საზოგადოება
თურქეთმა შავი ზღვის რეგიონში საზღვაო რაკეტა გამოსცადა
4 თებერვალს, თურქეთმა შავი ზღვის რეგიონში პირველი ადგილობრივი წარმოების საზღვაო რაკეტა Atmaca გამოსცადა, - ამის შესახებ ინფორმაციას Hurriyetdailynews- ი ავრცელებს. გავრცელებული ინფორმაციით, Roketsan-ის მიერ შექმნილ შორი მანძილის სახომალდე სარაკეტო სისტემაზე საცდელი ქმედებები სინოპის პროვინციაში ტარდებოდა. Atmaca მაღალი სიზუსტის, შორი მანძილის ხმელეთი-ხმელეთი ტიპის რაკეტაა. „ჩვენი შიდა პროდუქტი Atmaca მტრებს შეაშინებს,“ - აღნიშნა თურქეთის საზღვაო ძალების სარდალმა ადმირალმა ადნან ოზბალმა სინოპის გუბერნატორთან, ეროლ კარასმეროღლუსთან ერთად საცდელი ხანძრების დაკვირვების შემდეგ.
6 თებერვალს რესტორნები თვითნებურად აღარ გაიხსნება
6 თებერვალს რესტორნები თვითნებურად აღარ გაიხსნება. ამის შესახებ რესტორატორთა ასოციაციის ხელმძღვანელმა, შოთა ბურჯანაძემ განაცხადა. „გუშინ მიღებული გადაწყვეტილება არის წინ გადადგმული ნაბიჯი იმ უფსკრულის ამოსავსებად, რომელიც მთავრობასა და ბიზნესს შორის გაჩნდა. ჩვენ დაანონსებული გვქონდა თვითნებურად გახსნა შაბათს, ეს იყო ბრძოლა სიცოცხლის გადასარჩენად. მივიღეთ გადაწყვეტილება, რომ შაბათს ეს აქცია არ ჩატარდება, შაბათ-კვირას სარესტორნო სფერო ადგილზე მიტანის სერვისით გააგრძელებს ფუნქციონირებას. ეს არის ნაბიჯი, რომელიც ხელისუფლებამ გადმოდგა და ჩვენი მხრიდან, ამას ვაფასებთ. 15-დან გახსნა არ ნიშნავს, რომ ეს შვებაა ბიზნესისთვის, რადგან რესტორნების დიდი უმრავლესობისთვის ამ ამინდში ეს ბენეფიტი არ არის. თუმცა ვაფასებთ გადაწყვეტილებას ტრანსპორტის, და სკოლების ნაწილში და ამის გათვალისწინებით ვთლით, რომ ეს ჩვენთვისაც გაკეთებული საქმეა, თუნდაც თანამშრომლების ტრანსპორტირების ნაწილში. თუ 15 თებერვლის შემდეგ, ისევ ამ მდგომარეობაში ვიქნებით და ასეთი ეპიდემიოლოგიური მდგომარეობა გვექნა, ეს დაუმორჩილებლობა რამდენიმე კვირით გადაიწევს. მანამდე არ მივდივართ, არც თხოვნით და არც მოლაპარაკებით. თუ ეპიდემიოლოგიურმა მდგომარეობამ მისცა შესაძლებლობა და არ გახსნეს, ეს შაბათი უბრალოდ გადაიწევს. დამოკიდებულებიდან გამომდინარე, მივიღებთ გადაწყვეტილებას. ულტიმატუმის ენის საუბარი ჩემი სტილი არ არის. ჩვენ უნდა შევქმნათ გარემო, სადაც შესაძლებელი იქნება თანამშრომლობა და არა დაძაბულობა“, - განაცხადა შოთა ბურჯანაძემ. დაანონსებული „აქციის“ შემდეგ, გუშინ პრემიერმა ბიზნესი გააფრთხილა. გიორგი გახარიამ განაცხადა, რომ ორგანიზაციები დაწესებული შეზღუდვების მიზანმიმართული დარღვევის შემთხვევაში, გარდა უმკაცრესი რეაგირებისა, ვეღარ მიიღებდნენ მონაწილეობას სახელმწიფოს მხარდაჭერის ღონისძიებებში და ვეღარ მიიღებენ სახელმწიფოს მხრიდან სუბსიდირებას. 15 თებერვლიდან, კვების ობიექტები შაბათ-კვირის გარდა, ღია სივრცეებში სტუმრების მიღებას შეძლებენ.
მეტროსადგური "გოცირიძე" მგზავრებს სამი თვის განმავლობაში ვერ მოემსახურება
მეტროსადგურ „გოცირიძეზე“ მიმდინარე სრულმასშტაბიანი სარემონტო-სარეკონსტრუქციო სამუშაოების გამო, 8 თებერვლიდან, სადგური სამი თვის განმავლობაში, მგზავრებს ვერ მოემსახურება. თბილისის მერიის განცხადებით, მეტროს მოძრავი შემადგენლობები თბილისის მეტროს პირველ ხაზზე, ამ სადგურზე არ გაჩერდებიან. შეგახსენებთ, რომ 8 თებერვლიდან მუნიციპალური ტრანსპორტი მუშაობას განაახლებს.
ნიკა მელია, გირაოს თანხის გადაუხდელობის გამო, პროკურატურაში დაიბარეს
აღკვეთის ღონისძიების სახით შეფარდებული გირაოს პირობების შეუსრულებლობის შედეგების შესახებ გაფრთხილების მიზნით, ნიკა მელია პროკურატურაში დაიბარეს. ინფორმაციას საქართველოს პროკურატურა ავრცელებს. "2019 წლის 25 ივნისს, საქართველოს გენერალური პროკურატურის წარმოებაში არსებულ სისხლის სამართლის საქმეზე, ჯგუფური ძალადობის ხელმძღვანელობის და მასში მონაწილეობისათვის, საქართველოს სისხლის სამართლის კოდექსის 225-ე მუხლის 1-ელი და მე-2 ნაწილებით, სისხლის სამართლის პასუხისგებაში მიეცა საქართველოს პარლამენტის წევრი ნიკანორ მელია. თბილისის საქალაქო სასამართლოს 2019 წლის 27 ივნისის განჩინებით, ნიკანორ მელიას აღკვეთის ღონისძიების სახით შეეფარდა გირაო 30 000 ლარი და დამატებით შემზღუდავი ღონისძიებები, მათ შორის, ბრალდებულის მიმართ გამოყენებულ იქნა ელექტრონული მონიტორინგი. 2020 წლის 1 ნოემბერს, საზოგადოებრივი თავშეყრის ადგილას საჯარო განცხადების გაკეთებისას, ბრალდებულმა ნიკანორ მელიამ მასზე სასამართლოს განჩინების საფუძველზე დაკისრებული - ელექტრონული მონიტორინგისთვის განკუთვნილი სამაჯური მოიხსნა , რამაც პრაქტიკულად გამორიცხა მის მიმართ კანონმდებლობით დაკისრებული, სამართლებრივად სათანადო ქცევის უზრუნველმყოფი გარანტიების არსებობა. შესაბამისად, პროკურატურის შუამდგომლობით მოთხოვნილ იქნა შეფარდებული აღკვეთის ღონისძიების გამკაცრება, კერძოდ, გირაოს გაზრდა 100 000 ლარამდე. თბილისის საქალაქო სასამართლოს 2020 წლის 3 ნოემბრის განჩინებით, ბრალდებულ ნიკანორ მელიას მიმართ მანამდე გამოყენებული აღკვეთის ღონისძიება გამკაცრდა და გირაოს ოდენობა გაიზარდა 40 000 ლარით.თბილისის საქალაქო სასამართლოს იმავე განჩინებით, ნიკანორ მელიას გირაოს გაზრდილი ოდენობის - 40 000 ლარის - გადახდის ვადად 50 დღე განესაზღვრა. ასევე მას აეკრძალა ბრალდების მხარის წინასწარი ინფორმირებისა და თანხმობის გარეშე სახელმწიფო საზღვრის გადაკვეთა.საქართველოს სისხლის სამართლის საპროცესო კოდექსის თანახმად, გირაოს თანხის ოდენობის განსაზღვრის შემდეგ ბრალდებულს, მისი სახელით ან მის სასარგებლოდ სხვა პირს შეუძლია გირაოს უზრუნველსაყოფად შეიტანოს როგორც ფულადი თანხა, ასევე - ამ თანხის ექვივალენტური უძრავი ქონება. მიუხედავად იმისა, რომ ბრალდებულ ნიკანორ მელიას საკუთრებაში გააჩნია უძრავი ქონება, რომელიც საკმარისია გირაოს უზრუნველსაყოფად, ასევე მის მიერვე 2020 წლის 31 დეკემბერს შევსებული დეკლარაციის თანახმად, დეკემბერში გააჩნდა საკმარისი თანხა გირაოს უზრუნველსაყოფად, ბრალდებულმა აღკვეთის ღონისძიების პირობა არ შეასრულა და გირაოს თანხა - 40 000 ლარი, სასამართლოს მიერ დაწესებულ ვადაში, 2020 წლის 24 დეკემბრამდე, არ გადაიხადა, ასევე არ უზრუნველყო გირაო თანხის ექვივალენტური უძრავი ქონებით. აღნიშნულიდან გამომდინარე, ნიკანორ მელიასთან გაფორმდება ოქმი, რომლის მიხედვითაც მას გირაოს თანხის გადასახდელად მიეცემა დამატებით ერთკვირიანი ვადა. ასევე განემარტება, რომ გირაოს თანხის გადაუხდელობის შემთხვევაში, ან თუ იგი გირაოს თანხას ექვივალენტური უძრავი ქონებით არ უზრუნველყოფს, ბრალდების მხარე მიმართავს სასამართლოს მის მიმართ შერჩეული აღკვეთის ღონისძიების პატიმრობით შეცვლის თაობაზე" - ნათქვამია პროკურატურის განცხადება.
ირანის მოქალაქე საქართველოში დიდი რაოდენობით ნარკოტიკული საშუალების შემოტანის ფაქტზე დააკავეს
შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, სახელმწიფო უსაფრთხოების სამსახურის სახელმწიფო უსაფრთხოების დეპარტამენტის და შემოსავლების სამსახურის საბაჟო დეპარტამენტის თანამშრომლებთან ერთად დიდი ოდენობით ნარკოტიკული საშუალების უკანონო შეძენა-შენახვა-გასაღების და საქართველოში უკანონოდ შემოტანის ფაქტზე, მოსამართლის განჩინების საფუძველზე, ირანის ისლამური რესპუბლიკის მოქალაქე-1987 წელს დაბადებული მ.დ. დააკავეს. - ინფორმაციას შინაგან საქმეტა სამინისტრო ავრცელებს. ოპერატიულ-სამძებრო და საგამოძიებო ღონისძიებების შედეგად გამოძიებით ასევე დადგინდა, რომ მ.დ. გეგმავდა დიდი ოდენობით ნარკოტიკული საშუალება „მეტადონის“ საქართველოში შემოტანას. სამართალდამცველების მიერ ჩატარებული ოპერატიული და საგამოძიებო ღონისძიებების შედეგად, დადგინდა დანაშაულის სისრულეში მოყვანის სავარაუდო მარშუტი. თბილისის გაფორმების ეკონომიკური ზონის მიმდებარე ტერიტორიაზე, სატვირთო მისაბმელიანი ავტომანქანის ჩხრეკისას, მ.დ.-ს კუთვნილი ტვირთის- მარილის ტომრების შემოწმებისას სამართალდამცველებმა განსაკუთრებით დიდი ოდენობით- 1171 აბი ნარკოტიკული საშუალება „მეტადონი“ ამოიღეს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. "გამოძიებით დადგინდა, რომ თბილისში მცხოვრები ირანის ისლამური რესპუბლიკის მოქალაქე მ.დ. ნარკოტიკულ საშუალებებს ყიდდა. პოლიციამ მოსამართლის განჩინების საფუძველზე, ბრალდებულისგან 195 აბი ნარკოტიკული საშუალება „მეტადონის“ საკონტროლო შესყიდვა და აღნიშნული შესყიდვის ფარული აუდიო-ვიდეოჩაწერა განახორციელა. დანაშაულში მონაწილე სხვა პირების დადგენის მიზნით მიმდინარეობს აქტიური საგამოძიებო მოქმედებები. წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღების და საქართველოში უკანონოდ შემოტანის ფაქტზე გამოძიება საქართველოს სისხლის სამართლის კოდექსის 260-ე და 262-ე მუხლებით მიმდინარეობს", - ნათქვამია სამინისტროს განცხადებაში.
გუდაური-კობის მონაკვეთზე მისაბმელიანი ავტოტრანსპორტის მოძრაობა აკრძალულია
გუდაური-კობის მონაკვეთზე მისაბმელიანი ავტოტრანსპორტის მოძრაობა აკრძალულია. ამის შესახებ ინფორმაციას საქართველოს საავტომობილო გზების დეპარტამენტი ავრცელებს. "საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გუდაური(ფოსტა)-კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით", - ნათქვამია განცხადებაში.
COVID19: ბოლო 24 საათის მონაცემები
ბოლო 24 საათში, საქართველოში კორონავირუსი კიდევ 538 ადამიანს დაუდასტურდა, 498 გამოჯანმრთელდა, 18 კოვიდინფიცირებული კი გარდაიცვალა. ამის შესახენ ინფორმაციას მთავრობის ადმინისტრაცია ავრცელებს. ბოლო 24 საათში ჩატარებული კვლევა ტესტით - 16808, მათ შორის ანტიგენის სწრაფი ტესტით - 9163, PCR ტესტით - 7645. ვირუსის გავრცელებიდან დრემდე, საქართველოში კორონავირუსის 261,018 შემთხვევაა დადასტურებული. მათ შორის გამოჯანმრთელდა 252,246, გარდაიცვალა 3,258 პაციენტი. მძიმე პაციენტი: 538, მათ შორის, თბილისში - 236, აჭარაში - 45, იმერეთში - 134. ხელოვნური სუნთქვის აპარატზე: 146, მათგან თბილისში - 103, აჭარაში- 6, იმერეთში - 16. 538 ახალი შემთხვევიდან 227 თბილისში გამოვლინდა. აჭარა - 25, იმერეთი - 83, ქვემო ქართლი - 35, შიდა ქართლი - 44, გურია - 16, სამეგრელო - ზემო სვანეთი - 60, კახეთი - 31, მცხეთა-მთიანეთი - 9, სამცხე-ჯავახეთი - 6, რაჭა-ლეჩხუმი და ქვემო სვანეთი - 2“, - განაცხადა ბერდია სიჭინავამ. 274 ადამიანი მოთავსებულია კლინიკურ-სასტუმროებში, მათ შორის 182 - თბილისში, 81 - აჭარაში, 11 - იმერეთში. 2 927 კოვიდინფიცირებული ბინაზე მკრნალობს. საკარანტინე სივრცეებში მოთავსებულია 478 ადამიანი, მათ შორის, თბილისში - 199, ხოლო აჭარაში - 174. სულ 6 ოქტომბრიდან - 4 თებერვლის პერიოდში, სახელმწიფო საზღვრიდან საკარანტინე სივრცეებში გადაყვანილია - 22 531 პირი. ამ ეტაპისთვის თვითიზოლაციაშია 14 734 ადამიანი, მათ შორის თბილისში - 9 014 პირი, აჭარაში - 789, იმერეთში - 1 502
ლეხ ვალენსამ ნავალნი მშვიდობის დარგში ნობელის პრემიაზე წარადგინა
პოლონეთის ყოფილმა პრეზიდენტმა, მშვიდობის დარგში ნობელის პრემიის მფლობელმა ლეხ ვალენსამ ამავე პრემიაზე რუსი ოპოზიციონერი ალექსეი ნავალნი წარადგინა. აღნიშნულ ინფორმაციას, პოლონურ გამოცემა Gazeta Wyborcza-ზე დაყრდნობით, Deutsche welle ავრცელებს. ნობელის კომიტეტში სიტყვით გამოსვლისას ვალესამ, რომელმაც მშვიდობის პრემია 1983 წელს მიიღო, აღნიშნა, რომ ნავალნი დიდი გამბედაობით გამოირჩეოდა და მნიშვნელოვანი ძალისხმევის გაღება უწევდა კორუფციის გამოსავლენად, პოლიტიკური შეხედულებების თავისუფლად გამოხატვის უფლების დასაცავად და რუსეთში მზარდი ავტორიტარული რეჟიმის წინააღმდეგ. ”ბატონი ნავალნი დღეს ებრძვის ტოტალიტარიზმს დემოკრატიის, ადამიანის ძირითადი უფლებებისა და კანონის უზენაესობის იდეალებისთვის, ისევე როგორც მე ვიბრძოდი კომუნისტურ პოლონეთში რამდენიმე ათეული წლის წინ”, - თქვა ვალესამ. ცნობისთვის, რუს ოპოზიციონერს ალექსი ნავალნის რუსეთის სასამართლომ ალექსეი ნავალნის 3,5 წლით თავისუფლების აღკვეთა მიუსაჯა.
ტრამპმა ამერიკის კინომსახიობთა გილდია დატოვა
დონალდ ტრამპმა ამერიკის კინომსახიობთა გილდია დატოვა. ამის შესახებ ინფორმაციას Fox News-ი ავრცელებს. როგორც ცნობილია, ტრამპმა გილდიის დატოვების შესახებ გილდიის პრეზიდენტს, მსახიონ გაბრიელ კარტერის წერილი მისწერა. „ამ წერილს გწერთ გილდიის ე.წ. დისციპლინარული კომიტეტის მოსმენასთან დაკავშირებით, რომელიც ჩემთვის წევრობის ჩამორთმევას ეხებოდა. ვის რაში ადარდებს? მეტად აღარ მსურს რაიმე მაკავშირებდეს ამ ორგანიზაციასთან. ამ წერილით გატყობინებთ, რომ დაუყოვნებლივ ვტოვებ გილდიის რიგებს. მე არ ვიცნობ თქვენს შემოქმედებას, მაგრამ ვამაყობ ჩემი მუშაობით ისეთ ფილმებში, როგორიცაა "მარტო სახლში 2", "ზოოლანდერი" და "უოლ სტრიტი", - წერს ტრამპი გარდა ფილმებისა, აშშ-ის პრეზიდენტმა რამდენიმე სატელევიზიო შოუც დაასახელა.
ბერიკები - გოგა ჩანადირი სპეციალურად Europetime-სთვის
საუკუნეებ გამოვლილი ბერიკაობა კახეთშიღა შემორჩა, კონკრეტულად კი გომბორის უღელტეხილზე. ბერიკაობის წეს-ჩვეულებებიდან ბოლო დროს მხოლოდ კოსტუმები შემორჩა. ახლანდელი ბერიკები ძირითადად ფულს გზებზე აგროვებენ და ეს სწორედ გომბორზე ხდება.კოვიდშეზღუდვების გამო, მანქანების ნაკადმა რომ იკლო, ბერიკებმა წაღვერი-ბაკყრიანის გზაზე გადაინაცვლეს. მართალია, მათ უმეტესად ხურდას სწირავენ, მაგრამ ზოგჯერ თითო ბერიკა 100 ლარსაც შოულობს. თუ ვინმემ დიდი თანხა გაიღო, მას დოლის დაკვრითაც დააჯილდოებენ. ბერიკაობა თავდაპირველად საკულტუ-რელიგიური ხასიათის იყო და ნაყოფიერება-შვილიერებას უკავშირდებოდა. ქრისტიანობის გავრცელების შემდეგ თეატრალური ხასიათი შეიძინა და ქართული თეატრის წინამორბედადაც კი ითვლება. თავად კლასიკური თეატრის ისტორია კი საქართველოში გიორგი ერისთავის მიერ 1850 წელს პროფესიული დასის ჩამოყალიბებისა და მისივე პიესის „გაყრის" თბილისში დადგმიდან იწყება. სახალხო ბერიკაობაში მხოლოდ კაცები მონაწილეობდნენ. ქალები და მოზარდები ცალკე წარმოდგენას მართავდნენ. ბერიკები საქართველოს ისტორიას გადმოსცემდნენ. მხოლოდ მათ შეეძლოთ, გავლენიანი პირების გაშარჟება. მეფე კი ხელშეუხებელი იყო. ბერიკები თბილისში მე-19 საუკუნის ბოლოს გამოჩნდნენ, მაგრამ ვინაიდან დედაქალაქში კლასიკური თეატრი უკვე განვითარებული იყო, მათ შორის - ოპერა და ბალეტი, ფეხი ვერ მოიკიდეს. დღევანდელი ბერიკები ძირითადად ყვარლის სოფლებიდან არიან და შემორჩენილ ტრადიციას არც ამ წელს უღალატეს.
ტერორისტული თავდასხმის დაგეგმვის ბრალდებით ირანელ დიპლომატს ბელგიაში 20 წელი მიუსაჯეს
ბელგიის სასამართლომ ასადოლა ასადი ტერაქტის მომზადებაში დამნაშავედ ცნო. ინფორმაციას Detusche Welle ავრცელებს. გამოძიების თანახმად, დიპლომატს 2018 წელს ემიგრაციაში მყოფი ირანული ოპოზიციური ჯგუფის, “ირანის წინააღმდეგობის ეროვნული საბჭოს” შეკრების აფეთქება სურდა. ასადოლამ ბელგიელ წყვილს ასაფეთქებელი ნივთიერება გადასცა, რომელიც მათ შეკრებაზე უნდა შეეტანათ. პოლიციამ ასადის სამი თანამზრახველი დააკავა, რომელბიც ბელგიის მოქალაქეები არიან.
გერმანიის საელჩო: COVAX-ით მსოფლიოში პირველი კოვიდვაქცინები უნდა დაიგზავნოს, მათ შორის, საქართველოშიც
"COVAX-ის მეშვეობით მსოფლიოში პირველი კოვიდვაქცინები უნდა დაიგზავნოს, მათ შორის, საქართველოშიც. ეს მნიშვნელოვანი ნაბიჯია მსოფლიოში პანდემიის დასამარცხებლად" - ამის შესახებ საქართველოში გერმანიის საელჩოს განცხადებაშია ნათქვამი. „თებერვლის განმავლობაში საერთაშორისო პლატფორმა „კოვაქსის“ მეშვეობით მსოფლიოში პირველი კოვიდვაქცინები უნდა დაიგზავნოს, მათ შორის, საქართველოშიც. ეს მნიშვნელოვანი ნაბიჯია მსოფლიოში პანდემიის დასამარცხებლად. გერმანია და ევროკავშირი ეხმარებიან „კოვაქსს“ მისი დაარსების დღიდან და ისინი მის ყველაზე დიდ დონორებს მიეკუთვნებიან. ჩვენ მომავალშიც გავაგრძელებთ ამ მხარდაჭერას“, – ნათქვამია საქართველოში გერმანიის საელჩოს განცხადებაში.
ბათუმის ეპარქიის გიმნაზია-პანსიონში 25 ბავშვს და 7 პედაგოგს კორონავირუსი დაუდასტურდა
ბათუმის ეპარქიის გიმნაზია-პანსიონში 25 ბავშვს და 7 პედაგოგს კორონავირუსი დაუდასტურდა. როგორც Europetime-ს აჭარის ა/რ ჯანდაცვის სამინისტროში განუცხადეს, პანსიონატში ტესტირება რეგულარულად ტარდება და მოსწავლეებს და პედაგოგებს ვირუსი სხვადასხვა დღეს ჩატარებული ტესტირებისას გამოუვლინდათ და არა ერთ დღეს. "პანსიონის თანამშრომელთა და აღსაზრდელთა მორიგი ტესტირების დროს გამოვლინდა შემდეგი: რამდენიმე ბენეფიციარს გამოეხატა რესპირატორული სიმპტომები და სწრაფი ტესტირებით განესაზღვრათ დადებითი შედეგი, რის შემდგომაც ყველა მათგანი მყისიერად გადაყვანილი იქნენ კოვიდ-სასტუმროში. განხორციელდა მთელი კონტიგენტის გამოკვლევა და ყველა საეჭვო შემთხვევაში ხდებოდა განმეორებითი ტესტირება, რის შედეგადაც გამოვლინდა დამატებით შემთხვევები. დღეის მდგომარეობით ჯამურად ფიქსირდება 32 შემთხვევა, მათგან 7 მოზრდილი და 25 ბავშვი. აქედან 30 არის კოვიდ-სასტუმროში, 1 სტაციონარში,1 ოჯახში. პანსიონში ჰიგიენური ნორმები დაცულია. შედარებით მაღალი რისკის მქონე კონტაქტები იზოლირებილი არიან. პედიატრების მეთვალყურეობით მიმდინარეობს უწყვეტი ზედამხედველობა; ბავშვებს და თანამშრომლებს ყოველდღიურ რეჟიმში უგრძელდებათ თერმოსკრინინგი და გამოკვლევა/გამოკითხვა სიმტომების გამოვლენის თაობაზე. პანსიონატში სასწავლო პროცესი ისედაც შეჩერებული იყო. ეს ბავშვი იქ ცხოვრებენ. ეს არის საპატრიარქოს პანსიონატი. სამინისტრომ პასუხისმგებლობა აიღო კოვიდკონტროლის კუთხით და მუდმივ ტესტირებას ატარებდა. ბოლო პერიოდში გამოვლინდა ინფიცირების რამდენმე შემთხვევა“, - განუცხადეს Europetime-ს აჭარის ჯანდაცვის სამინისტროში. კოვიდინფიცირების შემთხვევები დაფქისირდა ასევე ბათუმის ორ სკოლაში. Covid-19 აღმოაჩნდა კერძო სკოლა ''ევრო 2000-ის'' პედაგოგს და ბათუმის მე-8 სკოლის მოსწავლეს. კერძო სკოლაში სასწავლო პროცესი არ შეწყვეტილა. ბათუმის მე-8 საჯარო სკოლა კი დისტანციურ სწავლებაზე გადავიდა.
როგორ გამოიყურება სპეციალური დაკავების ცენტრი რუსეთში, სადაც ნავალნის მხარდასაჭერ აქციებზე დაკავებულები მოათავსეს
როგორ გამოიყურება სპეციალური დაკავების ცენტრი რუსეთში, სადაც ნავალნის მხარდასაჭერ აქციებზე დაკავებულები მოათავსეს რუსულ მედიასივრცეში ნავალნის მხარდამჭერთა კადრები ვრცელდება, სადაც ჩანს, რა პირობებში არიან დაკავებულები.
არასამთავრობო ორგანიზაციები: კომენდანტის საათის ეს ფორმა, კონსტიტუციას ეწინააღდეგება
"კომენდანტის საათის ამ ფორმით არსებობა ეწინააღმდეგება საქართველოს კონსტიტუციას და შეზღუდვათა შემსუბუქების ფონზე, საქართველოს მთავრობაზე დელეგირებული უფლებამოსილების თვითნებურად გამოყენების კიდევ უფრო ნათელ მაგალითს წარმოადგენს", - ამის შესახებ რამდენიმე არასამთავრობო ორგანიზაციის მიერ გავრცელებულ განცხადებაშია აღნიშნული. 2021 წლის 4 თებერვალს მთავრობამ განაცხადა, რომ 8 და 15 თებერვლიდან შეზღუდვების ნაწილი შემსუბუქდება. თუმცა, ის ისევ არ შეხებია კომენდანტის საათს, რომელიც ხელისუფლების გადაწყვეტილებით ძალაში დარჩა. "არასამთავრობო ორგანიზაციებმა უკვე რამდენჯერმე განვაცხადეთ იმის თაობაზე, რომ გადაადგილების თავისუფლების შეზღუდვა იმ ფორმით, როგორც ის დღეს მოქმედებს, ეწინააღმდეგება საქართველოს კონსტიტუციას. კერძოდ, კომენდანტის საათი დაწესებულია საქართველოს მთავრობის დადგენილებით[1] მაშინ, როდესაც, საქართველოს კონსტიტუციის თანახმად, მიმოსვლის თავისუფლების შეზღუდვა უნდა მოხდეს კანონის საფუძველზე, საქართველოს პარლამენტის მიერ. მიმოსვლის თავისუფლების შეზღუდვის საქართველოს მთავრობაზე დელეგირება დასაშვებია, თუკი შეზღუდვის წინაპირობებს, მასშტაბსა და შინაარსს კანონი განსაზღვრავს, ხოლო მთავრობა მხოლოდ და მხოლოდ აკონკრეტებს იმას, თუ როგორ უნდა მოხდეს მისი აღსრულება. მართალია „საზოგადოებრივი ჯანმრთელობის შესახებ“ საქართველოს კანონი იძლევა მთავრობის მიერ მიმოსვლის თავისუფლების შეზღუდვის ფორმალურ საკანონმდებლო საფუძველს, თუმცა, ის იმდენად ზოგადი და განუსაზღვრელია, რომ მასში ფაქტობრივად მთავრობაზე ნებისმიერი უფლებამოსილების დელეგირება შეიძლება იქნეს ამოკითხული. აღნიშნული კი თავისთავად ეწინააღმდეგება საქართველოს კონსტიტუციით დადგენილ ზემოხსენებულ დელეგირების წესს. მოქმედი კომენდანტის საათი არათანაზომიერად ზღუდავს პირთა მიმოსვლის თავისუფლებას, აჩენს საფუძვლიან ეჭვს მიზნის მიღწევის გამოსადეგობასთან დაკავშირებით და არ წარმოადგენს უფლების ყველაზე ნაკლებად მზღუდავ საშუალებას. მოვუწოდებთ საქართველოს მთავრობას, მოხსნას კომენდანტის საათი და შეწყვიტოს COVID-19-ის გავრცელების წინააღმდეგ ბრძოლის მოტივით ადამიანის უფლებების გაუმართლებელი შეზღუდვა და არაკონსტიტუციური ღონისძიებების გამოყენება", - აღნიშნულია არასამთავრობო ორგანიზაციების განცხადებაში. განცხადებას ხელს აწერს: საერთაშორისო გამჭირვალობა საქართველო (TI Georgia), საქართველოს დემოკრატიული ინიციატივა (GDI), ადამიანის უფლებათა ცენტრი (HRC), დემოკრატიისა და უსაფრთხო განვითარების ინსტიტუტი (IDSD), თანასწორობის მოძრაობა, ინიციატივა მოწყვლადი ჯგუფების რეაბილიტაციისათვის (RIVG).
მიანმარში Facebook-ი დაბლოკეს
მიანმარში სამხედროებმა Facebook-ი დაბლოკეს. ინფორმაციას AP News-ის ავრცელებს. სოციალური ქსელში გავრცელებული სამოქალაქო დაუმორჩილებლობის მოწოდებებისთვის, მიანმარის სამხედრო ძალებმა გადაწყვიტეს Facebook-ის დაბლოკვა. ქვეყანაში სამხედრო გადატრიალება რამდენიმე დღის წინ მოხდა. სამხედრო ტელევიზიის ცნობით, გადატრიალებისას სამხედრო ძალებმა ქვეყნის მაღალჩინოსნები, "ნოემბრის არჩევნების გაყალბებისთვის" დააკავეს. აშშ-ის პრეზიდენტმა დაგმო მიანმარის სამხედრო გადატრიალება და მიანმარის ლიდერისა და ნობელის პრემიის ლაურეატის აუნ სან სუ ჩის დაკავება. ბაიდენმა აღნიშნულ ქმედებას ქვეყნის დემოკრატიულ გარდაქმნაზე და კანონის უზენაესობაზე პირდაპირი თავდასხმა უწოდა.
კახა კალაძე: თუ ვინმე პირბადის გარეშე მგზავრობას შეეცდება ავტობუსი არ დაიძვრება და მონიტორინგი პოლიციას გამოიძახებს
თბილისის მერის კახა კალაძის განცხადებით, ყველა რეგულაციის გათვალისიწნებით, საზოგადოებრივი ტრანსპორტის სრულად აღსადგენად, მერიის ყველა შესაბამისი უწყება მზადყოფნაშია. მისივე თქმით, საზოგადოებრივ ტრანსპორტში პირბადის ტარება, ძალინ მკაცრად გაკონტროლდება და საჭიროების შემთხვევაში, მონიტორინგის თანამშრომლები პოლიციასაც გამოიძახებენ. „რაც შეეხება რეგულაციებს, დღეს პრემიერ-მინისტრმაც ისაუბრა ამაზე, ძალიან მნიშვნელოვანი იქნება, ვისარგებლოთ პირბადეებით საზოგადოებრივ ტრანსპორტში, როგორც მეტროში, ასევე ავტობუსსა და მიკროავტობუსში. კონტროლი იქნება ძალიან მკაცრი. საზოგადოებრივი ტრანსპორტის მოძრაობის დროს, თუ ადამიანი შეეცდება, პირბადის გარეშე იმგზავროს ავტობუსით, ავტობუსი არ დაიძვრება და არ გადაადგილდება, გამოძახებული იქნება საპატრულო პოლიცია“, – განაცხადა კახა კალაძემ. შეგახსენებთ, ორშაბათიდან, 8 თებერვლიდან საქართველოს მასშტაბით, მათ შორის თბილისში მუნიციპალური ტრანსპორტი ამოქმედდება. თბილისში ავტობუსები, მიკროავტობუსები და მეტრო მგზავრებს კომენდანტიის საათის ამოქმედებამდე, 21:00 საათამდე მოემსახურება. შაბათ-კვირას, საზოგადოებრივი ტრანსპორტი არ იმუშავებს. სავალდებულოა პირბადის გამოყენება.
ლიეტუვის საგარეო საქმეთა მინისტრი საქართველოსთვის ვაქცინის ხელმისაწვდომობის აუცილებლობაზე მიუთითებს
ლიეტუვის საგარეო საქმეთა მინისტრმა „აღმოსავლეთ პარტნიორობის“ ქვეყნებისთვის, მათ შორის საქართველოსთვის ვაქცინის ხელმისაწვდომობის აუცილებლობაზე ისაუბრა. გაბრიელიუს ლანდსბერგისმა, ლიეტუვურ რადიოსთან მიცემულ ინტერვიუში განაცხადა, რომ ვაქცინაცია გეოპოლიტიკურ გამოწვევას წარმოადგენს და კიდევ ერთხელ გაუსვა ხაზი ვაქცინის „აღმოსავლეთ პარტნიორობის“ ქვეყნებისთვის, მათ შორის, საქართველოსთვის ხელმისაწვდომობის აუცილებლობას. აღნიშნული კომენტარი ლიეტუვის საგარეო უწყების ხელმძღვანელმა აღმოსავლეთ უკრაინაში მოსახლეობის რუსული ვაქცინით აცრების დაწყებასთან დაკავშირებით გააკეთა. გაბრიელიუს ლანდსბერგის განმარტებით, ჯერჯერობით, თავად ევროპას არ გადაულახავს ვაქცინაციასთან დაკავშირებული სიძნელეები. მისივე თქმით, მას შემდეგ რაც ევროპა ვაქცინების საჭირო რაოდენობას მიიღებს, მნიშვნელოვანია, ევროპამ იზრუნოს სხვა სახელმწიფოების დახმარებაზე.
კანადამ ულტრამემარჯვენე ჯგუფი Proud Boys-ი ტერორისტულ ორგანიზაციათა სიაში შეიყვანა
კანადამ ულტრამემარჯვენე და ნეონაცისტური დაჯგუფება - Proud Boys-ი ტერორისტულ ორგანიზაციათა სიაში დაამატა. ინფორმაციას CNN-ი ავრცელებს. საჯარო უსაფრთხოების მინისტრის, ბილ ბლეირის თქმით, ისინი დაჯდგუფებას 2018 წლიდან აკვირდებიან. „ესკალაციის ნიშნებს ვხედავთ, ძირითადად ძალადობის მიმართულებით, ჩვენ დაჯგუფებას 2018 წლიდან ვაკვირდებით. კაპიტოლიუმზე შტურმის შემდეგ რამდენიმე ულტრამემარჯვენე ჯგუფში, მათ შორის Proud Boys-ს მხრიდან ძალადობისკენ მოწოდებები გახშირდა“, - აღნიშნავს ბლერი. რამდენიმე კანადელი აქტივისტივს თანახმად, Proud Boys-ის ტერორისტულ ორგანიზაციათა სიაში დამატება, ზოგადად ტერორიზმის ცნებას უფრო გააფართოებს, რაც მათი თქმით, გამოხვეტის თავისუფლებასა და თავისუფალ პროტესტს საფრთხეს შეუქმნის. Proud Boys-ი 2016 წელს შეიქმნა, მათ წევრებს ხშირად აკრიტიკებენ ძალადობის წახალისებისთვის, თუმცა ულტრამემარჯვენე ჯგუფის თქმით, ისინი ძალადობას მხოლოდ თავის დასაცავად იყენენებ. მათი ლიდერის, ჰენრი ტარიოს შესახებ მედიაში ასევე გავრცელდა ინფორმაცია, რომ ის წარსულში FBI-ის ინფორმატორი იყო, ტარიო აღნიშნულ ინფორმაციას ადასტურეს. კანადის ტერისტულ ორგანიზაციათა სიაში 13 დაჯგუფებაა, მათ შორის ისლამური სახელმწიფოცაა.
ივნისის მოვლენების დროს დაზარალებული მაკო გომურის განცხადება და ჯანდაცვის მინისტრის მოადგილის პასუხი
„თუ დღეს მას /მაკო გომურს/ მკურნალობა სჭირდება, ესეც ასევე სრულად იქნება დაფარული სახელმწიფოს მიერ", - ასე გამოეხმაურა ჯანდაცვის მინისტრის მოადგილე, თამარ გაბუნია მაკო გომურის განცხადებას, სადაც აღნიშნავს რომ მას თვალის პროთეზი გაუტყდა და უწევს პირველი პროთეზის გამოყენება, რომლის ტარება მტკივნეული და ჯანმრთელობისთვის საზიანოა. გაბუნიას თქმით, ჯანდაცვის სამინისტროსა და საგანგებო მდგომარეობების მართვის სამსახურში სრული მზაობა და მობილიზაციაა იმისთვის, რათა მაკო გომურმა მისთვის საჭირო ყველა სერვისი და დახმარება მიიღოს. „ცალსახად შემიძლია განვაცხადო, რომ ჯანდაცვის სამინისტროსთვის აქამდე მნიშვნელოვანი იყო მაკო გომურის ჯანმრთელობის მდგომარეობა, ის სერვისი, რომელიც მან მიიღო უცხოეთში და საქართველოში, სრულად დაფინანსდა სამინისტროს სახსრებით. თუ დღეს მას მკურნალობა სჭირდება, ესეც ასევე სრულად იქნება დაფარული სახელმწიფოს მიერ. საგანგებო მდგომარეობების მართვის სამსახურის ახალი ხელმძღვანელი იქნება აუცილებლად მასთან კომუნიკაციაში, ისევე როგორც ამ კომუნიკაციისთვის მზად არის მინისტრი, მზად ვარ მე და ასევე ყველა ის თანამშრომელი, ვინც შესაძლოა ჩაერთოს მისი ჯანმრთელობის მოგვარების საკითხში. აქამდე რა კომუნიკაციის ხარვეზებზეა საუბარი, ამას უწყება შეისწავლის, მაგრამ ამ მომენტისთვის არანაირ შეფერხებას ჩვენ არ მოველით და ის, რომ პასუხისმგებლობა სახელმწიფოს მხარეს არის მისი ჯანმრთელობის მდგომარეობაზე ზრუნვის როგორც ფინანსურად, ასევე სხვა კუთხით, ეს საკითხი, რა თქმა უნდა, ძალაშია და ბოლომდე მივიყვანთ. მე ვიცი, რომ არის სრული მზაობა და მობილიზაცია როგორც ჯანდაცვის სამინისტროში, ასევე, საგანგებო მდგომარეობების მართვის სამსახურში, რომ ეს საკითხი ამოიწუროს ბოლომდე და ნებისმიერი სერვისი, დახმარება, რაც სჭირდება მაკოს, მიიღოს“, - განაცხადა თამარ გაბუნიამ. 2019 წლის 20-21 ივნისის მოვლენების დროს დაზარალებულმა მაკო გომურმა სოციალურ ქსელში 3 თებერვალს დაწერა, რომ 3 კვირის წინ გაუტყდა თვალის პროთეზი და უწევს პირველი პროთეზის გამოყენება, რომლის ტარება მტკივნეული და ჯანმრთელობისთვის საზიანოა. ის აღნიშნავს, რომ ბუნდოვანია უცხოეთში მისი მკურნალობის გაგრძელების საკითხიც.
