელმწიფო ცერემონიების სასახლეში დღეს, 23:00 საათიდან თბილისის მერიის მიერ ორგანიზებული გალაკონცერტი გაიმართება. წლევანდელი გალაკონცერტი განსხვავებული ფორმატის იქნება - შემსრულებლები სპეციალურად მოწყობილ სცენაზე წარდგებიან, რომელიც რამდენიმესართულიან, აივნებიან და ტერასებიან სახლს წარმოადგენს. არსებული ვითარებიდან გამომდინარე, პროექტი სწორედ აივნებზე, ტერასებზე და ფანჯრებთან მოწყობილი პერფორმანსების იდეას ეფუძნება. გარდა სპეციალურ სცენაზე წარმოდგენილი მუსიკალური ნომრებისა, ასევე, იქნება პირდაპირი ჩართვები თბილისის სხვადასხვა უბნიდან. სახელმწიფო ცერემონიების სასახლეში გალაკონცერტის მიმდინარეობისას მაქსიმალურად იქნება დაცული დაწესებული რეგულაციები. სპეციალურად მოწყობილ სცენაზე მუსიკალურ ნომრებს ახალგაზრდები შეასრულებენ, მაღალი რისკის მქონე შემსრულებლები კი საკუთარი, საახალწლოდ მოწყობილი სახლის ფანჯრებიდან და აივნებიდან ჩაერთვებიან. კონცერტი პირდაპირი ეთერის საშუალებით გადაიცემა. საახალწლო კონცერტის რეჟისორები ბასა ფოცხიშვილი და დავით დოიაშვილი არიან. მუსიკალური ხელმძღვანელი დათო ევგენიძე, ხოლო დამდგმელი მხატვარი თამარ ფოცხიშვილია. კონცერტს გაუძღვებიან ია სუხიტაშვილი, ბახვა ბრეგვაძე, გიორგი ბახუტაშვილი და ნინო ნოდია წაიყვანენ.
ბორის ჯონსონი: ვირუსის ახალი სახეობის სწრაფი გავრცელება ჩვენგან ზომების მეტად გამკაცრებას მოითხოვს
დიდი ბრიტანეთის პრემიერ-მინისტრმა, ბორის ჯონსონმა განაცხადა, რომ ვირუსის ახალი ვარიანტის გავრცელების გამო, მთავრობა იძულებული გახდა ინგლისის ზოგიერთ ნაწილში COVID-19-ის საწინააღმდეგო უფრო მკაცრი შეზღუდვები დაეწესებინა. ინფორმაციას Reuters-ი ავრცელებს. ბორის ჯონსონმა მოსახლეობას ასევე მოუწოდა, ვირუსის გავრცელების შეკავების მიზნით, ახალ წელს სახლში შეხვდნენ. „რეალობას თვალებში უნდა შევხედოთ. ვირუსის ახალი სახეობის სწრაფი გავრცელება ჩვენგან ზომების კიდევ უფრო მეტად გამკაცრებას მოითხოვს“, – განაცხადა ბორის ჯონსონმა. კორონავირუსის ახალი შტამის გავრცელების გამო, 26 დეკემბრიდან დიდ ბრიტანეთში შეზღუდვების მოქმედება გაფართოვდა. შეგახსენებთ, რომ დიდ ბრიტანეთში 14 დეკემბერს მეცნიერებმა კორონავირუსის ახალი სახეობა აღმოაჩინეს. ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ დიდ ბრიტანეთში აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე. დიდი ბრიტანეთის ჯანდაცვის მდივანმა, მეთ ჰენკოკმა განაცხადა, რომ ვირუსის ახალი სახეობა შედარებით სწრაფად ვრცელდება, თუმცა უფრო საშიში არ არის.
კელი დეგნანი: ამერიკელებმა და ქართველებმა აჩვენეს, რომ შეგვიძლია ერთად დგომა
აშშ-ის ელჩი საქართველოში, კელი დეგნანი საახალწლო ვიდეომიმართვას ავრცელებს. კელი დეგნანი მიმართავს მოსახლეობას და აღნიშნავს, რომ ის ძალისხმევა, რომელიც მოქალაქეებმა გაიღეს, ჯანდაცვის მუშაკებთან ერთად, სამაგალითო იყო და რომ ამ გზით ძალიან ბევრი სიცოცხლის გადარჩენა გახდა შესაძლებელი. „ეს წელი მთელ მსოფლიოში ბევრი ადამიანისთვის რთული იყო, გაურკვევლობის, ცვლილებებისა და ძალიან დიდი დანაკარგის გამო. ასეთ დროს ვაცნობიერებთ, თუ რამდენად ძვირფასია ჩვენი ოჯახი, მეგობრები და კოლეგები და რამდენად ვაფასებთ ერთად გატარებულ დროს. 2020 წლის გამოწვევებმა ხელი ვერ შეგვიშალა, გვეპოვა ახალი გზები საქართველოში ჩვენი მნიშვნელოვანი საქმის გასაგრძელებლად. ჩემზე საოცარი შთაბეჭდილება მოახდინა იმან, თუ რამდენი რამის წარმატებით შესრულება შეგვიძლია ერთად მუშაობით. კოვიდი ვერ შეგვიშლის ხელს! პანდემიის დაწყებისთანავე მთელი ჩვენი გუნდი ვირუსის წინააღმდეგ ბრძოლაში საქართველოს დასახმარებლად გაერთიანდა. თქვენმა საქმემ, პირდაპირი მნიშვნელობით, გადაარჩინა ადამიანების სიცოცხლე. ამერიკელებმა და ქართველებმა აჩვენეს, რომ ჩვენ შეგვიძლია და ერთად ვიდგებით, მიუხედავად გამოწვევებისა. სხვათა შორის, ამ კარგმა საქმემ მათი ყურადღებაც მიიპყრო, ვინც საქართველოში ადრე მსახურობდა. მომწერეს ელექტრონული ფოსტით, დამიტოვეს შეტყობინებები და გამომიგზავნეს ვიდეოები,რათა გაეზიარებინათ მოგონებები მათი არაჩვეულებრივ მეგობრებისა და საქართველოს შესახებ, თუ რა ენატრებათ ყველაზე მეტად და როგორ გისურვებენ უსაფრთხო და წარმატებულ ახალ წელს საუკეთესო სურვილებით“, - ამბობს კელი დეგნანი მიმართვაში. მიმართვა ელჩმა ქართული სიტყვებით დაასრულა და ყველას ქართულად მიულოცა ახალი წელი: „მხოლოდ დიდებულ ქვეყანას შეუძლია ამდენი მეგობრის შეძენა და ასეთი თბილი და ხანგრძლივი მოგონებების შექმნა.ჩემი თბილისში ყოფნის 11 თვის თავზე, მეც არაჩვეულებრივი მოგონებები დამიგროვდა, ამ მშვენიერი ქვეყნის აღმოჩენით, ახალი მეგობრების შეძენითა და საქართველოს მდიდარი ისტორიის გაცნობით. ახალ წელს მეტის გაკეთების მოუთმენელი სურვილით ველი. საქართველოში აშშ-ის მისიის წევრებისა და სანტას სახელით მინდა ყველას მოგილოცოთ სადღესასწაულო სეზონი და ჯანმრთელი და ბედნიერი ახალი წელი გისურვოთ. გაუმარჯოს! გილოცავთ ახალ წელს!“.
ქართული საახალწლო წეს-ჩვეულებები
გოგა ჩანადირი ქართული საახალწლო-საშობაო წეს-ჩვეულებები ერთ-ერთი მრავალფეროვანია მსოფლიოში. ზოგიერთი რამ კი სულაც მხოლოდ ჩვენ გვაქვს. მაგალითად, მეკვლე, გოზინაყი და ჩიჩილაკი. და კიდევ, საახალწლო გამოთქმა - „ასე ტკბილად დამიბერდი". ამ სამ სიტყვაში ქართველებმა უამრავი რამ ჩადეს, თუნდაც - ჯანმრთელობა, დიდხანს სიცოცხლე, ბედნიერება. ბებიები შვილიშვილებს კანფეტს ბალიშის ქვეშ ამოუდებდნენ და ასე ულოცავდნენ ახალ წელს. მერე ეს საყოველთაო ჩვეულებადაც ჩამოყალიბდა და საახალწლო დღეებში უფროსებიც უწვდიდნენ ერთმანეთს კანფეტს ან სხვა ტკბილეულს. მეკვლეობა ყველაზე საპატიო დავალება იყო. ოჯახი კეთილ, საიმედო, იღბლიან ადამიანს ახალი წლის დღეს მის სახლში შემოსვლას სთავაზობდა. მეკვლე აუცილებლად მარჯვენა ფეხით უნდა შესულიყო და ტკბილეული მიეტანა წლის ტკბილად დაბედების ნიშნად. თავის მხრივ, მასპინძლები მეკვლესაც ტკბილეულით უმასპინძლდებოდნენ, რომ მასაც დადებითი განწყობა და სურვილები ჰქონოდა. ჩიჩილაკი იგივე ნაძვის ხეა, რომელიც უმეტესად გურია-სამეგრელოში იყო გავრცელებული და წმინდა ბასილი დიდის წვერებად მოიხსენიებოდა. მას თხილის ხისგან ამზადებდნენ. ჩიჩილაკს წვერზე ჯვარს უკეთებდნენ. ზოგჯერ მანდარინსაც ადებდნენ, რაც შობის ვარსკვლავის სიმბოლოს წარმოადგენდა. მის გასამრავალფეროვნებლად ჩირსა და კანფეტებს ჰკიდებდნენ. ბასილი დიდის საპატივსაცემოდ კვერებს ან პურსაც აცხობდნენ. ბოლო წლებში ჩიჩილაკების სხვა და სხვა ფერით შეღებვაც კი დაიწყეს. თუმცა, უწინ იმერეთში მას ენდროთი აფერადებდნენ. გოზინაყი საახალწლო სუფრის მთავარი ტკბილეული იყო, რადგან მას ოჯახები იშვიათად აკეთებდნენ. თან, კაკლისა და თაფლის ქონა, რითაც გოზინაყი მზადდებოდა, სიმდიდრედ ითვლებოდა. საქართველოს აღმოსავლეთ მთიანეთში საახალწლოდ ლუდი იხარშებოდა. მთიულეთში კი სუფრაზე აუცილებლად უნდა ყოფილიყო ხინკალი. ყველა კუთხეს ჰქონდა მთავარი საახალწლო კერძი, რომელთაგან მთელ საქართველოში ყველაზე პოპულარული საცივი გახდა. მხოლოდ საბჭოთა ოკუპაციის პერიოდში საახალწლო სუფრას სალათა „ოლივიე“ შეემატა. აღმოსავლეთ საქართველოში სუფრაზე აუცილებლად უნდა ყოდილიყო გოჭის თავიც, რაც სუფრის მდიდრულობას ხაზს უსვამდა. თბილისური საახალწლო წეს-ჩვეულებები განსხვავებული იყო. დედაქალაქში ახალი წლის ღამეს ოჯახები სახლის კარს ღიას ტოვებდნენ, რომ მათთან ბედნიერება შესულიყო. საქართველოში ნაძვის ხე მე-19 საუკუნეში გახდა პოპულარული, მას შემდეგ, რაც ჩვენთან გერმანელები დასახლდნენ. მათ არამხოლოდ ჩვენთან, მთელ ევროპაში გაავრცელეს ახლანდელი საახალწლო წეს-ჩვეულებები. ევროპული ჩვეულებები ჯერ თბილისში დამკვიდრდა, შემდეგ მთელ ქვეყანაში. ეს, არამხოლოდ ნაძვის ხეში, ქუჩების მორთვასა და საშობაო ბაზრობების მოწყობაში გამოიხატებოდა. რაც შეეხება თოვლის პაპას (დასავლეთში ბაბუა), მიჩნეულია, რომ ის კეთილი და სასწაულმოქმედი მღვდელმთავრის წმინდა ნიკოლოზის პროტოტიპია, რომელიც არამხოლოდ პატარებს, ოჯახებს ახარებს მოულოდნელი საჩუქრებით. თოვლის პაპა საქართველოს ყველაზე მაღალ მწვერვალ შხარას კალთებთან და იქვე მდებარე სოფელ უშგულთან ბინადრობს. სწორედ იქ მისდის ბავშვების საახალწლო სურვილების წერილები. ახალი წლის ღამეს სვანურ ქუდს იხურავს, თეთრ ნაბადს მოისხამს, ხურჯინებს ზურგზე იკიდებს და კარდაკარ დადის საჩუქრების დასარიგებლად. საქართველოში გამორჩეული ახალი წელი აქვთ გურულებს და მას კალანდას უწოდებენ. კალანდა არამხოლოდ ჩიჩილაკით, კერძების მრავალფეროვნებით გამოირჩევა. უწინ ახალ წელს თოფის სროლით ხვდებიდნენ. ბოლო დროს კი ფეირვერკებმა ჩაანაცვლა. თბილისი მსოფლიოში ერთ-ერთი ფეიერვერკებიანი ქალაქია. „ევროპათაიმი“ საუკეთესო სურვილებით შობა-ახალ წელს გილოცავთ!
