ახალი ამბები
კახა კალაძე: პატივს ვცემ ამომრჩეველთა ნებას, შეიძლება მეც რაღაც დავაკელი პროცესს, მეორე ტურისთვის მზად ვარ
"პირველი ადგილის დაკავების მიუხედავად 50%-იანი ბარიერის გადალახვა ვერ მოხერხდა. დღეს არ ვაპირებ იმ მიზეზების ჩამოთვლას რამ გამოიწვია ეს შედეგი, პოლიტიკური პროცესების დაძაბვამ, სხვადასხვა კანდიდატების მხრიდან ხმების გაყოფამ თუ სხვამ', - ამის შესახებ, "ქართული ოცნების" თბილისის მერობის კანდიდატმა კახა კალაძემ განაცხადა. მისი თქმით, გულწრფელად ეგონა, რომ პირველივე ტურში გაიმარჯვებდა, თუმცა მეორე ტურში მონაწილეობის მისაღებად მზად არის და დარწმუნებულია, რომ თბილისელების დახმარებით გამარჯვებას შეძლებს. "პირველი ადგილის დაკავების მიუხედავად 50%-იანი ბარიერის გადალახვა ვერ მოხერხდა. დღეს არ ვაპირებ იმ მიზეზების ჩამოთვლას რამ გამოიწვია ეს შედეგი, პოლიტიკური პროცესების დაძაბვამ, სხვადასხვა კანდიდატების მხრიდან ხმების გაყოფამ თუ სხვამ. ვიტყვი ერთს, მე პატივს ვცემ ამომრჩეველთა ნებას და ნებისმიერ გადაწყვეტილებას, რომელსაც თბილისელები საარჩევნო ყუთთან მიიღებენ. შეიძლება მეც რაღაც დავაკელი ამ პროცესს. შეიძლება მუშაობის პროცესში ყველა აქტუალურ საკითხზე ვერ გავამახვილე შესაბამისი ყურადღება, ამისთვის ბოდიში, მაგრამ მზად ვარ მივიღო მონაწილეობა მეორე ტურში და დარწმუნებული ვარ თბილისელების მხარდაჭერით და თანადგომით ჩვენ შევძლებთ გამარჯვებას. გულწრფელად ვიტყვი, ვფიქრობდი, რომ პირველივე ტურში გავიმარჯვებდით, ამის ყველა წინაპირობა არსებობდა, თუმცა ბოლო დღეების განმავლობაში ბევრი რამ, პოლიტიკური მოვლენები, შეიცვალა. ქართულმა ოცნებამ“ 48% აიღო, რაც ძალიან მნიშვნელოვანია. მთელი ქვეყნის მასშტაბით გაიმარჯვა „ქართულმა ოცნებამ“. ფაქტობრივად, ყველა იმ ოლქში, სადაც მეორე ტური იქნება, „ქართული ოცნება“ არის პირველ ადგილზე. რამდენიმე ოლქია, სადაც მეორე ადგილზე “ქართული ოცნებაა“, თუმცა, მეორე ტურები გაიმართება და დაველოდოთ შედეგებს. 48%-ის მოპოვება 10 წლის შემდეგ არის დამაჯერებელი გამარჯვება და ძალიან მნიშვნელოვანია", - განაცხადა კახა კალაძემ. ცენტრალური საარჩევნო კომისიის მიერ გამოქვეყნებული წინასწარი მონაცემებით, თბილისში "ქართული ოცნების" კანდიდატი კახა კალაძე 45,33%-ით ლიდერობს, "ნაციონალური მოძრაობის" კანდიდატმა ნიკა მელიამ კი ხმების 34,31% მიიღო. გიორგი გახარიამ - 9.03%. ცესკოს მიერ განახლებული მონაცემებით, ქვეყნის მასშტაბით, „ქართულ ოცნებას“ 47.83% აქვს, „ნაციონალურ მოძრაობას“ - 30.69%
საზღვრის უკანონო კვეთის ფაქტთან დაკავშირებით, პროკურატურა მიხეილ სააკაშვილს ბრალს დღეს არ წარუდგენს
პროკურატურა საქართველოს ყოფილ პრეზიდენტს მიხეილ სააკაშვილს საზღვრის უკანონო კვეთის ფაქტთან დაკავშირებით ბრალს, დღეს არ წაუყენებს. ექსპრეზიდენტი რუსთავის მე-12 პენიტენციურ დაწესებულებაში იმყოფება. შინაგან საქმეთა სამინიტრომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. გამოძიება საქართველოს სისხლის სამართლის კოდექსის 344-ე მუხლით მიმდინარეობს. შსს-ს ცნობით, საქმეზე აქტიურ რეჟიმში ტარდება ყველა საჭირო და საპროცესო საგამოძიებო მოქმედებები. ცნობისთვის, საქართველოს ყოფილი პრეზიდენტი მიხეილ სააკაშვილი პირველ ოქტომბერს თბილისში, ქვიშხეთის ქუჩაზე დააკავეს. იხეილ სააკაშვილი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. პროკურატურის განცხადებით, მიხეილ სააკაშვილი ბრალდებულია: „ტელეიმედის“ დარბევის, 7 ნოემბრის დარბევის და პატარკაციშვილების ქონების უკანონოდ დაუფლების, აგრეთვე, სახელმწიფო დაცვის სპეციალური სამსახურის კუთვნილი - 9 024 367 ლარის მისი პირადი მიზნებისთვის გაფლანგვის საქმეში. ამ საქმეებზე მიმდინარეობს განხილვა თბილისის საქალაქო სასამართლოში. 1 ოქტომბერს საქართველოს მესამე პრეზიდენტმა ფეისბუკზე დაწერა, რომ ის საქართველოშია. შინაგან საქმეთა სამინისტრო დღის პირველ ნახევარში, საგანგებო ბრიფინგზე აცხადებდა, რომ მიხეილ სააკაშვილს არ გადმოუკვეთავს საქართველოს საზღვარი და არ დაუტოვებია უკრაინის ტერიტორია. საღამოს კი, ასევე საგანგებო ბრიფინგზე, ცნობილი გახდა, რომ მიხეილ სააკაშვილი თბილისში დააკავეს.
საერთაშორისო გამჭვირვალობა: ჩვენმა დამკვირვებლებმა 160-მდე წვრილი და შედარებით სერიოზული დარღვევა აღმოაჩინეს
„საერთაშორისო გამჭვირვალობამ“ საქართველოს მუნიციპალიტეტის ორგანოთა 2021 წლის 2 ოქტომბრის არჩევნების დაკვირვების შედეგების შეაჯამა. როგორც ორგანიზაციაში აცხადებენ, არჩევნებს 300-მდე დამკვირვებლით გაუწია მონიტორინგი, რომლებმაც 160-მდე წვრილი და შედარებით სერიოზული დარღვევა აღმოაჩინეს, რის გამოც დაიწერა 30 საჩივარი. „წინასაარჩევნო პერიოდისა და არჩევნების დღის ანალიზი გვაფიქრებინებს, რომ ხელისუფლებას კვლავ არ გააჩნია არჩევნების მაღალი დემოკრატიული სტანდარტებით ჩატარების პოლიტიკური ნება და საარჩევნო რეფორმისას დასახული ამბიციური მიზნების მიღწევისგან ქვეყანა ჯერ კიდევ შორსაა. ჩვენმა დამკვირვებლებმა 160-მდე წვრილი და შედარებით სერიოზული დარღვევის შესახებ შეგვატყობინეს, რის გამოც დაიწერა 30 საჩივარი და მარნეულში ორი უბნის შედეგების გაუქმება მოვითხოვეთ“, – აცხადებენ „საერთაშორისო გამჭვირვალობაში“. ამასთან, ორგანიზაციის ინფორმაციით, ბევრი საარჩევნო უბნის გარეთ, მათ შორის კენჭისყრის შენობიდან 100 მეტრის მანძილზე კვლავ შეინიშნება პარტიული კოორდინატორების თავშეყრა, რაც საარჩევნო კოდექსში შესული ახალი ცვლილებებით, სამართალდარღვევას წარმოადგენს. „ასევე, დაფიქსირდა ერთი და იმავე პირის მიერ რამდენიმეჯერ ხმის მიცემის, დამკვირვებლებისთვის ხელის შეშლის, საარჩევნო უბნებზე კენჭისყრის ფარულობის დარღვევის, ჟურნალისტებზე შეურაცხყოფის, უბნებზე არაუფლებამოსილი პირების ყოფნისა და სხვა შემთხვევები. ცენტრალურმა საარჩევნო კომისიამ არჩევნების პირველადი წინასწარი შედეგები საარჩევნო უბნების დახურვიდან 11 საათზე მეტი ხნის შემდეგ წარადგინა, რაც მისივე პრაქტიკის გაუარესებაა. ერთი და იმავე პირის მიერ რამდენიმეჯერ ხმის მიცემა მარნეულის საარჩევნო ოლქის ორ და ნინოწმინდის ოლქის ერთ უბანზე ჩვენმა დამკვირვებლებმა ერთი და იმავე პირის მიერ ხმის რამდენიმეჯერ მიცემის რამდენიმე შემთხვევა დააფიქსირეს, რაც აღბეჭდეს ვიდეო/ფოტო კადრებზე“, – განაცხადეს „საერთაშორისო გამჭვირვალობაში“. „საერთაშორისო გამჭვირვალობაში“ ძალადობის რამდენიმე შემთხვევაზეც საუბრობენ. „საქართველოს ლეიბორისტული პარტიის“ წევრის, ალი ბადიროვის განცხადებით, მისი პარტიის ერთ-ერთი აგიტატორი „ქართული ოცნების” აგიტატორმა მუცლის არეში ცივი იარაღით დაჭრა და მიიმალა. დღის განმავლობაში რამდენიმე ჟურნალისტს საარჩევნო უბნების გარეთ სიტყვიერი და ფიზიკური შეურაცხყოფა მიაყენეს, რაც ბოლო ორი არჩევნების დროს პრობლემური ტენდენციის ხასიათი მიიღო“, – აცხადებენ არასამთავრობო ორგანიზაციაში. ასევე, „საერთაშორისო გამჭვირვალობაში“ აცხადებენ, რომ ზუგდიდის, საბურთალოს, ნაძალადევისა და ფოთის საარჩევნო ოლქების უბნებზე კენჭისყრის შემაჯამებელი ოქმის შედგენის პროცესი გაიწელა. „კომისიამ მხოლოდ ოქმის ასლი შეავსო, საოლქო საარჩევნო კომისიას გაუგზავნა და ორიგინალის შევსებისგან თავს იკავებდა. მსგავსი შემთხვევების შესახებ საუბრობდნენ „ერთიანი ნაციონალური მოძრაობის” წარმომადგენლებიც. შეიქმნა შთაბეჭდილება, რომ საუბნო საარჩევნო კომისიები წინასწარ იყვნენ გაფრთხილებული, შემაჯამებელი ოქმების შევსებამდე ისინი საოლქო კომისიებისთვის ეჩვენებინათ. მსგავს პრაქტიკას არ ითვალისწინებს საარჩევნო კოდექსი და საუბნო კომისიების კომპეტენციაში არაგონივრულ ჩარევად შეიძლება მივიჩნიოთ. როგორც კენჭისყრის, ისე არჩევნების შედეგების შეჯამების ეტაპზე ჩვენი დამკვირვებლის საქმიანობის შეფერხების, სიტყვიერი შეურაცხყოფისა და ზეწოლის ათამდე შემთხვევა დაფიქსირდა. ორგანიზაცია „კავშირი მწვანე დედამიწის” რამდენიმე დამკვირვებელი არღვევდა კენჭისყრის ფარულობას და ჩვენს დამკვირვებელს საქმიანობაში ხელს უშლიდა. ცესკოს ვებგვერდზე არსებული ინფორმაციით, ამ ორგანიზაციას ჯამში 3,213 დამკვირვებელი ჰყავს რეგისტრირებული. „საქართველოს პროფესიული განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირის“ დამკვირვებელმა ტოფიგ აკბეროვმა მარნეულის მე-13 უბანში რამდენჯერმე მისცა ხმა. ორგანიზაციას 894 დამკვირვებელი ჰყავს. “საზოგადოებრივი აზრის შემსწავლელი ცენტრის” წარმომადგენელი არღვევდა კენჭისყრის ფარულობას და სავარაუდოდ ზემოქმედებდა ამომრჩევლის ნებაზე. ამ ორგანიზაციას 483 დამკვირვებელი ჰყავს. ორგანიზაცია „საზოგადოებრივი გაერთიანება ჯერ საქართველომ” დამკვირვებლად დაარეგისტრირა „ქართული ოცნება-მრეწველების“ ახალციხის საკრებულოს ფრაქციის თავმჯდომარე, რომელიც კანონის დარღვევით იმყოფებოდა უბანზე – საკრებულოს წევრს ეკრძალება დამკვირვებლად ყოფნა. ამ ორგანიზაციას სულ 2,338 დამკვირვებელი ჰყავს დარეგისტრირებული“, – განაცხადეს „საერთაშორისო გამჭვირვალობაში“. „საერთაშორისო გამჭვირვალობის“ მონაცემებით, ხუთ უბანზე კენჭისყრის ფარულობის განმეორებით დარღვევებს ჰქონდა ადგილი, როდესაც კონკრეტული პირები საარჩევნო კაბინაში მიყვებოდნენ ამომრჩევლებს ან ქონდათ ამის მცდელობა. „დუშეთის ერთი უბნის გარეთ ჩვენმა დამკვირვებელმა ამომრჩევლის სავარაუდო მოსყიდვის ფაქტი დააფიქსირა. გარდა ამისა, მედიით გავრცელდა რამდენიმე სავარაუდოდ მსგავსი შემთხვევის შემცველი ფაქტი. თბილისის ოლქებში ახალი დიზაინის კენჭისყრის კაბინები იქნა გამოყენებული, რომელთა წინა ნაწილი ამოჭრილი იყო. ამ კაბინების გამოცდის მიზანი – აღეკვეთა ამომრჩევლის მიერ ბიულეტენისთვის ფოტოს გადაღების და მისი უბნიდან გატანის შემთხვევები, ლეგიტიმური იყო, თუმცა, განსაკუთრებით მცირე უბნებზე მსგავსი კაბინები დისკომფორტს უქმნიდა ამომრჩეველს კენჭისყრის ფარულობის დარღვევის რისკების გამო. მსგავსი კაბინების გამოყენება კიდევ უფრო პრობლემური შეიძლება იყოს რეგიონებში, სადაც ამომრჩეველი მეტად დაუცველია ზეწოლისგან“, – აცხადებენ ორგანიზაციაში. „საერთაშორისო გამჭვირვალობამ“ რამდენიმე რეკომენდაციაც გასცა, მათ შორის ორგანიზაციაში აცხადებენ, რომ სამართალდამცავმა ორგანოებმა სწრაფად და ეფექტიანად უნდა გამოიძიონ სისხლის სამართლის დანაშაულის ნიშნების შემცველი ყველა ფაქტი. „საუბნო საარჩევნო კომისიებმა კენჭისყრის შემაჯამებელი ოქმები რაც შეიძლება სწრაფად უნდა შეადგინონ, რათა არ გაჩნდეს ეჭვი, ამ პროცესში არაგონივრული ჩარევის თაობაზე; კენჭისყრის ფარულობის დარღვევის მაღალი რისკის გამო ახალი დიზაინის კაბინების გამოყენება გადახედვას საჭიროებს, თუმცა, მნიშვნელოვანია, გაგრძელდეს მსჯელობა ამომრჩევლის ნების კონტროლის საფრთხის შესამცირებლად; საჭიროა, საარჩევნო ადმინისტრაციის მოხელეთა კვალიფიკაციისა და სამუშაო ეთიკის შემდგომი ამაღლება, განსაკუთრებით საუბნო საარჩევნო კომისიების დონეზე“, – განაცხადა „საერთაშორისო გამჭვირვალობაში“.
ცესკოს მიერ განახლებული მონაცემებით, ქვეყნის მასშტაბით, „ქართულ ოცნებას“ 47.83% აქვს, „ნაციონალურ მოძრაობას“ - 30.69%
ცესკო-ს წინასწარი შედეგებით, ადგილობრივი თვითმმართველობის არჩევნებში ქვეყნის მასშტაბით პროპორციულ ნაწილში „ქართულ ოცნებას“ 47.83 პროცენტი აქვს, ხოლო „ნაციონალურ მოძრაობას“ 30.69 პროცენტი. ცენტრალური საარჩევნო კომისიის ინფორმაციით, სულ 3 743 უბნიდან მონაცემები დათვლილია 2 775 უბანზე, 74.14%. აღნიშნული მონაცემებით, „მესამე ძალა – სტრატეგია აღმაშენებელს“ 15 616 ხმა აქვს, (1.31 %); „ევროპული საქართველო – მოძრაობა თავისუფლებისთვის“ – 20 885 ხმა (1.75 %); „ერთიანი ნაციონალური მოძრაობა“ – 365 993 (30.69 %); „დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 17 093 (1.43 %); „ლელო“ – 31 196 (2.62 %); „შალვა ნათელაშვილი-საქართველოს ლეიბორისტული პარტია“ – 16 811 (1.41 %); გახარია – საქართველოსთვის – 89 233 (7.48 %); ქართული ოცნება – დემოკრატიული საქართველო – 570 391 (47.83 %); „ზურაბ გირჩი ჯაფარიძე: გირჩი – მეტი თავისუფლება“ 14 553 (1.22 %). სხვა პარტიებმა, ამ დროის მონაცემებით, ხმათა ერთ პროცენტზე ნაკლები მოაგროვეს.
ირაკლი კობახიძე: განსაკუთრებით საწყენია, რომ მეორე ტურის ჩატარება საჭირო გახდა თბილისშიც
„ქართული ოცნების“ მერობის კანდიდატებმა 64-დან 44 საარჩევნო ოლქში მოიგეს, მეორე ტურის ჩატარება საჭირო გახდა თბილისშიც, თუმცა ბუნებრივია, ეჭვი არავის გვეპარება, რომ კახა კალაძე საბოლოოდ მოიგებს ამ არჩევნებს, - ამის შესახებ „ქართული ოცნების“ თავმჯდომარემ ირაკლი კობახიძემ ბრიფინგზე განაცხადა. მისი თქმით, მეორე ტური მხოლოდ 20 მუნიციპალიტეტში ჩატარდება. როგორც კობახიძე აღნიშნავს, გამომდინარე იქიდან, რომ საარჩევნო უბნების სამი მეოთხედი უკვე დათვლილია, ეს მონაცემები არსებითად აღარ შეიცვლება. "როგორც უკვე მოგეხსენებათ, ცენტრალურმა საარჩევნო კომისიამ გამოაქვეყნა არჩევნების შედეგები, რომლის თანახმად „ქართულმა ოცნებამ“ დიდი უპირატესობით გაიმარჯვა ქვეყნის მასშტაბით. შეგახსენებთ, 2 775 საარჩევნო უბნის მონაცემებს: ქართული ოცნება - 47,83%; ნაციონალური მოძრაობა - 30,69%; საქართველოსთვის - 7,48%; ლელო - 2,62%; ევროპული საქართველო - 1,75%; პატრიოტთა ალიანსი - 1,43%; მესამე ძალა - 1,31%; გირჩი - მეტი თავისუფლება - 1,22%; ყველა სხვა პარტიამ ამომრჩეველთა ხმების 1 პროცენტზე ნაკლები მიიღო. „ქართული ოცნების“ მერობის კანდიდატებმა არჩევნები პირველივე ტურში მოიგეს 64-დან 44 საარჩევნო ოლქში. მეორე ტური ჩატარდება მხოლოდ 20 მუნიციპალიტეტში. ჩვენთვის განსაკუთრებით საწყენია, რომ მეორე ტურის ჩატარება საჭირო გახდა თბილისშიც. თუმცა, ბუნებრივია, ეჭვი არავის გვეპარება, რომ კახა კალაძე საბოლოოდ მოიგებს ამ არჩევნებს. ძალიან მნიშვნელოვანია, რომ კახა კალაძეს ეყოლება მყარი უმრავლესობა თბილისის საკრებულოში მომდევნო 4 წლის განმავლობაშიც. კერძოდ, ცესკოს წინასწარი მონაცემების თანახმად, „ქართული ოცნება“ თბილისის საკრებულოში სულ მცირე 29 წევრით იქნება წარმოდგენილი. როგორც მოგეხსენებათ, 26 წევრი სჭირდება უმრავლესობას თბილისის საკრებულოში. კიდევ ერთხელ აღვნიშნავთ, რომ „ქართული ოცნების“ გუშინდელი დამაჯერებელი გამარჯვება იყო საქართველოში მშვიდობის, სტაბილურობისა და განვითარების გამარჯვება. ქართულმა საზოგადოებამ რევანშს მოწყურებულ, სიცრუესა და სიძულვილზე აგებულ რადიკალურ პოლიტიკურ ძალებს გასცა საკადრისი პასუხი. საზოგადოებას ვპირდებით, რომ ჩვენი ყველა მერობის კანდიდატი გაიმარჯვებს 30 ოქტომბერს არჩევნების მეორე ტურში. კიდევ ერთხელ ვულოცავთ საზოგადოებას ჩვენს საერთო გამარჯვებას", - განაცხადა ირაკლი კობახიძემ.
ცესკოს მიერ განახლებული წინასწარი მონაცემებით, თბილისში „ქართულ ოცნებას“ 40.73 პროცენტი აქვს, „ნაციონალურ მოძრაობას“ 28.42
ცენტრალური საარჩევნო კომისია, თვითმმართველობის არჩევნებზე, თბილისში პროპორციულ არჩევნების განახლებულ მონაცემებს აქვეყნებს. განახლებული მონაცემების თანახმად, სულ 769 უბნიდან მონაცემები დათვლილია 428 უბანზე (55.66%). წინასწარი მონაცემებით, უკვე დათლილი ხმებიდან, „ქართულ ოცნებას“ 40.73 პროცენტი აქვს, „ნაციონალურ მოძრაობას“ 28.42 პროცენტი. აღნიშნული მონაცემებით, საარჩევნო სუბიექტებს შორის ხმები ასე გადანაწილდა: „მესამე ძალა-სტრატეგია აღმაშენებელი“ – 2 687 ხმა (1.04 %); „ევროპული საქართველო – მოძრაობა თავისუფლებისთვის“ – 2 791 (1.08 %); „ერთიანი ნაციონალური მოძრაობა“ – 73 346 (28.42 %); „ევროპელი დემოკრატები“ – 406 (0.16 %); „ალეკო ელისაშვილი – მოქალაქეები“ – 6 158 (2.39 %); „დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 4 388 (1.7 %); „ლელო“ – 9 038 (3.5 %); „შალვა ნათელაშვილი – საქართველოს ლეიბორისტული პარტია“ – 3 534 (1.37 %); საქართველო – 449 (0.17 %); „გოგი წულაია – ახალი ქრისტიან-დემოკრატები“ – 224 (0.09 %); „რეფორმერი“ – 176 (0.07 %); „ჯონდი ბაღათურია-ქართული დასი“ – 247 (0.1 %); „ევროპელი სოციალისტები“ – 113 (0.04 %); „საქართველოს განვითარების პარტია“ – 91 (0.04 %); „საქართველოს სოციალ-დემოკრატიული პარტია“ – 83 (0.03 %); გახარია – საქართველოსთვის 22 435 (8.69 %); „თავისუფალი არჩევანი – ახალი ალტერნატივა“ – 103 (0.04 %); „მამუკა ტუსკაძე-სოციალური სამართლიანობისათვის“ – 99 (0.04 %); მშრომელთა სოციალისტური პარტია – 149 (0.06 %); ერი – მირიან მირიანაშვილი – 276 (0.11 %); „ელენე ხოშტარია – დროა“ – 5 252 (2.04 %); „მემარცხენე ალიანსი“ – 65 (0.03 %); დავით ჭიჭინაძე – ტრიბუნა – 827 (0.32 %); „გირჩი“ – 3 988 (1.55 %); „თავისუფალი საქართველო (ზაზა ხატიაშვილი, კახა კუკავა, გრიგოლ ჯოჯუა)“ – 593 (0.23 %); ქართული ოცნება – დემოკრატიული საქართველო 105 100 (40.73 %); „მესამე გზა“ – 146 (0.06 %); „სახალხო პარტია“ – 563 (0.22 %); „ზურაბ გირჩი ჯაფარიძე: გირჩი – მეტი თავისუფლება“ 8 008 (3.1 %); „ანა დოლიძე – ხალხისთვის“ – 6 411 (2.48 %); „გაჩეჩილაძე – მწვანეთა პარტია“ – 307 (0.12 %). ცესკო: თვითმმართველობის არჩევნებში პარტია „ქართულმა ოცნებამ“ ხმების 48.56% აიღო, „ნაციონალურმა მოძრაობამ“ 31.23% ცესკოს წინასწარი მონაცემებით, კახა კალაძემ ხმების 45,33% მიიღო, ნიკა მელიამ - 34,2%, გიორგი გახარიამ - 9.07% ცესკო: 59 თვითმმართველი თემიდან, 15-ში, სავარაუდოდ, მერის არჩევნების მეორე ტური გაიმართება
1 164 ინფიცირების ახალი შემთხვევა, 33 გარდაცვლილი და 983 მძიმე პაციენტი
Stopcov.ge-ზე გამოქვეყნებული ინფორმაციის თანახმად, 22 107 ტესტის შედეგად, ინფიცირების 1 164 ახალი შემთხვევა გამოვლინდა, გამოჯანმრთელდა 2 292 პირი, დადებითობის დღიური მაჩვენებელი არის 5.27%. ბოლო 24 საათში კორონავირუსით გარდაცვალების 33 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 9 038 პირი ემსხვერპლა. ბოლო 24 საათში ვირუსისგან გამოჯანმრთელდა 2 292 პირი, ხოლო ჯამში გამოჯანმრთელებულთა რაოდენობა გაიზარდა 589 791. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 617 753-ს. ამ ეტაპზე ინფიცირების მიმდინარე აქტიური შემთხვევა 18 898 საიდანაც, 4 102 ადამიანი მკურნალობს საავადმყოფოში. დღევანდელი მონაცემებით, მძიმე პაციენტია 983 ადამიანი. ხელოვნური სუნთქვის აპარატზე იმყოფება 248 პაციენტი. 675 ადამიანი მოთავსებულია კლინიკურ-სასტუმროებში. 14 121 პაციენტი ვირუსის მკურნალობის კურსს გადის საცხოვრებელ ბინაში. საკარანტინე სივრცეებში მოთავსებულია 31 ადამიანი. სულ 6 ოქტომბრიდან - 2 ოქტომბრის პერიოდში, სახელმწიფო საზღვრიდან საკარანტინე სივრცეებში გადაყვანილია - 25 197 პირი. ამ ეტაპისთვის თვითიზოლაციაში იმყოფება 15 373 ადამიანი.
ცესკოს წინასწარი მონაცემებით, კახა კალაძემ ხმების 45,31% მიიღო, ნიკა მელიამ - 34,31%, გიორგი გახარიამ - 9.03%
ცენტრალური საარჩევნო კომისიის მიერ გამოქვეყნებული წინასწარი მონაცემებით, თბილისში "ქართული ოცნების" კანდიდატი კახა კალაძე 45,33%-ით ლიდერობს, "ნაციონალური მოძრაობის" კანდიდატმა ნიკა მელიამ კი ხმების 34,31% მიიღო. გიორგი გახარიამ - 9.03%. აღნიშნული მონაცემების გამოქვეყნების დროს, 2 ოქტომბრის თვითმმართველობის არჩევნებისთვის საქართველოში გახსნილი 3743 უბნიდან, დათვლილი იყო 1446 საარჩევნო უბანი, ხოლო დედაქალაქის 769 უბნიდან დათვლილია 428 უბანი - 55.66% ამ მონაცემებით თბილისის მერის არჩევნებში სხვა კანდიდატების მიერ აღებული ხმები ასე გადანაწილდა: ანა დოლიძე - 4.41%, ანა ბიბილაშვილი - 2.43%, თამარ კეკენაძე - 0.6%, გიორგი ლომია - 1.51%, მიხეილ ქუმსიშვილი - 0.81%, გიორგი ქუთათელაძე - 0.14%, თეიმურაზ ბობოხიძე - 0.08%, გიორგი ლაღიძე - 0.11%, არინზე რიჩარდ ოგბუნუჯუ - 0.58%, ქეთევანი ნაკაშიძე - 0.08%, ევგენი ღვინიაშვილი - 0.09%, ზაზა ხატიაშვილი - 0.38%, გიორგი გაჩეჩილაძე - 0.19%. ცესკო: თვითმმართველობის არჩევნებში პარტია „ქართულმა ოცნებამ“ ხმების 48.56% აიღო, „ნაციონალურმა მოძრაობამ“ 31.23%
რა შედეგები აჩვენეს სხვადასხვა ქალაქის მერობის კანდიდატებმა
ცენტრალურმა საარჩევნო კომისიამ თვითმმართველობის არჩევნების წინასწარი შედეგების განახლებული მონაცემები გამოაქვეყნა. ცესკოს თავმჯდომარე გიორგი კალანდარიშვილი, წინასწარი მონაცემების გამოქვეყნების დაგვიანების მიზეზები განმარტა და განაცხადა, რომ საარჩევნო ადმინისტრაციას არ ჰქონდა სრულად გადმოცემული კომისიების მიერ ყველა შესაბამისი ოქმი და ამიტომ ვერ მოხდა მისი დროულად მისი გამოქვეყნება. ცენტრალური საარჩევნო კომისიის წინასწარი მონაცემებით, თვითმმართველი ქალაქის მერობის კანდიდატების შედეგები ასე გამოიყურება: რუსთავი: დავით კირკიტაძე - "ნაციონალური მოძრაობა" - 43.81% ნინო ლაცაბიძე - "ქართული ოცნება" - 44,92% ბექა ლილუაშვილი - "საქართველოსთვის" - 6.7% ქუთაისი: ხატია დეკანოიძე - "ნაციონალური მოძრაობა" - 43.81% იოსები ხახალეიშვილი - "ქართული ოცნება" - 41.76% გიორგი გოგუაძე - "საქართველოსთვის" - 8.09% ფოთი: გიორგი უგულავა - "ნაციონალური მოძრაობა" - 37.44% ბექა ვაჭარაძე - "ქართული ოცნება" - 47.73% გიორგი აბსარიძე - "საქართველოსთვის" - 14.83% ბათუმი: გიორგი კირთაძე - "ნაციონალური მოძრაობა" - 43.6% არჩილ ჩიქოვანი - "ქართული ოცნება" - 41.07% ირაკლი მიქელაძე - "საქართველოსთვის" - 10.54% ცენტრალური საარჩევნო კომისიის ინფორმაციით, აღნიშნული შედეგების გამოქვეყნების დროს, 3 743 უბნიდან დათვლილი იყო, 1 446 საარჩევნო უბანი - 38.63%. ცესკო: თვითმმართველობის არჩევნებში პარტია „ქართულმა ოცნებამ“ ხმების 48.56% აიღო, „ნაციონალურმა მოძრაობამ“ 31.23% ცესკოს წინასწარი მონაცემებით, კახა კალაძემ ხმების 45,33% მიიღო, ნიკა მელიამ - 34,2%, გიორგი გახარიამ - 9.07% ცესკო: 59 თვითმმართველი თემიდან, 15-ში, სავარაუდოდ, მერის არჩევნების მეორე ტური გაიმართება
ცესკო: თვითმმართველობის არჩევნებში პარტია „ქართულმა ოცნებამ“ ხმების 48.56% აიღო, „ნაციონალურმა მოძრაობამ“ 31.23%
წინასწარი შედეგებით, ადგილობრივი თვითმმართველობის არჩევნებში ქვეყნის მასშტაბით, პარტია „ქართულ ოცნებას“ 48.56% აქვს, „ნაციონალურ მოძრაობას“ 31.23%. ცენტრალური საარჩევნო კომისიის ინფორმაციით, აღნიშნული შედეგების გამოქვეყნების დროს, 3 743 უბნიდან დათვლილი იყო, 1 446 საარჩევნო უბანი - 38.63%. ამის შესახებ ცენტრალური საარჩევნო კომისიის მიერ გავრცელებულ ადგილობრივი თვითმმართველობის არჩევნების წინასწარ შედეგებშია აღნიშნული. რაც შეეხება სხვა პარტიებს, პარტიამ „გახარია – საქართველოსთვის“ 33 567 ხმა, ხმების 6.87 % მიიღო, „ლელო“ 12 690 ადამიანმა შემოხაზა და სააღცევნო ხმების 2.6% აიღო. დანარჩენმა სარჩევნო სუბიექტებმა ხმების 2%-ზე ნაკლები აიღეს. შეგახსენებთ, ოპოზიციის დიდი ნაწილი 2 ოქტომბრის ადგილობრივ არჩევნებს, რეფერენდუმად განიხილავს და დარწმუნებულია, რომ ადგილობრივ არჩევნებში დამარცხების შემდეგ, მმართველ ძალას ვადამდელი არჩევნების დანიშვნა მოუწევს. „ჩვენ ვაპირებთ გამარჯვებას, ბრძოლას თითოეული ამომრჩევლის ხმის დასაცავად და შემდეგ კოალიციური მმართველობისთვის მზადებას“, - აღნიშნა „ნაციონალური მოძრაობის“ თავმჯდომარე ნიკა მელიამ 29 სექტემბერს, კოლეგებთან ერთად გამართულ პრესკონფერენციაზე. თავის მხრივ, „ქართული ოცნება“ გამარჯვებაში დარწმუნებულია და აცხადებს, რომ ვადამდელ არჩევნებს არ განიხილავს.
ცესკო: 59 თვითმმართველი თემიდან, 15-ში, სავარაუდოდ, მერის არჩევნების მეორე ტური გაიმართება
ცესკოს წინასწარი შედეგებით, ადგილობრივი თვითმმართველობის არჩევნებში, ქვეყნის მასშტაბით, „ქართულ ოცნებას“ ხმების 48.56% აქვს მიღებული, „ნაცმოძრაობას“ 31.23%. ამის შესახებ ცენტრალური საარჩევნო კომისიის მიერ გავრცელებულ ადგილობრივი თვითმმართველობის არჩევნების წინასწარ შედეგებშია აღნიშნული. ცენტრალური საარჩევნო კომისიის წინასწარი მონაცემებით, 59 თვითმმართველი თემიდან, 15-ში, სავარაუდოდ, მერის არჩევნების მეორე ტური გაიმართება. კერძოდ, ამ დროისთვის არსებული მონაცემებით, 50%-იანი ბარიერის გადალახვას ვერ ახერხებენ კანდიდატები შემდეგ თვითმმართველ თემებში: თელავი, თიანეთი, ქარელი, ხაშური, ცაგერი, ბაღდათი, წყალტუბო, ოზურგეთი, სენაკი, მარტვილი, ხობი, ზუგდიდი, წალენჯიხა, ჩხოროწყუ, ხელვაჩაური. აღსანიშნავია, რომ აღნიშნული 15 ქალაქიდან, 13-ში, მერის არჩევნებში, „ქართული ოცნების“ კანდიდატი ლიდერობს, ორში კი, კერძოდ, ზუგდიდსა და წალენჯიხაში „ნაციონალური მოძრაობის“ კანდიდატები. ამასთან, თიანეთში, მერის არჩევნებში, სავარაუდოდ, მეორე ტური „ქართული ოცნების“ კანდიდატსა და თამაზ მეჭიაურს შორის გაიმართება, ცაგერში კი „ქართული ოცნებისა“ და გიორგი გახარიას პარტია „საქართველოსთვის“ კანდიდატს შორის. რაც შეეხება თვითმმართველ თემებს, სადაც სავარაუდოდ, გამარჯვებული მერი არჩევნების პირველივე ტურში შეიძლება გამოვლინდეს, ესენია: საგარეჯო, გურჯაანი, სიღნაღი, დედოფლისწყარო, ლაგოდეხი, ყვარელი, ახმეტა, გარდაბანი, მარნეული, ბოლნისი, დმანისი, წალკა, თეთრიწყარო, მცხეთა, დუშეთი, ყაზბეგი, კასპი, გორი, ბორჯომი, ახალციხე, ადიგენი, ასპინძა, ახალქალაქი, ნინოწმინდა, ონი, ამბროლაური, ლენტეხი, მესტია, ხარაგაული, თერჯოლა, საჩხერე, ზესტაფონი, ვანი, სამტრედია, ხონი, ჭიათურა, ტყიბული, ლანჩხუთი, ჩოხატაური, აბაშა, ქედა, ქობულეთი, შუახევი და ხულო. აღნიშნულ 44-ვე ქალაქში მერის არჩევნებში, წინასწარი ინფორმაციით, „ქართული ოცნების“ კანდიდატები ლიდერობენ. ჯამში, წინასწარი მონაცემებით, 59 თვითმმართველი ქალაქიდან, 44-ში მერის არჩევნები, სავარაუდოდ, პირველივე ტურში დასრულდება. ცესკო-ს წინასწარი ინფორმაციით, სულ 3 743 უბნიდან დათვლილია 1 446 უბნის მონაცემები (38.63%). აღნიშნული მონაცემებით, „ქართულ ოცნება – დემოკრატიულ საქართველოს“ მიღებული აქვს 237 389 ხმა (48.56 %), „ერთიან ნაციონალურ მოძრაობას“ 152 665 (31.23%), „გახარია – საქართველოსთვის“ 33 567 (6.87 %), „ლელოს“ 12 690 (2.6%). დანარჩენმა სარჩევნო სუბიექტებმა ხმების 2%-ზე ნაკლები აიღეს.
ცესკო: თბილისში „ქართულ ოცნებას“ 40.64% აქვს, „ნაციონალურ მოძრაობას“ 29.38%
ცესკო-ს წინასწარი შედეგებით, თბილისში არჩევნებში „ქართულ ოცნებას“ 40.64% აქვს, „ნაცმოძრაობას“ 29.38%. ამის შესახებ ცენტრალური საარჩევნო კომისიის მიერ ადგილობრივი თვითმმართველობის არჩევნების წინასწარ შედეგებშია აღნიშნული. ცესკო-ს წინასწარი მონაცემებით, სულ 769 უბნიდან მონაცემები დათვლილია 163 უბანზე (21.2%). აღნიშნული მონაცემებით, „ქართული ოცნება – დემოკრატიული საქართველოს“ მიღებული აქვს 36 906 ხმა (40.64 %), „ერთიან ნაციონალურ მოძრაობას“ 26 683 (29.38%), „გახარია – საქართველოსთვის“ 7 708 (8.49 %), „ლელო“ 3 059 (3.37%), „ზურაბ გირჩი ჯაფარიძე: გირჩი – მეტი თავისუფლებას“ 2 715 (2.99%), „ანა დოლიძე – ხალხისთვის“ 2149 (2.37%), „ალეკო ელისაშვილი – მოქალაქეებს“ 2 034 ხმა (2.24%). დანარჩენმა საარჩევნო სუბიექტებმა ხმების ორ პროცენტზე ნაკლები აიღეს. ოპოზიცია დიდ ქალაქებში გამარჯვების შესახებ, უმეტეს ოლქებში კი მეორე ტურზე მიუთითებს. შეგახსენებთ, ოპოზიციის დიდი ნაწილი 2 ოქტომბრის ადგილობრივ არჩევნებს რეფერენდუმად განიხილავს და დარწმუნებულია, რომ ადგილობრივ არჩევნებში დამარცხების შემდეგ, მმართველ ძალას ვადამდელი არჩევნების დანიშვნა მოუწევს. „ჩვენ ვაპირებთ გამარჯვებას, ბრძოლას თითოეული ამომრჩევლის ხმის დასაცავად და შემდეგ კოალიციური მმართველობისთვის მზადებას“, - აღნიშნა „ნაციონალური მოძრაობის“ თავმჯდომარე ნიკა მელიამ 29 სექტემბერს, კოლეგებთან ერთად გამართულ პრესკონფერენციაზე. თავის მხრივ, „ქართული ოცნება“ გამარჯვებაში დარწმუნებულია და აცხადებს, რომ ვადამდელ არჩევნებს არ განიხილავს.
ცესკოს თავმჯდომარე არჩევნების შედეგების გამოქვეყნების დაგვიანების მიზეზებს განმარტავს
ცენტრალური საარჩევნო კომისიის თავმჯდომარე გიორგი კალანდარიშვილი, ცესკო-ს ვებ-გვერდზე არჩევნების შედეგების, წინასწარი მონაცემების გამოქვეყნების დაგვიანების მიზეზებს განმარტავს. კალანდარიშვილის განმარტებით, მაღალი პასუხისმგებლობიდან გამომდინარე, რადგან საარჩევნო ადმინისტრაციას არ ჰქონდა სრულად გადმოცემული კომისიების მიერ ყველა შესაბამისი ოქმი, ვერ მოხდა მისი გამოქვეყნება. „უკვე დილით შვიდი საათია და მინდა, გარკვეული ინფორმაცია მოგაწოდოთ შემაჯამებელი ოქმების გადმოცემის პროცესებთან დაკავშირებით და წინასწარი მონაცემები, რომელიც გარკვეული უბნების მიხედვით გააჩნია ცესკო-ს. მიუხედავად იმისა, რომ ჩვენ ცოტა შევყოვნდით გამოქვეყნების ჭრილში, მინდა აღვნიშნო, რომ ყველა შემაჯამებელი ოქმი, რომელიც მოგვეწოდება საოლქო საარჩევნო კომისიების მხრიდან, განთავსებული იყო ჩენს ვეგბგვერდზე. ყველას ჰქონდა შესაძლებლობა, გასცნობოდა ამ ოქმებს და გაეკეთებინათ დაჯამება. არსებობს მაღალი საჯარო ინტერესი ამ არჩევნებთან მიმართებაში, მის შედეგებზე. შესაბამისად, ჩვენ გვინდოდა, რომ ის წინასწარი მონაცემები, რომელსაც გარკვეულ დროს გამოვაცხადებდით, ამ მონაცემებს აესახა მაქსიმალურად პროპორციული ხმათა რაოდენობა ყველა საარჩევნო ოლქიდან. რისი შესაძლებლობაც ჩვენ ამ დრომდე რეალურად არ გვქონდა, რადგან ჯერ კიდევ შემაჯამებელი ოქმები წარდგენილი არ არის და არ არის გადმოცემული ყველა ოქმი, რომ უფრო ფართო სურათი გაგვეზიარებინა თქვენთვის. მაღალი პასუხისმგებლობიდან გამომდინარე გვსურდა, რომ წინასწარის წინა მონაცემები ყოფილიყო რეპრეზენტატული და აქედან გამომდინარე, ჩვენ ველოდებოდით შესაბამის ოქმებს, ყველა საარჩევნო ოლქიდან, რომელიც გარკეულწილად უზრუნველყოფდა ამ პროპორციების დაცვას“, – განაცხადა გიორგი კალანდარიშვილმა. ცესკო-ს თავმჯდომარემ საზოგადოებას გააცნო ინფორმაცია შვიდი საათის მდგომარეობის შესული შემაჯამებელი ოქმების მიხედვით.
ცესკო: წინასწარი მონაცემებით, ფოთის მერის არჩევნებში "ქართული ოცნების" კანდიდატს 47,73% აქვს, გიგი უგულავას - 37,44%
ცენტრალური საარჩევნო კომისიის წინასწარი მონაცემებით, ფოთის მერის არჩევნებში „ქართული ოცნების“ კანდიდატ ბექა ვაჭარაძეს ხმების 47,73% აქვს, „ნაციონალური მოძრაობის“ მერობის კანდიდატ გიგი უგულავას 37,44%, ხოლო „გახარია – საქართველოსთვის“ კანდიდატმა, გიორგი აბსარიძემ 14,83 % მიიღო. ცესკო-ს წინასწარი მონაცემებით, ფოთში 33 უბნიდან მონაცემები დათვლილია 18 უბანზე (54.55%). მმართველი პარტია რიგ ოლქებში, 10 რაიონში მეორე ტურს პროგნოზირებს, უფრო ადრე კი "ქართულმა ოცნებამ" ტელეკომპანია "იმედის" დაკვეთით, "გორბის" მიერ ჩატარებული ეგზით პოლის შედეგები პარტიის ოფისთან მოწყობილ სივრცეში იზეიმა. "ქართულ ოცნებაში" გამართულ ბრიფინგზე ასევე ითქვა, რომ ვებგვერდზე, რომელზეც პარალელური დათვლის შედეგებს ტვირთავენ, ჰაკერული შეტევაა. ოპოზიცია დიდ ქალაქებში გამარჯვების შესახებ, უმეტეს ოლქებში კი მეორე ტურზე მიუთითებს. შეგახსენებთ, ოპოზიციის დიდი ნაწილი 2 ოქტომბრის ადგილობრივ არჩევნებს რეფერენდუმად განიხილავს და დარწმუნებულია, რომ ადგილობრივ არჩევნებში დამარცხების შემდეგ, მმართველ ძალას ვადამდელი არჩევნების დანიშვნა მოუწევს. „ჩვენ ვაპირებთ გამარჯვებას, ბრძოლას თითოეული ამომრჩევლის ხმის დასაცავად და შემდეგ კოალიციური მმართველობისთვის მზადებას“, - აღნიშნა „ნაციონალური მოძრაობის“ თავმჯდომარე ნიკა მელიამ 29 სექტემბერს, კოლეგებთან ერთად გამართულ პრესკონფერენციაზე. თავის მხრივ, „ქართული ოცნება“ გამარჯვებაში დარწმუნებულია და აცხადებს, რომ ვადამდელ არჩევნებს არ განიხილავს. ცესკო: ბათუმში ნაციონალური მოძრაობის კანდიდატი 42,34%-ით ლიდერობს, "ქართული ოცნების კანდიდატმა 41,49% მიიღო
ცესკო: ბათუმში ნაციონალური მოძრაობის კანდიდატი 42,34%-ით ლიდერობს, "ქართული ოცნების კანდიდატმა 41,49% მიიღო
ცესკო-ს წინასწარი შედეგებით, ბათუმში არჩევნებში „ნაციონალური მოძრაობის“ მერობის კანდიდატ გიორგი კირთაძეს მიღებული აქვს ხმების 42,34%, „ქართული ოცნების“ კანდიდატ არჩილ ჩიქოვანს – 41,49%. ამის შესახებ ცენტრალური საარჩევნო კომისიის ადგილობრივი თვითმმართველობის არჩევნების წინასწარ შედეგებშია აღნიშნული. ცესკო-ს წინასწარი მონაცემებით, ბათუმში 105 უბნიდან მონაცემები დათვლილია 34 უბანზე (32.38%)
ISFED: გამოიკვეთა ცალკეული ტენდენცია, რომელიც არჩევნების გარემოზე უარყოფითად აისახა
„სამართლიანმა არჩევნებმა“ კენჭისყრის პროცესი შეაჯამა, საარჩევნო უბნების უმრავლესობაში კენჭისყრის პროცესი მშვიდ გარემოში, თუმცა პროცედურების დარღვევით მიმდინარეობდა. ISFED-ის აღმასრულებელი დირექტორის, ნინო დოლიძის განცხადებით, გამოიკვეთა ცალკეული ტენდენცია, რომელიც არჩევნების გარემოზე უარყოფითად აისახა, კერძოდ, ხმის მიცემის ფარულობის დარღვევა, უბანზე ამომრჩეველთა აღრიცხვა და არასათანადო დოკუმენტის საფუძველზე ხმის მიცემა. „სამართლიანი არჩევნების“ ცნობით, დღის ბოლოს აქტივობამ მთელი ქვეყნის მასშტაბით 51.3% შეადგინა, რაც წინა ადგილობრივი თვითმმართველობის არჩევნებთან შედარებით გაუმჯობესებულია; თბილისში აქტივობა 48.6% იყო, ხოლო რეგიონებში 52.5%. „საარჩევნო დღე შეგვიძლია ორ ნაწილად გავყოთ. ერთი კენჭისყრის პროცესი, უშუალოდ საუბნო საარჩევნო კომისიებში და მეორე საუბნო საარჩევნო კომისიის გარეთ მიმდინარე პროცესები. ასეთი ტენდენციები იყო ხმის მიცემის ფარულობის დარღვევა, უბანზე ამომრჩეველთა აღრიცხვა, არასათანადო დოკუმენტის საფუძველზე ხმის მიცემა. ასევე მარკირების პროცედურის გავლის და შემოწმების პროცესების დარღვევა და სხვადასხვა პროცედურული დარღვევა. მიუხედავად იმისა, რომ უბნის შიგნით ძირითადად მშვიდ გარემოში და პროცედურების დარღვევით მიმდინარეობდა, უფრო მეტი პრობლემა დავაფიქსირეთ უბნის გარე პერიმეტრზე. ბევრ შემთხვევაში ადგილი ჰქონდა არაერთჯერად ტრანსპორტირებას საარჩევნო უბნამდე, ასევე საარჩევნო უბნების ნაწილთან პარტიების კოორდინატორების გაურკვეველი ორგანიზაციების და დაუდგენელი პირების შეკრებას, რომლებიც უბნის მიმდებარე ტერიტორიაზე იყვნენ, აღრიცხავდნენ ამომრჩეველს და დამაშინებელ გარემოს ქმნიდნენ. ზოგ შემთხვევაში, იქ მყოფი პირები კომუნიკაციაში შედიოდნენ ამომრჩეველთან, შემდეგ სხვებს ურეკავდნენ აღრიცხვასთან დაკავშირებულ ინფორმაციაზე. ამომრჩევლის აღრიცხვა ხდებოდა, როგორც 100 მეტრის რადიუსში, ასევე 100 მეტრის გარეთაც“, - განაცხადა ნინო დოლიძემ. მისივე თქმით, უბნის გარეთ მოსყიდვის 7 შემთხვევა დააფიქსირეს.
მმართველი პარტია რიგ ოლქებში მეორე ტურს არ გამორიცხავს, ოპოზიცია დიდ ქალაქებში გამარჯვებაზე მიუთითებს
საარჩევნო უბნების დახურვიდან 8 საათის შემდეგ, ცესკოს ოფიციალური პირველადი შედეგები უცნობია. მანამდე, საარჩევნო ადმინისტრაციამ განმარტება გაავრცელა, რომელშიც ნათქვამია, რომ კენჭისყრის მონაცემების პირველადი შედეგების გამოქვეყნების ოტპიმალურ დროდ, საარჩევნო უბნების დახურვიდან 7-8 საათი ითვლება. ვვებგვერდზე ამჟამად განთავსებულია ოქმების ნაწილი, თუმცა დაჯამებული სახით მონაცემები ცნობილი არ არის. პარალელურად, მმართველი პარტია რიგ ოლქებში, 10 რაიონში მეორე ტურს პროგნოზირებს, უფრო ადრე კი "ქართულმა ოცნებამ" ტელეკომპანია "იმედის" დაკვეთით, "გორბის" მიერ ჩატარებული ეგზით პოლის შედეგები პარტიის ოფისთან მოწყობილ სივრცეში იზეიმა. "ქართულ ოცნებაში" გამართულ ბრიფინგზე ასევე ითქვა, რომ ვებგვერდზე, რომელზეც პარალელური დათვლის შედეგებს ტვირთავენ, ჰაკერული შეტევაა. ოპოზიცია დიდ ქალაქებში გამარჯვების შესახებ, უმეტეს ოლქებში კი მეორე ტურზე მიუთითებს. შეგახსენებთ, ოპოზიციის დიდი ნაწილი 2 ოქტომბრის ადგილობრივ არჩევნებს რეფერენდუმად განიხილავს და დარწმუნებულია, რომ ადგილობრივ არჩევნებში დამარცხების შემდეგ, მმართველ ძალას ვადამდელი არჩევნების დანიშვნა მოუწევს. „ჩვენ ვაპირებთ გამარჯვებას, ბრძოლას თითოეული ამომრჩევლის ხმის დასაცავად და შემდეგ კოალიციური მმართველობისთვის მზადებას“, - აღნიშნა „ნაციონალური მოძრაობის“ თავმჯდომარე ნიკა მელიამ 29 სექტემბერს, კოლეგებთან ერთად გამართულ პრესკონფერენციაზე. თავის მხრივ, „ქართული ოცნება“ გამარჯვებაში დარწმუნებულია და აცხადებს, რომ ვადამდელ არჩევნებს არ განიხილავს.
საერთაშორისო დამკვირვებელი: გაყალბების საწინააღმდეგო ზომები იყო ძალიან მაღალ დონეზე გამოყენებული
გაყალბების საწინააღმდეგო ზომები იყო ძალიან მაღალ დონეზე გამოყენებული, - ამის შესახებ საერთაშორისო დამკვირვებელმა, „თავისუფლების და სოლიდარობის ფონდის“ წარმომადგენელმა ივარს ბანდონისმა ცესკოში გამართულ ბრიფინგზე განაცხადა. მისივე შეფასებით, სერვისი ყველა საარჩევნო უბანზე გაწეული იყო ერთიდაიმავე დონეზე, მაღალი სტანდარტით. „დაახლოებით, 8 -9 საარჩევნო ოლქის მონახულება შევძელი და რაც შევნიშნე, გახლდათ ის, რომ მაღალი დონის აქტიურობა და ჩართულობა იყო საერთაშორისო დამკვირვებლების და ორგანიზაციების მხრიდან. ჩემი შეფასება იქნებოდა ასეთი, რომ ყველაფერი იყო ძალიან გამჭვირვალედ განხორციელებული და ფაქტობრივად, შეცდომის რაიმე სივრცე არ არსებობდა. შემდეგი ფაქტორი, რაზეც ყურადღების გამახვილება მსურს არის ანტიიდენტობის, ყალბი იდენტობის ფაქტორი - ყველა საარჩევნო უბნის შესასვლელთან დავაკვირდით პირადობების შემოწმების პროცესს და ფაქტიურად, ყველა ამომრჩევლის პირადობა მოწმდებოდა. ყველა ამომრჩეველი გადიოდა მარკირების პროცესს. ასევე, ბიულეტენის გადაცემისთანავე ხდებოდა ამომრჩევლის რეგისტრაცია და მისი ფოტოს იდენტობის შემოწმება. ზემოაღნიშნული სამი ასპექტი მოემსახურა იმ ფაქტს, რომ თავიდან ყოფილიყო არიდებული რაიმე გაყალბება. გაყალბების საწინააღმდეგო ზომები იყო ძალიან მაღალ დონეზე გამოყენებული. ჩვენ მოვინახულეთ ქალაქგარეთ, სამხრეთ ნაწილში მდებარე საარჩევნო უბნები და საარჩევნო პროცესი აქაც ძალიან კარგად ორგანიზებული იყო. სერვისი ყველა საარჩევნო უბანზე გაწეული იყო ერთიდაიმავე დონეზე, მაღალი სტანდარტით“, - განაცხადა ივარს ბანდონისმა. წყარო - ინტერპრესნიუსი
ცნობილია Ipsos-ის და Edison Research-ის საბოლოო შედეგები
ფორმულას დაკვეთით შესრულებული Edison Research-ის ეგზიტპოლის მიხედვით, პარტიების შედეგები პროპორციულ ნაწილში 20:00 საათისთვის თბილისის მასშტაბით ასე გადანაწილდა: ქართული ოცნება - დემოკრატიული საქართველო N41 - 41% ერთიანი ნაციონალური მოძრაობა N5 - 31% საქართველოსთვის - N25 - 7% გირჩი - მეტი თავისუფლება - N45 - 5% ლელო N9 - 3%; ალეკო ელისაშვილი - მოქალაქეები N7 - 2%; მოძრაობა ხალხისთვის N48 - 2%; გირჩი N36 - 2%; დროა N32 - 2%; ევროპული საქართველო N2 - 2% ლეიბორისტული პარტია N10 - 1%; მესამე ძალა N1 - 1% ეგზიტპოლის ფარგლებში გამოიკითხა 14 660 ადამიანი, 95%-იანი სანდოობისთვის ცდომილება +/- 2%-ია. თბილისის მერობის კანდიდატების მიერ მიღებული ხმები 20:00 საათისთვის ასე განაწილდა: კახა კალაძე, ქართული ოცნება N41 - 44% ნიკა მელია, ერთიანი ნაციონალური მოძრაობა N5 - 40% გიორგი გახარია, საქართველოსთვის N25 - 7% თუ ეს შედეგები დადასტურდება, თბილისში მეორე ტური შედგება კახა კალაძეს და ნიკა მელიას შორის. რაც შეეხება სხვა კანდიდატებს, ედისონ რისერჩის ეგზითპოლის მიხედვით: ანა დოლიძე, მოძრაობა ხალხისთვის N48 - 5%; თამარ კეკენაძე - მესამე ძალა - 1% გიორგი ლომია, პატრიოტთა ალიანსი N8 - 1%; ანა ბიბილაშვილი, ლელო N9 - 1%; რინზე რიჩარდ ოგბუნუჯუ N23 - 1% გარდა ამისა, IPSOS-მა „მთავარი არხის" დაკვეთით ჩაატარა გამოკითხვა. შესაძლო ცდომილების ფარგლები. + - 3% ქართული ოცნება - 38,5% ერთიანი ნაციონალური მოძრაობა - 31,9% საქართველოსთვის - 7,7 % გირჩი - მეტი თავისუფლება - 4,8 % ლელო - 3,7% ხალხისთვის - 2,3% გირჩი - 2,2% მოქალაქეები - 1,3% ევროპული საქართველო - 1,0 % სხვა პარტიები - 6,6% მერობის კანდიდატები: კახა კალაძე - 40,5 % ნიკა მელია - 39,9 % გიორგი გახარია - 8,9 % ანა დოლიძე - 4,1 % ანა ბიბილაშვილი - 2,5 % სხვა კანდიდატები - 4,1% ამავე თემაზე: სამი ეგზითპოლის შედეგები გამოქვეყნდა
საოლქო საარჩევნო კომისიებში სულ 366 საჩივარი შევიდა
ცესკოს მონაცემებით, საოლქო საარჩევნო კომისიებში სულ 366 საჩივარი შევიდა. ადმინისტრაციის განმარტაბით, მათი უმრავლესობა ძირითადად პროცედურულ ხარვეზებს შეეხება და მოთხოვნილია კომისიის წევრებისთვის დისციპლინური პასუხისმგებლობის დაკისრება. „დეტალურ ინფორმაციას საჩივრებთან დაკავშირებით, მოგვიანებით მოგაწვდით. საარჩევნო ადმინისტრაციისთვის სწორედ ახლა იწყება განსაკუთრებული, საპასუხისმგებლო -ხმის დათვლის ეტაპი“, - აღნიშნა ცესკოს პრესსპიკერმა ბრიფინგზე.
