ახალი ამბები
ზუგდიდში, სადაც ყველაზე მეტი ხმა ანზორ მელიამ მიიღო, მერის ვინაობას მეორე ტური გაარკვევს
ზუგდიდში, მერის არჩევნებში მეორე ტური გაიმართება. ანზორ მელიამ აქ ხმების 46.88% მოიპოვა, „ქართული ოცნების” კანდიდატმა მამუკა წოწერიამ კი 41.15% მიიღო. მე-3 ადგილზე გიორგი გახარიას თანაგუნდელი და ზუგდიდის ყოფილი მერი გეგა შენგელია 11.13%-ით გავიდა. პირველადი შედეგების მიხედვით, ზუგდიდის საკრებულოში, (რაც ერთადერთია ასეთი ფაქტია ამ დროისთვის) უმრავლესობა „ნაციონალურ მოძრაობას“ ექნება. „ნაციონალურ მოძრაონას“ ზუგდიდის საკრებულოში სავარაუდოდ 23 წევრი, „ქართულ ოცნებას“ კი 18 ეყოლება, გახარიას “საქართველოსთვის” - 3. რაც შეეხება ბათუმს, ქართულმა ოცნებამ“ - 39.42%, „ნაციონალურმა მოძრაობამ“ - 38.34%, „გახარია-საქართველოსთვის“ - 10.4% და „ლელომ“ - 3.25% მიიღეს. 7 მაჟორიტარული ოლქიდან, 5-ში პირველივე ტურში გაიმარჯვეს (40%-ზე მეტით) „ქართული ოცნების“ კანდიდატებმა და ორში - „ნაციონალური მოძრაობის“. ბათუმში მერის არჩევნების მეორე ტური გაიმართება, 50%-იანი ბარიერი ვერცერთმა კანდიდატმა ვერ გადალახა. წინასწარი მონაცემებით, მეორე ტურში მონაწილეობას მიიღებენ „ნაციონალური მოძრაობის“ კანდიდატი გიორგი კირთაძე (41.97%) და „ქართული ოცნების“ კანდიდატი არჩილ ჩიქოვანი (41.08%) მიიღებენ.
თბილისის საკრებულოში 6 პარტია შედის
ცენტრალური საარჩევნო კომისიის წინასწარი მონაცემებით, თბილისის საკრებულოში 6 პარტია შედის. 2.5%-იანი ბარიერი „ქართულმა ოცნებამ“, „ერთიანმა ნაციონალურმა მოძრაობამ“, „საქართველოსთვის“, „ლელომ“, „გირჩი-მეტი თავისუფლებამ“ და პარტიამ „ხალხისთვის“ გადალახეს. პროცენტული მაჩვენებლები ასეთია: „ქართული ოცნება“ - 40.3% „ერთიანი ნაციონალური მოძრაობა“ - 27.97% „გახარია-საქართველოსთვის“ - 8.85% „ლელო“ - 3.63% „ზურაბ გირჩი ჯაფარიძე: გირჩი - მეტი თავისუფლება“ - 3.3% „ანა დოლიძე - ხალხისთვის“- 2,57%. მეორე ტური მხოლოდ საბურთალოს ოლქში იქნება, სადაც „ქართული ოცნების“ მაჟორიტარობის კანდიდატს ავთანდილ ცინცაძეს „გირჩი-მეტი თავისუფლების“ კანდიდატი ბორის ყურუა დაუპირისპირდება.
პროკურატურამ იმ ბინის მეპატრონეს წაუყენა ბრალი, სადაც მიხეილ სააკაშვილი იყო
პროკურატურამ იმ ბინის მეპატრონეს წაუყენა ბრალი, სადაც ყოფილი პრეზიდენტი მიხეილ სააკაშვილი იყო. პროკურატურის ინფორმაციით, საქართველოს პროკურატურამ, მსჯავრდებულ უკრაინის მოქალაქე მიხეილ სააკაშვილის მიერ საქართველოს სახელმწიფო საზღვრის უკანონოდ გადმოკვეთის ფაქტზე, დანაშაულის დაფარვის მუხლით, ე.ც.-ს ბრალდება წარუდგინა. „საქართველოს შინაგან საქმეთა სამინისტროში მიმდინარე გამოძიების ფარგლებში დადგინდა, რომ ე.ც.-მ იცოდა, რომ უკრაინის მოქალაქე მიხეილ სააკაშვილი მძიმე დანაშაულის ჩადენისთვის იძებნებოდა საქართველოს სამართალდამცავი ორგანოს თანამშრომლების მიერ. მიუხედავად ამისა, თავისი აქტიური მოქმედებით, 2021 წლის 30 სექტემბერს მას დასამალად და დროებით საცხოვრებლად გადასცა თავის მფლობელობაში არსებული თბილისში მდებარე ბინა. 2021 წლის 1 ოქტომბერს, აღნიშნულ ბინაში ჩატარებული იქნა ჩხრეკა, სადაც აღმოჩნდა თბილისის საქალაქო სასამართლოს 2018 წლის 28 ივნისის განაჩენით საქართველოს სსკ-ის 25, 117-ე მუხლის მე-5 ნაწილის „ე“ ქვეპუნქტით და 333-ე მუხლის მე-3 ნაწილის „ბ“ ქვეპუნქტით მსჯავრდებული უკრაინის მოქალაქე მიხეილ სააკაშვილი. სამართალდამცველებმა ე.ც. 1 ოქტომბერს დააკავეს. მას ბრალდება საქართველოს სისხლის სამართლის კოდექსის 375-ე მუხლის მეორე ნაწილით (მძიმე დანაშაულის წინასწარ შეუპირებლად დაფარვა) წარედგინა, რაც სასჯელის სახედ და ზომად 1-დან 4 წლამდე თავისუფლების აღკვეთას ითვალისწინებს. ბრალდების მხარე ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს. აღსანიშნავია, რომ მიხეილ სააკაშვილის მიერ საზღვრის უკანონო კვეთის ფაქტზე შინაგან საქმეთა სამინისტროში გამოძიება სისხლის სამართლის კოდექსის 344-ე მუხლით მიმდინარეობს. სისხლის სამართლის საქმეზე აქტიურ რეჟიმში ტარდება ყველა საჭირო საპროცესო და საგამოძიებო მოქმედებები“, - ნათქვამია ინფორმაციაში. ამავე თემაზე: შსს: დაკავებულია იმ ბინის მეპატრონე, სადაც მიხეილ სააკაშვილი დაპატიმრებისას იმყოფებოდა
მიხეილ სააკაშვილი „ნაციონალური მოძრაობი“ თავმჯდომარეს წერილით მიმართავს
მიხეილ სააკაშვილი „ნაციონალური მოძრაობის“ თავმჯდომარეს, თბილისის მერობის კანდიდატ ნიკა მელიას სასჯელაღსრულების დაწესებულებიდან წერილს უგზავნის. „ნიკა, ძვირფასო, მოგიკითხავ შენი ყოფილი საპატიმროდან და მინდა, მოგილოცო შენც და თბილისელ ამომრჩევლებსაც, რომ ნამდვილი სასწაული მოახდინეთ, ამას არც მტერი და არც მოყვარე მოელოდა. ახლა ყველა ქალაქში, სადაც მეორე ტურია და ესაა ჩვენი საამაყო ქართული ყველა დიდი ქალაქი, აღარ უნდა მოვეშვათ 2018 წლის მეორე ტურის მსგავსად და, პირიქით, მუდმივ და ბევრად უფრო ძლიერ შეტევაზე უნდა წავიდეთ. განსაკუთრებული მილოცვა მამაშენს! ყველა ოპოზიციური და უბრალოდ ჯანსაღი ძალა გავაერთიანოთ, დავივიწყოთ ყველა წყენა და ერთხელ და სამუდამოდ დავიბრუნოთ დემოკრატია და თავისუფლება ჩვენს ქვეყანაში. არავითარი რევანში არავის მიმართ, ვინაიდან ყველანი ქართველები და ზოგადად ამ ქვეყნის შვილები ვართ. ვამაყობ თქვენი წარმატებებით და ასევე მზად ვარ და ვადასტურებ, რომ ჩემი სიცოცხლის ფასადაც მზად ვარ, ვიბრძოლო საქართველოს თითოეული მცხოვრებლის გაჭირვებისგან და გაჭირვებული ცხოვრებისგან გამოსაყვანად და საქართველოს გასამარჯვებლად. ღმერთი იყოს ჩვენი ქვეყნისა და თითოეული ჩვენგანის მფარველი“, - აღნიშნულია სააკაშვილის წერილში, რომელიც მის ფეისბუქგვერდზე ვრცელდება.
პრემიერი: პლანეტის ნებისმიერი ადამიანი რომ ჩამოვიდეს და მოგვიწოდოს, სააკაშვილის გამომშვები არავინ არ არის
„სააკაშვილის გარემოცვიდან გვქონდა ინფორმაცია. თავიდან ბოლომდე, მისი გადაადგილება, დაწყებული უკრაინიდან საქართველომდე, იყო სრული კონტროლის ქვეშ. ვიცოდით, რომელ ბინაში იმალებოდა და ველოდებოდით საჭირო მომენტს“. „რაღაც დაგეგმეს, თითქოს მღელვარებას გამოიწვევდნენ და საბოლოო ჯამში სააკაშვილმა პოლიტიკური თვითმკვლელობა ჩაიდინა, ვთქვი, რომ სააკაშვილის დაკავებას სულ რაღაც 10 პოლიციელი შეძლებდა, ასეც მოხდა, ისე, რომ ვერავინ გაიგო, როგორ გადაადგილდებოდნენ ჩვენი გმირი პოლიციელები, ძალიან მაღალპროფესიონალურად შეასრულეს მისი აყვანის ღონისძიება და შეაბრძანეს ციხეში“ „ერთ-ერთ ვერსიად განიხილავდნენ რამდენიმე ოპოზიციური ლიდერის მკვლელობას, რომ ბოლომდე მომხდარიყო ჩვენი ხელისუფლების დელეგიტიმაცია“, - ამ გზავნილებით გამოვიდა პრემიერ-მინისტრი ირაკლი ღარიბაშვილი ტელეკომპანია „იმედთან“ ინტერვიუში. საიდან შემოვიდა მიხეილ სააკაშვილი, მთავრობის ხელმძღვანელი აცხადებს, რომ ძალიან მალე მოსახლეობას ამას დეტალურად მოუყვება არა პრემიერ-მინისტრი, არამედ საგამოძიებო უწყებები. პრემიერის თქმით, არავითარი კითხვა მისი მართლმაჯულების წინაშე წარდგენასთან დაკავშირებით არ იქნება, და ეს მოხდება უმაღლესი სტანდარტების შესაბამისად. „ჩვენთვის ტვირთი და გამოწვევა სააკაშვილი იყო იუთუბ არხებზე ჩართვებიით და ტელეხიდებით. რატომ? ერთი, რომ უკრაინასთან გვიფუჭებდა ურთიერთობას და მეორე - ყველა დაიღალა. დაიღალა მთელი ქვეყნის მოსახლეობა. სააკაშვილი ან უნდა დაგვეწირა, ან წასულიყო პოლიტიკიდან. ეს კაცი პოლიტიკიდან არ მიდის, ბოდიშს არ იხდის, არ ითხოვს შეწყალებას. მადლობა მიშას, რომ ჩამოვიდა თავისი ფეხით და თავისი ნებით საქართველოში. ვფიქრობ, რომ იდეალურად დაჯდა და დავსვით ყველაფერი, ვინაიდან, „ნაციონალური მოძრაობა“ ამის შემდეგ როგორ უნდა განვითარედეს, ვერ წარმომიდგენია. ბოლო იმედი იყო სააკაშვილი. ბოლო რესურსი ჩადეს ამ არჩევნებისთვის. ჩამოვიდა და პირდაპირ ციხეში შევიდა, ისე, რომ ვერაფერი გააკეთა. მე ვფიქრობ, რომ ის ძალიან კომფორტულად იქნება. ჩვენ მაქიმალურ კომფორტს შევუქმნით მას ციხეში და არავითარი კითხვა მისი მართლმაჯულების წინაშე წარდგენასთან დაკავშირებით არ იქნება, ჩვენ ამას გავაკეთებთ უმაღლესი სტანდარტების შესაბამისად. ჩვენ ისე არ მოვექცევით და ავექცევით ოპონენტებს, როგორიც ისინი იმსახურებენ და ექცეოდნენ თავის ოპონენტებს, მაგრამ ჩვენ ვართ დემოკრატია, აბსოლუტურად გამჭვირვალე პროცესია და პირველივე საათიდან ადვოკატიც შევიდა, მნახველებიც ჰყავს და პრობლეემა არ იქნება არავითარი“, - განაცხადა ირაკლი ღარიბაშვილმა. ის „სრული პასუხისმგებლობით“ აცხადებს, რომ სააკაშვილი სრულად მოიხდის სასჯელს. „წესიერად მოიქცეს, თორემ დავუმატებთ კიდევ სხვა მუხლებს და სხვებსაც მივაყოლებთ”, - აღნიშნავს ღარიბაშვილი. „დღეის მდგომარეობით მას 6 წელი აქვს მისჯილი, ბოლო ინსტანციით არის გამყარებული მისი ეს ბრალი და სასჯელი. პლანეტის ნებისმიერი ადამიანი რომ ჩამოვიდეს და გვთხოვოს, გვითხრას, მოგვიწოდოს, დღეს ხელისუფლებაში სააკაშვილის გამომშვები არავინ არ არის. სააკაშვილი ახლა დაჟინებით ითხოვს, უკრაინაში დამაბრუნეთო. რომ გააცნობიერა, რომ ციხეშია და ძალიან მძიმედ არის, თანამშრომლებს ეუბნება, სასწრაფოდ დამაბრუნეთ უკრაინაშიო. წარმოგიდგენიათ ეს კაცი რა მდგომარეობაშია?! რატომ ჩამოვიდა, რატომ დაიჯერა ბრიყვულად, რომ აქ ჩვენ გვეძინა და არაფერი არ მოჰყვებოდა მის ამ შემოპარვას?! ძალიან სამწუხაროა, რომ ჩვენ ვსაუბრობთ კაცზე, რომელიც 9 წლის განმავლობაში პრეზიდენტი იყო, კატასტროფაა და შეურაცხმყოფელია, რომ მან საკუთარი ნებით დათმო ჩვენი ქვეყნის მოქალაქეობა. თუ მას უნდა უკრაინაში დაბრუნება, მას შემდეგ რაც ის სრულად მოიხდის სასჯელს, ამის შემდეგ რა თქმა უნდა, შეუძლია ნებისმიერ ქვეყანაში დაბრუნდეს", - განაცხადა პრემიერ-მინისტრმა. ამავე თემაზე ვოლოდიმირ ზელენსკი: უკრაინა ყველა დონეზე დააყენებს მიხეილ სააკაშვილის დაბრუნების საკითხს
გერმანიის ელჩი: ეს არჩევნები არის ნაბიჯი საქართველოს დემოკრატიული განვითარების გზაზე
გერმანიის ელჩმა ჰუბერტ ქნირშმა 2 ოქტომბრის არჩევნები Europetime-თან ექსკლუზიურ ინტერვიუში შეაფასა. კითხვაზე, რა გზავნილი იქნება ევროპისთვის საქართველოს მიერ ჩატარებული არჩევნები, ქვეყნისგან, რომლის ხანგრძლივი პოლიტიკური კრიზისის მოგვარებაში ევროკავშირი იყო ჩართული და ბოლო პერიოდში მისგან არაერთი კრიტიკული შეფასება დაიმსახურა, გერმანიის ელჩი პასუხობს, რომ ეს არის ერთი ნაბიჯი საქართველოს დემოკრატიული განვითარების გზაზე, დარჩენილი გადასაჭრელი საკითხები კი ყველას ამოცანად რჩება. „ჩვენ დღეს მოვისმინეთ საერთაშორისო დამკვირვებელთა შეფასებები. ისინი აკვირდებოდნენ მოწესრიგებულ და კარგად ორგანიზებულ კენჭისყრის დღეებს კანონიერი მოთხოვნების შესაბამისად. მეორე მხრივ, მათ შენიშნეს არათანაბარი საასპარეზო პირობები წინასაარჩევნო პერიოდში. ასევე, მცირე და ახალი პარტიებისთვის ძალიან რთულია, კონკურენცია გაუწიონ უფრო დიდ და არსებულ პარტიებს და მათ ამის შესახებ შეჯამებაც გააკეთეს. ასე რომ, ეს არის საკითხები, რომლებიც მომავალში გადასაწყვეტი რჩება“, - აღნიშნავს ჰუბერტ ქნირში. გერმანიის ელჩმა მადლობა გადაუხადა საერთაშორისო დამკვირვებლებს, რომ „რთული ამოცანა იტვირთეს“ და „ასე მოწესრიგებულად ჩაატარეს არჩევნები“. „ეს არჩევნები არის ნაბიჯი საქართველოს დემოკრატიული განვითარების გზაზე და ეს არის არჩევნები, რომელიც 19 აპრილის შეთანხმების შედეგად გაუმჯობესებული კანონმდებლობის დაცვით ტარდება, მაგრამ ის ასევე აჩვენებს, რომ კიდევ ბევრი რამ არის მოსაგვარებელი და ეს რჩება ყველას ამოცანად, მათ შორის პარლამენტისთვის, მთავრობისთვის და განსაკუთრებით პოლიტიკური პარტიებისთვის - მათი კონკურენციისა და ურთიერთქმედებისას არამხოლოდ არჩევნების დროს, არამედ წინასაარჩევნო პერიოდში, რომელიც დღეს ისევ იწყება“, - განუცხადა გერმანიის ელჩმა Europetime-ს. ჰუბერტ ქნირშთან სრულ ინტერვიუს მოგვიანებით შემოგთავაზებთ. ამავე თემაზე: ეუთოს წინასწარი დასკვნა 2 ოქტომბრის არჩევნებზე - მთავარი მიგნებები
ეუთო/ODIHR-ის წინასწარი დასკვნა 2 ოქტომბრის არჩევნებზე - მთავარი მიგნებები
2 ოქტომბერს არჩევნები ზოგადად კარგად ადმინისტრირებული იყო, მაგრამ საარჩევნო პროცესი გაჭიანურებული პოლიტიკური კრიზისის ფონზე მიმდინარეობდა და გამძაფრებული პოლარიზაციით ხასიათდებოდა. ასე იწყება ეუთო/ოდირის 33-გვერდიანი წინასწარი დასკვნა, რომელიც საქართველოში ადგილობრივი თვითმმართველობის არჩევნებს აფასებს. დასკვნის თანახმად, საარჩევნო სუბიექტებს შესაძლებლობა ჰქონდათ, საარჩევნო კამპანია თავისუფლად და კონკურენტულ გარემოში წარემართათ, თუმცა კამპანია დააზიანა დაშინების, ამომრჩეველთა მოსყიდვისა და კანდიდატებსა და ამომრჩევლებზე განხორციელებული ზეწოლის ფაქტების შესახებ ფართოდ გავრცელებულმა და თანმიმდევრულმა განცხადებებმა და არათანასწორმა საასპარეზე პირობებმა. Europetime დოკუმენტის მთავარ პუნქტებს გთავაზობთ სამართლებრივი ჩარჩო, სრულყოფილად დანერგვის შემთხვევაში, მთლიანობაში ადეკვატურ ბაზას იძლევა დემოკრატიული არჩევნების ჩასატარებლად. თუმცა ის მეტისმეტად გადატვირთულია და საარჩევნო პროცესის არაერთ ასპექტს საჭიროზე მეტად არეგულირებს. 19 აპრილის ხელშეკრულების შესაბამისად საარჩევნო კოდექსში ცვლილებებმა ნაწილობრივ გაიზიარა დემოკრატიული ინსტიტუტებისა და ადამიანის უფლებების ოფისის და ვენეციის კომისიის მანამდე გაცემული რეკომენდაციები, მათ შორის საარჩევნო დავების გადაწყვეტის ვადებისა და ხელახალი გადათვლების შესახებ, თუმცა არაერთი მათგანი კვლავაც გაუთვალისწინებელი დარჩა. მათ შორის ეს ეხება საარჩევნო დავების გადაწყვეტის სხვა ასპექტებსა და ადმინისტრაციული რესურსების ბოროტად გამოყენების აღსაკვეთად აუცილებელ დამატებით ზომებს. ზოგადად, საარჩევნო ადმინისტრაციამ საარჩევნო პროცესის ტექნიკურ ასპექტებსწარმატებით გაართვა თავი, თუმცა დაბალ დონეზე, საუბნო საარჩევნო კომისიების წევრების შერჩევასა და დანიშვნებთან დაკავშირებული დაპირისპირებების გამო, საარჩევნო კომისიების მიუკერძოებლობის მიმართ ნდობა მთლიანობაში საკმაოდ დაბალი იყო. კანდიდატთა რეგისტრაციის პროცესი ინკლუზიურად მიმდინარეობდა, მაგრამ ბევრმა ოპოზიციურმა კანდიდატმა მოხსნა თავისი კანდიდატურა ადგილობრივი ხელისუფლებების მხრიდან სავარაუდო ზეწოლის გამო. საარჩევნო კამპანია შეზღუდულად, მაგრამ კონკურენტულ გარემოში წარიმართა, რომელიც განსაკუთრებით აქტიურად შუქდებოდა მედიასა და ონლაინ გამოცემებში და ხასიათდებოდა განსხვავებული შეხედულებების მქონე საარჩევნო სუბიექტთა სიმრავლით. საარჩევნო პროცესი ზოგადად მშვიდად წარიმართა, თუმცა ცალკეულ პირებს შორის ძალადობისა და სიტყვიერი და ფიზიკური დაპირისპირების შემთხვევები ისევე, როგორცსოციალური ქსელებით გავრცელებული აგრესიული რიტორიკა არჩევნების დღის მოახლოებასთან ერთად გამძაფრდა. ადგილობრივი საკითხები გადაფარა საარჩევნო პროცესის ხარვეზების თაობაზე გაკეთებულმა ბრალდებებმა როგორც ოპოზიციური ასევე მმართველი პარტიის მხრიდან და ასევე ამ არჩევნების რეფერენდუმად გამოცხადებაზე ყურადღების გამახვილებამ. კანონი კრძალავს სოციალური და ეკონომიკური პროექტების დაწყებას მხოლოდ არჩევნების ჩატარების თარიღის გამოცხადების შემდეგ, მთავრობა კი ამტკიცებს, რომ პროექტები არჩევნების ჩატარების თარიღის გამოცხადებამდე დაიწყო. თუმცა, ამის მიუხედავად, ბოლო დროს მთავრობის მიერ რამდენიმე პროექტის დაწყების შესახებ გაკეთებული განცხადება ეწინააღმდეგება კანონის სულისკვეთებას და საარჩევნო კამპანიაში მაღალი თანამდებობების პირების მონაწილეობამ მმართველ პარტიას თავისი მდგომარეობით მინიჭებული უპირატესობით შეუსაბამოდ სარგებლობის შესაძლებლობა მისცა. გამოითქვა ფართოდ გავრცელებული და თანმიმდევრული ბრალდებები ამომრჩეველთა მოსყიდვის, ადმინისტრაციული რესურსების ბოროტად გამოყენების, დაშინებისა და ზეწოლის შესახებ, რაც ეწიმააღმდეგება ეუთოს წინაშე აღებულ ვალდებულებებს და სხვა საერთაშორისო სტანდარტებს და შეშფოთების საფუძველს ქმნის ამომრჩეველთა შესაძლებლობის მიმართ ისარგებლონ ხმის მიცემის უფლებით „დასჯის შიშის გარეშე“. ქალები ნაკლებად არიან წარმოდგენილი საჯარო თანამდებობებზე მათ პარლამენტში ადგილების 19.3 პროცენტი უკავიათ, 15.5 პროცენტი კი ადგილობრივი თვითმმართველობის წარმომადგენლობით ორგანოების მიმდინარე შემადგენლობაში. 13 მინისტრიდან 4 მინისტრი ქალია. მუნიციპალიტეტების 64 მერიდან მხოლოდ ერთი მერია ქალი. მერობის ათი კანდიდატიდან მხოლოდ ერთი კანდიდატია ქალი, მაჟორიტარული სიით ასარჩევ კანდიდატებს შორის კი შვიდ კანდიდატში მხოლოდ ერთი კანდიდატია ქალი. პროპორციული სიით ასარჩევი მანდატებისთვის კანდიდატთა სიებში კანონით მოთხოვნილია, რომ სულ მცირე სამიდან ერთი კანდიდატი საწინააღმდეგო სქესისა უნდა იყოს. პროპორციული სიით ასარჩევ კანდიდატთა შორის მათი წილი საერთო ჯამში 42.5 პროცენტს შეადგენდა. ქალები მნიშვნელოვნლად არ მონაწილეობდნენ საარჩევნო კამპანიებში; შესამჩნევი იყო მხოლოდ რამდენიმე გამონაკლისი, ძირითადად დედაქალაქში. ეთნიკურ უმცირესობათა საკითხები არ იყო ფართოდ ასახული საარჩევნო კამპანიაში და ეროვნული უმცირესობები, მათი მოსახლეობის რაოდენობის მიუხედავად, ნაკლებად იყვნენ წარმოდგენილნი. დემოკრატიული ინსტიტუტებისა და ადამიანსი უფლებების ოფისთან საუბრისას პროცესში მონაწილე რამდენიმე მხარემ განაცხადა, რომ ეროვნული უმცირესობების წარმომადგენელ რამდენიმე კანდიდატზე განხორციელდა ზეწოლა კანდიდატურის მოხსნის მოთხოვნით, რაც საფრთხის ქვეშ აყენებდა მათი არჩევნებში მონაწილეობის უფლებით განსაზღვრულ გარანტიებს. კამპანიის დაფინანსება დემოკრატიული ინსტიტუტებისა და ადამიანსი უფლებათა ოფისისა (ოდირი) და „გრეკოს“(GRECO) მიერ კამპანიის დაფინანსების შესახებ მანამდე გაცემული არაერთი რეკომენდაცია კვლავაც არ არის გათვალისწინებული. საარჩევნო კამპანიის დაფინანსებისა და რესურსებს შორის თვალსაჩინო უთანაბრობა მხარეებს უთანასწორო საასპარეზო პირობებში აყენებდა. მედია მრავალფეროვანი მედიაგარემო ძალზედ პოლარიზებულ პოლიტიკურ კოტექსტს ასახავდა. მიუხედავად იმისა, რომ მედიის საკანონმდებლო ჩარჩო გამოხატვის თავისუფლებისთვის და მედიისთვის მყარ საფუძვლებს უზუნველყოფს, მედია გარემოს გაუარესება, რაც ბოლოდროს ჟურნალისტების წინააღმდეგ მიმართული დაშნებისა და მუქარის შემთხვევებმა დაასევე ამ საქმეების სწრაფი და საფუძვლიანი გამოძიების ნაკლებობამ გამოიწვია, მედიის უსაფრთხო და დაცულ გარემოში ფუნქციონირების შესაძლებლობების კუთხით შეშფოთების საფუძველს ქმნის. ბოლოდროინდელი ცვლილებებით არ მოხდა დემოკრატიული ინსტიტუტებისა და ადამიანის უფლებების ოფისის მანამდე გაცემული რეკომენდაციების გათვალისწინება, რომლებიც სამართლებრივი საფუძვლის გაფართოებასა და ყველა ტიპის საჩივრის დაჩქარებულ განხილვას შეეხებოდა. არჩევნების დღემდე საარჩევნო ადმინისტრაციასა და სასამართლოებში დაახლოებით 340 საჩივარი შევიდა, რომლებიც ღია სხდომებზე, კანონით დადგენილი მოთხოვნებით განიხილეს. მათგან 190 საჩივარი ოცდაათდღიან ვადას დაექვემდებარა და არჩევნების დღემდე არ განხილულა, რაც არ შეესაბამება სამართლიანი დაცვის ეფექტიან საშუალებებებს. განხილული შემთხვევები უარყოფილი იყო დაუსაბუთებლობის გამო. დემოკრატიული ინსტიტუტებისა და ადამიანის უფლებების ოფისის არჩევნებზე სადამკვირვებლო მისიასთან შეხვედრებისას პროცესში მონაწილე მხარეებმა უნდობლობა გამოხატეს საარჩევნო კომისიების, სასამართლოებისა და სამართალდამცავი ორგანოების მიერ არჩევნებთან დაკავშირებული საჩივრების მიუკერძოებლად განხილვის მიმართ. კენჭისყრის დღემ მშვიდად და მოწესრიგებულად ჩაიარა, თუმცა დაფიქსირდა ძალადობრივი ინციდენტის რამდენიმე შემთხვევა დემოკრატიული ინსტიტუტებისა და ადამიანის უფლებათაოფისის დამკვირვებლებმა თავისი დაკვირვების არეალში მოქცეული საარჩევნო უბნების დიდ ნაწილში გახსნისა და ხმის მიცემის პროცედურები დადებითად შეაფასეს, თუმცა ანგარიშებში ასახულია ხალხმრავლობის შემთხვევები, რომლებიც COVID19-ის პანდემიის გავრცელების შესაკავებლად შემოღებული წესების დაცვას კიდევ უფრო ართულებდა, და ასევე საარჩევნო უბნების მოწყობასთან დაკავშირებული პრობლემები, რომლებიც არ უზუნველყოფდა ხმის ფარულობის დაცვას. გარდა ამისა, ანგარიშებში აღნიშნულია, რომ საარჩევნო უბნებზე უწყვეტად იმყოფებოდნენ სადამკვირვებლო ორგანიზაციების წარმომადგენელები, რომლებიც მოქმედებდნენ, როგორც პოლიტიკური პარტიების მხარდამჭერები და დროდადრო საარჩევნო პროცესს ხელს უშლიდნენ; ასევე, საარჩევნო უბნებს გარეთ პარტიის მხარდამჭერთა ყოფნა დამაშინებელ გარემოს ქმნიდა და შეშფოთების საფუძველს იძლეოდა, რადგან მსგავს ქმედებებს შესაძლოა, ზეგავლენა მოეხდინა ამომრჩვლების მიერ ხმის მიცემის პროცესზე. დემოკრატიული ინსტიტუტებისა დაადამიანის უფლებათა ოფისის დამკვირვებლებმა ხმების დათვლის პროცესი გამჭვირვალედ შეაფასეს, მაგრამ ასევე აღნიშნეს, რომ დაკვირვების არეალში მოქცეული საარჩევნო უბნების მნიშვნელოვან ნაწილში ოქმების შევსების დროს პროცედურულმა ხარვეზებმა და სირთულეებმა პროცესზე ზეგავლენა იქონია. „სახელმწიფო უსაფრთხოების სამსახურიდან გამოჟონილი ფეთქებადსაშიში მაკომპრომეტირებელი მასალები“ არჩევნებამდე სამი კვირით ადრე მედიაში გამოჩნდა სახელმწიფო უსაფრთხოების სამსახურიდან გამოჟონილი ფეთქებადსაშიში მაკომპრომეტირებელი მასალები, რომელთა თანახმადაც გამოაშკარავდა, რომ სახელმწიფო უსაფრთხოების სამსახური ახორციელებდა სასულიერო პირების, დიპლომატების, პოლიტიკოსების, სამოქალაქო საზოგადოების წარმომადგენელთა, ჟურნალისტებისა და სკოლისა და საბავშვო ბაღების თანამშრომელთა უკანონო მიყურადებას. ამ მასალების გამოქვეყნებას მნიშვნელოვანი პოლიტიკური ძვრები მოჰყვა, რასაც თან ერთვოდა მმართველი და ოპოზიციური პარტიების წარმომადგენელთა მიმართ წამოყენებული ბრალდებები, იმის თაობაზე თუ ვინ იდგა სავარაუდო უკანონომიყურადებისა და მედიაში ინფორმაციის გაჟონვის უკან. ბევრმა კანდიდატმა არჩევნების დღემდე მოხსნა კანდიდატურა. რამდენიმე მათგანმა მიზეზად ადგილობრივი ხელისუფლების მხრიდან სავარაუდო ზეწოლა დაასახელა. საერთო ჯამში 14 პროპორციულ სიას რეგისტრაცია გააუქმდა და 617-ზე მეტმა საკრებულოს მაჟორიტარმა კანდიდატმა, რომელთა ერთი მესამედიც ქალია, არჩევნების წინ მოხსნა კანდიდატურა, ისევე როგორც 102 მაჟრიტარმა და სამმა მეორბის კანდიდატმა. ამან ზეგავლენა იქონია 19 პოლიტიკურ პარტიაზე. 36 არცერთი მათგანი არ ყოფილა მმართველი პარტიიდან. საარჩევნო გარემო. მმართველი პარტიის ბილბორდები და პლაკატები ყველაზე მეტად იყო გავრცელებული მთელი ქვეყნის მასშტაბით. ქალები კამპანიაში მნიშვნელოვნად არ იყვნენ წარმოდგენილი, გარდა რამდენიმე შესამჩნევი გამონაკლისისა, მეტწილად დედაქალაქში. საარჩევნო კამპანია მთლიანობაში მშვიდი იყო და ყველა კანდიდატმა, რომელთაც დემოკრატიული ინსტიტუტებისა და ადამიანის უფლებების ოფისის არჩევნებზე სადამკვირვებლო მისია შეხვდა, განაცხადა, რომ მათ კამპანიის თავისუფლად ჩატარების შესაძლებლობა აქვთ, მათ შორის უმცირესობათა ენაზე; ამის მიუხედავად, ცალკეულ ინდივიდებს შორის ძალადობისა და სიტყვიერი და ფიზიკური დაპირისპირების ერთეული შემთხვევები ისევე, როგორც სოციალური ქსლებში გავრცელებული აგრესიული რიტორიკა არჩევნების დღის მოახლოებასთან ერთად გაძლიერდა. პოლიტიკური გარემო უკიდურესად პოლარიზებული, ხოლო დისკურსი აგრესიული და კონფრონტაციულია. კამპანია ხასიათდებოდა ოპოზიციისა და მმართველი პარტიის მხრიდან არაკეთილსინდისიერი საარჩევნო პრაქტიკის შესახებ გამოთქმული ურთიერთბრალდებებით; მმართველი პარტია ოპოზიციურ პარტიებს არჩევნების შემდგომი არეულობის დაგეგმვასაც აბრალებდა. 19 აპრილის შეთანხმების შედეგად, მმართველ პარტიასთან მიმართებით წარმოქნილი 43 პროცენტიანი მხარდაჭერის ნიშნული დისკუსიის ძირითადი საკითხი იყო, განსაკუთრებით დიდ ქალაქებში, ხოლო ადგილობრივი საკითხები უფრო მეტად წარმოდგენილი იყო სასოფლო თემებში. მიუხედავად იმისა, რომ „ქართულმა ოცნებამ“ 19 აპრილის შეთანხმება დატოვა, ბევრი აღნიშნულ არჩევნებს მმართველი პარტიის მხარდაჭერის განმსაზღვრელ ეროვნულ რეფერენდუმად აღიქვამს და რიგგარეშე საპარლამენტო არჩევნებისკენ მიმავალ გზად მიიჩნევს. არჩევნებზე სადამკვირვებლო მისიასთან საუბრისას პროცესში მონაწილე ბევრმა მხარემ განაცხადა, რომ მიუხედავად იმისა, რომ ოფიციალურ პირებს მიაწოდეს ინფორმაცია, დაშინების ფაქტებზე შესაბამისი გამოძიება არ დაწყებულა. კენჭისყრის დღე საარჩევნო უბნები, რომლებსაც ეუთოს დემოკრატიული ინსტიტუტებისა და ადამიანის უფლებათა ოფისის დამკვირვებლები აკვირდებოდნენ, ძირითადად დროულად გაიხსნა გარდა რამდენიმე შემთხვევისა, რომლებშიც გახსნის პროცედურა გაჭიანურდა ძირითადად საორგანიზაციო საკითხების გამო. არჩევნებზე სადამკვირვებლო მისიის დამკვირვებლებმა გახსნის პროცედურები 126-დან 117 შემთხვევაში დადებითად შეაფასეს და დაადგინეს, რომ გახსნის პროცედურები უმეტესწილად დაცული იყო, თუმცა, რამდენიმე შემთხვევაში, მიღებული ბიულეტენებისა და ამომრჩეველთა სიაში მყოფ პირთა რაოდენობა არასათანადოდ იყო ჩანიშნული. ცენტრალური საარჩევნო კომისის წინასწარი მონაცემებით, ამომრჩეველთა აქტივობა 51.9 პროცენტი იყო. საარჩევნო პროცესი დადებითად შეფასდა უბნების 96.2 პროცენტში. დამკვირვებლები სულ1,341 საარჩევნო უბანს დააკვირდნენ. მიუხედავად იმისა, რომ დემოკრატიული ინსტიტუტებისა და ადამიანის უფლებათა ოფისის არჩევნებზე სადამკვირვებლო მისიის დამკვირვებლებმა აღნიშნეს, რომ საარჩევნო პროცესი კარგად ორგანიზებული და გამჭვირვალე იყო და პროცედურები ზოგადად კარგად იყო დაცული, მათ ანგარიშებში ასევე აღრიცხეს, რომ საარჩევნო უბნების 17.2 პროცენტში შეიმჩნეოდა ხალხმრავლობა, უბნების 3.9 პროცენტში კი უბნის მოწყობის პრინციპი არ უზრუნველყოფდა ამომრჩევლის ხმის კონფიდენციალურობას. იმ საარჩევნო უბნების 3.1 პროცენტში, რომლებიც დემოკრატიული ინსტიტუტებისა და ადამიანის უფლებათა ოფისის არჩევნებზე სადამკვირვებლო მისიის დამკვირვებლებმა მოინახულეს, ამომრჩევლები ამომრჩეველთა სიებში საკუთარ მონაცემებს ვერ პოულობდნენ. დამკვირვებლებმა აღნიშნეს, რომპარტიებისა და კანდიდატების და ასევე სამოქალაქო სადამკვირვებლო ორგანიზაციების წარმომადგენელი დამკვირვებლები საარჩევნო პროცესს ადგილზე აკვირდებოდნენ დაკვირვების არეალში მოქცეული საარჩევნო უბნების 83.1 პროცენტში, თუმცა 7 პროცენტში, მათი დაკვირვებით, ისინი საარჩევნო პროცესში ერეოდნენ. მიუხედავად იმისა, რომ ბოლოდროინდელი ცვლილებებით აიკრძალა შეკრებები საარჩევნო უბნებიდან 100 მეტრამდე პერიმეტრში, დემოკრატიული ინსტიტუტებისა და ადამიანის უფლებათა ოფისის არჩევნებზე სადამკვირვებლო მისიის დამკვირვებლებმა მათი დაკვირვების არეალში მოქცეული უბნების 21 პროცენტში უშუალოდ საარჩევნო უბანის მიმდებარე ტერიტორიაზე შენიშნეს ადამიანთა ჯგუფები, აღრიცხვას აწარმოებდნენ, რაც შეშფოთების საფუძველს ქმნის, რადგან მსგავსი ქმდეგებები საფრთხეს უქმნის ამომრჩეველთა შესაძლებლობას, ხმა მისცენ ზეწოლის შიშის გარეშე. საარჩევნო უბნების ხელმისაწვდომობის გაზრდის კუთხით გაღებული ძალისხმევის მიუხედავად, დემოკრატიული ინსტიტუტებისა და ადამიანის უფლებათა ოფისის არჩევნებზე სადამკვირვებლო მისიის დამკვირვებლებმა აღნიშნეს, რომ მათი დაკვირვების არეალში მოქცეული უბნების 59.6 პროცენტში უბნები არ იყო ადაპტირებული ეტლით მოსარგებლე ამომრჩევლისთვის. დაკვირვების არეალში მოქცეულ საარჩევნო უბნებზე საარჩევნო კომისიების წევრთა უმეტესობას ქალები შეადგენდნენ. მიუხედავად იმისა, რომ ბოლოდროინდელმა საკანონმდებლო ცვლილებებმა აკრძალა საარჩევნო უბნის გარეთ 100 მეტრის პერიმეტში შეკრებები, დამკვირვებლებმა აღნიშნეს, რომ დაკვირვების ქვეშ მყოფი უნების 21 პროცენტში გარეთ შეინიშნებოდა ცაკეულ პირთა დაჯგუფეფები, რაც დამაშინებელ გარემოს ქმნიდა; 8 პროცენტში აღინიშნა ამომრჩეველთააღიცხვა, რაც შეშფოთებას იწვევას ამომრჩეველთათვის მიერ ხმის ზეწოლის გარეშე მიცემის შესაძლებლობის შეზღუდვის გამო. ასევე ანგარიშებში მოხვდა ძალადობის ცალკეული შემთხვევები. დემოკრატიული ინსტიტუტებისა და ადამიანის უფლებათა ოფისის არჩევნებზე სადამკვირვებლო მისიის დამკვირვებლებმა ხმების დათვლის პროცესი უარყოფითად შეაფასეს დაკვირვების არეალში მოქცეული 116-დან 20 უბანში, რაც ძირითადად პროცედურული დარღვევები იყო გამოწვეული ან იმის გამო, რომ საუბნო საარჩევნო კომისიების წევრებს გაუჭირდათ საბოლოო შედეგების შემაჯამებელი ოქმების შევსება. საარჩევნო სუბიექტების წარმომადგენლები მისიის დამკვირვებელთა დაკვირვების არეალში მოქცეული თითქმის ყველა საარჩევნო უბანზე ესწრებოდნენ საარჩევნო პროცესსდა დამკვირვებლებმა პროცესი საარჩევნო უბნების 98 პროცენტში დადებითად შეაფასეს. პროცედურების უგულვებელყოფის შემთხვევებში დაფიქსირდა შემდეგი სახის დარღვევები: გამოუყენებელი ბიულეტენები არ გაბათილდა 19 საარჩევნო უბანში, 14 საარჩევნო უბანში საარჩევნო ყუთების გახსნის წინ არ მოხდა ხელმოწერების სათანადოდ აღრიცხვა, საკონტროლო ფურცლები სათანადოდ არ შემოწმდა და უსაფრთხოდ არ შეინახეს ოთხიდან ერთ შემთხვევაში. 16 საარჩევნო უბანში სამოქალაქო დამკვირვებლები ან პოლიტიკური პარტიების წარმომადგენლები ერეოდნენ ხმების დათვლის პროცესში. 3,200 საარჩევნო უბანს საარჩევნო პროცესის გამჭვირვალობის გასაზრდელად და გაყალბების ფაქტების აღმოსაჩენად ვიდეო კამერები გადაეცათ, თუმცა ამ ზომამ ხმების დათვლის პროცესი შეანელა. კენჭისყრის დღეს საოლქო საარჩევნო კომისიებში დაახლოებით 370 საჩივარი შევიდა. საუბნო საარჩევნო კომისიებში სხვადასხვა ტიპის პროცედურული დარღვევის სავარაუდო ფაქტების შესახებ. საჩივრები შეეხება სამოქალაქო დამკვირვებელთა მხრიდან ხელის შეშლის ფაქტებს, ამომრჩეველთა სიებსა და დათვლის პროცედურებს, მათ შორის საუბნო საარჩევნო კომისიების შემაჯამებელ ოქმებს, ვიდეო გადაღებას და ხელახალი გადათვლის მოთხოვნებს. მათგან, 250-ზე მეტ შემთხვევაში მოთხოვნილი იყო საუბნო საარჩევნო კომისიების წევრებისთვის დისციპლინური პასუხისმგებლობის დაკისრება, სხვა შემთხვევებში კი მოთხოვნილი იყო ადმინისტრაციული ოქმის გამოცემა, რომელიც ექვემდებარება სასამართლოს განხილვას.
დიდი ბრიტანეთი: არჩევნები კონკურენტუნარიან გარემოში ჩატარდა, თუმცა დარღვევებზე ბრალდებებმა პროცესი დააზიანა. ხარვეზები უნდა აღმოიფხვრას
დიდი ბრიტანეთის საელჩო საქართველოში 2 ოქტომბრის თვითმმართველობის არჩევნებთან დაკავშირებით განცხადებას ავრცელებს. საელჩო იმედოვნებს, რომ ყველა პოლიტიკური პარტია ჩაერთვება მე-2 ტურებში. „დიდი ბრიტანეთი მხარს უჭერს ეუთო/ოდირის შეფასებას, რომ საქართველოში არჩევნები კარგად იყო ადმინისტრირებული და ჩატარდა კონკურენტუნარიან გარემოში, თუმცა დარღვევების შესახებ ბრალდებებმა პროცესი დააზიანა. ეს ხარვეზები უნდა აღმოიფხვრას. იმედი გვაქვს, ყველა პოლიტიკური პარტია ჩაერთვება მე 2- ტურებში”, - აღნიშნულია საელჩოს განცხადებაში. ეუთოს წინასწარი დასკვნა 2 ოქტომბრის არჩევნებზე - მთავარი მიგნებები
ირაკლი ღარიბაშვილი: არჩევნები ჩატარდა მშვიდ, თავისუფალ და სამართლიან გარემოში და საერთაშორისო დამკვირვებლების მხრიდან შეფასდა ცალსახად პოზიტიურად
არჩევნები ჩატარდა მშვიდ, თავისუფალ და სამართლიან გარემოში და საერთაშორისო დამკვირვებლების მხრიდან შეფასდა ცალსახად პოზიტიურად, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა. როგორც მთავრობის მეთაურმა აღნიშნა, ოპოზიციამ ვერ შეძლო, მიეღწია სასურველი მიზნისთვის და მათ ვერ დააფიქსირეს ის შედეგი, რომლითაც შეეცდებოდნენ ქვეყანაში პოლიტიკური კრიზისის პროვოცირებას და არეულობის შემოტანას. „მინდა პირველ რიგში, ჩვენს მოსახლეობას მივულოცო არჩევნების წარმატებულად ჩატარება. არჩევნები ჩატარდა წარმატებულად, მშვიდ, თავისუფალ და სამართლიან გარემოში და საერთაშორისო დამკვირვებლების მხრიდან შეფასდა ცალსახად პოზიტიურად. „ქართულმა ოცნებამ“ მთელი საქართველოს მასშტაბით დამაჯერებლად გაიმარჯვა და 47%-იანი შედეგით კიდევ ერთხელ მოიპოვა მოსახლეობის ნდობა და მართვის მანდატი. ამისთვის მე მინდა ჩემი გულწრფელი მადლობა გადავუხადო ჩვენს მოსახლეობას, ჩვენს ამომრჩეველს, კიდევ ერთხელ გამოცხადებული ნდობისთვის და მართვის მანდატის დამტკიცებისთვის. დიდი პატივია და დიდი პასუხისმგებლობა. „ნაციონალირი მოძრაობა“ და დესტრუქციული ძალები კიდევ ერთხელ, უკვე მერვედ დამარცხდნენ ქართველ ხალხთან და „ქართულ ოცნებასთან“ ბრძოლაში. მოგეხსენებათ, რომ ოპოზიციამ ვერ შეძლო, მიეღწია სასურველი მიზნისთვის და მათ ვერ დააფიქსირეს ის შედეგი, რომლითაც შეეცდებოდნენ ქვეყანაში პოლიტიკური კრიზისის პროვოცირებას და არეულობის შემოტანას. 64 მუნიციპალიტეტიდან მხოლოდ 20-ში, ანუ 31%-ში დაინიშნა მეორე ტურები. აქვე შეგახსენებთ, რომ 2020 წლის საპარლამენტო არჩევნებისას მეორე ტური დაინიშნა ოლქების 56%-ში. შესაბამისად, ეს ჩვენსთვის მისასალმებელი შედეგია და ხაზს უსვამს იმ დემოკრატიულ და სამართლიან საარჩევნო გარემოს, რომელის საქართველოში სწორედ „ქართული ოცნების“ ძალისხმევით შეიქმნა. ასევე მიინდა გითხრათ, რომ ჩვენი კანდიდატეები მეორე ტურებში 20-ვე საარჩევნო ოლქში დამაჯერებლად გაიმარჯვებენ და რაც მთავარია, ჩვენთან ერთად გაიმარჯვებს ჩვენი ქვეყანა და ჩვენი მოსახლეობა. მე კიდევ ერთხელ მინდა მადლობა გადავუხადო ჩვენს ამომრჩეველს, მათი ნდობისთვის, ერთგულებისა და მხარდაჭერისთვის. ჩვენ ამ ნდობას აუცილებლად გავამართლებთ“, - განაცხადა ირაკლი ღარიბაშვილმა.
პრეზიდენტი არჩევნებს სამართლიანს უწოდებს, თუმცა სამი შენიშვნა აქვს
არსებული რთული პოლიტიკური და პოლარიზებული წინასაარჩევნო გარემოს მიუხედავად, შეიძლება ითქვას, რომ საქართველოში ადგილობრივი თვითმმართველობის არჩევნები მშვიდ, სამართლიან, უსაფრთხო და კონკურენტუნარიან გარემოში ჩატარდა, მნიშვნელოვანი დარღვევების გარეშე. ამ შინაარსის განცხადებას საქართველოს პრეზიდენტი ავრცელებს. „ჩვენი ქვეყნისთვის ეს დღეს კიდევ უფრო მეტ მნიშვნელობას და დატვირთვას იძენს, რამეთუ ჩვენკენ არის მომართული ჩვენი პარტნიორების და მეგობრების ყურადღება. ჩატარებული არჩევნები ხვალინდელი დღისთვის ბევრი რამის განმაპირობებელი და განმსაზღვრელია. ამიტომ, ძალიან მნიშვნელოვანი იყო და მსურს, ყველა მოქალაქეს ამისათვის მადლობა გადავუხადო. მნიშვნელოვანი იყო ამომრჩეველთა აქტივობა. საერთაშორისო დამკვირვებლების შეფასებები ასევე, ძალიან მნიშვნელოვანია დღევანდელ დღეს და შეგვიძლია ვთქვათ, რომ დღევანდელი დღე დემოკრატიისა და სტაბილიზაციისკენ გადადგმული კიდევ ერთი ნაბიჯია. ბევრი ძალა ამას ებრძოდა, მაგრამ ჩვენ ეს შევძელით. ქართველმა ხალხმა გუშინ არჩევნებში თავისი მონაწილეობით აჩვენა, რომ მისი არჩევანი არის მშვიდობა, სტაბილურობა და არა არეულობა, არა დაპირისპირება, არა ძალადობა და პოლარიზაცია. თუ რამე ცვლილებებია საჭირო, სწორედ ამისთვის არსებობს ეს გზა - არჩევნების გზა. ამომრჩეველმა ეს ყველას ნათლად დაანახა. ეს არჩევნები ასევე გამორჩეული იყო პატარა პარტიების მონაწილეობის სიმრავლით, რაც ასევე ძალიან მნიშვნელოვანია პოლიტიკური გარემოს მრავალფეროვნებისთვის. აღსანიშნავია უსაფრთხო საარჩევნო პროცესი. პანდემიის მიუხედავად უსაფრთხო არჩევნები ჩატარდა, საარჩევნო უბნებთან იყო მოქალაქეების მოწესრიგებული რიგები, კოვიდრეგულაციების დაცვა და სამოქალაქო მაღალი პასუხისმგებლობა. მე მინდა, ასევე, საარჩევნო ადმინისტრაციას ამისთვის მადლობა მოვახსენო. ეს არჩევნები არის მტკიცებულება, რომ საქართველოს მოქალაქეებს სურთ მშვიდ, საქმეზე ორიენტირებულ გარემოში გაგრძელდეს ქვეყნის პოლიტიკური ცხოვრება და მართვა. ამის მიუხედავად, მე მაინც მექნება სამი ძირითადი შენიშვნა: ერთი ის, რომ სამწუხაროა, ეს საერთაშორისო დამკვირვებლებმაც აღნიშნეს - მთავარი თემა ამ ადგილობრივი არჩევნების არ ყოფილა ადგილობრივი თვითმმართველობის პრობლემები, მე ვიმედოვნებ, რომ მეორე ტურისთვის ეს საკითხი ბევრად უფრო წინ წამოწეული იქნება, რამეთუ ამომრჩევლები თავიანთ ადგილობრივ მომავალს წყვეტენ ამ კუთხით. ასევე, აღვნიშნე, რომ მრავალპარტიულობა დადგინდა, დადასტურდა. საკრებულოებში პატარა პარტიები იქნებიან წარმოდგენილი, მაგრამ სასურველი იქნებოდა, რომ პატარა პარტიებს მისცემოდათ მეტი შანსი, მეტი რესურსი, მეტი საშუალება, რამეთუ დეპოლარიზაციის დამარცხება სამომავლოდ, მხოლოდ და მხოლოდ პატარა პარტიებით, მესამე ძალებითაა შესაძლებელი. და მესამე, როგორც ამ ქვეყნის ქალი პრეზიდენტი ვისურვებდი, რომ ქალებსაც მისცემოდათ მეტი ადგილი ამ არჩევნებში, მით უმეტეს ადგილობრივ არჩევნებში, რამეთუ, ვიცით თუ რამდენად არიან ქალები ჩართულები ადგილობრივ ეკონომიკაში და რამდენად მნიშვნელოვანია მათი ინიციატივები. სამწუხაროა, რომ არც სიებში, არც მერობის კანდიდატებში უფრო მეტად წარდგენილები არ იყვნენ ქალები და ვისურვებდი, რომ შემდეგ არჩევნებში ეს იყოს გამოსწორებული და დარწმუნებული ვარ, ეს ჩვენი, ყველა მოქალაქის სურვილია. მინდა, იმ ქალებს, რომლებმაც გარკვეული გამარჯვება თუ არა წარმატება მოიპოვეს, მათ ყველას მივულოცო და ვუსურვო, რომ გააგრძელონ ეს გზა“, - აღნიშნავს პრეზიდენტი.
გვანცას ბაბლი
ყოველკვირეული ბლოგი Europetime-ზე კოელიომ თქვა ტრადიციულად, შემოდგომაზე ითვლიდნენ წიწილებს, იღებდენ მოსავალს, წურავდენ ღვინოს, ქმნიდნენ ოჯახებს და ემზადებოდნენ ზამთრის თვეების უზრუნველად გასატარებლად... ეს დრო კარგა ხანია წარსულს ჩაბარდა... შემოდგომაზე დავდივართ არჩევნებზე, ვითვლით ბიულეტენებს, ვქმნით ახალ რეალობას და ვემზადებით მომდევნო წლების უზრუნველად გასატარებლად. ვემზადებით რა, უკეთ რომ ვთქვათ, ვოცნებობთ... ან სხვის ოცნებებს გვახვევენ თავს... ან უბრალოდ არ ვიცით, რაზე ვოცნებობთ... ფრთხილად იყავით საკუთარ სურვილებთან, ისინი შესაძლოა ახდესო - ალბათ კოელიომ თქვა... ყველას გახსოვთ დამოუკიდებელი საქართველოს პირველი მთავრობა - დიდი მხარდაჭერა და ბევრი ოცნება ეროვნული გმირის მიერ შექმნილ დიად მომავალზე... მეორე მთავრობა, დიდი მხარდაჭერა და ბევრი ოცნება დიდი პოლიტიკოსის მიერ შექმნილ დიად მომავალზე... მესამე მთავრობა, დიდი მხარდაჭერა და ბევრი ოცნება რეფორმატორის მიერ შექმნილ დიად მომავალზე... მეოთხე მთავრობა, დიდი მხარდაჭერა და ბევრი ოცნება ფულიანი კაცის მიერ შექმნილ გასაოცარ დემოკრატიაზე... მხარდამჭერთა პროცენტულ მაჩვენებლებს თუ გავითვალისწინებთ, ერთი და იგივე ხალხი შეგვრჩება ხელთ... ერთი და იგივე ადამიანებს საოცარი სისწრაფით ეცვლებათ სურვილები და შემდეგ ცხოვრება გაჰყავთ ერთმანეთთან იმაზე კამათში, ახდა თუ დაიმსხვრა მათი ოცნება... რამ გამახსენა და, ერთი ჰოლივუდური ფილმი გამახსენდა - „გაქცეული პატარძალი“. ფილმი ქალზე, რომელმაც მრავალჯერ დაგეგმა დიადი მომავალი და ბოლო წამებში ყოველთვის უარი თქვა საკუთარ ოცნებაზე... თავად ფილმი დიდი ვერაფერი ბედენაა, რომ არა ჯულიას და რიჩარდის კიდევ ერთი მომხიბვლელი დუეტი და მათი მუდამ მომხიბვლელი ღიმილი... რამ გამახსენა და, ერთი პასაჟი გამახსენდა - მთავარი გმირი ვერ სცემს პასუხს მარტივ შეკითხვას, ტაფამწვარი ურჩევნია, ომლეტი თუ „გლაზუნია“... მთავარი გმირი, საკუთარი ნებით, იცვლის გემოვნებას ყოველი ახალი „ცხოვრების მთავარი ადამიანის“ გამოჩენისთანავე და შემდეგ გაურბის ყველას, ანუ გაურბის მომავალს და ცდილობს გაექცეს საკუთარ თავს თეთრი საპატარძლო კაბის შრიალით... სადაც არ უნდა გაიქცე, საკუთარ თავს ვერ გაექცევიო - ალბათ კოელიომ თქვა... საკუთარ არჩევანს ვერ გაექცევიო - ალბათ ამასაც იტყოდა სადმე... კოელიო ნამდვილად ვერ იტყოდა და ერთსაც მე ვიტყვი - ქართული საზოგადოება, საკუთარი ნებით, იცვლის გემოვნებას, ოცნებებს, გეგმებს ყოველი ახალი „მთავარი პოლიტიკოსის“ გამოჩენისთანავე და შემდეგ ცდილობს გაექცეს რეალობას ანუ მომავალს ანუ საკუთარ თავს თეთრი საპატარძლო კაბით ვერა და თეთრი ბიულეტენების შრიალ-შრიალით... წელს უჩვეულოდ უჩვეულო წინასაარჩევნო შემოდგომა გვქონდა - „მთავარი პოლიტიკოსი“ ვერ გამოიძებნა - ადამიანები უნუგეშოდ დაობდნენ ერთმანეთში იმის იმედად, რომ მათი „მთავარი“ საერთო-სახალხო „მთავარი“ გამხდარიყო და კიდევ ერთხელ მოგვესინჯა „ჩვეული“ კალაპოტი - დიდი მხარდაჭერა, საერთო ოცნებები, საერთო მომავალი მომავლის იმედების მომავალ დამსხვრევამდე... და მე ძალიან მომეწონა ეს უჩვეულოდ უჩვეულო წინასაარჩევნო შემოდგომა... *** ძალაუფლება რყვნისო, სულ ვიმეორებთ და შემდეგ გულმოდგინედ ვეძებთ ადამიანს, ვისაც მივანიჭებთ განუზომელ ძალაუფლებას... ალბათ იმიტომ, რომ არასდროს გვიცხოვრია ქვეყანაში, სადაც ერთი ადამიანი ვერ წყვეტს ყველაფერს... ალბათ იმიტომ, რომ არასდროს გვიმუშავია ისეთ სამსახურში, სადაც ერთი ბოსი ვერ წყვეტს ყველაფერს... ალბათ იმიტომ, რომ არასდროს გვიცხოვრია ისეთ ოჯახში, სადაც ერთი ადამიანი ვერ წყვეტს ყველაფერს... ალბათ იმიტომ, რომ გვეშინია კოლექტიური პასუხისმგებლობის, რადგან მოგვიწევს შედეგებზე საკუთარი თავის დადანაშაულება... ადამიანები არ არიან სრულყოფილები, ადამიანები არიან ისეთები, როგორებიც არიან... არასრულყოფილი ადამიანები ქმნიან კარგ სისტემებს, თუ მათ ვაიძულებთ ერთმანეთს მოუსმინონ და გადაინაწილონ ძალაუფლება... პირველი მცდელობა ყოველთვის რთულია - პირველი ნაბიჯი, პირველი სიყვარული, პირველი სამუშაო დღე... ყველა პირველს მოჰყვება მეორე, მესამე და „პირველი“ ცხოვრების წესად იქცევა თუ ერთხელ გავბედავთ... უნდა გავბედოთ კოალიციური ძალაუფლება - დღესვე, ან თუნდაც ხვალ, ან თუნდაც ძალიან მალე... პირველად აუცილებლად გაგვიჭირდება... *** საქართველოში საინტერესო გამონათქვამებს ყოველთვის კოელიოს მიაწერენ... არ ვიცი რატომ, რით დაიმსახურა ბატონმა პაოლომ ესოდენ დიდი პატივი... გულწრფელად ვიტყვი, კოელიო არ არის ჩემი საყვარელი მწერალი, მაგრამ რადგან ქართველ ხალხს ასე ეამება, დავყვები მათ ნებას... კოელიომ თქვა, კოალიციური მმართველობა დიდი თავის ტკივილია, მაგრამ ვისაც არ სტკივა, ის ცოცხალიც აღარ არისო...
ISFED-ის პარალელური დათვლის შედეგები ცნობილია
"სამართლიანი არჩევნები" (ISFED) პარალელური დათვლის (PVT) შედეგებს აქვეყნებს. ISFED=ის მონაცემებით, საქართველოს მასშტაბით მოსახლეობის ყველაზე მაღალი მხარდაჭერა "ქართულ ოცნებას" აქვს. „ქართული ოცნება – დემოკრატიული საქართველო“: გამოთვლილი პროცენტი – 46.6%; ცდომილების ხარისხი +/- 1.18%, მინიმალური შედეგი – 45.4%, მაქსიმალური შედეგი – 47.8%. მეორე ადგილს „ერთიანი ნაციონალური მოძრაობა“ იკავებს. გამოთვლილი პროცენტი – 31.1%, ცდომილების ხარისხი +/- 1.07%, მინიმალური შედეგი – 30.0%, მაქსიმალური შედეგი – 32.2% როგორც ორგანიზაციაში აცხადებენ, ISFED-მა PVT-ის შედეგები დამკვირვებლის 95 პროცენტისგან მიიღო. ISFED-ის მიერ გამოქვეყნებულ მონაცემებში მოხვდნენ პარტიები, რომლებმაც არჩევნების პროპორციულ კომპონენტში ეროვნულ დონეზე ერთ პროცენტზე მეტი მოაგროვეს. შედეგები მოიცავს თითოეული საარჩევნო სუბიექტის მაქსიმალურ და მინიმალურ შედეგებს (99%-იანი ნდობის ინტერვალით). „მესამე ძალა – სტრატეგია აღმაშენებელი“: გამოთვლილი პროცენტი – 1.4%, ცდომილების ხარისხი +/- 0.21%, მინიმალური შედეგი – 1.2%, მაქსიმალური შედეგი – 1.6%;„ ევროპული საქართველო – თავისუფლების მოძრაობა“: გამოთვლილი პროცენტი – 1.8%, ცდომილების ხარისხი +/- 0.27%, მინიმალური შედეგი – 1.5%, მაქსიმალური შედეგი – 2.0%; „დავით თარხან-მოურავი, ირმა ინაშვილი – საქართველოს პატრიოტთა ალიანსი“: გამოთვლილი პროცენტი – 1.5%, ცდომილების ხარისხი +/- 0.12%, მინიმალური შედეგი – 1.4%, მაქსიმალური შედეგი – 1.6%; „ლელო“: გამოთვლილი პროცენტი – 2.6%, ცდომილების ხარისხი +/- 0.20%, მინიმალური შედეგი – 2.4%, მაქსიმალური შედეგი – 2.8%; „შალვა ნათელაშვილი – საქართველოს ლეიბორისტული პარტია“: გამოთვლილი პროცენტი – 1.3%, ცდომილების ხარისხი +/- 0.10%, მინიმალური შედეგი – 1.2%, მაქსიმალური შედეგი – 1.5%; „გახარია – საქართველოსთვის“: გამოთვლილი პროცენტი – 7.7%, ცდომილების ხარისხი +/- 0.53%, მინიმალური შედეგი – 7.2%, მაქსიმალური შედეგი – 8.2%; „გირჩი“: გამოთვლილი პროცენტი – 1.0%, ცდომილების ხარისხი +/- 0.10%, მინიმალური შედეგი – 0.9%, მაქსიმალური შედეგი – 1.1%; „ქართული ოცნება – დემოკრატიული საქართველო“: გამოთვლილი პროცენტი – 46.6%; ცდომილების ხარისხი +/- 1.18%, მინიმალური შედეგი – 45.4%, მაქსიმალური შედეგი – 47.8%; „ზურაბ გირჩი ჯაფარიძე: გირჩი – მეტი თავისუფლება“: გამოთვლილი პროცენტი – 1.4%; ცდომილების ხარისხი +/- 0.17%, მინიმალური შედეგი – 1.2%, მაქსიმალური შედეგი – 1.6%; „სამართლიანი არჩევნების“ მონაცემებით, სხვა პარტიებს შორის ჯამურად ხმათა 3.7% გადანაწილდა. რაც შეეხება მონაცემებს თბილისის მასშტაბით, პარალელური დათვლის შედეგები ასე გამოიყურება: „მესამე ძალა – სტრატეგია აღმაშენებელი“: გამოთვლილი პროცენტი – 1.0%, ცდომილების ხარისხი +/- 0.08%, მინიმალური შედეგი – 0.9%, მაქსიმალური შედეგი – 1.1%; „ევროპული საქართველო – თავისუფლების მოძრაობა“: გამოთვლილი პროცენტი – 1.1%, ცდომილების ხარისხი +/- 0.15%, მინიმალური შედეგი – 1.0%, მაქსიმალური შედეგი – 1.3%; „ერთიანი ნაციონალური მოძრაობა“: გამოთვლილი პროცენტი – 28.3%, ცდომილების ხარისხი +/- 0.89%, მინიმალური შედეგი – 27.4%, მაქსიმალური შედეგი – 29.1%; „ალეკო ელისაშვილი – მოქალაქეები“: გამოთვლილი პროცენტი – 2.5%, ცდომილების ხარისხი +/- 0.13%, მინიმალური შედეგი – 2.3%, მაქსიმალური შედეგი – 2.6%; „დავით თარხან-მოურავი, ირმა ინაშვილი – საქართველოს პატრიოტთა ალიანსი“: გამოთვლილი პროცენტი – 1.7%, ცდომილების ხარისხი +/- 0.12%, მინიმალური შედეგი – 1.5%, მაქსიმალური შედეგი – 1.8%; „ლელო“: გამოთვლილი პროცენტი – 3.7%, ცდომილების ხარისხი +/- 0.24%, მინიმალური შედეგი – 3.4%, მაქსიმალური შედეგი – 3.9%; „შალვა ნათელაშვილი – საქართველოს ლეიბორისტული პარტია“: გამოთვლილი პროცენტი – 1.3%, ცდომილების ხარისხი +/- 0.10%, მინიმალური შედეგი – 1.2%, მაქსიმალური შედეგი – 1.4%; „გახარია – საქართველოსთვის“: გამოთვლილი პროცენტი – 8.8%, ცდომილების ხარისხი +/- 0.39%, მინიმალური შედეგი – 8.4%, მაქსიმალური შედეგი – 9.2%; „ელენე ხოშტარია – დროა“: გამოთვლილი პროცენტი – 2.1%, ცდომილების ხარისხი +/- 0.21%, მინიმალური შედეგი – 1.9%, მაქსიმალური შედეგი – 2.3%; „გირჩი“: გამოთვლილი პროცენტი – 1.7%, ცდომილების ხარისხი +/- 0.13%, მინიმალური შედეგი – 1.5%, მაქსიმალური შედეგი – 1.8%; „ქართული ოცნება – დემოკრატიული საქართველო“: გამოთვლილი პროცენტი – 39.7%, ცდომილების ხარისხი +/- 0.99%, მინიმალური შედეგი – 38.7%, მაქსიმალური შედეგი – 40.7%; „ზურაბ გირჩი ჯაფარიძე: გირჩი – მეტი თავისუფლება“: გამოთვლილი პროცენტი – 3.4%, ცდომილების ხარისხი +/- 0.23%, მინიმალური შედეგი – 3.1%, მაქსიმალური შედეგი – 3.6%; „ანა დოლიძე – ხალხისთვის“: გამოთვლილი პროცენტი – 2.5%, ცდომილების ხარისხი +/- 0.17%, მინიმალური შედეგი – 2.4%, მაქსიმალური შედეგი – 2.7%; „სამართლიანი არჩევნების“ მონაცემებით, სხვა პარტიებს შორის ჯამურად ხმათა 2.2% გადანაწილდა.
ეუთოს სადამკვირვებლო მისიის ხელმძღვანელი: არჩევნები კარგად მართული იყო, მაგრამ პოლიტიკური კრიზისის ფონზე ჩატარდა
„საქართველოს თვითმმართველობის არჩევნებზე, ფართოდ გავრცელებული და თანმიმდევრული იყო ბრალდებები, რომლებიც უკავშირდებოდა დაშინებას, ხმების მოსყიდვას, კანდიდატებისა და ამომრჩევლების დაშინებასა და არათანაბარ გარემოს", - ამის შესახებ, ეუთო/ოდირის საარჩევნო-სადამკვირვებლო მისიის ხელმძღვანელმა, ალბერტ ჯონსონმა შემაჯამებელ კონფერენციაზე განაცხადა. მისივე თქმით, არჩევნების დღემ ჩაიარა გამჭვირვალედ, მიუხედავად პროცედურულ საკითხებთან დაკავშირებული პრობლემებისა, კონკრეტულად, ხმების დათვლის დროს. „საარჩევნო დღე ზოგადად მშვიდი იყო, თუმცა დაფიქსირდა ცალკეული ძალადობრივი ფაქტები. ისეთი საკითხები, როგორიც არის დამკვირვებელი მოქალაქეები, პარტიის წარმომადგენლები, რომლებიც ერეოდნენ საარჩევნო პროცესში და ადამიანთა ჯგუფები, რომლებიც პოტენციურად გავლენას ახდენდნენ ამომრჩეველზე საარჩევნო უბნების გარეთ, პრობლემური აღარ იყო. არჩევნების დღე ზოგადად მშვიდი იყო, ცალკეული ძალადობრივი ინციდენტებით. საერთაშორისო სადამკვირვებლო მისიამ შეაფასა გახსნისა და ხმის მიცემის პროცესი პოზიტიურად, საარჩევნო უბნების დიდ უმრავლესობაში, სადაც ისინი აკვირდებოდნენ, თუმცა დაფიქსირდა ხალხმრავლობის მაგალითები, რომელიც იყო გამოწვევა კოვიდ 19-თან დაკავშირებით არსებული წესების დაცვის მიმართულებით. დათვლის პროცესი შეფასდა, როგორც გამჭვირვალე, მაგრამ უბნების მნიშვნელოვან ნაწილში ფიქსირდებოდა პროცედურული ხარვეზები და სირთულეები პროტოკოლის დაკმაყოფილების ნაწილში. სადამკვირვებლო მისია აგრძელებს მუშაობს და აკვირდება არჩევნების შემდგომ გარემოსა და პროცესებს“, - განაცხადა ალბერტ იონსონმა. მისივე თქმით, საარჩევნო კამპანიის მიმდინარეობისას სხვადასხვა პროექტზე გაკეთებული განცხადებები ხელისუფლების მხრიდან არ იყო კანონთან შესაბამისობაში. ალბერტ ჯონსონის განმარტებოთ, არსებული საარჩევნო კანონმდებლობა ზოგადად უზრუნველყოფს ადეკვატურ საფუძველს დემოკრატიული არჩევნების ჩასატარებლად, თუმცა ეუთო/ოდირისა და ვენეციის კომისიის ზოგიერთი რეკომენდაცია ჯერ კიდევ არ არის დაკმაყოფილებული, კონკრეტულად, ის ნაწილი, რომელიც დაკავშირებულია საარჩევნო დავების გადაწყვეტასთან და ადმინისტრაციულ რესურსთან. საარჩევნო უბნების 99,9%-ის შედეგებით: "ქართულ ოცნებას" ხმების 46.56% აქვს; "ერთიან ნაციონალურ მოძრაობას"– 30.7% ცესკო: 64 თვითმმართველი ქალაქიდან და თემიდან, მეორე ტური 20 მუნიციპალიტეტში გაიმართება საერთაშორისო გამჭვირვალობა: ჩვენმა დამკვირვებლებმა 160-მდე წვრილი და შედარებით სერიოზული დარღვევა აღმოაჩინეს
ევროპის საბჭოს კონგრესის წარმომადგენელი: არჩევნების დღე იყო მშვიდი, წყნარი და კარგად ორგანიზებული, თუმცა ეს არის მონეტის მხოლოდ ერთი მხარე
„ტექნიკური თვალსაზრისით, საარჩევნო დღე საერთო ჯამში იყო წყნარი და კარგად ორგანიზებული, თუმცა კარგი საარჩევნო მართვა მონეტის მხოლოდ ერთი მხარეა. არჩევნების პოლიტიკური გარემოს შესახებ საუბრისას, ჩვენ, კონგრესიდან მწუხარებას გამოვხატავთ იმის გამო, რომ 2021 წლის 2 ოქტომბრის არჩევნები იყო საქართველოს ადგილობრივი დემოკრატიისთვის ხელიდან გაშვებული შესაძლებლობა“, - ამის შესახებ ევროპის საბჭოს ადგილობრივ და რეგიონალურ ხელისუფლებათა კონგრესის (CLRAE) დელეგაციის ხელმძღვანელმა დევიდ ერეიმ 2 ოქტომბრის ადგილობრივი არჩევნების შეფასებისას განაცხადა. „ევროპის საბჭოს ადგილობრივ და რეგიონალურ ხელისუფლებათა კონგრესის დელეგაცია დააკვირდა არჩევნების დღეს საქართველოს 9 რეგინოში. ასევე შესაძლებლობა გვქონდა დავკვირვებოდით ხმის დათვლის პროცესს რამდენიმე სააარჩევნო უბანზე, მათ შორის თბილისში. მსურს გავიმეორო, რაც ელჩმა იონსონმა უკვე თქვა 2021 წლის ადგილობრივი არჩევნების ზოგადი მახასიათებლების შესახებ. შემიძლია მხოლოდ დავეთანხმო ჩემს კოლეგებს ოდირი-დან და ევროპარლამენტიდან, რომ ის რაც ვიხილეთ, არის საერთო ჯამში მშვიდი და მოწესრიგებული საარჩევნო დღე. გარდა გარკვეული შეუსაბამობებისა ხმის მიცემის კაბინებთან მარკირების პროცედურასთან დაკავშირებით, ჩვენი დამკვირვებლების მიერ ხმის მიცემის პროცედურის დროს დიდი ხარვეზები არ დაფიქსირებულა. ზოგიერთი საარჩევნო უბანი, განსაკუთრებით თბილისში ზომით მცირე იყო კომისიის წევრებისა და დამკვირვებლების რაოდენობის გათვალისწინებით, რომლებიც ამ უბნებზე იყვნენ წარმოდგენილი. ზოგიერთმა ჩვენმა დაკვირვებელმა ასევე შეგვატყობინა საარჩევნო უბანზე პერიმეტრის 100 მეტრიანი რადიუსის დარღვევების შესახებ. ასევე, როგორც წინა არჩევნებზე აღინიშნა, როგორც პარტიის წარმომადგენლების, ასევე მოქალაქე დამკვირვებლების რეგისტრაცია, რომლებიც, ჩვენი აზრით, ხშირად წარმოადგენენ პარტიასთან აფილირებულ ადგილობრივ არასამთავრობო ორგანიზაციებს, ხელს არ უწყობს არჩევნების დამოუკიდებელი დამკვირვებლების როლს. ჩვენი აზრით, ამის მოგვარება უნდა მოხდეს მომავალი არჩევნებისთვის. ტექნიკური თვალსაზრისით, საარჩევნო დღე საერთო ჯამში იყო წყნარი და კარგად ორგანიზებული. თუმცა კარგი საარჩევნო მართვა მონეტის მხოლოდ ერთი მხარეა“, - განაცხადა დევიდ ერეიმ. „არჩევნების პოლიტიკური გარემოს შესახებ საუბრისას, ჩვენ, კონგრესიდან მწუხარებას გამოვხატავთ იმის გამო, რომ 2021 წლის 2 ოქტომბრის არჩევნები იყო საქართველოს ადგილობრივი დემოკრატიისთვის ხელიდან გაშვებული შესაძლებლობა. დისკურსმა იმის შესახებ, იყო თუ არა არჩევნები რეფერენდუმი, გადაფარა ადგილობრივი საკითხები. შემიძლია ვთქვა, რომ ამ კუთხით, ადგილობრივმა არჩევნებმა მძევლად აიყვანა ზოგადი ეროვნული პოლიტიკური სიტუაცია და ეს არ შედის ქართველი ხალხის ინტერესებში. ამ კუთხით პასუხისმგებლობა ეკისრებოდათ როგორც მთავრობას, ისევე ოპოზიციას. საარჩევნო კამპანიის განმავლობაში სიძულვილის ენა და სოციალური მედიაში გავრცელებული „ფეიკ“ ამბები არის ინდიკატორი, რომ გაცილებით მეტი უნდა გაკეთდეს უახლოეს მომავალში. ამ პოლარიზებულ პოლიტიკურ გარემოს პარალიზური ზეგავლენა აქვს დემოკრატიის კონსოლიდაციაზე. კონსტრუქციულ დიალოგში ჩართვის დროა. პოლიტიკურ დიალოგს ფუნდამეტური მნიშვნელობა აქვს”, - დაამატა ევროპის საბჭოს ადგილობრივ და რეგიონალურ ხელისუფლებათა კონგრესის დელეგაციის ხელმძღვანელმა.
ვოლოდიმირ ზელენსკი: უკრაინა ყველა დონეზე დააყენებს მიხეილ სააკაშვილის დაბრუნების საკითხს
„მე, როგორც უკრაინის პრეზიდენტი, მუდმივად ვარ დაკავებული იმით, რომ ვაბრუნებ უკრაინის მოქალაქეებს სხვადასხვა საშუალებით, რომელიც მე მაქვს ჩემი ძალაუფლების ფარგლებში. მიხეილ სააკაშვილი არის უკრაინის მოქალაქე, ამიტომ ეს მასაც ეხება", - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. უკრაინის პრეზიდენტი აცხადებს, რომ მიხეილ სააკაშვილის საქართველოში გამგზავრების შესახებ არაფერი იცოდა და მისი გადაწყვეტილება არასწორი იყო "ყველა ინსტიტუცია საგარეო საქმეთა სამინისტროსა და ჩვენი საელჩოების ჩათვლით, რომლებიც მუშაობენ საქართველოში და საქართველოს ელჩის დონეზეც, რომელიც მუშაობს უკრაინაში, ჩვენი მინისტრთა კაბინეტის საუბრის დონეზეც, პრემიერ-მინისტრების საუბრის დონეზე - ჩვენ ყველა ვიქნებით ამით დაკავებული. მე მასზე უნდა ვიფიქრო, როგორც უკრაინის მოქალაქეზე. თავად აღნიშნეთ, იქ ადგილობრივი არჩევნები იყო, ალბათ ფიქრობდა, რომ ეს პოლიტიკური ნაბიჯია, თუმცა არ ვიცი. მე ამ გადაწყვეტილების შესახებ წინასწარ არ ვიცოდი. ვფიქრობ, ეს არასწორია, ის მაინც სახელმწიფო ხელისუფლებაში იმყოფება და ეს არასწორია, თუმცა საჭიროა ყველა დეტალის და ჩვენი სახელმწიფოსთვის ყველა რისკის გარკვევა“, - განაცხადა ზელენსკიმ. ცნობისთვის, საქართველოს ყოფილი პრეზიდენტი მიხეილ სააკაშვილი თბილისში 1-ელ ოქტომბერს დააკავეს. სხვა ბრალდებებთან ერთად, მას ბრლად ედება საქრთველოს საზღვრის უკანონოდ გადაკვეთა. მიხეილ სააკაშვილის დაკავებასთან დაკავშირებით, პროკურატურა განცხადებას ავრცელებს
ცესკო: „ქართულ ოცნებას“ 46.56% აქვს, „ერთიან ნაციონალურ მოძრაობას“ - 30.7%
ცენტრალურმა საარჩევნო კომისიამ 2021 წლის თვითმმართველობის არჩევნების წინასწარი შედეგები წარმოადგინა. ამ დროისთვის ცესკომ სამი საარჩევნო უბნის გამოკლებით, ქვეყნის მასშტაბით ყველა საარჩევნო უბანი სრულად დათვალა. საქართველოს მასშტაბით სულ 3743 საარჩევნო უბანია, აქედან დათვლილია 3140. ცესკოს ინფორმაციით, პარტიების მიხედვით ხმები ასე გადანაწილდა: "ქართული ოცნება" – 46.56%; "ერთიანი ნაციონალური მოძრაობა"– 30.7%; გიორგი გახარია "საქართველოსთვის" - 7.79%; "ლელო" - 2.71%; "ევროპული საქართველო" -1.66%; "პატრიოტთა ალიანსი" - 1.46%; "მესამე ძალა - სტრატეგია აღმაშენებელი" - 1.34%; "ლეიბორისტული პარტია" - 1.38%; "გირჩი - მეტი თავისუფლება" - 1.44%; "გირჩი" -0.85%; ანა დოლიძე "ხალხისთვის" - 0.6%; "მოქალაქეები" - 0.83%; "დროა" - 0.62%; "კანონი და სამართალი" - 0.02%. რაც შეეხება დედალაქს, დათვლილია საარჩევნო უბნების 96%. განახლებული მონაცემების მიხედვით, დედაქალაქში, მმართველი პარტიის თბილისის მერობის კანდიდატმა კახა კალაძე საარჩევნო ხმების 44,96% მიიღო, "ნაციონალური მოძრაობის" კანდიდატმა ნიკა მელია კი - 33,94%. თბილისის საკრებულოში 50-დან 28 მანდატს „ქართული ოცნება“ იღებს, 13-ს „ნაციონალური მოძრაობა“, რვას სხვა პარტიები, ერთ ოლქში კი მეორე ტური გაიმართება. 621 უბნის მონაცემების დათვლის შემდეგ, არჩევნების წინასწარი შედეგებით, თბილისის საკრებულოში ექვსი პოლიტიკური პარტია მოხვდა, რომელთაც 2.5-პროცენტიანი ბარიერი გადალახეს. ესენი არიან: „ერთიანი ნაციონალური მოძრაობა“ 107 097 ხმა (28.09 %), „ლელო“ – 13 470 (3.53 %) „გახარია – საქართველოსთვის“ – 33 434 (8.77 %), „ქართული ოცნება – დემოკრატიული საქართველო“ 154 314 (40.47 %), „ზურაბ გირჩი ჯაფარიძე: გირჩი – მეტი თავისუფლება“ – 12 335 (3.24 %) და „ანა დოლიძე – ხალხისთვის“ 9 823 (2.58 %). ცესკო: 64 თვითმმართველი ქალაქიდან და თემიდან, მეორე ტური 20 მუნიციპალიტეტში გაიმართება
პედაგოგთა და სკოლების ადმინისტრაციის წარმომადგენელთა 67% ვაქცინირებულია
განათლების სამინისტროს ცნობით, ამ ეტაპზე ვაქცინირებულია პედაგოგთა და სკოლების ადმინისტრაციის წარმომადგენელთა 67%. უწყების განცხადებით, დასწრებული სწავლების შემთხვევაში, მოსწავლეები I-XII კლასების ჩათვლით, ვალდებული იქნებიან ატარონ პირბადე, სახელმწიფო კი კვლავ უზრუნველყოფს მასწავლებელთა სავალდ ბულო ტესტირებას. "უსაფრთხოებიდან გამომდინარე, სასწავლო პროცესის ორგანიზებისა და სკოლაში არსებული სანიტარულ-ჰიგიენური ნორმების შესახებ სკოლის ადმინისტრაცია მშობლების ინფორმირებას ინტენსიურად მოახდენს. სამინისტროს მხრიდან სკოლებში მონიტორინგი კვლავ სისტემატურად განხორციელდება. აღსანიშნავია ისიც, რომ იმ სკოლებს, სადაც 2 ოქტომბრის არჩევნებისათვის საარჩევნო უბნები იყო განთავსებული, სასწავლო პროცესის საკლასო ოთახებში განახლებამდე ჩაუტარდა სრული დეზინფექცია. 60 საჯარო სკოლაში დამატებით მოეწყო სამედიცინო ოთახი, მალე კი, სამედიცინო ოთახისთვის საჭირო ინვენტარით დამატებით 142 საჯარო სკოლა აღიჭურვება. 2021-2022 სასწავლო წლისთვის, ტრანსპორტით კვლავ უზრუნველყოფილი იქნებიან მოსწავლეები თბილისსა და რეგიონებში“,- აღნიშნულია განათლების სამინისტროს განცხადებაში. განათლების სამინისტრო სკოლებში სწავლის დაწყების ახალ წესებთან დაკავშირებით, განცხადებას ავრცელებს
კახა კალაძემ 44,96% მიიღო, ნიკა მელიამ - 33,94%
ცენტრალური საარჩევნო კომისიის ცნობით, თბილისის 769 საარჩევნო უბნიდან უკვე დათვლილია ხმების 96,23%. განახლებული მონაცემების მიხედვით, დედაქალაქში, მმართველი პარტიის თბილისის მერობის კანდიდატმა კახა კალაძე საარჩევნო ხმების 44,96% მიიღო, "ნაციონალური მოძრაობის" კანდიდატმა ნიკა მელია კი - 33,94%. ცესკო: 64 თვითმმართველი ქალაქიდან და თემიდან, მეორე ტური 20 მუნიციპალიტეტში გაიმართება
ცესკო: 64 თვითმმართველი ქალაქიდან და თემიდან, მეორე ტური 20 მუნიციპალიტეტში გაიმართება
ცენტრალური საარჩევნო კომისიის წინასწარი მონაცემებით,მერების არჩევნებში, 64 თვითმმართველი ქალაქიდან და თემიდან, 44 მუნიციპალიტეტში „ქართული ოცნების“ კანდიდატები იმარჯვებენ. ცესკოს ცნობით, მეორე ტური 20 მუნიციპალიტეტში გაიმართება. მერის არჩევნების მეორე ტური გაიმართება ასევე დედაქალაქში, სადაც ამ დროის მონაცემებით, „ქართული ოცნების“ კანდიდატ კახა კალაძეს ხმათა 45.28 პროცენტი აქვს, ხოლო „ნაციონალური მოძრაობის“ კანდიდატ ნიკანორ მელიას 34.27 პროცენტი. მეორე ტური დაინიშნება სამეგრელოს 7 მუნიციპალიტეტში. სენაკში მმართველი პარტიის კანდიდატ ვახტანგ გადელიას ხმათა 41.41 პროცენტი აქვს, ხოლო „ნაციონალური მოძრაობის“ კანდიდატ კობა ნაყოფიას 40.23 პროცენტი. შესაბამისად, გაიმართება მეორე ტური. მარტვილში, „ქართული ოცნების“ კანდიდატ თორნიკე ჯანაშიას 42.41 პროცენტი აქვს, ხოლო „ნაციონალური მოძრაობის“ კანდიდატ თეიმურაზ ჯანაშიას 37.92 პროცენტი. ხობშიც, „ქართული ოცნების“ კანდიდატ დავით ბუკიას 46.56 პროცენტი აქვს, ხოლო „ნაციონალური მოძრაობის“ კანდიდატ ბესიკ შენგელიას 35.24 პროცენტი. ზუგდიდში „ნაციონალური მოძრაობის“ კანდიდატ ანზორ მელიას ხმათა 47.46 პროცენტი აქვს, ხოლო „ქართული ოცნების“ კანდიდატ მამუკა წოწერიას 40.62 პროცენტი. შესაბამისად, დაინიშნება მეორე ტური. მეორე ტური იქნება წალენჯიხაშიც, სადაც „ნაციონალური მოძრაობის“ კანდიდატ გიორგი ხარჩილავას ხმათა 41.02 პროცენტი აქვს, ხოლო „ქართული ოცნების“ კანდიდატ გოგა გულორდავას 37.17 პროცენტი. ჩხოროწყუში მმართველი პარტიის კანდიდატ დათო გოგუას ხმათა 46.53 პროცენტი აქვს, ხოლო ნაციონალური მოძრაობის კანდიდატ ბადრი ქარჩავას 34.9 პროცენტი. შესაბამისად, გაიმართება მეორე ტური. მეორე ტური იქნება ფოთშიც, სადაც „ქართული ოცნების“ კანდიდატ ბექა ვაჭარაძეს 47.58 პროცენტი აქვს, ხოლო „ნაციონალური მოძრაობის“ კანდიდატ გიორგი უგულავას – 37.73 პროცენტი. მეორე ტური გაიმართება ასევე გურიაში, ოზურგეთში, სადაც „ქართული ოცნების“ ავთანდილ თალაკვაძეს ხმათა 42.03 პროცენტი აქვს, ხოლო დამოუკიდებელ კანდიდატ კონსტანტინე შარაშენიძეს 28.53 პროცენტი. სავარაუდოდ, მეორე ტური გაიმართება თელავშიც, სადაც მმართველი პარტიის კანდიდატ ლევან ანდრიაშვილს ხმათა 47.18 პროცენტი აქვს, ხოლო „ნაციონალური მოძრაობის“ კანდიდატ გიორგი ბოტკოველს 44.96 პროცენტი. თიანეთის მერის არჩევნებზე „ქართული ოცნების“ კანდიდატ ლევან წიკლაურს ხმათა 43.19 პროცენტი აქვს, ხოლო „თამაზ მეჭიაური საქართველოსთვის“ კანდიდატ თამაზ მეჭიაურს 30.09 პროცენტი. ამ დროის მონაცემებით, მეორე ტური გაიმართება რუსთავშიც, სადაც „ქართული ოცნების“ კანდიდატ ნინო ლაცაბიძეს 44.92 პროცენტი აქვს, ხოლო „ნაციონალური მოძრაობის“ კანდიდატ დავით კირკიტაძეს 43.81 პროცენტი. შიდა ქართლიდან მეორე ტური ორ მუნიციპალიტეტში ხაშურსა და ქარელში გაიმართება. ქარელშიც, „ქართული ოცნების“ კანდიდატ ზაზა გულიაშვილს ხმათა 45.77 პროცენტი აქვს, ხოლო „ნაციონალური მოძრაობის“ კანდიდატ ნიკოლოზ ახალკაცს 33.59 პროცენტი/ რაც შეეხება ხაშურს, სადაც ასევე მეორე ტური გაიმართება, აქ „ქართული ოცნების“ კანდიდატ თენგიზ ჩიტიაშვილს 44.29 პროცენტი აქვს, ხოლო „ნაციონალური მოძრაობის“ კანდიდატ იოსებ ბუაძეს 35.53 პროცენტი. მეორე ტური სავარაუდოა ცაგერშიც, სადაც მმართველი პარტიის კანდიდატ გიორგი ნემსაძეს ხმათა 49.34 პროცენტი აქვს, ხოლო „გახარია საქართველოსთვის“ კანდიდატ ბესარიონ ბენდელიანს 35.02 პროცენტი. რაც შეეხება ბაღდათს, ამ დროისთვის „ქართული ოცნების“ კანდიდატ კახა ენუქიძეს ხმათა 49.52 პროცენტი აქვს, ხოლო „ნაციონალური მოძრაობის“ კანდიდატ გიორგი რობაქიძეს – 36.19 პროცენტი. შესაბამისად, სავარაუდოა მეორე ტური. მეორე ტური გაიმართება წყალტუბოშიც, სადაც მმართველი პარტიის კანდიდატ გენადი ბალანჩივაძეს ხმათა 46.83 პროცენტი აქვს, ხოლო „ნაციონალური მოძრაობის“ კანდიდატ ზაზა მეტრეველს 43.02 პროცენტი. მეორე ტური იქნება ქუთაისშიც, სადაც „ნაციონალური მოსენაკში ძრაობის“ კანდიდატ ხატია დეკანოიძეს ხმათა 43.84 პროცენტი აქვს, ხოლო „ქართული ოცნების“ კანდიდატ იოსებ ხახალეიშვილს 41.53 პროცენტი. რაც შეეხება ბათუმს, აქ „ნაციონალური მოძრაობის“ კანდიდატ გიორგი კირთაძეს ხმათა 42.6 პროცენტი აქვს, ხოლო მმართველი პარტიის კანდიდატ არჩილ ჩიქოვანს – 41.07 პროცენტი. შესაბამისად, დაინიშნება მეორე ტური. მეორე ტური იქნება ხელვაჩაურშიც, სადაც მმართველი პარტიის კანდიდატ ზაზა დიასამიძეს 42.9 პროცენტი აქვს, ხოლო „ნაციონალური მოძრაობის“ კანდიდატ მიშა ობოლაძეს 41.18 პროცენტი. ცესკოს მიერ განახლებული მონაცემებით, ქვეყნის მასშტაბით, „ქართულ ოცნებას“ 47.83% აქვს, „ნაციონალურ მოძრაობას“ - 30.69%
შსს თვითმმართველობის არჩევნებზე დაფიქსირებულ კანონდარღვევის ფაქტებზე, განცხადებას ავრცელებს
შინაგან საქმეთა სამინისტრო თვითმმართველობის არჩევნებზე დაფიქსირებულ კანონდარღვევის ფაქტებზე, განცხადებას ავრცელებს. როგორც დღეს, ბრიფინგზე, შსს-ს სტრატეგიული კომუნიკაციების დეპარტამენტის დირექტორმა ქეთევან კოვზიაშვილმა განაცხადა, პოლიციამ კენჭისყრის დღეს, საარჩევნო უბნების მიმდებარე ტერიტორიაზე, მიღებული შეტყობინებებისა და მედიაში გავრცელებული ინფორმაციების საფუძველზე, 200-მდე ინციდენტზე მოახდინა რეაგირება. "გვსურს, საზოგადოებას მივაწოდოთ ინფორმაცია მიმდინარე წლის 2 ოქტომბერს, არჩევნების მიმდინარეობის დროს გამოვლენილი ინციდენტებისა და შინაგან საქმეთა სამინისტროს მხრიდან აღნიშნულ ინციდენტებზე მომხდარი რეაგირების შესახებ.საერთო ჯამში, არჩევნები მშვიდ ვითარებაში ჩატარდა.ამ დროის მონაცემებით, პოლიციამ საქართველოს მთელ ტერიტორიაზე 16 სისხლის სამართლის საქმეზე დაიწყო გამოძიება. კერძოდ:სამართალდამცველებმა ფონიჭალის დასახლებაში მდებარე N30 საარჩევნო უბანთან მომხდარ ფიზიკური დაპირისპირების ფაქტზე გამოძიება საქართველოს სისხლის სამართლის კოდექსის 126-ე მუხლით დაიწყეს, რაც ძალადობას გულისხმობს.ყვარლის რაიონული სამმართველოში, N10 საარჩევნო უბანთან განხორციელებულ ძალადობის ფაქტზე, გამოძიება საქართველოს სისხლის სამართლის კოდექსის 126-ე პრიმა მუხლის პირველი ნაწილით დაიწყო. რაც შეეხება ახმეტის მუნიციპალიტეტის სოფელ ნადუქნარში, N22 საარჩევნო უბანში მომხდარ დაპირისპირების ფაქტს, აღნიშნულ ფაქტთან დაკავშირებით სამართალდამცველებმა გამოძიება საქართველოს სისხლის სამართლის კოდექსის 162-ე პრიმა მუხლის პირველი ნაწილით დაიწყეს, რაც კენჭისყრის შენობაში ან მის მიმდებარე ტერიტორიაზე მომხდარ ძალადობას გულისხმობს. მარნეულის მუნიციპალიტეტის სოფელ დაშტაფაში მდებარე N52 საარჩევნო უბანში მომხდარ დაპირისპირების ფაქტზე გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. აღნიშნულ ფაქტზე დაკავებულია ერთი პირი. ახალქალაქის მუნიციპალიტეტის სოფელ კიროვაკანში მდებარე N50 საარჩევნო უბანზე დამკვირვებლებს შორის მომხდარ სიტყვიერი დაპირისპირების ფაქტზე გამოძიება ასევე საქართველოს სისხლის სამართლის კოდექსის 162-ე პრიმა მუხლის პირველი ნაწილით მიმდინარეობს.სენაკში, N7 საარჩევნო უბანთან მომხდარ დაპირისპირების ფაქტზე სენაკის პოლიციაში გამოძიება საქართველოს სისხლის სამართლის კოდექსის 162-ე პრიმა მუხლის პირველი ნაწილით მიმდინარეობს. მარნეულის მუნიციპალიტეტის სოფელ ყიზილაჯლოში, N48 საარჩევნო უბანთან მომხდარ დაპირისპირების ფაქტზე ქვემო ქართლის პოლიციამ გამოძიება დაიწყო საქართველოს სისხლის სამართლის კოდექსის 162-ე პრიმა მუხლის პირველი ნაწილით, რაც კენჭისყრის შენობის მიმდებარე ტერიტორიაზე ძალადობას გულისხმობს.ასევე, მარნეულში, სოფელ ყიზილაჯლოს N83 საარჩევნო უბანში განხორციელებული თავდასხმის ფაქტზე გამოძიება დაიწყო საქართველოს სისხლის სამართლის კოდექსის 162-ე პრიმა მუხლის 1-ლი ნაწილით, რაც კენჭისყრის შენობის მიმდებარე ტერიტორიაზე ძალადობას გულისხმობს. გარდაბანში საქართველოს სისხლის სამართლის კოდექსის 126-ე მუხლის პირველი ნაწილით დაიწყო გამოძიება , გუშინ საღამოს მომხდარ დაპირისპირების ფაქტთან დაკავშირებით. ქალაქ ზუგდიდში, N84 საარჩევნო უბანში მედიის წარმომადგენლების მიმართ პროფესიულ საქმიანობაში უკანონოდ ხელის შეშლის ფაქტზე ზუგდიდის პოლიციამ გამოძიება საქართველოს სისხლის სამართლის კოდექსის 154-ე მუხლის 1-ლი ნაწილით დაიწყო. თბილისში, კიევის ქუჩაზე მდებარე N24 საარჩევნო უბნის მიმდებარე ტერიტორიაზე ჟურნალისტისთვის პროფესიულ საქმიანობაში უკანონოდ ხელის შეშლის ფაქტზე, სისხლის სამართლის კოდექსის 154-ე მუხლით გამოძიება დაიწყო. 3 ოქტომბერს, ცენტრალური კრიმინალური პოლიციის დეპარტამენტის თანამშრომლებმა პოლიტიკური პარტია "ქართული ოცნება - დემოკრატიული საქართველოს" კუთვნილ საარჩევნო-საინფორმაციო ვებგვერდზე განხორციელებულ კიბერშეტევის ფაქტზე დაიწყეს გამოძიება, საქართველოს სსკ-ის 285-ე მუხლის 1-ლი ნაწილით და 286-ე მუხლის 1-ლი ნაწილით. ლენტეხის მუნიციპალიტეტის სოფელ ნაცულში, N19 საარჩევნო უბანში საარჩევნო ურნისა და სარეგისტრაციო ჟურნალის დაზიანების ფაქტზე პოლიციამ გამოძიება სისხლის სამართლის კოდექსის 163-ე მუხლით დაიწყო.მარნეულის მუნიციპალიტეტის სოფელ ყიზილაჯლოს N 48 საარჩევნო უბანში არაერთგზის ხმის მიცემის ფაქტზე პოლიციამ გამოძიება სისხლის სამართლის კოდექსის 164-ე სეკუნდა მუხლით დაიწყო. სამართალდამცველებმა გამოძიება დაიწყეს ასევე ლანჩხუთში, სოფელ მამათში მომხდარ ძალადობის ფაქტზე და თბილისში, ნაკადულის ქუჩაზე, ერთ-ერთი საარჩევნო უბნის ტერიტორიაზე მომხდარ ქურდობის ფაქტზე.პოლიციამ კენჭისყრის დღეს, საარჩევნო უბნების მიმდებარე ტერიტორიაზე, მიღებული შეტყობინებებისა და მედიაში გავრცელებული ინფორმაციების საფუძველზე, ორასამდე ინციდენტზე მოახდინა რეაგირება. საარჩევნო კოდექსით დადგენილი მოთხოვნების დარღვევასთან დაკავშირებით, თითოეულ ფაქტზე, პოლიციამ განახორციელა კანონით გათვალისწინებული ღონისძიებები - დადგენილი წესის შესაბამისად, პირველ ჯერზე შესაბამის პირებს მითითება მიეცათ და მხოლოდ ერთ შემთხვევაში დაჯარიმდა მოქალაქე ადმინისტრაციული წესით - 2000 ლარის ოდენობით.პოლიციის კანონიერი მოთხოვნის დაუმორჩილებლობის და ხულიგნობის გამოვლენილ ადმინისტრაციულ სამართალდარღვევებზე, მთელი ქვეყნის მასშტაბით, ადმინისტრაციული წესით პოლიციამ 7 პირი დააკავა, მათ შორის მარნეულში - 3 პირი, ასპინძაში - 2 პირი, ლანჩხუთში - 1 პირი და თბილისში 1 პირი.შინაგან საქმეთა სამინისტრო განაგრძობს აქტიურად თანამშრომლობას საერთაშორისო სადამკვირვებლო მისიებთან, ადგილობრივ არასამთავრობო ორგანიზაციებთან და სახალხო დამცველის აპარატთან", - განაცხდა ბრიფინგზე ქეთევან კოვზიაშვილმა.
