პოლიტიკა
ამერიკელი სენატორები საქართველოს ოპოზიციონერ დეპუტატებს მოუწოდებენ, პარლამენტში საკუთარი ადგილები დროულად დაიკავონ
ამერიკის შეერთებული შტატების სენატორები ჯინ შაჰინი, რონ ჯონსონი და ჯიმ რიში „ქართულ ოცნებას“, „ნაციონალურ მოძრაობას“ და საქართველოს პარლამენტში არჩეულ სხვა პარტიებს მოუწოდებენ, სრულად განახორციელონ ევროპული საბჭოს პრეზიდენტის მიერ 2021 წლის 18 აპრილს შეთავაზებული და 19 აპრილს ხელმოწერილი კომპრომისი. სენატორები პარლამენტის არჩეულ წევრებს მოუწოდებენ, დაიკავონ ადგილები პარლამენტში და დაუყოვნებლივ დაიწყონ მუშაობა საქართველოს წინაშე არსებულ გამოწვევებზე, მათ შორის პანდემიის შედეგებზე, დასუსტებულ ეკონომიკასა და რეგიონალურ გამოწვევებზე. „მოვუწოდებთ საქართველოს მთავრობას: განახორციელოს სისტემური რეფორმები, რომელთა შემუშავებაც მხარეებთან ინკლუზიური და გამჭვირვალე კონსუულტაციების პროცესის საშუალებით მოხდა, რათა უზრუნველყონ, რომ მართლმსაჯულების სისტემა მიუკერძოებელი და დამოუკიდებელია და პოლიტიკური ან პოლიტიკური მიზნებისთვის არ გამოიყენება. დაიწყოს ინკლუზიურად და გამჭვირვალედ შემუშავებული სისტემური საარჩევნო რეფორმები, რათა აღმოფხვრას პოლიტიკური ჩიხის ძირითადი მიზეზები და თავიდან აირიდოს ასეთი კრიზისის გამეორება. მათ შორის სრულად მიიღოს და განახორციელოს ეუთო/ოდირის რეკომენდაციები. პოლიტიკური ვითარება საქართველოში კიდევ უფრო გამწვავდა რუსეთის ფედერაციის ძალისხმევით, დაეთესა ქაოსი ქვეყანაში, მათ შორის უკანონოდ ოკუპირებულ ტერიტორიებზე – აფხაზეთსა და სამხრეთ ოსეთში. საქართველოს დემოკრატიული ინსტიტუტების გაძლიერების გზაზე დაბრკოლებები და პროცესები ანელებს საქართველოს პროგრესს ევროატლანტიკური ინტეგრაციისკენ მისწრაფებასა და მისი ეკონომიკის გაძლიერებაში. ამას შესაძლოა, შედეგად მოჰყვეს საქართველოსთვის აშშ-ის მიერ დახმარების გამოყოფაზე პირობების დაწესება“, – ნათქვამია სენატორების განცხადებაში. სენატორები ხაზს უსვამენ, რომ აშშ მხარს უჭერს უფრო ძლიერ დემოკრატიას საქართველოში და ქართველი ხალხის ევროატლანტიკურ მისწრაფებას.
ოპოზიცია არასამთავრობო ორგანიზაციებთან ერთად, შარლ მიშელის დოკუმენტის პუნქტებზე მსჯელობს
თბილისში, სასტუმრო „რუმსში“ ოპოზიციური პარტიების წარმომადგენელები არასამთავრობო ორგანიზაციებთან, შარლ მიშელის დოკუმენტს განიხილავენ. შეხვედრას, მხოლოდ შეთანხმების დოკუმენტზე ხელმომწერი პარტიების წარმომადგენლები ესწრებიან, არასამთავრობო ორგანიზაციებიდან კი , „საერთაშორისო გამჭვირვალობა – საქართველოს“, „საიას“, „ფონდი - ღია საზოგადოებას“ წარმომადგენლები როგორც შეხვედრის დაწყებამდე „სტრატეგია აღმაშენებლის“ ლიდერმა, გიორგი ვაშაძემ განაცხადა, მხარეებმა უნდა განიხილონ, როგორ უნდა მოხდეს შეთანხმებით გათვალისწინებული საკითხების შესრულება. მისი თქმით, ერთ-ერთი მთავარი მიმართულება ამნისტიის კანონპროექტია, რომელიც პარლამენტში სამშაბათს უნდა დარეგისტრირდეს. ამნისტიის კანონპროექტთან დაკავშირებით დღესვე შეხვედრას მართავს საპარლამენტო უმრავლესობა, რომელცი "ქართული ოცნების" ოფისში შეიკრიბება. „ეს კომპლექსური დოკუმენტია, რომელსაც ხელი მოვაწერეთ და სამოქალაქო სექტორს აქვს ძალიან დიდი როლი ამ დოკუმენტის ხელმოწერაში. განსაკუთრებით, შემიძლია, აღვნიშნო სასამართლოს რეფორმის მიმართულება, მართლმსაჯულება, ასევე საარჩევნო რეფორმა, ასევე სხვა საკითხები, რომელიც აქ არის და ყველა ამ თემაზე მათთან ერთად ვიმუშავებთ, რადგან ემოციურ საუბრებს სჯობს, გადავიდეთ საქმის კეთებაზე და ამ ყველაფრის იმპლემენტაცია უნდა და დიდი იმედი მაქვს, რომ სამოქალაქო სექტორი ჩართული იქნება აქტიურად და მათთან ერთად ძალიან ბევრ რამეს გავაკეთებთ. ამნისტიაზეც ვიმსჯელებთ. ჩემი პოზიცია მგონი ყველასთვის ნათელია, რომ პატიმრობაში მყოფ ნიკა მელიაზე პასუხისმგებლობის გადაკისრება ამნისტიასთან დაკავშირებით არ არის მართებული და ვემიჯნები ამას, მე, როგორც ამ დოკუმენტზე ერთ-ერთი ხელისმომწერი, ვიღებ პასუხისმგებლობას ამნისტიის კანონთან დაკავშირებით. ვაპირებთ, რომ მივიღოთ ამნისტიის კანონი, რათა ნიკა მელია გათავისუფლდეს და პროტესტში მონაწილე ყველა ადამიანი გათავისუფლდეს სისხლის სამართლის პასუხისმგებლობისგან.რაც შეეხება კონკრეტულ დეტალებს, ყველას ვთხოვ, ემოციები დავიწყნაროთ. სულ რაღაც ორ დღეში იქნება პირველადი დოკუმენტი ამნისტიის კანონის, ყველაზე გვიან სამშაბათს უნდა დარეგისტრირდეს ჩვენი შეთანხმებული განრიგის მიხედვით და ყველა ნახავს, რომ საკმაოდ ნორმალური შეთანხმებაა ამნისტიის მიმართულებით“, – განაცხადა გიორგი ვაშაძემ. შეგახსენებთ, რომ 20 ივნისის საქმეში ბრალდებულთა ამნისტიის საკითხი, მათ შორის "ნაციონალური მოძრაობის" თავმჯდომარის ნიკა მელიას საქმე, შარლ მიშელის დოკუმენტში, ერთ-ერთ პუნქტად არის ასახული. "ნაციონალური მოძრაობა" ნიკა მელიას გირაოთი და ამნისტიით გათავისუფლების გეგმას აპროტესტებს და მის უპირობოდ გათავისუფლებას მოითხოვს. მათი თქმით, სანამ მელიას უპირობოდ, პროკურატურის შუამდგომობით არ გაათავისუფლებენ, შარლ მიშელის დოკუმენტს ხელს არ მოაწერენ.
თორნიკე შარაშენიძე: ის რომ დასავლეთი უკრაინას უფრო ხშირად ახსენებს, ვიდრე საქართველოს, ბევრს არაფერს ცვლის
საერთაშორისო ურთიერთობების საკითხების სპეციალისტის თორნიკე შარაშენიძის განცხადებით, ის ფაქტი, რომ ბოლო პერიოდში, ამერიკელი და ევროპელი ლიდერები ევროატლანტიკური ინტეგრაციის პროცესში, უკრაინას უფრო ხშირად ახსენებდნენ, ვიდრე საქართველოს, რეალურად ბევრს არაფერს ცვლის. როგორც Europetime-თან საუბარში შარაშენიძე განმარტავს, უკრაინაზე უფრო მეტი აქცენტი კეთდება იმიტომ, რომ ახლა უკრაინა ბევრად მძიმე სიტუაციაშია, ვიდრე საქართველო, რადგან იქ, რუსეთთან ომი გრძელდება. „დავიწყოთ იქიდან, რომ რაც არ უნდა ხშირად ახსენონ უკრაინა, ამ ეტაპზე, ის ვერც NATO-ში გაწევრიანდება და ვერც ევროკავშირში. ვიდრე უკრაინას ტერიტორიები წართმეული აქვს, სრულიად გაუგებარია, როგორ უნდა შევიდეს NATO-ში. ეს საუბარი, ცარიელი წყალია და მეტი არაფერი. ამიტომ, ამერიკელი და ევროპელი ლიდერების მხრიდან უკრაინის მეტად ხსენება, ვიდრე საქართველოსი, რეალურად არაფერს ცვლის. უკრაინაზე უფრო მეტი აქცენტი კეთდება იმიტომ, რომ ახლა უკრაინა ბევრად მძიმე სიტუაციაშია, ვიდრე საქართველო. იქ ომი გრძელდება. რაც შეეხება ევროკავშირს, უკრაინა საქართველოზე მდიდარი კი არის, მაგრამ გაცილებით კორუმპირებული ქვეყანაა, ვიდრე საქართველო. კი, საქართველოს პოლიტიკური კრიზისი ჰქონდა, თუმცა ბევრი წვალების მიუხედავად, ამ კრიზისიდან გამოსვლა მაინც შეძლო, ამიტომ, მე ამ სკეპტიციზმს არ ვიზიარებ. მაგრამ, ჩვენდა სამწუხაროდ, ევროკავშირში ინტეგრაცია ასე მარტივად არ ხდება. ევროკავშირის ეკონომიკურ სტანდარტებს ძალიან ჩამოვრჩებით. უახლოეს წლებში, დიდი ეკონომიკური ცვლილებები მოსალოდნელი არ არის, მით უმეტეს, პანდემია კიდევ უფრო მეტად ართულებს ეკონომიკური ზრდის პროცესს“, - განუცხადა Europetime-ს თორნიკე შარაშენიძე. შეგახსენებთ, რომ ბოლო კვირებში, უკრაინის პრეზიდენტმა ვოლოდიმირ ზელენსკიმ არაერთხელ მიმართა NATO-ს და ალიანსის წევრ ქვეყნებს უკრაინის NATO-ში გაწერვიანების დაჩქარების მოთხოვნით. ზელენსკის განცხადებით, უკრაინას აქვს დასავლეთის მხარადაჭერა რუსეთთან დაპირისპირებაში, მაგრამ ეს საკმარისი არ არის. თუ დასავლეთს ნამდვილად სურს უკრაინის დაცვა რუსეთისგან, მაშინ დაჩქარებული წესით უნდა მისცენ მათ MAP-ი. თორნიკე შარაშენიძე: ამ შეთანხმების შემდეგ, ქვეყანას უკვე აქვს შესაძლებლობა, საგარეო პოლიტიკურ საფრთხეებზე გადაერთოს ვალერი ჩეჩელაშვილი: ახლა, უკრაინასთან ურთიერთობის დინამიური განვითარება უნდა იყოს, ჩვენი საკვანძო, საგარეო პოლიტიკური პრიორიტეტი
20 ივნისის ამნისტიის კანონზე უმრავლესობა დღეს "ქართული ოცნების" ოფისში იმსჯელებს
დღეს, 14:00 საათზე, „ქართული ოცნება - დემოკრატიული საქართველოს“ ცენტრალურ ოფისში საპარლამენტო უმრავლესობის სხდომა გაიმართება. უმრავლესობის სხდომაზე დეპუტატები სავარაუდოდ, მიმდინარე პოლიტიკურ პროცესებსა და 20 ივნისის საქმის ბრალდებულთა ამნისტიის შესახებ კანონის დაინიცირების პროცესზე იმსჯელებენ. პარლამენტში კანონპროექტის დაინიცირება, 27 აპრილისთვის იგეგმება. შეგახსენებთ, რომ 20 ივნისის საქმეში ბრალდებულთა ამნისტიის საკითხი, მათ შორის "ნაციონალური მოძრაობის" თავმჯდომარის ნიკა მელიას საქმე, შარლ მიშელის დოკუმენტში, ერთ-ერთ პუნქტად არის ასახული. "ნაციონალური მოძრაობა" ნიკა მელიას გირაოთი და ამნისტიით გათავისუფლების გეგმას აპროტესტებს და მის უპირობოდ გათავისუფლებას მოითხოვს. მათი თქმით, სანამ მელიას უპირობოდ, პროკურატურის შუამდგომობით არ გაათავისუფლებენ, შარლ მიშელის დოკუმენტს ხელს არ მოაწერენ.
ვიოლა ფონ კრამონი: სალომე სამადაშვილი იმსახურებს მხარდაჭერას ყველასგან, ვისაც სურს დაძლიოს საქართველოში არსებული პოლიტიკური კრიზისი
"მსურს გამოვხატო პატივისცემა სალომე სამადაშვილის მიმართ, რომ მან გამოიჩინა გამბედაობა ხელი მოეწერა დოკუმენტზე თავისი ყოფილი პარტიის მხარდაჭერის გარეშე", - ამის შესახებ ევროპარლამენტარი ვოლა ფონ კრამონი twitter-ზე წერს. "სამადაშვილი იმსახურებს მხარდაჭერას ყველასგან, ვისაც სურს დაძლიოს საქართველოში არსებული პოლიტიკური კრიზისი და საბოლოოდ დააბრუნოს ქვეყანა კონსტრუქციულ და ევროატლანტიკურ გზაზე. დიდი მადლობა ამ პოლიტიკოსებს," - წერს ევროპარლამენტარი. შეგახსენებთ, რომ სალომე სამადაშვილმა შარლ მიშელის დოკუმენტზე ხელი, ინდივიდუალურად მოაწერა, რის გამოც ის "ნაციონალური მოძრაობის" და მათი მხარდამჭერების კრიტიკის ობიექტი გახდა. აღნიშნული თავდასხმების შემდეგ სამადაშვილმა განაცხადა რომ ის "ნაციონალური მოძრაობის" დატოვებას გეგმავს. თუმცა ჯერ აპირებს პარტიის თავმჯდომარეს, ნიკა მელიას დაელაპარაკოს. "ნაციონალური მოძრაობა" ნიკა მელიას გირაოთი და ამნისტიით გათავისუფლების გეგმას აპროტესტებს და მის უპირობოდ გათავისუფლებას მოითხოვს. მათი თქმით, სანამ მელიას უპირობოდ, პროკურატურის შუამდგომობით არ გაათავისუფლებენ, შარლ მიშელის დოკუმენტს ხელს არ მოაწერენ.
ცესკო-მ პარტია "გირჩის" საარჩევნო სია ჩახსნა
პარტია "გირჩის" საარჩევნო სია ჩაიხსნა. განკარგულება ცესკოს თავმჯდომარემ, თამარ ჟვანიამ გამოსცა. დოკუმენტის მიხედვით, საარჩევნო რეგისტრაცია გაუქმდა და სია ჩაიხსნა პარლამენტის წევრობის კანდიდატების მე-8 ნომრიდან, 129-ის ჩათვლით. გირჩის" სიაში დარჩნენ ალექსანდრე რაქვიაშვილი, ჰერმან საბო და ლევან ჯგერენაია. შეგახსენებთ, პარტიული სიის ჩახსნის შესახებ "გირჩის" გადაწყვეტილება ალექსანდრე რაქვიაშვილისთვის სადეპუტატო მანდატის მინიჭებას უკავშირდება. პარლამენტის წევრობაზე უარს ამბობს "გირჩის" სიით პარლამენტში შესული ქალი დეპუტატი - სალომე მუჯირი, რომლის ადგილსაც სწორედ რაქვიაშვილი დაიკავებს. შეგახსენებთ, რომ 2020 წლის საპარლამენტო არჩევნებზე "გირჩმა" 4 მანდატი მოიპოვა. აქედდან ერთ-ერთი მანდატი ეკუთვნის პარტიის ყოფილ ლიდერს, ზურაბ ჯაფარიძეს.
ვარლამ გოლეთიანი მთავრობის გადაწყვეტილებას პასუხობს: 23 მაისს დედაქალაქში აუღებელ აქციებს დავიწყებთ
" 23 მაისს, დედაქალაქში აუღებელ აქციებს დავიწყებთ", - ამის შესახებ „ნამახვანჰესის“ საწინააღმდეგო აქციის ერთ-ერთმა ორგანიზატორმა, ვარლამ გოლეთიანმა ჟურნალისტებს მას შემდეგ განუცხადა, რაც მთავრობამ ჰესის მშენებლობასთან დაკავირებით მიღებული გადაწყვეტილბები გამოაქვეყნა. მისი თქმით, ნამდვილად არ სიამოვნებთ ფართომასშტაბიანი აქციების გზა, თუმცაღა ხელისუფლება ცდილობს, რომ ეს ვექტორი სხვაგან წავიდეს. მისი თქმით, დღეს 16:00 საათისთვის სხვადასხვა ქალაქში აქციები იგეგმება , ფართომასშტაბიანი აქცია კი, დედაქალაქში 23 მაისს გაიმართება. "გვერჩივნა დიალოგის ფორმატში გადაგვეწყვიტა ეს საკითხები, თუმცაღა ხელისუფლება ცდილობს, საკითხებში შინააარსობრივად არ შევიდეთ და მართლა შინაარსობრივი საუბრები არ გაიმართოს ჩვენ შორის“, – აღნიშნა ვარლამ გოლეთიანმა. აქციის მონაწილეთა თქმით, მთავრობის განცხადება მიუთითებს რომ ჰესი აშენდება, რაც პროტესტის ხელოვნური დეესკალაციაა და მათ მოთხოვნებს არ აკმაყოფილებს. "ის განცხადება, რომელიც დღეს ნამახვანჰესთან დაკავშირებით მთავრობამ გამოაქვეყნა, არის ჩვენი მოთხოვნების პირდაპირი დაუკმაყოფილებლობა.ეს მიუთითებს იმს, რომ ხელისუფლება იმ პოზიციაზე დგას, რომ ჰესი აშენდება. ისინი ცდილობენ მოხდეს პროტესტის დეესკლაცია ხელოვნურად. მათ ანგარიში უნდა გაუწიონ ხალხს და ისაუბრონ პროტესტის აქტორებთან.ხელისუფლების მხრიდან არის მცდელობები, რომ "გააპრავონ" ხარვეზები, რომელიც ნამახვანის ხელშეკრულების სახით ვიხილეთ. ამ განცხადებით აღიარებენ, რომ ხელშეკრულება ეროვნული ინტერესების დარღვევით გაფორმდა,"- განაცხადა რიონის ხეობის ერთ-ერთმა მცველმა მირზა ნოზაძემ. „ნამახვანჰესის“ მშენებლობასთან დაკავშირებით დღეს მთავრობამ რამდენიმე გადაწყვეტილება მიიღო. მთავრობა "ნამახვანჰესის" მშენებლობაზე 9-12 თვიან მორატორიუმს აცხადებს და "ენკასთან" დადებული ხელშეკრულების გადახედვას გეგმავს. ამასთან, ნამახვანჰესის გარემოზე ზემოქმედების საკითხს, ევროკავშირის წარმომადგენელი და საერთაშორისო ექსპერტი შეისწავლის. ჰესის მიმდებარე ტერიტორიაზე პოლიცია დამატებით ბარიერებს ხსნის და აქციის მონაწილეებს კარვების გაშლის უფლებას აძლევს
ნამახვანჰესის გარემოზე ზემოქმედების საკითხს, ევროკავშირის წარმომადგენელი და საერთაშორისო ექსპერტი შეისწავლის
ნამახვანჰესის გარემოზე ზემოქმედების საკითხს ევროკავშირის წარმომადგენელი და საერთაშორისო ექსპერტი შეისწავლის. ამის შესახებ მთავრობის ადმინისტრაციის განცხადებაშია აღნიშნული. მთავრობამ ნამახვანჰესთან დაკავშირებით რამდენიმე გადაწყვეტილება მიიღო. მათ შორის, პროექტზე კაშხლის მშენებლობაზე გამოცხადდა მორატორიუმი 9-12 თვის ვადით. ასევე პრემიერ-მინისტრის დავალებით, კომპანია "ენკასთან" დადებული ხელშეკრულების შესწავლა დაევალა იუსტიციის სამინისტროს. ამასთანავე, იუსტიციის სამინისტრო იქირავებს საერთაშორისო იურიდიულ კომპანიას, რომელიც შეისწავლის კონტრაქტის პირობების საერთაშორისო პრაქტიკასთან შესაბამისობას. მთავრობა ასევე გააგრძელებს ხელშეკრულების პირობების დაზუსტებას კომპანია "ენკასთან", პროექტის სრულყოფის მიზნით კი, უახლოეს მომავალში, მთავრობა კომპანიის ხელმძღვანელობასთან შეხვედრებს გამართავს. საქართველოს მთავრობის განცხადების თანახმად, "ნამახვანჰესის" მიმდებარე ტერიტორიაზე პოლიცია მოხსნის დამატებით ბარიერებს და შეამცირებს ადგილზე მყოფი სამართალდამცველების რაოდენობას. კომპანია ამ ეტაპზე გააგრძელებს მხოლოდ პროექტის პირველი ეტაპის მოსამზადებელ სამუშაოებს ინფრასტრუქტურის მიმართულებით, მოქმედი სამშენებლო ნებართვის ფარგლებში. საქართველოს მთავრობა საპროტესტო აქციის მონაწილეებს და ყველა დაინტერესებულ პირს უდასტურებს მზაობას, პროცესი გაგრძელდეს დიალოგის ფორმატში. ასევე მათ, პოლიციასთან კოორდინაციით, კანონის ფარგლებში პროტესტის თავისუფლად გამოხატვისთვის, აქციის გასამართად და კარვის გასაშლელად ადგილის შერჩევის შესაძლებლობა მიეცემათ.
„ნამახვანჰესის“ მიმდებარე ტერიტორიაზე პოლიცია დამატებით ბარიერებს ხსნის და აქციის მონაწილეებს კარვების გაშლის უფლებას აძლევს
„ნამახვანჰესის“ მიმდებარე ტერიტორიაზე პოლიცია დამატებით ბარიერებს ხსნის და ადგილზე მყოფი სამართალდამცველების რაოდენობას ამცირებს. ამის შესახებ, მთავრობის ადმინისტრაციის განცხადებაშია აღნიშნული. "ტერიტორიაზე დარჩება პოლიციელთა მხოლოდ ის რაოდენობა, რომელიც საჭირო იქნება ადგილზე არსებული უსაფრთხოების ვითარებიდან გამომდინარე. საპროტესტო აქციის მონაწილეებს, პოლიციასთან კოორდინაციით, კანონის ფარგლებში პროტესტის თავისუფლად გამოხატვისთვის, აქციის გასამართად და კარვის გასაშლელად ადგილის შერჩევის შესაძლებლობა მიეცემათ“, – აღნიშნულია მთავრობის ადმინისტრაციის განცხადებაში", - აღნიშნულია განცხადებაშია. ბოლო რამდენიმე თვის განმოვლობაში "ნამახვანჰესის: მშენებლობის მოწინააღდეგეები და ხეობის დამცეველები პერმანენტულ აქციებს მართავდნენ. აქციის მონაწილეებსა და სამართალდამცველებს შორის არაერთი დაპირისპირება მოხდა. პოლიცია "რიონის ხეობის მცველებს" ხეობაში კავების გაშლის შესაძლებლობას არ აძლევდა. მთავრობა "ნამახვანჰესის" მშენებლობაზე 9-12 თვიან მორატორიუმს აცხადებს და "ენკასთან" დადებული ხელშეკრულების გადახედვას გეგმავს
მთავრობა "ნამახვანჰესთან" დაკავშირებით მიღებულ გადაწყვეტილებებს აქვეყნებს
მთავრობის ადმინისტრაცია „ნამახვანჰესის“ მშენებლობის ირგვლივ მიმდინარე პროცესებთან დაკავშირებით მიღებულ გადაწყვეტილებებს აქვეყნებს. როგორც მთავრობის ადმინისტრაციის განცხადებაშია აღნიშნული, პრემიერ-მინისტრის დავალებით, კომპანია „ენკასთან“ დადებული ხელშეკრულების შესწავლა დაევალა იუსტიციის სამინისტროს. ამასთანავე, იუსტიციის სამინისტრო იქირავებს საერთაშორისო იურიდიულ კომპანიას, რომელიც შეისწავლის კონტრაქტის პირობების საერთაშორისო პრაქტიკასთან შესაბამისობას. ამასთან, საქართველოს მთავრობის მოწვევით, არასამთავრობო სექტორთან მედიაციის პროცესში ჩაერთვება ევროკავშირის ენერგეტიკული გაერთიანების სრულუფლებიანი წარმომადგენელი. საერთაშორისო ექსპერტი „ნამახვანჰესის“ გარემოზე ზემოქმედების ეფექტის შესწავლის მიმართულებით იმუშავებს. განცხადების თანახმად, საქართველოს მთავრობა გააგრძელებს ხელშეკრულების პირობების დაზუსტებას კომპანია „ენკასთან“. პროექტის სრულყოფის მიზნით, უახლოეს მომავალში, მთავრობა კომპანიის ხელმძღვანელობასთან შეხვედრებს გამართავს. მთავრობის ადმინისტრაციაში აცხადებენ, რომ კაშხლის მშენებლობაზე გამოცხადდა მორატორიუმი 9-12 თვის ვადით, ვიდრე არ მოხდება გარემოსდაცვითი, გეოლოგიური და სეისმოლოგიური კვლევების რევიზია და ხელახალი დასაბუთება. „კომპანია ამ ეტაპზე გააგრძელებს მხოლოდ პროექტის პირველი ეტაპის მოსამზადებელ სამუშაოებს ინფრასტრუქტურის მიმართულებით, მოქმედი სამშენებლო ნებართვის ფარგლებში. საქართველოს მთავრობა საპროტესტო აქციის მონაწილეებს და ყველა დაინტერესებულ პირს უდასტურებს მზაობას, პროცესი გაგრძელდეს დიალოგის ფორმატში, რომლის ფარგლებშიც მოხდება ხელშეკრულების თითოეული პუნქტის პირობების განხილვა, იმისთვის, რომ არც ერთი პასუხგაუცემელი კითხვა არ დარჩეს. ასევე, „ნამახვანჰესის“ მიმდებარე ტერიტორიაზე პოლიცია მოხსნის დამატებით ბარიერებს და შეამცირებს ადგილზე მყოფი სამართალდამცველების რაოდენობას. ტერიტორიაზე დარჩება პოლიციელთა მხოლოდ ის რაოდენობა, რომელიც საჭირო იქნება ადგილზე არსებული უსაფრთხოების ვითარებიდან გამომდინარე. საპროტესტო აქციის მონაწილეებს, პოლიციასთან კოორდინაციით, კანონის ფარგლებში პროტესტის თავისუფლად გამოხატვისთვის, აქციის გასამართად და კარვის გასაშლელად ადგილის შერჩევის შესაძლებლობა მიეცემათ“, – აღნიშნულია მთავრობის ადმინისტრაციის განცხადებაში.
Bloomberg: ხვალ ჯო ბაიდენი სომეხთა გენოციდს ოფიციალურად აღიარებს
Bloomberg-ის ინფორმაციით, ამერიკის შეერთებული შტატების პრეზიდენტი ჯო ბაიდენი ხვალ, 24 აპრილს ოფიციალურად აღიარებს სომეხთა გენოციდს. როგორც გამოცემა წერს, აღნიშნულის შესახებ გადაწყვეტილება რამდენიმე წუთის წინ გახდა ცნობილი. Bloomberg-ი წერს, რომ აღნიშნულ საკითხთან დაკავშირებით უკვე სატელეფონო კომუნიკაცია შედგა თეთრი სახლის ლიდერსა და თურქეთის პრეზიდენტს რეჯეფ თაიფ ერდოღანს შორის. როგორც ცნობილია, ბაიდენმა ერდოღანს მისი გადაწყვეტილების შესახებ უკვე აცნობა. აღსანიშნავია, რომ ბაიდენი იქნება აშშ-ს პირველი პრეზიდენტი 40 წლის განმავლობაში, ვინც საჯაროდ აღიარებს 1915 წლის მასობრივ მკვლელობებს გენოციდად. აღსანიშნავია, რომ აშშ-ის სენატმა სომეხთა გენოციდის აღიარების შესახებ რეზოლუცია 2019 წლის დეკემბერში მიიღო. გასულ თვეს, ორმოცამდე ამერიკელმა სენატორმა კი, მათ შორის სენატის საგარეო ურთიერთობათა კომიტეტის თავმჯდომარემ ჯო ბაიდენს ოსმალეთის იმპერიის მიერ სომეხთა გენოციდის აღიარებისკენ მოუწოდა. სენატორების განცხადებაში ნათქვამია, რომ 1915-1923 წლებში ოსმალეთის იმპერია სისტემატურად ცდილობდა სომხური მოსახლეობის განადგურებას, რის შედეგადაც 1.5 მილიონი სომეხი მოკლეს, ხოლო ასობით ათასი ადამიანი სამშობლოდან გააძევეს. ამერიკელი კანონმდებლების განცხადებით, „ჯო ბაიდენმა ოფიციალურად უნდა აღიაროს გენოციდი, რათა მკაფიოდ გაჟღერდეს ის, რომ აშშ-ის მთავრობა ამ საშინელ ჭეშმარიტებას აღიარებს“.
სენატორი რიში: ბევრი სამუშაო დარჩენილი იმისთვის, რომ პოლიტიკური ნდობა აღდგეს და საქართველო ძლიერი და წარმატებული იყოს
"ბევრი სამუშაო დარჩენილი იმისთვის, რომ პოლიტიკური ნდობა აღდგეს და საქართველო ძლიერი და წარმატებული იყოს", - ამის შესახებ სენატორმა ჯიმ რიშმა განაცხადა. "საქართველოს მთავრობასა და ოპოზიციური პარტიის ლიდერებს შორის პოლიტიკური შეთანხმების სწრაფი განხორციელება იქნება კიდევ ერთი მნიშვნელოვანი ნაბიჯი პოლიტიკური კრიზისის მოგვარებისკენ, რომელიც ბოლო რამდენიმე თვის განმავლობაში მიმდინარეობს. მე აქამდეც ვთქვი, რომ ამ შეთანხმებას შეუძლია საქართველო ევრო-ატლანტიკურ ტრაექტორიაზე დააბრუნოს და ორივე მხარე უნდა შევაქოთ მათი ლიდერობისა და გამბედაობისთვის, რადგან ისინი კომპრომისისთვის მუშაობდნენ ყველა ქართველის საკეთილდღეოდ, მაგრამ კიდევ ბევრი სამუშაო დარჩენილი, იმისთვის რომ პოლიტიკური ნდობა აღდგეს და საქართველო ძლიერი და წარმატებული იყოს", - განაცხადა სენატორმა რიშმა. ამერიკელმა სენატორებმა რონ ჯონსონმა, ჯინ შაჰინმა და ჯიმ რიშმა საქართველოს შესახებ რეზოლუცია წარადგინეს, რომელშიც საქართველოში ყველა მხარეს 2021 წლის 19 აპრილს ხელმოწერილი ხელშეკრულების სწრაფი შესრულებისკენ მოუწოდებენ.
სენატორი ჯონსონი: უმნიშვნელოვანესია, რომ ქართველებმა ერთად იმუშაონ საარჩევნო და სასამართლო რეფორმების განსახორციელებლად
"უმნიშვნელოვანესია, რომ ქართველებმა ერთად იმუშაონ საჭირო საარჩევნო და სასამართლო რეფორმების განსახორციელებლად", - ამის შესახებ ამერიკელმა სენატორმა, რონ ჯონსონმა განაცხადა. მისი თქმით, ის მოხარულია, რომ ქართველმა პოლიტიკოსებმა შეთანხმებას მიაღწიეს. "ჩვენ მოხარულები ვართ, რომ ქართველმა პოლიტიკოსებმა შეთანხმებას მიაღწიეს, რომელიც უზრუნველყოფს უფრო მეტ გამჭვირვალობას, ურთიერთშეკავებისა და ბალანისის სისტემასა და პოლიტიკურ ჩართულობას. უმნიშვნელოვანესია, რომ ქართველებმა ერთად იმუშაონ საჭირო საარჩევნო და სასამართლო რეფორმების განსახორციელებლად, რომლებიც უკეთესად ფუნქციონირებადი დემოკრატიის შექმნას შეუწყობს ხელს", - აღნიშნა რონ ჯონსონმა. ამერიკელმა სენატორებმა რონ ჯონსონმა, ჯინ შაჰინმა და ჯიმ რიშმა საქართველოს შესახებ რეზოლუცია წარადგინეს, რომელშიც საქართველოში ყველა მხარეს 2021 წლის 19 აპრილს ხელმოწერილი ხელშეკრულების სწრაფი შესრულებისკენ მოუწოდებენ.
"გირჩის" საარჩევნო სიის წევრებს, 8-დან 129 ნომრის ჩათვლით, რეგისტრაცია გაუუქმდათ
"გირჩის" საარჩევნო სიის წევრებს, რვიდან 129 ნომრის ჩათვლით, რეგისტრაცია გაუუქმდათ. ამის შესახებ განკარგულება ცენტრალური საარჩევნო კომისიის თავმჯდომარემ თამარ ჟვანიამ დღეს გამოსცა. „გაუუქმდეთ საარჩევნო რეგისტრაცია და მოხსნილ იქნან საარჩევნო სუბიექტის "გირჩის" მიერ საქართველოს პარლამენტის 2020 წლის 31 ოქტომბრის არჩევნებისათვის წარმოდგენილი პარტიული სიიდან საქართველოს პარლამენტის წევრობის კანდიდატები, პარტიულ სიაში № 8-დან № 129-ის ჩათვლით, დანართის შესაბამისად. მუხლი 2. ეს განკარგულება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი № 64) მისი მიღებიდან 2 კალენდარული დღის ვადაში. მუხლი 3. ეს განკარგულება ძალაშია ხელმოწერისთანავე“, - აღნიშნულია განკარგულებაში. შესაბამისად, „გირჩის“ საარჩევნო სიაში რჩებიან: იაგო ხვიჩია, ვახტანგ მეგრელიშვილი, სალომე მუჯირი, ალექსანდრე რაქვიაშვილი, ჰერმან საბო, ლევან ჯგერენაია. ამასთან, არსებული ინფორმაციით, პარტიული სიის მეოთხე ნომერი, სალომე მუჯირი უარს ამბობს პარლამენტის წევრობაზე. მას შემდეგ, რაც მუჯირი დატოვებს მანდატს, მის ადგილს ალექსანდრე რაქვიაშვილი დაიკავებს.
სენატორი შაჰინი: მსურს, საქართველოს მივულოცო შეთანხმების მიღწევა, მაგრამ მძიმე სამუშაო ახლა იწყება
მსურს, საქართველოს მივულოცო შეთანხმების მიღწევა, მაგრამ მძიმე სამუშაო ახლა იწყება, - ამის შესახებ ამერიკელმა სენატორმა, ჯინ შაჰინმა განაცხადა. მისი თქმით, ქართველი ხალხი იმსახურებს მთავრობას, რომელიც გადაჭრის ისეთ აქტუალურ საკითხებს, როგორიცაა მძიმე ეკონომიკურ მდგომარეობა და COVID-19-ის პანდემია. "ვამაყობ, რომ შევუერთდი სენატორებს ჯონსონს და რიშს სენატისთვის იმის მოწოდებაში, რომ მხარი დაუჭიროს საქართველოს მიერ ამ კვირაში მიღწეული შეთანხმების სრულყოფილად შესრულებას, რადგან დასრულდეს პოლიტიკური ჩიხი. მინდა საქართველოს მივულოცო ამ შეთანხმების მიღწევა, მაგრამ მძიმე სამუშაო ახლა იწყება. ეს რეზოლუცია ასახავს ჩვენს ერთგულებას საქართველოსა და მისი ტრანსატლანტიკური მისწრაფებების მიმართ, და ასახავს ჩვენს მოლოდინს, რომ საქართველო სრულად შეასრულებს შეთანხმების პირობებს, რომ დემოკრატიამ გაიმარჯვოს. ქართველი ხალხი იმსახურებს მთავრობას, რომელიც გადაჭრის ისეთ აქტუალურ საკითხებს, როგორიცაა მძიმე ეკონომიკურ მდგომარეობა და COVID-19-ის პანდემია. ჩვენ ვიცით, რომ საქართველოს პოლიტიკურ ბედს შორსმიმავალი შედეგები აქვს რეგიონსა და მთელ მსოფლიოში დემოკრატიის მდგომარეობისთვის და მზად ვართ, დავეხმაროთ საქართველოს მთავრობასა და ქართველ ხალხს ძლიერი დემოკრატიის აშენებაში", - განაცხადა სენატორმა შაჰინმა. ამერიკელმა სენატორებმა რონ ჯონსონმა, ჯინ შაჰინმა და ჯიმ რიშმა საქართველოს შესახებ რეზოლუცია წარადგინეს, რომელშიც საქართველოში ყველა მხარეს 2021 წლის 19 აპრილს ხელმოწერილი ხელშეკრულების სწრაფი შესრულებისკენ მოუწოდებენ.
„ლელო”: ევროპარლამენტარების თავდებობით ნიკა მელიას გათავისუფლება არ ეწინააღმდეგება შარლ მიშელის 5-პუნქტიან შეთანხმებას
ევროპარლამენტარების თავდებობით ნიკა მელიას გათავისუფლება არ ეწინააღდმეგება შარლ მიშელის 5 პუნქტიან შეთანხმებას და არც საერთაშორისო კანონით დადგენილ ნორმებს და სრულ შესაბამისობაშია საქართველოს კანონმდებლობასთან. ამის შესახებ განცხადებას პარტია "ლელო საქართველოსთვის" ავრცელებს. მთელი პასუხისმგებლობით ვაცხადებთ, რომ თავდებობის იდეა არ ახდენს შეთანხმების მოდიფიცირებას და სრულ ჰარმონიაშია დოკუმენტის სულისკვეთებასთან. მედიატორების შემოთავაზებულ დოკუმენტში ნათლად წერია: ,,ამნისტიის საშუალებით და / ან ისეთი ზომების მიღებით, რომელიც ანალოგიურ შედეგს გამოიღებს” მეტი სიცხადისთვის, გთავაზობთ ამონარიდს ევროპის საბჭოს პრეზიდენტის შარლ მიშელის ხუთ პუნქტიანი დოკუმენტიდან: ,,ხელისმომწერები ვალდებულებას იღებენ, ამ შეთანხმების ხელმოწერიდან ერთი კვირის ვადაში, რეაგირება მოახდინონ პოლიტიზებულ მართლმსაჯულებად აღქმულ ორ საკითხზე, ამნისტიის საშუალებით და / ან ისეთი ზომების მიღებით, რომელიც ანალოგიურ შედეგს გამოიღებს.” აღნიშნულ ჩანაწერზე დაყრდნობით, ,,ლელომ”, როგორც შეთანხმებაშია ნახსენები, რეაგირება მოახდინა პოლიტიზირებულ მართლმსაჯულებად აღქმულ საკითხზე და მიიღო "ისეთი ზომები" რომელიც ემსახურება არსებული კრიზისის მოგვარებას. კერძოდ : თხოვნით მიმართა ევროპარლამენტარებს მათი თავდებობით ნიკა მელიას გათავისუფლებასთან დაკავშირებით, რაზეც ევროპარლამენტარებმა თანხმობა განაცხადეს. ახლა ჯერი ხელისუფლებაზეა. იმედი გვაქვს ,,ქართული ოცნება” იხელმძღვანელებს ვითარების დეესკალაციის ინტერესებით და გადადგავს შესაბამის ნაბიჯს, რათა რეალურად დაიწყოს კრიზისის განმუხტვის პროცესი", - ნათქვამია განცხადებაში.
სენატორებმა ჯონსონმა, შაჰინმა და რიშმა აშშ-ის სენატში საქართველოს შესახებ რეზოლუცია წარადგინეს
სენატორებმა რონ ჯონსონმა, ჯინ შაჰინმა და ჯიმ რიშმა აშშ-ის სენატში საქართველოს შესახებ რეზოლუცია წარადგინეს, რომელიც საქართველში 2021 წლის 19 აპრილს პოლიტიკურ პარტიებს შორის ხელმოწერილი შეთანხმების სრულად შესრულების მხარდაჭერას გამოხატავს და ყველა პოლიტიკურ მხარეს ხელმოწერილი ხელშეკრულების სწრაფი შესრულებისკენ მოუწოდებს. როგორცსენატორების მიერ გავრცელებულ ინფორმაციაშია აღნიშნული, რეზოლუცია საქართველოში მიმდინარე პოლიტიკური კრიზისის დასრულებას უჭერს მხარს. სენატი „ქართულ ოცნებას“, „ერთიან ნაციონალურ მოძრაობას“ და საქართველოს პარლამენტში არჩეულ სხვა პარტიებს მოუწოდებს, სრულად შეასრულონ ევროსაბჭოს პრეზიდენტის მიშელის მიერ 2021 წლის 18 აპრილს შემოთავაზებული და 2021 წლის 19 აპრილს ხელმოწერილი შეთანხმება. "სენატი პარლამენტის ყველა არჩეულ წევრს მოუწოდებს, დაიკავონ თავიანთი ადგილები პარლამენტში და დაიწყონ მუშაობა შემდგომი შეფერხების გარეშე საქართველოს წინაშე მდგარ გამოწვევებზე, მათ შორის COVID – 19-ის პანდემიის შედეგებზე, დასუსტებულ ეკონომიკასა და რეგიონალური დინამიკის გამოწვევაზე; სენატი მოუწოდებს საქართველოს მთავრობას, გაატაროს სისტემური რეფორმები, რომელიც შემუშავებულია დაინტერესებული მხარეების ჩართულობით და გამჭვირვალე კონსულტაციების გზით, რათა უზრუნველყოს სასამართლო სისტემის მიუკერძოებლობა და დამოუკიდებლობა და ის არ იქნება გამოყენებული პოლიტიკური და პარტიული მიზნებისათვის. სენატი მოუწოდებს საქართველოს მთავრობას დაიწყოს ინკლუზიურად და გამჭვირვალედ შემუშავებული სისტემური საარჩევნო რეფორმები, პოლიტიკური ჩიხის გამომწვევი მიზეზების გადასაჭრელად და კრიზისის განმეორების თავიდან ასაცილებლად. მათ შორის ეუთო / ოდირის რეკომენდაციების სრულად მიღებით და განხორციელებით. სენატი აცნობიერებს, რომ საქართველოში პოლიტიკური ვითარება კიდევ უფრო გამწვავდა რუსეთის ფედერაციის მცდელობებით, ქაოსი დათესოს მთელ საქართველოში, მათ შორის არალეგალურად ოკუპირებული აფხაზეთისა და სამხრეთ ოსეთის ტერიტორიებზე. სენატი გამოხატავს შეშფოთებას, რომ ხელისშემშლელი ფაქტორები ხელს უშლის საქართველოს დემოკრატიული ინსტიტუტებისა და პროცესების განმტკიცებას ევროატლანტიკური ინტეგრაციისკენ სწრაფვისა და მისი ეკონომიკის გაძლიერებისკენ. ამან შეიძლება გამოიწვიოს პირობები, რომ შეერთებული შტატები დაეხმარება საქართველოს", - ნათქვამია რეზოლუციაში. სენატორები ხაზგასმით აღნიშნავენ, რომ შეერთებული შტატები მხარს უჭერს საქართველოში უფრო ძლიერ დემოკრატიას ისეთი მმართველი ინსტიტუტებით, რომლებიც ავლენენ მთლიანობას, ურთიერთშეკავებისა და ურთიერთგაწონასწორების სისტემას, გამჭვირვალობას, რუსული და სხვა მავნე გავლენის წინააღმდეგ ბრძოლის შესაძლებლობას და ქართველ ხალხს ევროატლანტიკური მისწრაფებების მიღწევის შესაძლებლობას აჩვენებს. რეზოლუციის თანაავტორები არიან სენატის ევროპის ქვეკომიტეტის თავმჯდომარე ჯინ შაჰინი და სენატის საგარეო ურთიერთობათა კომიტეტის თავმჯდომარე ჯიმ რიში. ამერიკელმა სენატორებმა კონგრესის ზედა პალატაში რეზოლუცია 22 აპრილს წარადგინეს.
ნიკა მელიამ კოვიდტესტირებაზე უარი განაცხადა
"ერთიანი ნაციონალური მოძრაობის" თავმჯდომარემ ნიკა მელიამ კოვიდტესტირებაზე უარი განაცხადა. ამის შესახებ ინფორმაციას სპეციალური პენინიტენციური სამსახური ავრცელებს. "მიმდინარე წლის 23 აპრილს ადვოკატმა ბექა ბასილაიამ სოციალური ქსელის საშუალებით გაავრცელა ინფორმაცია, რომ მას კორონავირუსი დაუდასტურდა. ადვოკატს მისი საქმიანობიდან გამომდინარე შეხება ჰქონდა ბრალდებულ ნ.მ-თან. აღნიშნულთან დაკავშირებით სპეციალური პენიტენციური სამსახური განმარტავს, რომ ადვოკატი ბექა ბასილაია, მისი დაცვის ქვეშ მყოფ ბრალდებულ ნ.მ-ს პენიტენციურ დაწესებულებაში 2021 წლის 19 აპრილს შეხვდა. ბრალდებულსა და ადვოკატს შორის შეხვედრა მინის ბარიერის მიღმა, კოვიდრეგულაციების წესების სრული დაცვით განხორციელდა. შესაბამისად, მისი ვირუსით დაინფიცირების ალბათობა საკმაოდ დაბალია. მიუხედავად ამისა, ბრალდებულს შეეთავაზა სწრაფი ანტიგენის ტესტით ტესტირება, რაზეც უარი განაცხადა. გაფორმდა შესაბამისი ოქმიც. გავრცელებული ინფორმაცია იმის შესახებ, რომ ბრალდებულს ტემპერატურის მატება აღენიშნება, სიმართლეს არ შეესაბამება. ამ ეტაპზე მას ვირუსისთვის დამახასიათებელი სიმპტომები არ აღენიშნება და თავს კარგად გრძნობს. მედპერსონალისადმი რაიმე ჩივილების წარდგენის შემთხვევაში ჩაუტარდება პროტოკოლით გათვალისწინებული ყველა სამედიცინო გამოკვლევა და შესაბამისი მკურნალობა,"- აცხადებენ პენიტენციურ სამსახურში.
საქართველოსა და რუმინეთის საგარეო საქმეთა მინისტრებმა ხელი მოაწერეს სამინისტროებს შორის 2021-2022 წლის სამოქმედო გეგმას
საქართველოს საგარეო საქმეთა მინისტრმა დავით ზალკალიანმა და რუმინეთის საგარეო საქმეთა მინისტრმა ბოგდან აურესკუმ ხელი მოაწერეს 2021-2022 წლების სამოქმედო გეგმას საგარეო საქმეთა სამინისტროებს შორის. ხელმოწერის ცერემონია ქ. ბუქარესტში ორი ქვეყნის საგარეო საქმეთა მინისტრების შეხვედრის ფარგლებში გაიმართა. ამის შესახებ ინფორმაციას საგარეო საქმეთა სამინისტრო ავრცელებს. უწყების ცნობითმ შეხვედრაზე დავით ზალკალიანმა კოლეგას მადლობა გადაუხადა რუმინეთი-პოლონეთი-თურქეთის სამმხრივ მინისტერიალზე საქართველოს და უკრაინის მოწვევის გამო, რაც რუმინეთის მხრიდან საქართველოს მტკიცე მხარდაჭერის მორიგი დემონსტრირებაა. "მინისტრებმა ხაზი გაუსვეს საქართველო-რუმინეთის ახლო მეგობრობას და მჭიდრო პარტნიორობას შავი ზღვის რეგიონში, ისევე როგორც რუმინეთის მტკიცე მხარდაჭერას საქართველოს ევრო-ატლანტიკური მისწრაფებების და ქვეყნის სუვერენიტეტისა და ტერიტორიული მთლიანობის მიმართ. შეხვედრაზე განსაკუთრებული ყურადღება დაეთმო რეგიონის უსაფრთხოების გარემოს. მინისტრებმა მიმოიხილეს საქართველოს ოკუპირებულ რეგიონებში არსებული ვითარება და ხაზი გაუსვეს როგორც პარტნიორი ქვეყნების, ასევე ევროკავშირის ჩართულობის მნიშვნელობას ადგილზე უსაფრთხოების უზრუნველყოფის და კონფლიქტის მშვიდობიანი მოგვარების პროცესში. ხაზი გაესვა საქართველოს და რუმინეთის, როგორც შავი ზღვის აუზის ქვეყნების თანამშრომლობის მნიშვნელობას ტრანსპორტის, ენერგეტიკის და საერთაშორისო სატრანზიტო კავშირების განვითარების მიმართულებით. ამ მხრივ კიდევ ერთხელ აღინიშნა კასპია-შავი ზღვის საერთაშორისო სატრანსპორტო მარშრუტის შეთანხმება, რომელიც 4 ქვეყნის მონაწილეობით 2019 წელს ბუქარესტში გაფორმდა. მინისტრებმა ისაუბრეს საქართველოს მნიშვნელოვან როლზე ევროკავშირის ენერგოუსაფრთხოების და ევროპა-აზიის ეფექტიანი კავშირის უზრუნველყოფის კონტექსტში. ამ მხრივ საქართველოს საგარეო უწყების ხელმძღვანელმა ხაზი გაუსვა საქართველო-ევროკავშირის თანამშრომლობის ფარგლებში დაკავშირებათობის დიალოგის დაფუძნების მნიშვნელობას. საქართველო-ევროკავშირის ურთიერთობებზე საუბრისას მინისტრმა კოლეგას გაუზიარა საქართველოს პრიორიტეტები, მათ შორის 2024 წელს ევროკავშირში გაწევრიანების განაცხადის გაკეთების, ევროკავშირთან მეტი დაახლოებისა და ინტეგრაციის არსებული თუ ახალი შესაძლებლობების მაქსიმალურად გამოყენების და აღმოსავლეთ პარტნიორობის სამიტის მოლოდინებთან დაკავშირებით. ორმხრივ ურთიერთობებზე საუბრისას მინისტრებმა გამოთქვეს მზაობა აქტიურად იმუშაონ ახლო მომავალში საქართველოსა და რუმინეთს შორის სტრატეგიული დიალოგის ფორმატის დაფუძნების შესახებ შეთანხმების გაფორმებაზე", - ნათქვამია ინფორმაციაში.
ნათია თურნავა: ყველაფერს გავაკეთებთ, რომ ლოკდაუნის, მკაცრი შეზღუდვებისა და ბიზნესის დახურვის გარეშე გავიდეთ ფონს
"ყველაფერს გავაკეთებთ, რომ ლოკდაუნის, მკაცრი შეზღუდვებისა და ბიზნესის დახურვის გარეშე მაქსიმალურად გავიდეთ ფონს", - ამის შესახებ ეკონომიკის მინისტრმა ნათია თურნავამ ბიზნესის წარმომადგენლებთან შეხვედრის შემდეგ განაცხადა. "როგორც იცით, პრემიერ-მინისტრის გადაწყვეტილება, ჩვენი ხედვაა, რომ პანდემიის მიუხედავად ყველაფერს გავაკეთებთ, ლოკდაუნის გარეშე, მკაცრი შეზღუდვებისა და ბიზნესის დახურვის გარეშე, მათ შორის ტურისტული ინდუსტრიის შეზღუდვის გარეშე მაქსიმალურად გავიდეთ ფონს", - განაცხადა ეკონომიკის მინისტრმა.
